bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Chronicles 18
2 Chronicles 18
Krio (Krio Fɔs Oli Baybul)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 19 →
1
Joshafat bin gɛt bɔku bɔku jɛntri ɛn gɛt rɛspɛkt; i bin jɛntri bad bad wan; i bin mared na Eab in famili mek dɛn go gɛt wan wɔd.
2
We sɔm ia dɔn pas, i bin go dɔŋ to Eab na Sameria. Nain Eab kil bɔku bɔku ship ɛn kaw fɔ in ɛn di pipul dɛn we bin go wit am, ɛn i koks am fɔ go fɛt Ramɔt Giliad.
3
Eab we na kin na Izrɛl aks Jɛoshafat we na kiŋ na Juda se, “yu go fala mi go Ramɔt Giliad?” Nain i ansa am se, “mi ɛn yu na wan, ɛn mi pipul dɛn na yu pipul. Wi go ɛp yu fɛt.”
4
Nain Jɛoshafat tɛl di kiŋ na Izrɛl se, “Fɛnɔt fɔs wetin PAPA GƆD go se.”
5
Nain di kiŋ fɔ Izrɛl sɛn kɔl ɔl di fo ɔndrɛd prɔfɛt dɛn ɛn aks dɛn se, “Wi fɔ go fɛt Ramɔt Giliad ɔ lɛ i nɔ go.” Nain di prɔfɛt dɛn ɔl ansa am se, “Go nɔmɔ, PAPA GƆD go mek yu win.”
6
Bɔt Jɛoshafat aks se, “Ɛni ɔda PAPA GƆD in prɔfɛt nɔ de ya we wi go aks.”
7
Nain di kiŋ na Izrɛl ansa Jɛoshafat se, “wan mɔ prɔfɛt stil de we wi kin aks wetin PAPA GƆD se. I nem Maykaya ɛn na Imla in bɔypikin; bɔt a nɔ lɛk am, bikɔs wande i nɔ de ɛva tɛl mi gud tin, pas bad tin nɔmɔ.” Nain Jɛoshafat tɛl di kiŋ se, “lɛ di kiŋ nɔ tɔk so.”
8
So di kiŋ na Izrɛl sɛn kɔl wan ɔfisa ɛn tɛl am se, “Go briŋ Maykaya we na Imla in bɔypikin kam kwik.”
9
Di kiŋ na Izrɛl ɛn Jɛoshafat we na kiŋ na Juda, bin wɛr dɛn kiŋ klos sidɔm na dɛn kiŋ chia na di ples we dɛn de mas rɛs we dɛn dɔn avɛst na di get fɔ go insay Sameria, ɛn ɔl di prɔfɛt dɛn bin tinap bifo di kiŋ dɛn de prɔfisay.
10
Nain Zɛdikaya we na Chɛnaanain bɔypikin mek ayɛn ɔn dɛn ɛn tɔk se, “PAPA GƆD se, na dɛn ɔn ya yu go tek push di Sirian dɛn te yu dɔnawe wit dɛm.”
11
Ɔl di ɔda prɔfɛt dɛnsɛf tɔk di sem tin se, “Go atak atak Ramɔt Giliad, PAPA GƆD go mek yu win.”
12
Di mɛsenja we go kɔl Maykaya tɛl am se, “Ɔl di ɔda prɔfɛt dɛn fɔ tɔk gud wɔd to di kiŋ; ɛn na di sem tin una ɔl fɔ tɔk; so dɛn fɔ tɔk gud wɔd.”
13
Bɔt Maykaya tɛl am se, “wans PAPA GƆD de alayv, na wetin i tɛl mi fɔ tɔk a go tɔk.”
14
We i go to di kiŋ, di kiŋ tɛl am se “Mayka, wi fɔ go Ramɔt Giliad go fɛt, ɔ wi fɔ bia?” I ansa am se, go lɛ yu go win; Gɔd go mek yu win dɛm.”
15
Bɔt di kiŋ tɛl am se, ɔmɔs tɛm in nɔ dɔn tɛl am se i nɔ fɔ de tɛl am natin bɔt di tru tin we PAPA GƆD tɛl am.
16
Maykaya ansa di kiŋ se in si ɔl di Izrɛlayt dɛn skata skata pantap dɛn mawnten lɛkɛ ship we nɔ gɛt pɔsin fɔ gayd dɛm; na de PAPA GƆD tɛl dɛn se dɛn nɔ gɛt lida, so lɛ ɔlman go bak nain os wit kolat.
17
Na de di kiŋ fɔ Izrɛl aks Jɛoshafat se if in nɔ bin dɔn tɛl am se Maykaya nɔ gɛt nɔn gud wɔd fɔ tɛl am.
18
Maykaya tɛl di kiŋ se lɛ i lisin naw to wetin PAPA GƆD gɛt fɔ se; i se in si PAPA GƆD sidɔm nain tron wit ɔl dɛn enjɛl dɛm de rawnd am; sɔm de nain rayt an, sɔm nain lɛft an; dɔn i aks se,
19
udat go go mek Eab ful so dat i go mit in Watalo na Ramɔt Giliad. I se di enjɛl dɛn ɔl bigin de tɔk; dis de se dis, dawande de se dat.
20
Na de wan enjɛl go tinap bifo PAPA GƆD ɛn tɔk se
21
in go kɔnvins am. So PAPA GƆD aks am aw i go du am. So i ansa se in go go dɔŋ ɛn put laylay mɛsej na di prɔfɛt dɛn mɔt. So PAPA GƆD tɛl am se yɛs, dat go kɔnvins am, so lɛ i go.
22
Maykaya tɛl am se na PAPA GƆD insɛf sɛf put laylay spirit na di prɔfɛt dɛn mɔt, ɛn i dɔn tɔk se i nɔ gɛt fɔ ɛnd fayn.
23
Na de Zɛdikaya, dat na Kenaanain bɔypikin go nia Maykaya ɛn slap am nain fes ɛn aks am se usay PAPA GƆD in spirit pas we i lɛf in go to am go tɔk to am.
24
Maykaya ansa am se na di de we i go si insɛf de go fɛn rum fɔ ayd fɔ in layf nain i go no.
25
Na de di kiŋ fɔ Izrɛl gi ɔda se lɛ dɛn kech Maykaya kɛr am go to Emɔn we na di kiŋ in bɔypikin, we na di gɔvna fɔ di siti ɛn Joash ɛn tɛl dɛn se,
26
di kiŋ se dɛn fɔ put am na jel ɛn fid am wit lili bred ɛn wata te i kam bak wit kol at.
27
Maykaya ansa di kiŋ se if i tɔn bak wit in layf dɛn nɔto PAPA GƆD tɔk to am. Maykaya tɛl ɔl di pipul dɛn se lɛ dɛn mak wetin in dɔn tɔk.
28
Di kiŋ fɔ Izrɛl wit Jɛoshafat we na kiŋ fɔ Juda go na Ramɔt Giliad.
29
Di kiŋ fɔ Izrɛl tɛl Jɛoshafat se in go disgays insɛf fɔ go fɛt, bɔt lɛ Jɛoshafat in wɛr in kiŋ klos. So di kiŋ fɔ Izrɛl disgays insɛf, dɔn Jɛoshafat wɛr in kiŋ klos.
30
Di kiŋ fɔ Eram gi kɔmand to in tati-tu karej kɔmanda dɛn se lɛ dɛn nɔ fɛt nɔbɔdi pas di kiŋ na Izrɛl.
31
Wɛn di kɔmanda dɛn si Jɛoshafat, dɛn se na di kiŋ fɔ Izrɛl, so dɛn rɔnata am fɔ fɛt am, bɔt wɛn Jɛoshafat ala, dɛn si se nɔto in;
32
so wɛn dɛn fɛnɔt se nɔto in, dɛn lɛf fɔ rɔnata am.
33
Bɔt wan man drɔ in bo ɛn aro, ɛn jɛs tray. Di aro pas insay di kiŋ fɔ Izrɛl in klos we i wɛr fɔ protɛkt insɛf, ɛn chuk am. So i tɛl di man we bin de drayv in karej se lɛ i tɔn bak, lɛ dɛn kɔmɔt pan di fɛt bikɔs in dɔn wund.
34
Da tɛm de naw di wa bin de tɛns mɔ ɛn mɔ; dɛn es di kiŋ ɛn ol am fɔ lɛ i go ebul sidɔm na di karej, bifo di Aramean dɛn. Da ivin tɛm de i day, dɔn in blɔd bigin flo kɔmɔt pan di wund te go dɔŋ di karej.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36