bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kikuyu
/
Kikuyu Bible (IBUKU RĨRĨA ITHERU RĨA NGAI)
/
Jeremiah 6
Jeremiah 6
Kikuyu Bible (IBUKU RĨRĨA ITHERU RĨA NGAI)
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 7 →
1
Atĩrĩrĩ, inyuĩ ciana cia Benjamini, wĩtharei mwĩhonokie muume kũu Jerusalemu, mũkahuhĩre karumbeta o kũrĩa Tekoa, ningĩ mũhande kĩbebero o kũu Bethi-hakeremu; nĩ ũndũ-rĩ, ũũru ũroka uumĩte na mwena wa gathigathini, o na kũninanwo kũnene mũno.
2
Mwarĩ wa Zayuni, ũrĩa mũthaka na mwĩbarĩrĩri, nĩakaninwo.
3
Tondũ-rĩ, andũ nĩmakamũũkĩrĩra matariĩ ta arĩithi marehete ndũru ciao cia mbũri, nao mahande hema ciao mamũrigicĩirie na ndwere ciothe, na marĩithie mbũri ciao o kũu maikarĩte.
4
Nao nĩ kuuga makoiga atĩrĩ, Nĩtwarahũrei ita tũrũe nake; ũkĩrai twambate rĩu mĩaraho. Wũi-ĩiya-witũ-ĩ! Nĩ ũndũ-rĩ, riũa nĩrĩrainama, na rĩgatũma ciĩruru cia kĩhwaĩ-inĩ igucũke irorete itherero.
5
Arahũkai twambate ũtukũ; rekei tũkaanange nyũmba ciake cia ũnene.
6
Nĩ ũndũ Jehova Mũnene wa Ita ekuuga ũũ: Wĩtemerei mĩtĩ, mũmĩhũmbe ihũmba nene ing’etheire Jerusalemu; tondũ itũũra rĩu nĩrĩo rĩkũherithio, amu ũhinyanĩrĩria mũtheri noguo ũtũire thĩinĩ warĩo.
7
O ta ũrĩa gĩthima gĩtherũkaga maĩ-rĩ, ũguo noguo itũũra rĩu rĩtherũkaga waganu; amu ũhinya na wanangi nĩmo maiguagwo kuo; ningĩ ũndũ ũrĩa ndũire nyonaga ũiyũrĩte kuo-rĩ, no wa andũ marũarĩte na magurarĩtio nguraro mwĩrĩ.
8
Atĩrĩrĩ, Jerusalemu, ĩtĩkĩra gũtaarũo, nĩguo ndikairio ngoro nĩwe, nĩ getha ndigagũtige ũkirĩte ihooru, na bũrũri ũtigwo o ro ũguo ũtatũũrĩtwo nĩ andũ.
9
Jehova Mũnene wa Ita ekuuga ũũ: Matigari marĩa ma andũ a Isiraeli nĩmakahaarũo mũno ta thabibu; tondũ ũcio ta hũgũra guoko gwaku ũkũrorie kĩondo-inĩ o ta ũrĩa mũcokereria wa thabibu ekaga.
10
Nũ ingĩkĩarĩria ndĩmuumbũrĩre ũhoro, na anjigue? Atĩrĩrĩ, matũ mao me njiika na matingĩnjigua. Atĩrĩrĩ, ndũmĩrĩri cia Jehova macituĩte kĩmene, na maticikenagĩra.
11
Tondũ ũcio ndĩ mũcine nĩ mang’ũrĩka ma Jehova na nganogio nĩ kũmagirĩrĩria. No nginya maitĩke makorerere ciana ing’aratua-inĩ, o na makorerere aanake gĩtũngano-inĩ kĩao; ningĩ hamwe nao, nĩmagakorerera mũndũ mũrũme o na mũtumia wake, na makorerere mũthuri ũrĩa ũkũrĩte mũno o hamwe na mũndũ ũrĩa mũniaru.
12
Na rĩrĩ, nĩ andũ a kũngĩ makenyitĩra nyũmba ciao, na mĩgũnda yao, o na aka ao; nĩ gũkorũo nĩngatambũrũkia guoko ’hũre andũ arĩa matũũraga bũrũri ũyũ; ũguo nĩguo Jehova ekuuga.
13
Nĩ ũndũ-rĩ, andũ aguo othe nĩmatuĩkĩte acumĩkĩri indo ciene, kwarũma andũ aguo arĩa anyinyi nginya arĩa anene gũkĩra arĩa angĩ; nao othe magekana maũndũ ma maheni me hamwe na anabii ao, o na athĩnjĩri-Ngai ao.
14
Nĩ kũhoreria mahoreretie andũ akwa makĩmera atĩrĩ, Gwĩ thayũ, gwĩ thayũ; na nĩ hĩndĩ ĩrĩa gũtarĩ thayũ.
15
Hĩndĩ ĩrĩa maakoragwo mekĩte maũndũ me thahu-rĩ, hihi nĩmaaconokaga? Aca, matiigana gũconoka o na hanini, o na kana makĩgĩa rũkobe; tondũ ũcio makagũanĩra hamwe na andũ arĩa angĩ magakorũo magũĩte; o hĩndĩ ĩrĩa ngamaherithia-rĩ, nĩguo makabacanio na thĩ; ũguo nĩguo Jehova ekuuga.
16
Jehova egũkiuga ũũ: Atĩrĩrĩ, ta rũgamai magomano-inĩ ma njĩra mũtuĩrie ũhoro, na mũhoe kĩrĩra kĩa ũrĩa mĩthiĩre ya tene yatariĩ, o ĩrĩa yerekereire, nĩguo mũmĩrũmagĩrĩre, nacio ngoro cianyu nĩikahurũka. No andũ acio makĩnjokeria ũhoro makiuga atĩrĩ, Tũtingimĩrũmĩrĩra.
17
Niĩ na niĩ ngĩiga arangĩri a kũmũrangĩra, ngiuga atĩrĩ, Ta thikĩrĩriai mũgambo wa karumbeta. No makiuga atĩrĩ, Tũtithikĩrĩria.
18
Tondũ ũcio, inyuĩ ndũrĩrĩ, ta thikĩrĩriai; ta wĩiguĩrei ũhoro ũcio wao, inyuĩ kĩrĩndĩ gĩkĩ;
19
o nawe thĩ-rĩ, ta thikĩrĩria; Atĩrĩrĩ, nĩ kũrehe ngarehere andũ aya ũũru ũrĩa uumanĩte na ciĩko cia meciria mao, nĩ ũndũ matiiguĩte ndũmĩrĩri ciakwa; o naho ha ũhoro wa watho wakwa-rĩ, nĩ kũrega maũregete.
20
Rĩu-rĩ, megũkĩndehere ũbumba ũrutĩtwo Sheba, o na kĩgwa kĩĩ mũrĩo kĩrutĩtwo bũrũri wĩ kũraya, nĩ ũndũ kĩ? Mahaki manyu ma njino matingĩĩtĩkĩrĩka, o na kana ngenere magongona manyu.
21
Tondũ ũcio Jehova ekuuga ũũ: Atĩrĩrĩ, nĩ kũiga ngaigĩra andũ aya maũndũ ma kũmahĩngithia, namo maithe ma ciana o na ariũ ao mahĩngwo nĩmo me hamwe, nake mũndũ na mũratawe ũrĩa matũũrainie nĩmagakuanĩra o hamwe more biũ.
22
O na ningĩ Jehova ekuuga ũũ: Atĩrĩrĩ, andũ nĩ gũũka magoka moimĩte bũrũri wa mwena wa gathigathini, naruo rũrĩrĩ rũnene rũarahũke ruume o gĩturi gĩa thĩ.
23
Nao magoka magwete mota mao na matimũ, nao nĩ eĩ mũno, na matirĩ tha; mũrurumo wao magĩũka ũgambaga o ta ndihũ cia iria rĩrĩa inene, nao mathiaga mahaicĩte mbarathi, na magethaba wega o ta andũ merekeire ita-inĩ, nĩ getha magũũkĩrĩre, wee mwarĩ wa Zayuni.
24
Ngumo ya ũhoro ũcio nĩtũmĩiguĩte, namo moko maitũ magaitĩka kũũrũo nĩ hinya; ningĩ tũrĩ agwate nĩ thĩna mũnene ngoro-inĩ ciitũ, o na ruo ta rũa mũndũ-wa-nja ũkũrũmwo.
25
Menyai muume mũciĩ mũthiĩ mũgũnda, o na kana mũceerange njĩra-inĩ; nĩ ũndũ kũu guothe nĩkuo rũhiũ rũa njora rũa thũ rũrĩ, o naguo ũndũ wa kũguoyohania wĩ ndwere ciothe.
26
Atĩrĩrĩ, mwarĩ wa andũ aitũ, wĩohe tama wa ikũnia, wĩgaragarie mũhu-inĩ; itĩkana na kĩrĩro ta kĩrĩa kĩrĩragĩrũo mwana wa mũmwe, ũrĩre na kĩgi, ũgwatĩtwo nĩ kĩeha kĩnene mũno; nĩ gũkorũo mũtahani agatũkorerera na kĩguũ.
27
Atĩrĩrĩ, wee nawe-rĩ, nĩngũtuĩte ta mũturi wa kũrũgama gatagatĩ-inĩ ka andũ akwa, na mũroria, nĩguo ũmarorie ũmenye ũrĩa mĩthiĩre yao ĩtariĩ.
28
Andũ acio nĩ kũũmia momĩtie ngoro makanema, nao nĩo mathiangaga ũũ na ũũ makĩnjukaga; mahaana o ta gĩcango na kĩgera, na manjĩkaga maũndũ mathũku mũno.
29
Miura nĩ kũhuruta ĩrahurutwo na hinya mũno, no ngocorai nĩ kũũra ĩrorĩra mwaki-inĩ; wĩra ũcio wothe ũrarutwo wa kũmatheria nĩ wa tũhũ, nĩ gũkorũo nganga cia waganu itingĩthenga thĩinĩ wao;
30
nao marĩĩtagwo Betha-Thatu nĩ andũ arĩa angĩ, nĩ ũndũ Jehova nĩamaregete.
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 7 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52