Hosea 3

Институт перевода Библии, 2022

← Chapter 2 Jump to: Chapter 4 →

1Jaratqan Iye maǵan bılay dedi: – Sen jáne bar! Oynası bar hám buzıqshılıq islegen bolsa da, hayalıńa qaytadan súyispenshiligińdi kórset. Jaratqan Iye bolǵan Meniń Izrail xalqın súygenim sıyaqlı, sen de hayalıńdı súy. Izrail xalqı basqa qudaylarǵa burılıp ketti hám nıǵızlanǵan kishmishti jaqsı kóredi.

2Solay etip, men on bes shekel gúmiske, bir yarım xomer arpaǵa óz hayalımdı qaytarıp satıp aldım.

3Oǵan: – Sen uzaq waqıt meniń menen jasaysań. Buzıqshılıq qılmaysań. Birde bir erkekke jaqınlamaysań, men de saǵan jaqınlaspayman, – dedim.

4Óytkeni Izrail xalqı da uzaq waqıt dawamında patshasız, basshısız, qurbanlıqsız, kiyeli tassız, efod hám kiyeli músinsiz jasaydı.

5Sonnan keyin, Izrail xalqı qaytadan Qudayı Jaratqan Iyeni hám Dawıt patshanı izleydi. Aqırǵı kúnlerde olar Jaratqan Iyeden qorqıp, Onıń iygiligin qabıllaytuǵın boladı.

← Chapter 2 Jump to: Chapter 4 →