Nehemiah 10

Kamba (MBIVILIA ŨVOO MŨSEO)

← Chapter 9 Jump to: Chapter 11 →

1Andũ ala meekĩie mũulĩ maĩ: Neemia mwana wa Akalia, ũla nĩwe waĩ ngavana, na Nzetekia.

2Athembi namo maĩ: Selaia, Asalia, Yelemia,

3Vasuli, Amalia, Malikaya,

4Atusi, Sevania, Maluku,

5Alimu, Melemothi, Ovatia,

6Ndanieli, Nginethoni, Mbaluku,

7Mesulamu, Aviya, Miyamini,

8Maasia, Mbilikai, na Semaia.

9Alivai maĩ: Yesua mwana wa Asania, Mbinui, ũla waumĩte mũsyĩnĩ wa Enatati na Katimieli.

10Ana-a-ĩthe moo maĩ: Sevania, Otia, Keelita, Velaia, Aananu,

11Mika, Leovu, Asavia,

12Nzakuli, Selevia, Sevania,

13Otia, Mbani, na Mbeninu.

14Atongoi ma andũ maĩ: Valosi, Vaathi-moavi, Elamu, Nzatũ, Mbani,

15Mbuni, Asikati, Mbevai,

16Atoniya, Mbikivai, Atini,

17Ateli, Esekia, Asulu,

18Otia, Asumu, Mbenzai,

19Alivu, Anathothi, Nevai,

20Makiviasi, Mesulamu, Eesili,

21Mesesaveli, Nzatoki, Yatua,

22Velatia, Aananu, Anaia,

23Osea, Aanania, Asuvu,

24Aloesi, Vilia, Soveki,

25Leumu, Asavina, Maaseia,

26Aiya, Aananu, Ananu,

27Maluku, Alimu na Mbaana.

28Ithyĩ andũ ma Ĩsilaeli; athembi, Alivai, asikalĩ ma Ĩkalũ, aini ma Ĩkalũ, athũkũmi ma Ĩkalũ na andũ onthe ala nũndũ wa kwĩanĩsya mĩao ya Ngai mevathĩte kuma kwa andũ ma nthĩ ingĩ ala matwĩe nthĩ yaitũ, twĩ vamwe na iveti, na syana sitũ syonthe ila nene itonya kũelewa,

29nĩtũũkwatanĩa na atongoi maitũ wĩvĩtonĩ, na twalea kwĩanĩsya wĩvĩto ũsu tũkwatwe nĩ kĩumo. Nĩtũkwĩvĩta kana nĩtũkwĩanĩsya mĩao ya Ngai; mĩao ĩla Ngai wanenganie kwĩsĩla kwa Mwose mũthũkũmi wake. Nĩtũkwĩanĩsya mĩao yonthe ĩla Mwĩai Ngai, Ngai waitũ ũtwĩaĩe. Tũkeanĩasya motw'ĩo na myamũlo yake yonthe.

30Tũikanengane eĩtu maitũ matwawe nĩ andũ ma nthĩ ĩsu, kana ana maitũ matwae eĩtu moo.

31Ethĩwa andũ aeni makaete ngetha ya mbaa mbeke kana kĩndũ kĩngĩ o na kĩva matũthooesye mũthenyanĩ wa Savato, kana mũthenya ũngĩ mũtheu tũikamathooea. Kĩla mwakanĩ wa mũonza tũikaĩmaa mĩũnda, na tũkaekeaa andũ makoani onthe.

32Kĩla mwaka tũkaumasya kĩla mũndũ ngulamu itano sya silĩva wa kũtethya wĩa Ĩkalũnĩ.

33Nĩtũũnengane syĩndũ ii kwondũ wa ũthaithi Ĩkalũnĩ: Mũkate mũtheu, nthembo ya ngetha ya mbaa mbeke ya kĩla mũthenya, nyamũ ila syaĩlĩte kũvĩvw'a kĩla mũthenya syĩthĩwe nthembo, nthembo ntheu sya Savato, sya Mboka ya Kũtisa kwa Mwei, na mboka ingĩ ila itw'ĩtwe, nthembo ila ingĩ ntheu, nthembo sya kũveta naĩ sya andũ ma Ĩsilaeli, na syĩndũ ila ingĩ itonya kwendeka kwondũ wa Ĩkalũ.

34Ithyĩ andũ onthe, athembi na Alivai, nĩtũũkũna kula nĩ kana tũmanye nĩ andũ ma mũsyĩ wĩva, ala kĩla mwaka makaetae ngũ sya kũvĩvya nthembo ila ithembeawa Mwĩai Ngai, Ngai waitũ kwĩanana na ũndũ mĩao ĩkwasya.

35Kĩla mwaka tũkatwaa Ĩkalũnĩ nthembo ya ũsyao wa mbee wa ngetha yaitũ ya mbaa mbeke, na wa matunda.

36O tondũ kũandĩkĩtwe mĩaonĩ, tũkaetae Ĩkalũnĩ kũla kwĩ athembi ala mathũkũmaa vo kavĩsĩ kaitũ ka mbee, nyamũ ila isyaĩtwe mbee sya ng'ombe, mbũi, na malondu.

37O ta ũu tũkatwaĩaa athembi Ĩkalũnĩ mũtu mũkime ũthiĩtwe kuma ũsyaonĩ wa mbee wa ngetha yaitũ ya mbaa mbeke, ĩla ĩkethawa kĩla mwaka. Tũkaetae nthembo ila ingĩ sitũ sya ndivai, mauta na matunda ma kĩla mũthemba. Tũkatwaĩaa Alivai, ala mombanasya ilungu sya ĩkũmi kuma motũinĩ kũla tũĩmaa, ilungu sya ĩkũmi kuma syĩndũnĩ ila tũvandaa mĩũndanĩ yaitũ.

38Athembi ala nĩ nzyawa ya Alũni makeethĩawa vamwe na Alivai yĩla mekwosa ilungu sya ĩkũmi, namo Alivai makaetae kĩlungu kya ĩkũmi kya ilungu isu Ĩkalũnĩ, tũsũmbanĩ tũla twĩ nyũmbanĩ ya kwia mothwii.

39Andũ ma Ĩsilaeli, vamwe na Alivai makaetae mĩvothi yoo ya ngetha ya mbaa mbeke, ndivai na mauta tũsũmbanĩ vala syĩndũ sya Ĩkalũ siĩtwe, na vala athembi ala me wĩanĩ, asikalĩ ma Ĩkalũ, na aini ma Ĩkalũ mekalaa. Tũikaekana na nyũmba ya Ngai waitũ.

← Chapter 9 Jump to: Chapter 11 →