bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kamba
/
Kamba (MBIVILIA ŨVOO MŨSEO)
/
Nehemiah 4
Nehemiah 4
Kamba (MBIVILIA ŨVOO MŨSEO)
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 5 →
1
Yĩla Sanavalati weewie kana nĩtũmambĩĩie kwaka ũkũta ĩngĩ, nĩwathatie mũno na ambĩĩa kũtũvũthya.
2
Nĩwaneenie e mbee wa anyanyae make na asikalĩ ma Samalia aikũlya atĩĩ, “Ayuti aa mate na vinya meĩkany'a ata? Meenda kwaka ndũa ĩngĩ? Nĩmekumya nthembo? Nĩmekũtethya wĩa mamine vandũ va mũthenya ũmwe? Kwa w'o mesũanĩa kana nĩmatonya kwaka kĩndũ na mavia aa mombĩtwe mbumbu na mavye makanangĩka?”
3
Tovia ũla waĩ Mũamimoni na waũngamĩte vakuvĩ na Sanavalati nĩwaneenie asya atĩĩ, “Yu kĩĩ mekwaka nĩ kyaũ? O na mbĩwa ĩkalĩsa ũkũtanĩ ũsu woo wa mavia tyo kũwũomboa?”
4
Nĩnavoyie nasya atĩĩ, “Ame Ngai waitũ, kweew'a ũndũ mekũtũvũthya; eka kĩvũthya kyoo kĩmasyokee. Tuma mavenwa syĩndũ syonthe ila me nasyo, na ũituma makwatwa matwawe nthĩ ĩngĩ me ove.
5
Ndũkamaekee mothũku ala mekaa, na ndũkolwe nĩ naĩ syoo ila mekaa, nĩkwĩthĩwa nĩmeũtũumanga tũyaka ũkũta.”
6
Kwoou nĩtwaendeeie na kwaka ũkũta ĩngĩ nginya wavika nyusu ya ũasa waw'o, nĩkwĩthĩwa andũ nĩmathũkũmie meyumĩtye.
7
Ĩndĩ yĩla Sanavalati, Tovia, Alavu, Aamimoni na Aasitoti meewie kana nĩtũendee nesa wĩanĩ wa kwaka ĩngĩ ngũta sya Yelũsalemu, na kana myanya ĩla yaĩ ngũtanĩ nĩyalindĩtwe, nĩmathatie mũno.
8
Kwoou onthe nĩmavangie kũka kũvithũkĩa Yelũsalemu na kũete kĩthokoo.
9
Ĩndĩ nĩtwavoyie Ngai waitũ, na twaia asikalĩ mũthenya na ũtukũ mamasiĩĩe.
10
Ĩvindanĩ yĩu, andũ ma Yuta nĩmaisye atĩĩ, “Vinya wa atethya ma wĩa nũendee kũthela, na nĩvatiele mbumbu nene ya mavia ĩtanamba kũvetwa. Tũitonya kũendeea kwaka ũkũta.”
11
O ta ũu namo amaitha maitũ nĩmaisye atĩĩ, “Matanamba kũmanya kana kũtwona, twĩĩthĩwa vau katĩ woo tũmoae na kũtuma maeka kũthũkũma.”
12
Yĩla Ayuti ala mekalaa kũla amaitha maitũ maĩ meewie ndeto ila amaitha asu maneenaa, nĩmookie mavinda ĩkũmi. Kĩla ĩvinda mooka matũtavasya ĩũlũ wa mĩvango ĩla amaitha maitũ maendee kũtũseũvĩsya.
13
Kwoou nĩnanengie andũ mbyũ, matumo na mbũta, na namaia kwĩanana na mĩsyĩ yoo ĩtina wa ũkũta kũla kũtaĩ kũthelu, na kwaĩ kũthei.
14
Yĩla noonie kana andũ me na w'ĩa nĩnaũngamie, na naneena na andũ me ndaĩa, atongoi, na andũ ala angĩ namea atĩĩ, “Mũikakĩe amaitha maitũ. Lilikanai Mwĩai Ngai, ũla nĩ mũnene na nĩ wa kũkĩwa, na mũyũkitĩa ana-a-ĩthe menyu, ana menyu, eĩtu menyu, iveti syenyu na mĩsyĩ yenyu.”
15
Amaitha maitũ nĩmeewie kana nĩtũmanyĩte ĩũlũ wa mũvango woo, na kana Ngai nĩwanangĩte mũvango ũsu. Ithyonthe nĩtwasyokie wĩanĩ wa kwaka ũkũta; kĩla mũndũ wĩanĩ ũla wake.
16
Kuma mũthenya ũsu kũthi na mbee, nyusu ya andũ ala naĩ namo nĩmatethasya wĩa, nayo nyusu ĩla ĩngĩ yeethĩawa ĩkwete matumo, ngao, mbũta na ĩkekĩa ngũa sya kaũ. Atongoi maitũ nĩmatetheeisye mũno andũ ma Yuta
17
ala maakaa ũkũta. Ala makuaa syĩndũ matethasya wĩa na kw'oko kũmwe na makakwata mũio wa kaũ na kũla kũngĩ,
18
namo ala maakaa mooveeaa ũvyũ kĩnyunyunĩ maendee na kũthũkũma. Ĩndĩ mũndũ wa kũvuvaa soo ekalanasya nakwa.
19
Nĩvo ĩndĩ neeie andũ me ndaĩa, atongoi na andũ ala angĩ onthe atĩĩ, “Wĩa nĩ mwingĩ, na wĩ kĩsionĩ kĩnene, naitũ nĩtũtaanĩsye tũithũkũma ũkũtanĩ.
20
Mweew'a wasya wa soo, ũkai tũmbanĩe vau wavuvĩwa. Ngai waitũ nũkũtũkitĩa!”
21
Kwoou kĩla mũthenya, kuma kwakya nginya ndata ikesa kuma wĩoo, nyusu yaitũ yathũkũmaa ũkũtanĩ, nayo nyusu ĩla ĩngĩ ĩyĩũngama ĩsunge ĩkwete matumo.
22
O ta ũu ĩvindanĩ yĩu nĩneeie andũ atĩĩ, “Kĩla mũndũ e na mũtetheesya wake, nĩmekale Yelũsalemu ũtukũ, nĩ kana masunge ũtukũ, na kũthũkũma mũthenya.
23
Ndyaumasya ngũa syakwa o na ũtukũ, o namo andũ ala naĩ namo, athũkũmi na asikalĩ ala manzungaa mayaumasya. Ithyonthe twekalaa tũkwete mĩio yaitũ ya kaũ.”
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 5 →
All chapters:
1
2
3
4
5
6
7
8
9
10
11
12
13