bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Chronicles 32
2 Chronicles 32
Krio (Krio Fɔs Oli Baybul)
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
1
Afta ɔl dɛn tin ya we i du we sho se i fet to PAPA GƆD. Sɛnakarib di kiŋ na Asiria tek bay fos go insay Juda ɛn i mek in kamp pan di siti dɛm we gɛt dɔbul protɛkshɔn in plan na fɔ win dɛm fɔ insɛf.
2
Ɛn wɛn Ɛzikaya si se Sɛnakarib dɔn kam ɛni ɛvri mekɔp fɔ kam fɛt Jerusɛlɛm.
3
I ɛn in ɔfisa dɛm plan fɔ stɔp di wata dɛm pan di watasay dɛm we de awtsayd di siti ɛn dɛn ɛp am.
4
Bɔku bɔku pipul dɛn bin dɔn gɛda ɛn dɛn blɔk ɔl di watasay dɛm ɛn di wata we pas insay di dam dɛn de aks se, “wetin mek di asiria kiŋ dɛn kam ɛn bɛn plɛnti wata?”
5
I begin wok wit maynd ɛn bil ɔl di wɔl we bin dɔn brok ɛn bil tawa pan am ɛn na do i bil ɔda wɔl. Dɛn i mek Milo we de na Devid in siti trɔŋ mɔ, I mek bɔku bɔku wɛpɔn ɛn big shild dɛn bak.
6
Ɛn i fiks kɔmbat kɔmanda dɛm pan di pipul dɛm ɛn gɛda dɛm togɛda to am na di pak to di siti in get ɛn tɔk wɔd fɔ kɔrej dɛm se,
7
mek una at frɔŋ ɛn gɛt gud kɔrej una nɔ fred una nɔ pwɛl at bifo Asiria dɛn kiŋ ɛn ɔl di ɛn ɔl di yɔni jamat we de wit am bikɔs di wan we pas wetin di wit am de wit wi.
8
Na mɔtalman an de wit am, bɔt na PAPA GƆD wi Gɔd de wit wi fɔ ɛp wi ɛn fɛt wi batul dɛm i ɛn di pipul dɛm kan gɛt kɔnfidɛns fɔ seka Ɛzikaya di kiŋ na Juda in wɔd dɛm.
9
Afta di Sɛnakarib di Asiria kiŋ we bin de payl, prɛzhɔ pan Lakish wit ɔl in soja man dɛn sɛn i savant dɛm go Jerusɛlɛm to Ɛzikaya Juda in kiŋ we de na Jerusɛlɛm se,
10
‘Na dis Sɛnakarib di kiŋ na Asiria se, ‘wetin una dipɛnd pan we mek una de rizist mi na Jerusɛlɛm.
11
Nɔto disiv Ɛzikaya de disiv una so mek i go lɛf una lɛ una go day wit aŋri, we i tɛl una se, “PAPA GƆD we na wi GƆD go sev wi kɔmɔt na di Asiria kiŋ in an?
12
Dis sem Ɛzikaya nɔto in dɔn pul Gɔd in ɔlta dɛm ɛn in ay ples dɛm ɛn kɔmand Juda ɛn Jerusɛlɛm se, “Na bifo waŋren ɔlta una go wɔship ɛn na pan am una go bɔn una sakrifays dɛm?
13
Una nɔ no wetin mi ɛn mi papa dɛm dɔn du to ɔl ɔda pipul dɛm na ɔda kɔntri dɛm? Di Gɔd dɛm fɔ di neshɔn dɛn we de na dɛn kɔntri de ebul alɔl fɔ sev dɛn kɔntri kɔmɔt na mi an?
14
Udat pan ɔl di gɔd dɛm na dɛn neshɔn we mi Papa pwɛl kpata kpata ebul diliva in pipul dɛm kɔmɔt na mi an, we una Gɔd fɔ ebul diliva una kɔmɔt na mi an?
15
Naw fɔseka dat una nɔ mek Ɛzikaya disiv una ɔ mek una mis rod lɛk dis ɛn una nɔ biliva am bikɔs no gɔd fɔ ɛn neshɔn dɔn ɛva ebul fɔ sev in pipul dɛm kɔmɔt nain an ɔ nain papa in an. Aw naw una Gɔd go diliva una kɔmɔt na mi an.
16
Ɛn di savant tɔk tin we pas dat sɛf agens PAPA GƆD agens in savant Ɛzikaya.
17
Ɛn i rayt lɛta fɔ shumɔ pan PAPA GƆD Izrɛl in Gɔd ɛn fɔ tɔk agens am se, “Lɛk aw di gɔd dɛm fɔ di neshɔn dɛm we gɛt dɛn kɔntri nɔ ebul pul dɛm pipul dɛm kɔmɔt na mi an na so Ɛzikaya in GƆD nɔ go ebul sev in pipul dɛm na mi an.”
18
Ɛn dɛn ala am wit lawd vɔys na di Juda laŋwej to di Jerusɛlɛm pipul dɛm fɔ skyad dɛm ɛn mek dɛn fred so dat dɛn go tek di siti.
19
Ɛn dɛn tɔk bɔt di GƆD fɔ Jerusɛlɛm lɛk dɛn de tɔk bɔt di gɔd dɛm fɔ di pipul dɛm na wɔl we na mɔtal an in wok.
20
Naim Ɛzikaya di kiŋ ɛn Ayzaya di prɔfɛt. Emɔz in bɔypikin, pre fɔseka dis ɛn kray to ɛvin.
21
Ɛn PAPA GƆD sɛn wan enjɛl we kil ɔl di pawaful sojaman, kɔmanda ɛn ɔfisa dɛm na Sɛnakarib di Asiria kiŋ in kamp so i tɔk bak go wit Shem fes nain yon kɔntri. Ɛn wɛn i kam nain gɔd in os. Sɔm pan in yon in yon bɔypikin dɛm atak am wit sɔd ɛn kil am de.
22
Na so PAPA GƆD sev Ɛzikaya ɛn di wan dɛn we tap na Jerusɛlɛm na Sɛnakarib di Asirian kiŋ in an ɛn na ɔl in ɛnimi dɛn an. Ɛn i gi dɛm Alafia ɔlsay.
23
Ɛn bɔku dɛn briŋ prɛzɛnt dɛm to PAPA GƆD na Jerusɛlɛm ɛn prɛshɔs tin dɛm to Ɛzikaya Juda in kiŋ we mek i es ɔp ay na ɔl dɛn neshɔn dɛn yay frɔm da tɛm de.
24
Dɛn tɛm de kiŋ Ɛzikaya kam sik ɛn nia fɔ day; ɛn I pre to PAPA GƆD ɛn i ansa am ɛn gi am sayn.
25
Bɔt Ɛzikaya nɔ ritɔn di fevɔ to Gɔd akɔdin to gud we i du am bikɔs in at bin prawd. Fɔseka dat vɛksteshɔn kam pan am, ɛn Juda ɛn Jerusɛlɛm.
26
Bɔt Ɛzikaya ɔmbul insɛf fɔ di prawd we i prawd in ɛn di pipul dɛm we tap na Jerusɛlɛm dat mek PAPA GƆD in wamat nɔ lus pan dɛm Ɛzikaya in tɛm.
27
Ɛn Ɛzikaya bin gɛt bɔku jɛntri ɛn ɔna, ɛn i mek bank dɛn fɔ insɛf fɔ silva, fɔ gold, fɔ prɛshɔs ston dɛm, fɔ spays, fɔ big shild dɛm ɛn fɔ ɔl kayn dia dia besin dɛm.
28
I gɛt wia aws dɛn bak fɔ kɔn, wayn, ɛn ɔyl, ɛn ples fɔ ɔl kayn kaw ɛn ship.
29
Igen, i bil siti dɛm fɔ insɛf ɛn fɔ bɔku bɔku ship ɛn kaw dɛm, bikɔs PAPA GƆD gi am bɔku prɔpati.
30
Na dis sem Ɛzikaya lɔk di ɔp pat pan di Giɔn watasay, ɛn tɔn am fɔ go na di wɛst say na Devid in siti. Ɛn bɛtɛ bin fala Ɛzikaya pan ɔl in wok.
31
Na dat mek pan de biznɛs fɔ di Amabesadɔ dɛm we di prins dɛm na Babilɔn sɛn to am fɔ aks bɔt di sayn we PAPA GƆD du na di kɔntri PAPA GƆD lɛf am to insɛf fɔ tray am ɛn fɔ no ɔl wetin de nain at.
32
Naw di balans pan di tin dɛm we Ɛzikaya du ɛn in gud wok dɛm, luk am dɛn rayt am na Ayzaya di prɔfɛt Emɔz in bɔypikin in vishɔn, na di buk bɔt di kiŋ dɛm fɔ Juda ɛn Izrɛl.
33
Ɛn Ɛzikaya slip wit in Papa dɛm ɛn dɛn bɛr am na di il we de tumb dɛm fɔ Devid in bɔypikin dɛm de, ɛn di wanol Juda ɛn ɔl di wan dɛm we tap na Jerusɛlɛm, gi am ɔna we i day ɛn Manasɛ in bɔypikin bi kiŋ nain ples.
← Chapter 31
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 33 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36