bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Javanese
/
Javanese KJS17 (Kitab Jawa Suriname)
/
Numbers 23
Numbers 23
Javanese KJS17 (Kitab Jawa Suriname)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
1
Biléam terus ngomong marang Balak: “Sak iki ing kéné kula sampéyan nggawèké mesbèh pitu, lan kula uga sampéyan tyawiské sapi lanang nom pitu lan wedus gèmbèl lanang ya pitu.”
2
Balak terus nindakké kaya sing dadi penjaluké Biléam, lan terus pada masrahaké kurban ing saben mesbèh rupa sapi siji lan wedus siji.
3
Biléam terus ngomong marang Balak: “Sampéyan kula njaluk ngadek ing tyedaké kurban obongan sampéyan, nanging kula bakal lunga; menawa kula bakal ditemoni karo GUSTI, terus ngomongi apa sing diomongké marang kula, kuwi bakal kula omongaké marang sampéyan.” Sakwisé mengkono Biléam terus munggah ing gunung sing gundul.
4
Gusti Allah terus nemoni Biléam; Biléam terus ngomong marang Panjenengané: “mesbèh pitu kuwi wis kula tyawiské, lan ing saben mesbèh kula kurbané sapi lanang nom siji karo wedus gèmbèl lanang siji.”
5
GUSTI terus ngisèni tembung ing tutuké Biléam lan ngetokké tembung: “Kowé balia menyang ngarepé Balak lan ngomonga mengkono kuwi.”
6
Sak tekané ing ngarepé Balak, ketemu ijik ngadek sandingé kurbané obongan, bebarengan karo penggedéné bangsa Moab.
7
Biléam terus ngutyapké kidungé: “Balak ratu ing Moab, nekaké aku sangka negara Aram, sangka pegunungan wétan, tembungé: Kowé tekaa, aku tulungana, mbendu Yakub, lan tekaa, sepatani Israèl.
8
Kepriyé bisané mbendu, sing ora dibendu karo Gusti Allah? Kepriyé enggonku mbendu marang sing ora dibendu karo GUSTI?
9
Awit bangsa kuwi tak deleng sangka putyuké gunung-gunung tak sawang sangka pegunungan. Kuwi bangsa sing manggon déwé, lan ora gelem diitung kegolong karo tunggalé bangsa liyané.
10
Sapa sing bisa ngitung lebuné Yakub, utawa sapa sing bisa ngitungi golongané Israèl? Enggonku mati supaya bisa kaya patiné wong sing jujur, lan pungkasané uripmu kayaa pungkasané wong kuwi!”
11
Ing kono tembungé Balak marang Biléam: “Kepriyé tumindakmu marang aku iki? Enggonku nekakké kowé kuwi tak kongkon mbendu mungsuhku, nanging malah kok berkahi!”
12
Tembung semauré Biléam: “Kula kudu ngomongké apa sing diisèkké karo GUSTI ing tutuk kula!”
13
Balak terus ngomong marang Biléam: “Hayuk, kowé mèlua aku menyang panggonan liyané, sangka kono kowé bisa nyawang bangsa kuwi; sing kétok kuwi mung pungkasané tarupé waé, ora kétok sak kabèhé; terus aku tulungana, mbendu bangsa kuwi sangka kono.”
14
Biléam terus digawa menyang ing ara-ara kanggo ngindik, ing putyuké gunung-gunung Pisga; Balak terus nggawé mesbèh pitu, lan ing saben mesbèh dipasrahké sapi lanang nom siji lan wedus gèmbèl lanang siji.
15
Biléam terus ngomong marang Balak: “Sampéyan kula jaluk ngadek ing tyedaké kurban obongan, nanging kula bakal lunga mrana, nemoni ing ngarepé GUSTI!”
16
GUSTI terus nemoni Biléam, lan tutuké diisèni tembung, lan diomongi: “Kowé balia menyang ngarepé Balak, lan ngomonga kaya mengkono kuwi.”
17
Sak tekané ing ngarepé Balak, ijik ngadek ing sandingé kurbané obongan, bebarengan karo para penggedéné bangsa Moab. Balak terus ngomong marang Biléam: “Tembungé GUSTI kepriyé?”
18
Biléam terus nggelarké kidung, semauré: “Duh Balak, ing waktu kula omongi ngadek kula gelem ngrungokké; duh anaké Sipor, saiki kula njaluk ngrungokké marang tembung kula.
19
Gusti Allah kuwi duduk manungsa, kok nganti goroh, ya duduk anaké manungsa, kok nganti getun. Apa sing Panjenengané ngetokké tembung terus ora ditindakké, utawa ngetokké tembung terus ora dileksanani?
20
Mangertènana, kula nampa tembung supaya mberkahi, nanging yèn Panjenengané mberkahi, kula mesti ora bisa malik.
21
Wong ora ngerti marang kasangsarané turunané Yakub, lan ora bisa weruh kasusahané wong Israèl, awit dadi siji karo GUSTI Allahé, pada surak-surak, awit Ratu ing sak tengahé.
22
Gusti Allah sing ngentasaké sangka negara Egipte, kuwi kanggo wong-wong mau kaya sungu kekuwatané sapi alasan.
23
Awit ora ana jopa-japu sing bisa mempan marang Yakub, utawa tenung sing bisa mempan marang Israèl. Teka ing waktuné, Yakub bakal dityritakké, mengkono uga marang Israèl, mujijat sing ditindakké karo Gusti Allah.
24
Salah sijiné bangsa sing ngadek kaya singa wédok, sing ngadek jejek kaya singa lanang, sing ora gelem njerum, sak durungé mangan memangsané lan ngombé getihé sing dipatèni.”
25
Ing kono Balak terus ngomong marang Biléam: “Yèn kowé blas ora gelem mbendu, ya aja pisan-pisan mberkahi.”
26
Tembung semauré Biléam marang Balak: “Kula apa ora wis ngomong marang sampéyan, yèn sing bakal kula omongaké ya apa kabèh préntahé GUSTI, lan ya kuwi sing kula lakoni.”
27
Sakwisé mengkono Balak terus ngomong marang Biléam: “Hayuk, kowé arep tak gawa menyang liya panggonan, menawa Gusti Allah nglilani bangsa kuwi kok bendu sangka kono.”
28
Biléam terus digawa menyang ing putyuké gunung Péor, sing ngadep menyang ara-ara samun.
29
Tembungé Biléam marang Balak: “Hayuk kula sampéyan nggawèké mesbèh pitu ing kéné, lan kula sampéyan tyawiské sapi lanang nom pitu lan wedus gèmbèl lanang pitu.”
30
Balak terus ya nindakké apa sing dadi tembungé Biléam, lan terus ngurbanké sapi siji lan wedus siji ing saben mesbèh.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36