Joshua 21 — Khmer 2014 (អាល់គីតាប)

1មេក្រុមគ្រួសារនៃកូនចៅលេវីនាំគ្នាមកជួបអ៊ីមុាំអេឡា‌សារ និងយ៉ូស្វេ ជាកូនរបស់លោកនូន ព្រមទាំងមេគ្រួសាររបស់កុល‌សម្ព័ន្ធនានានៃជន‌ជាតិអ៊ីស្រ‌អែល

2នៅស៊ីឡូ ក្នុងស្រុកកាណានជម្រាបថា៖ « អុលឡោះ‌តាអាឡា បានបញ្ជាតាមរយៈម៉ូសាថា ត្រូវប្រគល់ក្រុងសម្រាប់ឲ្យយើងខ្ញុំស្នាក់នៅ ព្រមទាំងវាលស្មៅជិតខាង សម្រាប់ហ្វូងសត្វរបស់យើងខ្ញុំដែរ»។

3ដូច្នេះ ជន‌ជាតិអ៊ីស្រ‌អែលបានយកក្រុងខ្លះ និងវាលស្មៅដែលជាចំណែកមត៌ករបស់ពួកគេ ចែកឲ្យពួកលេវី ស្របតាមបញ្ជារបស់ អុលឡោះ‌តាអាឡា ។

4គេបានចាប់ឆ្នោត សម្រាប់អំបូរនានានៃកូនចៅកេហាត់។ ក្នុងចំណោមពួកលេវីទាំងនោះកូនចៅរបស់អ៊ីមុាំហារូន ទទួលបានក្រុងចំនួនដប់បី ក្នុងទឹកដីរបស់កុល‌សម្ព័ន្ធយូដា កុល‌សម្ព័ន្ធស៊ីម្មាន និងកុល‌សម្ព័ន្ធពុន‌យ៉ាមីន។

5កូនចៅឯទៀតៗរបស់កេហាត់ ទទួលបានក្រុងចំនួនដប់ ក្នុងទឹកដីនៃអំបូរនានារបស់កុល‌សម្ព័ន្ធអេប្រា‌អ៊ីម កុល‌សម្ព័ន្ធដាន់ និងកុល‌សម្ព័ន្ធម៉ាណាសេ ចំនួនពាក់កណ្តាលដែលនៅខាងលិច។

6កូនចៅរបស់លោកគើសុនទទួលបានក្រុងចំនួនដប់បី ក្នុងទឹកដីកុល‌សម្ព័ន្ធអ៊ី‌សា‌ខារ កុល‌សម្ព័ន្ធអេស៊ើរ កុល‌សម្ព័ន្ធណែប‌ថា‌លី និងកុល‌សម្ព័ន្ធម៉ាណាសេចំនួនពាក់កណ្តាល ដែលស្ថិតនៅក្នុងស្រុកបាសាន។

7កូនចៅរបស់លោកម៉្រារីទទួលបានក្រុងចំនួនដប់ពីរ ក្នុងទឹកដីកុល‌សម្ព័ន្ធរូបេន កុល‌សម្ព័ន្ធកាដ និងកុល‌សម្ព័ន្ធសាប់‌យូ‌ឡូន។

8ជន‌ជាតិអ៊ីស្រ‌អែលបានចែកក្រុង និងវាលស្មៅនៅជុំ‌វិញឲ្យពួកលេវី ដោយការចាប់ឆ្នោត ស្របតាមបញ្ជារបស់ អុលឡោះ‌តាអាឡា មកម៉ូសា។

9កុល‌សម្ព័ន្ធយូដា និងកុល‌សម្ព័ន្ធស៊ីម្មានបានចែកក្រុងដែលមានឈ្មោះដូចខាងក្រោមនេះ

10ឲ្យកូនចៅហារូននៃអំបូរលោកកេហាត់ ជាកូនរបស់លោកលេវី ដ្បិតការចាប់ឆ្នោតលើកដំបូងត្រូវចំលើពួកគេ។

11ពួកគេទទួលបានក្រុងគារ‌យ៉ាត-អើបា ពោលគឺក្រុងហេប្រូនដែលស្ថិតនៅក្នុងតំបន់ភ្នំស្រុកយូដា ព្រមទាំងវាលស្មៅដែលនៅជុំ‌វិញ។ លោកអើបា ជាបុព្វ‌បុរសរបស់ជន‌ជាតិអាណាក់។

12រីឯដីចម្ការ និងភូមិនានាដែលនៅជាប់ក្រុងនោះវិញ គេបានប្រគល់ជូនលោកកាលែប ជាកូនរបស់លោកយេភូ‌នេ ទុកជាកម្ម‌សិទ្ធិ។

13ពួកគេបានចែកក្រុងដូចតទៅនេះ ឲ្យកូនចៅអ៊ីមុាំហារូន សម្រាប់ជាជំរកដល់អ្នកសម្លាប់គេ គឺក្រុងហេប្រូន និងវាលស្មៅនៅជុំ‌វិញ ក្រុងលីប‌ណា និងវាលស្មៅនៅជុំ‌វិញ

14ក្រុងយ៉ាទៀរ និងវាលស្មៅនៅជុំ‌វិញ ក្រុងអែស‌ធេ‌ម៉ូរ និងវាលស្មៅនៅជុំ‌វិញ

15ក្រុងហូឡូន និងវាលស្មៅនៅជុំ‌វិញ ក្រុងដេបៀរ និងវាលស្មៅនៅជុំ‌វិញ

16ក្រុងអាយីន និងវាលស្មៅនៅជុំ‌វិញក្រុងយូថា និងវាលស្មៅនៅជុំ‌វិញ ព្រមទាំងក្រុងបេត‌សេមែស និងវាលស្មៅនៅជុំ‌វិញ គឺមានទាំងអស់ប្រាំបួនក្រុង ក្នុងទឹកដីនៃកុល‌សម្ព័ន្ធយូដា និងកុល‌សម្ព័ន្ធស៊ីម្មាន។

17ក្នុងទឹកដីនៃកុល‌សម្ព័ន្ធពុន‌យ៉ាមីន ពួកលេវីទទួលបានក្រុងគីបៀន និងវាលស្មៅនៅជុំ‌វិញ ក្រុងកេបា និងវាលស្មៅនៅជុំ‌វិញ

18ក្រុងអាណា‌ថោត និងវាលស្មៅនៅជុំ‌វិញ ក្រុងអាល់‌ម៉ូន និងវាលស្មៅនៅជុំ‌វិញ គឺមានទាំងអស់បួនក្រុង។

19សរុបទាំងអស់ ក្រុមអ៊ីមុាំដែលជាកូនចៅហារូនទទួលបានដប់បីក្រុង ព្រមទាំងវាលស្មៅនៅជុំ‌វិញផង។

20ពួកលេវី ក្នុងអំបូរឯទៀតៗនៃកូនចៅរបស់លោកកេហាត់ ទទួលបានក្រុង ក្នុងទឹកដីរបស់កុល‌សម្ព័ន្ធអេប្រា‌អ៊ីម តាមការចាប់ឆ្នោត។

21ពួកគេទទួលបានក្រុងសម្រាប់ជាជំរកដល់អ្នកសម្លាប់គេ គឺមានក្រុងស៊ីគែម និងវាលស្មៅនៅជុំ‌វិញ ដែលស្ថិតនៅក្នុងតំបន់ភ្នំអេប្រា‌អ៊ីម ក្រុងកេស៊ើរ និងវាលស្មៅនៅជុំ‌វិញ

22ក្រុងគីប‌សែម និងវាលស្មៅនៅជុំ‌វិញ ក្រុងបេត‌ហូរ៉ូន និងវាលស្មៅនៅជុំ‌វិញ គឺមានទាំងអស់បួនក្រុង។

23ក្នុងទឹកដីនៃកុល‌សម្ព័ន្ធដាន់ គេទទួលបានក្រុងអែល‌ថ្កេរ និងវាលស្មៅនៅជុំ‌វិញ ក្រុងគីប‌ថោន និងវាលស្មៅនៅជុំ‌វិញ

24ក្រុងអាយ៉ា‌ឡូន និងវាលស្មៅនៅជុំ‌វិញ ព្រមទាំងក្រុងកាថ-រីម៉ូន និងវាលស្មៅនៅជុំ‌វិញ គឺមានទាំងអស់ក្រុងបួន។

25ក្នុងទឹកដីនៃកុល‌សម្ព័ន្ធម៉ាណាសេចំនួនពាក់កណ្តាល គេទទួលបានក្រុងពីរ គឺក្រុងតាណាក់ និងវាលស្មៅនៅជុំ‌វិញ ក្រុងអ៊ីត‌ឡាម និងវាលស្មៅនៅជុំ‌វិញ។

26សរុបមកអំបូរឯទៀតៗនៃកូនចៅរបស់លោកកេហាត់ទទួលបានដប់ក្រុង ព្រមទាំងវាលស្មៅនៅជុំ‌វិញ។

27ពួកលេវី ជាកូនចៅលោកគើសុនទទួលបានក្រុង ក្នុងទឹកដីនៃកុល‌សម្ព័ន្ធម៉ាណាសេចំនួនពាក់កណ្តាលដែលនៅខាងកើត សម្រាប់ជាជំរកដល់អ្នកសម្លាប់គេ: ក្រុងកូឡាន និងវាលស្មៅនៅជុំ‌វិញ ក្នុងស្រុកបាសាន ព្រមទាំងក្រុងបេស‌ត្រា និងវាលស្មៅនៅជុំ‌វិញ គឺមានទាំងអស់ក្រុងពីរ។

28ក្នុងទឹកដីរបស់កុល‌សម្ព័ន្ធអ៊ី‌សា‌ខារ គេទទួលបានក្រុងគីស‌យ៉ូន និងវាលស្មៅនៅជុំ‌វិញ ក្រុងដាប្រាត និងវាលស្មៅនៅជុំ‌វិញ

29ក្រុងយ៉ាមូត និងវាលស្មៅនៅជុំ‌វិញក្រុងអេនកានីន និងវាលស្មៅនៅជុំ‌វិញ គឺមានទាំងអស់ក្រុងបួន។

30ក្នុងទឹកដីរបស់កុល‌សម្ព័ន្ធអេស៊ើរ គេទទួលបានក្រុងមីសាល់ និងវាលស្មៅនៅជុំ‌វិញ ក្រុងអាប់‌ដូន និងវាលស្មៅនៅជុំ‌វិញ

31ក្រុងហែល‌កាថ និងវាលស្មៅនៅជុំ‌វិញ ក្រុងរេហូប និងវាលស្មៅនៅជុំ‌វិញ គឺមានទាំងអស់ក្រុងបួន។

32ក្នុងទឹកដីរបស់កុល‌សម្ព័ន្ធណែប‌ថា‌លី គេទទួលបានក្រុងសម្រាប់ជាជំរកដល់អ្នកសម្លាប់គេ គឺក្រុងកេដែស និងវាលស្មៅនៅជុំ‌វិញ ក្នុងស្រុកកាលី‌ឡេ ក្រុងហាម៉ាត-ដោរ និងវាលស្មៅនៅជុំ‌វិញ ក្រុងការ‌ថាន និងវាលស្មៅនៅជុំ‌វិញ គឺមានទាំងអស់ក្រុងបី។

33សរុបទាំងអស់ ពួកលេវី ជាកូនចៅរបស់លោកគើសុន តាមក្រុមគ្រួសាររបស់ពួកគេទទួលបានក្រុងដប់បី ព្រមទាំងវាលស្មៅនៅជុំ‌វិញផង។

34ចំពោះអំបូរលេវីឯទៀតៗ គឺកូនចៅលោកម៉្រារី គេទទួលបានក្រុងក្នុងទឹកដីរបស់កុល‌សម្ព័ន្ធសាប់‌យូ‌ឡូន: ក្រុងយ៉ុក‌នាម និងវាលស្មៅនៅជុំ‌វិញ ក្រុងការថា និងវាលស្មៅនៅជុំ‌វិញ

35ក្រុងឌីម-ណា និងវាលស្មៅនៅជុំ‌វិញ ព្រមទាំងក្រុងណា-ហា‌ឡាល់ និងវាលស្មៅនៅជុំ‌វិញគឺមានទាំងអស់ក្រុងបួន។

36ក្នុងទឹកដីនៃកុល‌សម្ព័ន្ធរូបេន ដែលនៅត្រើយខាងកើតទន្លេយ័រដាន់គេបានទទួលក្រុងបេស‌ស៊ើរ និងវាលស្មៅនៅជុំ‌វិញ ក្រុងយ៉ាហាស និងវាលស្មៅនៅជុំ‌វិញ

37ក្រុងក្តេម៉ូត និងវាលស្មៅនៅជុំ‌វិញ ព្រមទាំងក្រុងមេផ្អាត និងវាលស្មៅនៅជុំ‌វិញ គឺមានទាំងអស់ក្រុងបួន។

38ក្នុងទឹកដីនៃកុល‌សម្ព័ន្ធកាដ គេទទួលបានក្រុងសម្រាប់ជាជំរកដល់អ្នកសម្លាប់គេ គឺក្រុងរ៉ាម៉ូត ក្នុងស្រុកកាឡាដ និងវាលស្មៅនៅជុំ‌វិញ ក្រុងម៉ាហា‌ណែម និងវាលស្មៅនៅជុំ‌វិញ

39ក្រុងហេសបូន និងវាលស្មៅនៅជុំ‌វិញ ព្រមទាំងក្រុងយ៉ាស៊ើ និងវាលស្មៅនៅជុំ‌វិញ គឺមានទាំងអស់ក្រុងបួន។

40សរុបទាំងអស់ កូនចៅលោកម៉្រារីតាមអំបូររបស់ពួកគេ ពោលគឺអំបូរលេវីដែលនៅសល់ ទទួលបានក្រុងចំនួនដប់ពីរដោយការចាប់ឆ្នោត។

41រួមទាំងអស់ ក្រុងរបស់ពួកលេវី ក្នុងទឹកដីរបស់ជន‌ជាតិអ៊ីស្រ‌អែល មានសែ‌សិបប្រាំបីក្រុងព្រមទាំងវាលស្មៅនៅជុំ‌វិញ។

42ក្រុងនីមួយៗមានវាលស្មៅនៅជុំ‌វិញ គឺក្រុងទាំងអស់សុទ្ធតែមានវាលស្មៅដូចៗគ្នា។

43អុលឡោះ‌តាអាឡា បានប្រគល់ស្រុកនោះទាំងមូលឲ្យជន‌ជាតិអ៊ីស្រ‌អែល ស្របតាមបន្ទូលដែលទ្រង់បានសន្យាថានឹងប្រទានឲ្យបុព្វ‌បុរសរបស់គេ។ ពួកគេបានកាន់កាប់ស្រុកជាកម្ម‌សិទ្ធិ ហើយតាំងទីលំនៅ នៅទីនោះ។

44អុលឡោះ‌តាអាឡា ប្រទានសេចក្តីសុខ‌សាន្ត នៅជុំ‌វិញស្រុករបស់ពួកគេ ស្របតាមបន្ទូលដែលទ្រង់បានសន្យាជាមួយដូន‌តារបស់គេ។ គ្មានខ្មាំងសត្រូវណាម្នាក់អាចតទល់នឹងពួកគេបានឡើយ ព្រោះ អុលឡោះ‌តាអាឡា បានប្រគល់ខ្មាំងសត្រូវទាំងអស់ មកក្នុងកណ្តាប់ដៃរបស់ពួកគេ។

45ហេតុនេះ បន្ទូលដ៏ប្រសើរដែល អុលឡោះ‌តាអាឡា សន្យាជាមួយប្រជា‌ជនអ៊ីស្រ‌អែលបានសម្រេចជាស្ថាពរ ឥតមានខ្វះត្រង់ណាឡើយ។