bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Chronicles 20
2 Chronicles 20
Krio (Krio Fɔs Oli Baybul)
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
1
Afta dat di Moabayt ɛn di Amonayt dɛn ɛn sɔm pan di Meyunayt dɛn kam fɔ fɛt Jeoshapat.
2
Sɔm man dɛm kam tɛl Jɛoshafat se, “bɔku bɔku pipul dɛn de kɔmɔt Idɔm oba di si kam fɔ kam fɛt yu; dɛn de Azazɔn Tama naw naw” (dat na Ɛngɛdi).
3
Nain Jɛoshafat fred, ɛn i mek ɔp fɔ pre to PAPA GƆD ɛn tɛl ɔlman na Juda se dɛn fɔ fast.
4
So ɔlman na Juda gɛda fɔ aks PAPA GƆD fɔ ɛp dɛn; pipul dɛn kɔmɔt na ɔl di siti dɛm na Juda fɔ kam pre to PAPA GƆD.
5
Jɛoshafat tinap usay di pipul dɛm na Juda ɛn Jerusɛlɛm gɛda na PAPA GƆD in os, na di nyu kɔt yad,
6
ɛn i tɔk se, “Duya PAPA GƆD we na wi papa dɛn Gɔd, nɔto yu na di Gɔd na ɛvin? Nɔt to yu de rul ɔl di kindɔm dɛn na di wɔl? Na yu gɛt ɔl di pawa ɛn trɛnk na wɔl, we mek nɔbɔdi nɔ go ebul tinap bifo yu.
7
Nɔt to yu we na wi Gɔd drɛb di wan dɛm we bin tap na dis land fɔ seka yu pipul dɛn we na Izrɛl; ɛn bin gi am to yu padi Ebraam in pikin dɛm se te go?
8
Ɛn dɛn dɔn tap de, ɛn dɔn bil oli ples fɔ ɔna yu nem, ɛn se,
9
“If bad tin apin to wi, lɛk wa, ɔ PAPA GƆD in jɔjmɛnt, ɔ we dɛn bad bad sik kin kech bɔku bɔku pipul, ɔ we aŋri de bad bad wan, wi go tinap bifo dis os ɛn bifo yu, bikɔs na ya yu de, ɛn kray to yu we trɔbul mit wit wi, ɛn yu go yɛri wi ɛn sev wi.
10
Luk naw, di man dɛm na Amɔn, Moab ɛn Idɔm we yu nɔ bin gri lɛ Izrɛl atak wɛn dɛn bin kɔmɔt Ijipt, pipul dɛn we dɛn nɔ bin go nia ɛn nɔ bin kil-
11
luk naw, di pe we dɛn gi wi, na fɔ kam drɛb wi kɔmɔt na yu land we yu bin dɔn gi wi as wi yon prɔpati.
12
Du ya wi Gɔd, yu nɔ go pas jɔjmɛnt pan dɛm? Wi nɔ gɛt pawa fɔ mit ɔp dɛn bɔku bɔku pipul dɛn ya we de kam fɔ kam atak wi. Wi nɔ no wetin fɔ du bɔt wi de luk to yu.”
13
As ɔl dis de bi, ɔl di man dɛn na Juda tinap de bifo PAPA GƆD wit dɛn yɔŋ bebi dɛn ɛn dɛn wɛf ɛn pikin dɛm.
14
Nain PAPA GƆD in spirit kam pan Jeaziɛl we na Zɛkaraya in bɔypikin, usay ɔlman bin gɛda. Zɛkaraya na bin Bɛnaya in bɔypikin, ɛn Bɛnaya in na bin Jɛiɛl in bɔypikin, ɛn Jɛiɛl na bin Matanaya yon bɔypikin. Jeaziɛl na bin Livayt we kɔmɔt pan Asaf in bɔypikin dɛn.
15
Nain i se, “Una lisin o, una ɔl we de Juda ɛn Jerusɛlɛm ɛn yusɛf Kiŋ Jɛoshafat; PAPA GƆD se fɔ tɛl una se, “Una nɔ fred ɛn pwɛlat we una si dɛn bɔku bɔku pipul dɛn ya; bikɔs PAPA GƆD gɛt di fɛt, nɔto una.
16
Tumara, una go dɔŋ go atak dɛm; dɛn go pas na di rod fɔ klem kam ɔp we de na Ziz. Una go fɛn dɛn na vali we na di las pat na di vali we de na di ist pat na di ples we pɔsin nɔ go ebul tap na Jɛruɛl.
17
Una nɔ gɛ gɛt fɔ fɛt na dis fɛt; una tek una pozishɔn ɛn tinap ɛn nɔ du natin, ɛn wach we PAPA GƆD de bit dɛn fɔ una, una we de Juda ɛn Jerusɛlɛm.’ Una nɔ fred ɛn nɔ pwɛlat; Tumara, una go fɛt dɛm ɛn PAPA GƆD go de wit una.
18
Nain Jɛoshafat butu i ed na grɔn ɛn ɔlman na Juda ɛn di wan dɛn we tap na Jerusɛlɛm, butu dɛnsɛf yon ed na grɔn bifo PAPA GƆD de wɔship PAPA GƆD.
19
Di Livayt dɛn pan di Koatayt ɛn di Koraayt dɛn, tinap fɔ prez PAPA GƆD we na Izrɛl dɛn Gɔd, lawd lawd wan.
20
So dɛn grap ali mɔnin ɛn go na di ples we pɔsin nɔ go ebul tap na Tɛkoa; ɛn we dɛn bin de go, Jɛoshafat tinap ɛn tɔk se, “Una lisin mi una we de na Juda ɛn Jerusɛlɛm! Biliv PAPA GƆD we na una Gɔd, ɛn una go tinap traŋa; biliv in prɔfɛt dɛm ɛn una go sɔksid.”
21
Wɛn i dɔn ɛŋ ed wit di pipul dɛn dɔn, i pik di wan dɛn we fɔ siŋ to PAPA GƆD ɛn prez am we dɛn wɛr oli klos, we dɛn de waka bifo di ami de siŋ se, “Tɛl PAPA GƆD tɛnki, bikɔs in lɔv we nɔ de chenj so te go.”
22
Wɛn dɛn bigin siŋ ɛn prez, PAPA GƆD mek ambush fɔ di man dɛn na Amɔn, Moab ɛn Idɔm we bin kam fɔ fɛt Juda, we mek dɔn ɔl fɛt dɛnsɛf.
23
Di man dɛn na Amɔn ɛn Moab bigin fɛt di wan dɛn we tap na Idɔm ɛn kil dɛn ɔl. We dɛn dɔn kil ɔl di pipul dɛn na Idɔm, dɛn ɔl bigin kil dɛn kɔmpin.
24
We di pipul dɛn na Juda kam na di tawa we dɛn de tinap wach fɔ ɛnimi, we de na di ɛmti ple we pɔsin nɔ go ebul tap, dɛn luk usay di pipul dɛn de; nain dɛn si bɔku bɔku dedebɔdi lidɔm na grɔn; dɛn nɔn nɔ ebul rɔnawe.
25
We Jɛoshafat ɛn in pipul dɛn kam fɔ gɛda di tin fayn fayn dɛn we sojaman dɛn kin tek we wa dɔn, dɛn mit bɔku bɔku kaw, bɔku ɔda tin dɛn, klos ɛn valyuebul tin dɛn we dɛn tek fɔ dɛnsɛf te dɛn nɔ ebul pak mɔ. Di tin dɛn bin so bɔku dat na tri de dɛn tek gɛda dɛn.
26
Di de we mek fɔ, dɛn gɛda na Bɛraka Vali, bikɔs na de dɛn bin blɛs PAPA GƆD; na dat mek dɛn kɛl da ple de Bɛraka te tide.
27
Nain dɛn ɔl tɔn bak; ɔlman na Juda ɛn Jerusɛlɛm, ɛn Jɛoshafat bin de bifo dɛn. Dɛn go bak na Jerusɛlɛm wit gladi bikɔs PAPA GƆD bin mek dɛn bit dɛn ɛnimi dɛn.
28
Dɛn kam na PAPA GƆD in os na Jerusɛlɛm, de ple gita, flut ɛn trɔmpɛt.
29
Ɔl di ɔda kɔntri dɛn fred PAPA GƆD we dɛn yɛri se PAPA GƆD dɔn fɛt Izrɛl dɛn ɛnimi dɛn.
30
Jeɛoshafat in kindɔm bin gɛt, bikɔs PAPA GƆD bin gi am kolat ɔlɔbɔt.
31
Na so Jɛoshafat bi kiŋ na Juda. I bin ol tati-fayv ia we i begin rul, ɛn i bi kiŋ fɔ twɛnti fayv ia na Jerusɛlɛm. In mama bin nem na Azuba we na Shili in gyal pikin.
32
I du ɔl wetin in papa Esa bin de du ɛn nɔ bin tɔn in bak; I du wetin rayt na PAPA GƆD in yay.
33
Bɔt dɛn nɔ bin pul di ay ples dɛm kɔmɔt; di pipul dɛn nɔ bin dɔn put dɛn at yet to dɛn papa dɛn Gɔd.
34
Di balans tin dɛn we Jɛoshafat du, frɔm fɔs to las, rayt am na di rɛkɔd buk we Jeu, we na Anani in bɔypikin bin rayt, we rayt na di buk bɔt di di kiŋ dɛn na Izrɛl.
35
Afta dat, Jɛoshafat jɔyn Aazaya, we na kiŋ na izrɛl, we bin de du bad bad tin dɛm.
36
I jɔyn am fɔ bil ship dɛm fɔ go Tashish; dɛn bin de bil di ship dɛn na Ɛziɔ Geba.
37
Nain in Ɛlieza we na Dodavau we kɔmɔt Marɛsha in bɔypikin, prɔfisay bɔt Jɛoshafat se, “Bikɔs yu jɔyn Aazaya, PAPA GƆD go pwɛl ɔl wetin una dɔn mek.” So di ship dɛn ɔl rɛk ɛn nɔ ebul go Tashish.
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36