bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Kalenjin
/
Kalenjin Bible (BUKUIT NE TILIL)
/
Revelation 22
Revelation 22
Kalenjin Bible (BUKUIT NE TILIL)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
1
Ak kiiborua ainetab beekab sobon, ne tilil ko u krustalo, kobunu ng’echeretab laitornatet ne bo Jehovah ak ne bo Aruet,
2
eng’ kwenutab orinnyi. Ak kimi ketitab sobon ainonoto, komosi ak komosi, ne yiei logoek taman ak aeng’ che terjin, ak koyiei logoekyik eng’ arawet age tugul: ak kisoobi bororiosiek eng’ sogekab ketoto.
3
Ama komi chubisiet kogeny: ak tun mi orinnyi ng’echeretab laitornatet ne bo Jehovah ak ne bo Aruet: ak yachin boisiet inendet otwogikyik;
4
ak keerei togennyi; ak mi kainennyi togochikwak.
5
Ama komi kemout kogeny; ama machei lapkeiyetab tait, anan ko lapkeiyetab asista; amu igochin ichek lapkeiyet Kiptaiyat Jehovah: ak laitorani ichek koigeny ak koigeny.
6
Ak kilenja, Ng’alechu ko che kiyani ak ko bo iman: ak kiiyok Kiptaiyat, ne Jehovah ne bo tamirmirikab maotik, malaikaiyandennyi koborji otwogikyik tuguk che sib kobiitu matiny.
7
Ak ogeero, anyone achogu. Baibai ne ribei ng’alekab maoinatetab bukuini.
8
Ane Johana ne kiagas tuguchu ak ageer. Ak ye kingagas ak ageer, abutyi ng’ony alosu eng’ kelyekab malaikaiyat ne kiiborua tuguchuto.
9
Ak kolenja, Amat iyai ko u noto: amu ki otwogik koboto tupchosieguk maotik, ak koboto ichek che ribei ng’alekab bukuini; ilosu Jehovah.
10
Ak kilenja, Amat ing’och ng’alek che bo maoinatetab bukuini; amu kagorik betusiek.
11
Inendet ne ma bo imanda, koyai che ma bo imanda kosiir: ak inendet ne bo simdo, ingoek ne bo simdo kosiir: ak inendet ne bo imanda, koyai che bo imanda kosiir: ak inendet ne tilil, ingotililit kosiir.
12
Ogeero, anyone achogu; ak aibu melektanyu si agochi chi age tugul ko u boisionikyik.
13
A Alpha ak ko a Omega, ne bo tai ak ne bo let, taunet, ak kagesunet.
14
Boiboen ichek che mwetei ngoroikwak, si kobiit kosich chamjinet koit ole mi ketitab sobondo, ak kobun kurgotik kobendi nganaset orit.
15
Mi sang’ sesenik, ak bonik, ak che soksei, ak rumik, ak che saei kanamonik, ak age tugul ne chamei lembeita ak koyaei.
16
Ane Jesu ne kaayogu malaikaiyandennyu si kobaorianwok tuguchu eng’ kanisosiek. A tigitiot ak keswotab Daudi, taboiyot ne bo karon ne ikwenyi.
17
Ak mwaei Tamirmiriet ak mureret kole, Nyo. Ak inendet ne kasei, komwa kole, Nyo. Ak inendet ne amei melelda, konyo; ak inendet ne machei, koib beekab sobon buch.
18
Abaorianjini chi age tugul ne kasei ng’alek che bo maoinatetab bukuini, ale, Ngo tesyi chi age tugul ng’alechu ng’alek alak, kotesyin Jehovah korotwek che kigisirji bukuini:
19
ak ngonem chi age tugul ng’alek eng’ bukuitab maoinatoni, konemu Jehovah kebebertanyi eng’ ketitab sobondo, ak eng’ nganaset ne tilil, che kigisirji bukuini.
20
Mwaei inendet ne baorianjin tuguchu kole, Ee: anyone achogu. Amen: nyo, Kiptaiyat Jesu.
21
Ingoteb mieindab Kiptaiyat Jesu Kristo koboto che tililen. Amen.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22