Song of Solomon 8

Javanese KJS17 (Kitab Jawa Suriname)

← Chapter 7 Jump to:

1Oh, yèn sampéyan kuwi sedulur kula lanang, sing nyusu ing susuné ibu kula, mesti bakal kula ambung, yèn ketemu ing njaba, awit ora ana wong sing bakal ngrèmèhké kula!

2Sampéyan bakal kula tuntun lan kula terké marang omahé ibu kula, supaya sampéyan mulangi marang kula. Sampéyan bakal kula kèki anggur sing apik yèn diombé, banyuné woh-wohé mulwa kula.

3Tangané sing kiwa nyangga sirahku, tangané tengen ngrangkul aku.

4Hé para putri ing Yérusalèm, kowé pada tak sumpahi, kena apa kowé pada nggugah lan ngobahké katrésnan sak durungé mateng?

5Sapa kaé sing njedul sangka ara-ara samun, sing lèndèh-lèndèh karo katrésnané? Ing sak ngisoré wit apel katrésnanmu tak gugah, ing kono enggoné ibumu meteng kowé, ing kono enggoné ibumu meteng lan nglairké kowé.

6Kula supaya sampéyan prenahké ing ati sampéyan, kaya ali-ali karo ségel ing ati lan kaya ali-ali karo ségel ing tangan sampéyan, awit katrésnan kuwi kuwat kaya pati, trésna kuwi mempengé kaya waé ndonyané pati, mulat-mulaté kaya urupé geni, sangka mulat-mulat geniné GUSTI!

7Banyu gedé ora bisa nyirep trésna, kali-kali ora bisa ngéntérké. Yèn ana wong sing ngekèkké kabèh bandané ing omahé digawé nebus katrésnan, mesti mung bakal disepèlèkké.

8Kita pada nduwé adik wadon, sing durung kétok susuné. Apa sing wajip kita tindakké kanggo adik kita wadon, yèn tekan dinané dilamar?

9Sak upama témbok, bakal kita ngekèki payon slaka ing nduwuré, sak upama lawang, bakal kita ngekèki palang kayu tyemara.

10- Aku iki témbok, lan susuku kaya menara. Ing mripaté waktu kuwi aku kaya kuta sing ngekèki kabekjan.

11Salomo nduwé kebon anggur ing Baal-Hamon. Kebon anggur kuwi dipasrahké marang wong sing pada njaga, kanggo olèh-olèhé siji-sijiné masrahaké duwit slaka 1000.

12Kebon anggur kula, duwèk kula déwé, ing ngarepku, kanggo sampéyan duwit 1000 kuwi, duh Salomo, lan sing 200 kanggo wong-wong sing njaga woh-wohé.

13- Hé! sing manggon ing taman, kantya-kantyaku pada nggatèkké swaramu, aku ya bèn krungu!

14- Duh katrésnanku, Sampéyan supaya gelis gelem mlaku kaya kidang, utawa kaya anak kidang ing gunung-gunung tanduran wangi-wangian.

← Chapter 7 Jump to: