bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kikuyu
/
Kikuyu Bible (IBUKU RĨRĨA ITHERU RĨA NGAI)
/
Leviticus 19
Leviticus 19
Kikuyu Bible (IBUKU RĨRĨA ITHERU RĨA NGAI)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 20 →
1
NINGĨ Jehova akĩarĩria Musa, akĩmwĩra atĩrĩ,
2
Aria na kĩrĩndĩ gĩothe gĩa ciana cia Isiraeli, ũkĩĩre atĩrĩ, Wĩamũrei mũtuĩke atheru; nĩ gũkorũo niĩ Jehova Ngai wanyu ndĩ mũtheru.
3
Inyuothe-rĩ, o mũndũ wanyu nĩetigagĩre nyina na ithe, na mũmenyagĩrĩre thabatũ ciakwa; niĩ nĩ niĩ Jehova Ngai wanyu.
4
Menyai mũkanahũgũkĩra mĩhianano ĩtarĩ kĩene mũmĩhoe, kana mwĩthondekere ngai cia gũtwekio; niĩ nĩ niĩ Jehova Ngai wanyu.
5
Na rĩrĩ, hĩndĩ ĩrĩa mũkũrutĩra Jehova igongona rĩa ũiguano, rĩrutagei na njĩra ĩrĩa ĩngĩtũma mwĩtĩkĩrĩke nĩwe.
6
Mũrĩrĩage mũthenya ũrĩa mwarĩruta, o na rũciũ rũu rũngĩ; na hangĩgatigara gacunjĩ karĩo gakinyie mũthenya wa ĩtatũ, gacinwo na mwaki.
7
Nako gacunjĩ o na karĩkũ karĩo kangĩkarĩo mũthenya wa ĩtatũ, igongona rĩu rĩgatuĩka ũndũ wĩ thahu; rĩtigetĩkĩrĩka;
8
no mũndũ o wothe ũrĩa ũkarĩrĩa nĩagacokererũo nĩ ũũru ũcio ekĩte, nĩ gũkorũo nĩathahĩtie kĩndũ kĩu gĩtheru kĩa Jehova; nake mũndũ ũcio nĩakaingatwo athengio kũrĩ andũ ao.
9
Na rĩrĩ, hĩndĩ ĩrĩa mũkũgetha irio cia bũrũri wanyu, ndũkanagethe ndere-inĩ cia mũgũnda waku, ũũninũkĩrĩrie, kana ũũnganie rũitĩki rũa magetha maguo rũrĩa rũngĩhaarĩka.
10
O na ningĩ ndũkanahaare thabibu mũgũnda waku wa mĩthabibu, kana ũcokererie thabibu iria ciĩgũithĩtie mũgũnda ũcio; mũgatiga icio nĩ ũndũ wa mũthĩni, o na ũndũ wa mũũki; niĩ nĩ niĩ Jehova Ngai waku.
11
Mũtĩkanaiye, kana mwĩke maũndũ ma kũhenania, kana mũhenanie o mũndũ na mũndũ ũrĩa ũngĩ.
12
O na ningĩ mũtikanehĩte na maheni mũkĩgwetaga rĩĩtwa rĩakwa, ũthahie rĩĩtwa rĩa Ngai waku; niĩ nĩ niĩ Jehova.
13
Ndũkanahinyĩrĩrie mũndũ ũrĩa ũngĩ, kana ũmũtunye indo ciake; ningĩ mũcara wa ndungata ĩrĩa yandĩkĩtwo nĩwe, ndũkanarege naguo ũũraarie nginya o rũcinĩ.
14
Ndũkanarume gĩtaigua o na atĩa, kana ũhĩngithie mũtumumu; no rĩrĩ, wĩtigagĩre Ngai waku; niĩ nĩ niĩ Jehova.
15
Mũtikaneke ũndũ ũtarĩ wa kĩhooto mũgĩtua cira; na ndũkanacaĩre mũndũ nĩ ũndũ wa ũrĩa e mũthĩni, kana ũconokere mũndũ nĩ ũndũ wa ũrĩa arĩ igweta; no rĩrĩ, ciragĩra mũndũ ũrĩa ũngĩ na kĩhooto.
16
Ndũkanorũre thĩinĩ wa andũ ũkĩheana ndeto cia njukũ; kana ũrũgame cira-inĩ ũitithie thakame ya mũndũ ũrĩa ũngĩ ũkĩmũigĩrĩra kĩgenyo; niĩ nĩ niĩ Jehova.
17
Ndũkanaikare ũthũũrĩte mũrũ wa thoguo na ngoro, ningĩ ndũkanaage gũkaania mũndũ ũrĩa ũngĩ maũndũ o na atĩa, nĩguo ndũkanacokererũo nĩ ũũru ta ũrĩ mwĩhia nĩ ũndũ wake.
18
Ndũkanerĩhĩrie o na atĩa, kana ũikare ũrakaire nĩ ũndũ wa ciana cia andũ anyu; no rĩrĩ, nĩ kaba wende mũndũ ũrĩa ũngĩ o ta ũrĩa wĩendete wee mwene; niĩ nĩ niĩ Jehova.
19
Menyagĩrĩrai irĩra cia watho wakwa wa kũrũmĩrĩrũo. Ndũkanareke ũhiũ waku ũciarane na nyamũ ya mũthemba ũngĩ; o naguo mũgũnda waku ndũkanaũhande mbeũ cia mĩthemba ĩĩrĩ; kana wĩhumbe nguo ĩtukanĩtio ndigi cia mĩthemba ĩĩrĩ ĩraihanĩrĩirie.
20
Na rĩrĩ, mũndũ o wothe ũrĩa ũgakoma na mũndũ-wa-nja e ngombo, na akorũo nĩorĩtio nĩ mũrũme, no atuĩke ndakũũrĩtwo o na hanini, kana akarekio atige gũtuĩka ngombo, andũ acio erĩ-rĩ, ũhoro wao nĩũtuĩrio, no matikoragwo, nĩ ũndũ mũndũ-wa-nja ũcio ndaatigĩte gũtuĩka ngombo.
21
Nake mũndũ mũrũme ũcio no mũhaka agatwarĩra Jehova kĩndũ gĩake gĩa kũrutwo igongona rĩa mahĩtia, o hau mũromo-inĩ wa hema-ya-gũtũnganwo, nakĩo gĩtuĩke ndũrũme nĩ ũndũ wa igongona rĩa mahĩtia.
22
Nake mũthĩnjĩri-Ngai amũhoroherie na ndũrũme ĩo ya igongona rĩa mahĩtia mbere ya Jehova nĩ ũndũ wa wĩhia wake ũcio ehĩtie; nake nĩakoherũo wĩhia ũcio ehĩtie.
23
Na rĩrĩ, hĩndĩ ĩrĩa mũgakinya bũrũri ũrĩa mũkũheo, na mũhande mĩtĩ ya mĩthemba yothe ĩmũciarĩre irio-rĩ, nĩmũkonaga maciaro mayo mahaana o ta ũrĩa andũ arĩa mataruithĩtio matariĩ; magaikara mĩaka ĩtatũ mahaana o ta andũ mataruithĩtio; na matikanarĩo.
24
No rĩrĩ, mwaka wa ĩna-rĩ, maciaro mayo mothe makaamũrĩrũo Jehova agathwo namo.
25
Naguo mwaka wa ĩtano nĩguo mũkarĩa maciaro mayo, nĩ getha ĩmũĩngĩhagĩrie irio; niĩ nĩ niĩ Jehova Ngai wanyu.
26
Mũtikanarĩe kĩndũ o na kĩ kĩrĩ na thakame yakĩo thĩinĩ wakĩo; kana mwĩke maũndũ na ũndũ wa gũtuĩria nyoni ya mũndũ, kana kũragũria.
27
Mũtikaneyenje mĩtwe yanyu thikĩrĩrio-inĩ, kana wĩenje nderu ciaku mĩthia-inĩ, ũcithũkie,
28
kana mwĩtemenge mĩĩrĩ yanyu o na atĩa nĩ ũndũ wa kũhaka ngoma, kana mwĩore mĩokia o na hanini; niĩ nĩ niĩ Jehova.
29
Ndũkanathahie mwarĩguo ũkĩmũrekereria atuĩke mũmaraya, nĩguo andũ a bũrũri matigaitĩke kwĩrirĩria ũmaraya mũno, naguo bũrũri ũiyũre waganu.
30
Menyagĩrĩrai thabatũ ciakwa, o na mũtĩage handũ hakwa harĩa haamũre; niĩ nĩ niĩ Jehova.
31
Mũtikanahũgũkĩre andũ arĩa marĩ na maroho maragũraga, kana arogi; mũtikanatuĩrie ũhoro kũrĩ o mamũthũkie; niĩ nĩ niĩ Jehova Ngai wanyu.
32
Ũkagĩrĩra mũthuri ũragĩa mbuĩ, na ũtĩage gĩthiithi kĩa mũndũ ũrakũra, ũgĩĩtigagĩre Ngai waku; niĩ nĩ niĩ Jehova.
33
Na rĩrĩ, mũgeni angĩũka gũtũũrania nawe bũrũri waku-rĩ, ndũkanamwĩke ũũru.
34
Mũgeni ũrĩa ũtũũranĩtie na inyuĩ mũtuagei o ta arĩ wa bũrũri wanyu, na ũmwendage o ta ũrĩa wĩendete wee mwene; nĩ gũkorũo o na inyuĩ nĩmwatũire mũrĩ ageni bũrũri wa Misiri; niĩ nĩ niĩ Jehova Ngai wanyu.
35
Mũtikaneke ũndũ ũtarĩ wa kĩhooto mũgĩtua cira, kana mũgĩthima ũraihu, kana ũritũ, kana kũingĩha.
36
No mũhaka mũgĩe na ratiri ĩtangĩhenania, na mahiga ma gũthima namo matangĩhenania, na eba ĩtangĩhenania, o na hini ĩtangĩhenania. Niĩ nĩ niĩ Jehova Ngai wanyu ũrĩa wamũrutire bũrũri wa Misiri.
37
Menyagĩrĩrai irĩra ciothe cia watho wakwa wa kũrũmĩrĩrũo, o na matuĩro makwa mothe ma cira, mũmekage; niĩ nĩ niĩ Jehova.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27