bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Chronicles 35
2 Chronicles 35
Krio (Krio Fɔs Oli Baybul)
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
1
Josaya kip di pasova to PAPA GƆD na Jerusɛlɛm ɛn dɛn kil di pasova ship pikin di fotin de insay di fɔs mɔnt.
2
I put di man we de mek sakrifays fɔ pipul sin dɛm na dɛn ɔfis dɛm ɛn ɛn kɔrej dɛm pan dɛn savis na PAPA GƆD in os.
3
Ɛn i tɛl di Livayt dɛm we de tich ɔlman na Izrɛl ɛn we oli to Gɔd. “Put di Kɔvinant bɔks na di os we Sɔlɔmɔn, we na Devid in bɔypikin ɛn Izrɛl in kiŋ bil, so una nɔ gɛt fɔ tot am igen na una sholda. Naw una sav PAPA GƆD una Gɔd ɛn in pipul we na Izrɛl.
4
Una rɛdi unasɛf akɔdin to una papa dɛn os dɛm bay una sɛkshɔn dɛm, de fala di dayrɛkshɔn dɛm we Devid we na bin kiŋ na Izrɛl ɛn Sɔlɔmɔn in bɔypikin, bin gi.
5
Ɛn tinap na di oli ples akɔdin to aw dɛn grup una bay papa os fɔ una brɔda dɛm di ɔdinari pipul dɛm, lɛ dɛn ɔl gɛt pat pan ɛni dadi os fɔ dɛn Livayt dɛm.
6
Ɛn kil di pasova ship pikin ɛn mek una sɛf oli ɛn rɛdi fɔ una brɔda dɛm fɔ du akɔdin to PAPA GƆD in wɔd we in gi Mozis.
7
Naim Josaya kɔntribyut fɔ di ɔdinari pipul dɛm pikin ship ɛn pikin got bɔt sɔm tati tawzin wit tri tawzin man kaw fɔ dɛn pasova ɔfrin dɛn wan ya ɔl kɔmɔt to di kiŋ in yon yon animal dɛm.
8
Ɛn di prins dɛnsɛf kɔntribyut wit fri at to di pipul dɛm, to di man we de mek sakrifays fɔ pipul sin dɛm ɛn to di Livayt dɛm. Ilkaya, Zɛkaraya, di lida dɛm na PAPA GƆD in os gi di man we de mek sakrifays fɔ pipul sin dɛm tu tawzin siks ɔndrɛd pikin ship ɛn got ɛn tri ɔndrɛd man kaw fɔ dɛn pasova ɔfrin.
9
Konanaya sɛf ɛn Shɛmaya ɛn Netanɛl in brɔda dɛm, ɛn Asha bia ɛn Jeilɛl ɛn Jozabad di bigman dɛm pan di Livayt dɛm gi di Livayt dɛm fɔ pasova ɔfrin fayv tawzin pikin ship en got ɛn fayv ɔndrɛd man kaw.
10
Wɛn dɛn dɔn rɛdi ɔltin fɔ di savis, di man we de mek sakrifays fɔ pipul sin dɛn tinap na dɛn ples, ɛn di Livayt dɛm na dɛn sɛkshɔn akɔdin to di kiŋ in kɔmand.
11
Ɛn dɛn kil di pasova ship pikin ɛn di man we de mek sakrifays fɔ pipul sin dɛn trowe di blɔd we dɛn gɛt na dɛn an wayl di Livayt dɛn de pul di kanda kɔmɔt.
12
Ɛn dɛn put di bɔn ɔfrin wan say fɔ shelɔ am akɔdin to aw dɛn di pipul dɛn sheb bay papa os fɔ ɔfa am to PAPA GƆD, lɛk aw dɛn rayt am na Mozis in bak ɛn na so dɛn du wit di man kaw dɛm.
13
Ɛn dɛn ros di pasova ship pikin wit faya akɔdin to di oli lɔ, ɛn dɛn bwɛl di oli ɔfrin dɛn na pɔt na koŋofo ɛn an pan dɛm ɛn tot am kwik kwik to ɔl di ɔdinari pipul dɛm.
14
Ɛn afta dat dɛn mek fɔ dɛnsɛf ɛn fɔ di man we de mek sakrifays fɔ pipul sin dɛm bikɔs di Man we de mek sakrifays fɔ pipul sin dɛm Erɔn in bɔypikin dɛn bizi de ɔfa di ɔfrin dɛn we fɔ bɔn ɛn di fat pat dɛm te nɛt, so di Livayt dɛn mek fɔ dɛnsɛf, ɛn fɔ di man we de mek sakrifays fɔ pipul sin dɛm Erɔn in bɔypikin dɛm.
15
Di siŋa dɛm, Esaf in bɔypikin dɛm bin de na dɛn ples akɔdin to Devid ɛn Esaf ɛn Imam ɛn Jedutun we de si fɔ di kiŋ dɛn kɔmand ɛn di get kipa dɛn de na dɛn get dɛm, dɛn nɔ bin gɛ fɔ dɛn wok, bikɔs dɛn brɔda dɛn di Livayt dɛm mek fɔ dɛm.
16
So ɔl di savis fɔ PAPA GƆD rɛdi da de de, fɔ kip di pasova ɛn fɔ bɔn ɔfrin dɛm na PAPA GƆD in ɔlta akɔdin to kiŋ Josaya in kɔmand.
17
Ɛn di Izrɛl pipul dɛm we prɛzɛnt kip di pasova da tɛm de ɛn di kuk fɔ bred we nɔ gɛt yist sɛvin de.
18
Nɔn pasova nɔ dɔn kip lɛk am na Izrɛl frɔm Samiɛl di prɔfɛt in tɛm. Nɔn pan di kiŋ dɛm na Izrɛl bin dɔn kip da kayn pasova de we Josaya ɛn man we de mek sakrifays fɔ pipul sin dɛm, ɛn di Livayt dɛm, ɛn ɔl Juda ɛn Izrɛl we prɛzɛnt ɛn di wan dɛn we tap na Jerusɛlɛm kip.
19
Insay di etin ia we Josaya bi kiŋ na im dis pasova kip.
20
Afta ɔl dis we Josaya dɔn mek di tɛmpul, Neko Ijipt kiŋ go ɔp go fɛt na kakimish to di Eufratis ɛn Josaya kɔmɔt go mit am.
21
Bɔt i sɛn am ambasedɔ dɛm go mit am se, “Wetin wi gɛt fɔ du wit wisɛf Juda in kiŋ? A nɔ kɔmɔt kam fɛt yu; na di os we a gɛt wa wit n a im a kam fɛt, ɛn PAPA GƆD kɔmand mi fɔ mekes. Lɛf fɔ ɔpoz Gɔd we de wit mi lɛ i nɔ ɔ distrɔy yu.
22
Bɔt Josaya nɔ gri tɔn kɔmɔt to am i disgays insɛf mek i go fɛt am. I nɔ yɛri Neko in wɔd dɛm we kɔmɔt na Gɔd in mɔt I jɔyn di fɛt na di opin grɔn na Negido.
23
Di wan dɛn we de faya aro shut kiŋ Josaya ɛn di kiŋ tɛl in savant dɛn se kɛr mi go bikɔs a dɔn wund bad.”
24
So in savant dɛn pul am nain chariɔt ɛn put am nain sɛkɛn chariɔt ɛn briŋ am kam Jerusɛlɛm. Ɛn i day ɛn dɛn bɛr am nain papa dɛn tumb dɛm. Ɔlman na Juda ɛn Jerusɛlɛm kray fɔ Josaya.
25
Jɛrimaya sɛf siŋ bɛrin siŋ fɔ Josaya ɛn ɔl di siŋuman ɛn di siŋman dɛm de tɔk bɔt Josaya na dɛn bɛrin siŋ dɛm te tide. Dɛn mek am lɔ sɛf na Izrɛl ɛn naw dɛn rayt na di bɛrin siŋ buk dɛm.
26
Naw di balans pan di tin dɛm we Josaya du ɛn in gud wok akɔdin to wetin rayt na PAPA GƆD in Lɔ.
27
Ɛn wetin i du frɔm fɔs to las, luk am dɛn rayt am na di buk bɔt kiŋ dɛm na Izrɛl ɛn Juda.
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36