Jeremiah 39

Kikuyu Bible (IBUKU RĨRĨA ITHERU RĨA NGAI)

← Chapter 38 Jump to: Chapter 40 →

1(amu mwaka wa kenda ĩrĩa Zedekia mũthamaki wa Juda aakorirũo athamakĩte, o mweri wa ikũmi, nĩguo Nebukadirezaru, mũthamaki wa Babuloni, aacokire gũthiĩ na mbũtũ ciake ciothe cia ita gũtharĩka Jerusalemu, nao makĩrĩrigicĩria marĩtunyane;

2ningĩ mwaka wa ikũmi na ũmwe ĩrĩa Zedekia aakorirũo athamakĩte, o mweri wa ĩna, mũthenya wa kenda waguo-rĩ, rũthingo rũa itũũra rĩu rũgĩtuwo mwanya wa gũtonyũo;)

3hĩndĩ ĩo rĩagĩtunyanirũo-rĩ, anene othe a mũthamaki wa Babuloni makĩrĩtonya thĩinĩ, magĩikara kĩhingo-inĩ gĩa gatagatĩ, nao nĩ Nerigali-sharezeru, na Samugari-nebo, na Sari-sekimu, na Rabi-sarisi, na Nerigali-sharezeru, na Rabi-magu, hamwe na anene arĩa angĩ othe a mũthamaki wa Babuloni.

4Na gũgĩkinya atĩrĩ, atĩ hĩndĩ ĩrĩa Zedekia, mũthamaki wa Juda, o na andũ ake othe a ita, maamonire-rĩ, makĩũra, makiuma itũũra rĩu ũtukũ magerete njĩra ya mũgũnda-inĩ wa mũthamaki, kĩhingo-inĩ kĩrĩa kĩarĩ gatagatĩ ga thingo iria cierĩ; magĩthiĩ kuumĩrĩra njĩra ya gũthiĩ Araba.

5No rĩrĩ, mbũtũ cia ita cia Akalidei ikĩmateng’eria, igĩgĩkorerera Zedekia werũ-inĩ ũrĩa mwaraganu wa Jeriko; na maamũnyita, makĩmwambatia, makĩmũtwarĩra Nebukadirezaru, mũthamaki wa Babuloni, o kũrĩa Ribila, bũrũri wa Hamathu, nake agĩkĩmũtuĩra cira.

6Hĩndĩ ĩo mũthamaki wa Babuloni akĩũragithĩria ariũ a Zedekia o kũu Ribila akĩĩonagĩra; ningĩ mũthamaki ũcio wa Babuloni akĩũragithia andũ othe a Juda arĩa maarĩ igweta.

7O na ningĩ agĩtũrithia Zedekia maitho, akĩmuoha na bĩngũ, nĩguo akuuwo atwarũo Babuloni.

8Nao Akalidei magĩcina nyũmba ya mũthamaki, o na nyũmba cia andũ arĩa angĩ, na mwaki, na makĩmomora thingo cia Jerusalemu.

9Ningĩ hĩndĩ o ĩo Nebuzaradani, mũnene wa arangĩri, agĩtaha matigari ma andũ arĩa maatigarĩte itũũra-inĩ rĩu, akĩmatwara Babuloni, o hamwe na andũ arĩa meyũrĩire makeneane harĩ we, o na andũ arĩa angĩ maatigarĩte kuo.

10No rĩrĩ, Nebuzaradani, mũnene wa arangĩri, nĩaatigire kũu bũrũri wa Juda andũ amwe maarĩ athĩni, arĩa mataarĩ na kĩndũ, nake agĩkĩmahe mĩgũnda ya mĩthabibu, o na mĩgũnda ya kũrĩma, ihinda o ro rĩu.

11Na rĩrĩ, Nebukadirezaru, mũthamaki wa Babuloni, agĩtaara Nebuzaradani, mũnene wa arangĩri, akĩmũhe ũhoro ũkoniĩ Jeremia, akĩmwĩra atĩrĩ,

12Muoe na ũmũmenyerere, na ndũkamwĩke ũũru; mwĩkage o ta ũrĩa egũkwĩra.

13Tondũ ũcio Nebuzaradani, mũnene wa arangĩri, agĩkĩrekania me na Nebushazibani, na Rabi-sarisi, na Nerigali-sharezeru, na Rabi-magu, o na anene othe a mũthamaki wa Babuloni,

14nake Jeremia akĩrutwo kĩhingo-inĩ kĩu kĩa arangĩri, nao makĩmũnengera Gedalia, mũrũ wa Ahikamu wa Shafani, nĩguo amũinũkie gwake mũciĩ; nake agĩgĩtũũrania na andũ arĩa angĩ.

15Na rĩrĩ, ndũmĩrĩri ya Jehova ĩgĩkinyĩrĩra Jeremia ihinda rĩrĩa aatũire ohetwo kũu kĩhingo-inĩ kĩu kĩa arangĩri, agĩkĩĩrũo atĩrĩ,

16Thiĩ warie na Ebedi-meleku, Mũkushi, ũmwĩre atĩrĩ, Jehova Mũnene wa Ita, o we Ngai wa Isiraeli, ekuuga ũũ: Atĩrĩrĩ, ũhoro wakwa ũrĩa ndaaririe nĩngaũrehithĩrie itũũra rĩrĩ ndĩrĩĩke ũũru, na ndirĩĩke wega; namo maũndũ macio magekwo ũkĩĩonagĩra wee mwene mũthenya ũcio.

17No rĩrĩ, nĩngakũhonokia mũthenya ũcio; ũguo nĩguo Jehova ekuuga; nawe ndũ kaneanwo moko-inĩ ma andũ acio wĩtigagĩra.

18Nĩ ũndũ ndirĩ hingo itagakũhonokia, nawe ndũrĩ hingo ũkoragwo na rũhiũ rũa njora; no nĩũgũtũũra muoyo na wĩhonokie ta arĩ gwĩtaha wĩtahĩte harĩ gĩkuũ, nĩ ũndũ niĩ nĩ niĩ ũtũire wĩhokete; ũguo nĩguo Jehova ekuuga.

← Chapter 38 Jump to: Chapter 40 →