1 Chronicles 7 — Khmer (ព្រះគម្ពីរបរិសុទ្ធកែសម្រួល ២០១៦)

1កូនរបស់អ៊ីសា‌ខារ គឺថូឡា ពូវ៉ា យ៉ាសុប និងស៊ីមរ៉ុន ទាំងអស់មានបួននាក់។

2កូនថូឡា គឺអ៊ូស៊ី រេផា‌យ៉ា យេរី‌អែល យ៉ាម៉ាយ យីបសាម និងសាំយូ‌អែល គេសុទ្ធតែជាកំពូលលើពួកវង្សរបស់ឪពុកគេ គឺថូឡា។ ពួកនោះជាមនុស្សខ្លាំងពូកែ ដែលមានចិត្តក្លាហាន តាមតំណគេរៀងខ្លួន ហើយនៅក្នុងរាជ្យដាវីឌនោះ មានចំនួនពីរម៉ឺនពីរពាន់ប្រាំមួយនាក់។

3កូនរបស់អ៊ូស៊ី គឺយីសរ៉ា‌ហ៊ា ហើយកូនរបស់យីសរ៉ា‌ហ៊ា គឺមីកែល អូបា‌ឌា យ៉ូអែល និងយីសយ៉ា ទាំងអស់មានប្រាំនាក់ ដែលសុទ្ធតែជាមេដឹកនាំ

4ហើយនៅជា‌មួយគេ មានពួកទាហានសម្រាប់ចម្បាំង ចំនួនបីម៉ឺនប្រាំមួយពាន់នាក់ តាមតំណតាមវង្សា‌នុវង្សរបស់បុព្វ‌បុរសគេ ព្រោះគេមានប្រពន្ធ មានកូនច្រើន។

5ពួកបង‌ប្អូនរបស់គេ នៅក្នុងពួកគ្រួអ៊ីសា‌ខារទាំងប៉ុន្មាន ជាមនុស្សខ្លាំងពូកែ មានចិត្តក្លាហាន ដែលរាប់តាមពង្សាវ‌តារគេ នោះមានចំនួនប្រាំបីម៉ឺនប្រាំពីរពាន់នាក់។

6ឯកូនរបស់បេនយ៉ាមីន គឺបេឡា បេគើរ និងយេឌី‌អែល ទាំងអស់មានបីនាក់។

7កូនរបស់បេឡា គឺអេស‌បូន អ៊ូស៊ី អ៊ូស៊ាល យេរីម៉ូត និងអ៊ីរី ទាំងអស់មានប្រាំនាក់ ដែលសុទ្ធតែជាកំពូលលើវង្សរបស់ឪពុកគេ ហើយជាមនុស្សខ្លាំងពូកែ មានចិត្តក្លាហាន តាមពង្សាវ‌តាររបស់គេ នោះបានរាប់ចំនួនជាពីរម៉ឺនពីរពាន់សាមសិបបួននាក់។

8កូនរបស់បេគើរ គឺសេមី‌រ៉ា យ៉ូអាស អេលា‌ស៊ើរ អូលីយ៉ូ‌ណាយ អំរី យេរេ‌ម៉ូត អ័ប៊ីយ៉ា អ័ណា‌ថូត និងអ័ឡា‌មែត នេះសុទ្ធតែជាកូនរបស់បេគើរ។

9ក៏បានរាប់គេតាមពង្សាវ‌តារ តាមតំណគេ សុទ្ធតែជាកំពូលលើវង្សរបស់ឪពុកគេ ជាមនុស្សខ្លាំងពូកែ មានចិត្តក្លាហាន ឃើញមានចំនួនពីរម៉ឺនពីររយនាក់។

10ឯកូនរបស់យេឌី‌អែល គឺប៊ីល‌ហាន ហើយកូនរបស់ប៊ីល‌ហាន គឺយេអ៊ូស បេនយ៉ាមីន អេហ៊ុឌ ក្នាអា‌ណា សេថាន តើស៊ីស និងអ័ហ៊ី‌សាហារ។

11នោះសុទ្ធតែជាកូនរបស់យេឌី‌អែល តាមពួកអ្នកដែលជាកំពូលលើវង្សរបស់ឪពុកគេ ជាមនុស្សខ្លាំងពូកែ មានចិត្តក្លាហាន ដែលអាចនឹងចេញទៅច្បាំងក្នុងពួកពល‌ទ័ពបាន មានចំនួនមួយម៉ឺនប្រាំពីរពាន់ពីររយនាក់។

12មានស៊ូភីម និងហ៊ូភីម ជាកូនអ៊ា ហើយហ៊ូស៊ីម ជាកូនអ័ហ៊ើរដែរ។

13កូនរបស់ណែប‌ថា‌លី គឺយ៉ាស៊ាល គូនី យេស៊ើរ និងស៊ីលិម សុទ្ធតែជាកូនរបស់នាងប៊ីលហា។

14កូនរបស់ម៉ាណា‌សេ គឺអាស‌រាល ដែលប្រពន្ធចុងរបស់គាត់ ជាស្រីសាសន៍អើរ៉ាម បានបង្កើត នាងបង្កើតម៉ាគារ ជាឪពុកកាឡាត។

15ម៉ាគារបានយកប្រពន្ធឈ្មោះម្អាកា ជាប្អូនស្រីរបស់ពួកហ៊ូភីម និងស៊ូភីម ហើយកូនទីពីររបស់ម៉ាណា‌សេ គឺស្លូផិ‌ហាត រីឯស្លូផិ‌ហាតគាត់មានសុទ្ធតែកូនស្រី។

16ឯនាងម្អាកាជាប្រពន្ធម៉ាគារនាងបង្កើតបានកូនប្រុសមួយ ឲ្យឈ្មោះថា ពេរែស ប្អូនគាត់ឈ្មោះសេរែស ហើយកូនរបស់អ្នកនោះ គឺអ៊ូឡាម និងរ៉ាគែម។

17ឯកូនរបស់អ៊ូឡាម គឺបេដាន នេះសុទ្ធតែជាកូនចៅរបស់កាឡាត ដែលជាកូនម៉ាគារ ជាកូនម៉ាណា‌សេ។

18ហាម៉ូ‌លេកេត ជាប្អូនស្រីរបស់គាត់ បង្កើតអ៊ីសហូឌ អ័បៀ‌ស៊ើរ និងម៉ាឡា។

19កូនរបស់សេមី‌ដា គឺអ័សយ៉ាន ស៊ីគែម លីកហ៊ី អ័នី‌យ៉ាម។

20កូនរបស់អេប្រាអិម គឺស៊ុថេ‌ឡា ស៊ុថេឡាបង្កើតបេរេឌ បេរេឌបង្កើតថាហាត ថាហាតបង្កើតអេឡា‌ដា អេឡាដាបង្កើតថាហាត

21ថាហាតគាត់បង្កើតសាបាឌ សាបាឌបង្កើតស៊ុថេ‌ឡា ស៊ុថេឡាបង្កើតអេសើរ និងអេលាឌ ដែលត្រូវពួកអ្នកនៅស្រុកកាថសម្លាប់ ដោយព្រោះអ្នកទាំងពីរនោះបានចុះទៅ ចង់យកហ្វូងសត្វរបស់គេ

22ឯអេប្រាអិមជាឪពុក ក៏កាន់ទុក្ខជាយូរថ្ងៃ ហើយពួកបង‌ប្អូនក៏មកជួយរំដោះទុក្ខ

23រួចអេប្រាអិមចូលទៅឯប្រពន្ធ ហើយនាងមានទម្ងន់ បង្កើតបានកូនប្រុសមួយ គាត់ដាក់ឈ្មោះថា បេរា ព្រោះមានមហន្តរាយ កើតឡើងដល់គ្រួសាររបស់គាត់។

24កូនស្រីរបស់គាត់ គឺសេអេ‌រ៉ា ជាអ្នកសង់ក្រុងបេត-ហូរ៉ុនខាងក្រោម ហើយខាងលើផង និងក្រុងអ៊ូសេន-សេអេ‌រ៉ាដែរ។

25បេរាបង្កើតរេផា និងរេសែប រេផាបង្កើតថេឡា ថេឡាបង្កើតថាហាន

26ថាហានបង្កើតឡាអា‌ដាន ឡាអាដានបង្កើតអាំមិ‌ហ៊ូត អាំមិហ៊ូតបង្កើតអេលី‌សាម៉ា

27អេលី‌សាម៉ាបង្កើតនុន នុនបង្កើតយ៉ូស្វេ។

28រីឯកេរ‌អាករ និងទីលំនៅរបស់គេ គឺនៅក្រុងបេត-អែល និងភូមិនៅជុំ‌វិញ ហើយទៅខាងកើតដល់ក្រុងណាអា‌រ៉ាន ខាងលិចដល់ក្រុងកេស៊ើរ និងភូមិជុំ‌វិញ ព្រមទាំងក្រុងស៊ីគែម និងភូមិនៅជុំ‌វិញ រហូតដល់ក្រុងកាសា និងភូមិនៅជុំ‌វិញទាំងប៉ុន្មាន

29ហើយតាមព្រំ‌ដែននៃពួកកូនចៅម៉ាណា‌សេ នោះមានក្រុងបេត-សៀន និងភូមិនៅជុំ‌វិញ ក្រុងត្អាណាក និងភូមិនៅជុំ‌វិញ ក្រុងមេគី‌ដោ និងភូមិនៅជុំ‌វិញ ក្រុងដោរ និងភូមិនៅជុំ‌វិញទាំងប៉ុន្មាន។ ពួកកូនចៅយ៉ូសែប ជាកូនអ៊ីស្រា‌អែល គេនៅក្នុងទីក្រុងទាំងនោះ។

30កូនរបស់អេស៊ើរគឺយីមណា យីសវ៉ា យីសវី បេរា និងសេរ៉ា ជាកូនស្រី។

31ឯកូនបេរា គឺហេប៊ើរ និងម៉ាល‌គាល ជាឪពុកប៊ីសា‌វីត។

32ហេប៊ើរបង្កើតយ៉ាផ្លេត សូមើរ ហូថាម និងស៊ូអា ជាកូនស្រី។

33កូនរបស់យ៉ាផ្លេត គឺផាសាក់ ប៊ីមហាល និងអ័សវ៉ាត នេះសុទ្ធតែជាកូនយ៉ាផ្លេត។

34កូនរបស់សូមើរ គឺអ័ហ៊ី រ៉ូកា ហ៊ូបបា និងអើរ៉ាម។

35កូនរបស់ហេលេមជាប្អូនគាត់ គឺសូផា យីមណា សេលេស និងអាំម៉ាល។

36ឯកូនរបស់សូផា គឺស៊ូអា ហានេ‌ភើរ ស៊ូអាល បេរី យីមរ៉ា

37បេស៊ើរ ហូឌ សាំម៉ា ស៊ីលសា យីតរ៉ាន និងប្អេរ៉ា។

38កូនរបស់យេធើ គឺយេភូ‌នេ ពីសផា និងអើរ៉ា

39កូនរបស់អ៊ូឡា គឺអើរ៉ាស ហានាស និងរីសយ៉ា។

40ទាំងអស់នេះសុទ្ធតែជាកូនចៅរបស់អេស៊ើរ ជាកំពូលលើវង្សរបស់ឪពុកគេ ជាមនុស្សជ្រើស‌រើស ហើយខ្លាំងពូកែ មានចិត្តក្លាហាន ជាមេលើពួកចៅ‌ហ្វាយ ដែលបានរាប់តាមពង្សាវ‌តារ សម្រាប់ក្រសួងខាងចម្បាំង មានចំនួនជាពីរម៉ឺនប្រាំមួយពាន់នាក់។