bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Krio
/
Krio (Krio Fɔs Oli Baybul)
/
2 Chronicles 25
2 Chronicles 25
Krio (Krio Fɔs Oli Baybul)
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 26 →
1
Amazaya bin ol twɛnti fayv ia we i bigin ren kiŋ ɛn i ren fɔ twɛnti nayn ia na Jerusɛlɛm. In mama nem na Jeoadan we kɔmɔt Jerusɛlɛm.
2
I bin du wetin rayt na PAPA GƆD in yay, bɔt nɔto bin wit ɔl in at.
3
As di kiŋ pawa dɔn stɛdi nain an so, i kil di wokman dɛm we bin kil in papa we na bin di kiŋ.
4
Bɔt i nɔ kil dɛn pikin dɛm, fɔseka wetin di lɔ se insay Mozis in buk usay PAPA GƆD kɔmand se, “Dɛn nɔ fɔ kil di Papa dɛm fɔseka dɛn pikin dɛm, ɛn dɛn nɔ kil di pikin dɛm fɔseka dɛn papa dɛm; bɔt ɔlman fɔ day fɔ inyon sin.”
5
Nain Amazaya gɛda di man dɛm na Juda wansay ɛn put dɛm bay dɛn papa dɛn os, ɔnda kɔmanda dɛm fɔ tawzin ɛn fɔ ɔndrɛd ɔndrɛd, fɔ di wanol Juda ɛn Bɛnjamin. I gɛda dɛn wan dɛm we ol frɔm twɛnti ia go ɔp, ɛn fɛnɔt se, dɛn na bin tri ɔndrɛd tawzin man we dɛn pik se, fit fɔ fɛt wa, ɛn dɛn ebul andul spia ɛn shild.
6
I bin aya wan ɔndrɛd tawzin pawaful man dɛn we ebul fɛt, kɔmɔt Izrɛl ɛn pe tri ɔndrɛd tawzin kilo silva.
7
Bɔt wan man ɔf Gɔd kam mit am ɛn tɛl am se, “Kiŋ nɔ gri lɛ Izrɛl dɛn ami go wit yu bikɔs PAPA GƆD nɔ de wit Izrɛl ɛn wit ɔl dɛn Ifrem pipul dɛn ya.
8
Bɔt if yu fil se na so yu go gɛt trɛnk fɔ fɛt di wa, PAPA GƆD go ib yu dɔŋ bifo di ɛnimi; bikɔs PAPA GƆD gɛt pawa fɔ ɛp pɔsin ɔ fɔ ib am dɔŋ.”
9
Nain Amazaya ansa di man ɔf Gɔd se, “Bɔt we di tri tawzin fo ɔndrɛd kilogram silva we a dɔn gi di Izrɛl ami? Nain di man ɔf Gɔd ansa am se, “PAPA GƆD ebul gi yu pas dat.”
10
Nain Amazaya sɛn di ami we kɔmɔt Ifrem go om bak. Dɛn vɛks bad bad wan pan Juda ɛn tɔn bak go om wit bad bad vɛksteshɔn.
11
Bɔt Amazaya bin mek maynd ɛn lid in pipul dɛn go na di Sɔl Vali ɛn bin kil tɛn tawzin pan di man dɛm na Sɛir.
12
Di Juda man dɛm kapchɔ ɔda tɛn tawzin man dɛm layf wan, ɛn kɛr dɛn go rayt ɔp wan ston ɛn trowe dɛm kan dɔŋ, ɛn dɛn ɛn dɛn skata pis pis.
13
Bɔt di man dɛm na di ami we Amazaya bin sɛn go bak we i nɔ bin gri lɛ fala am go fɛt, fɔdɔm pan di siti dɛm na Juda, frɔm Sameria to Bɛtɔrɔn ɛn kil bɔt tri tawzin pipul, ɛn tek bɔku bɔku tin dɛm.
14
We Mazaya kɔmɔt kil di pipul dɛm na Idɔm, i briŋ di gɔd dɛm we di man dɛm na Seir bin de wɔship, ɛn mek dɛm inyon gɔd dɛm ɛn wɔship dɛm ɛn de mek sakrifays to dɛm.
15
Fɔseka dat, PAPA GƆD bin vɛks pan Amazaya ɛn sɛn wan prɔfɛt to am we tɛl am se, “Wetin mek yu dɔn tɔn to ɔda pipul dɛn gɔd dɛm we nɔ ebul sev dɛn yon pipul kɔmɔt na yu an?
16
As i bin de tɔk, nain di kiŋ aks am se, “Udat mek yu advaysa fɔ di kiŋ? Tap an de! Wetin mek yu fɔ fɛn day?” So di prɔfɛt tap, bɔt tɔk se, “A no se PAPA GƆD dɔn mek ɔp fɔ nyakanyaka yu traŋa wan bikɔs yu dɔn biev bad, ɛn nɔ lisin to mi advays.”
17
Amazaya we na kiŋ na Juda aks advays ɛn sɛn go to Joash we na Jɛoeaz in bɔy pikin, ɛn Jiu in granpikin we na kiŋ na Izrɛl se, “Kam lɛ wi mit fes to fes if yu na man.”
18
Bɔt Kiŋ Jɛoash na Izrɛl sɛn wɔd to Kiŋ Amazaya na Juda se, “Wande, wan smɔl winji winji plant na Libanɔn sɛn mɛsej to wan big sida tik insay di vɛri Libanɔn se, i fɔ gi in gyal pikin to in bɔypikin fɔ mared. Na de wan wayl animal kɔmɔt na bush kam mas, mas di lili plant.
19
Na tru se yu dɔn dɔnawe wit Idɔm bɔt dat nɔ min se yu fɔ de mek prawd ɛn mek rudnɛs. If yu dɔn win, sidɔm saful, bɔt nɔ fɛn plaba ɛn mek yu ɛn Juda sɔri.”
20
Bɔt Amazaya nɔ gri, bikɔs na so PAPA GƆD du mek i go put dɛm na dɛn ɛnimi dɛn an, bikɔs dɛn dɔn tɔn to Idɔm dɛn lay lay gɔd dɛm.
21
So Joash we na kiŋ na Izrɛl go ɔp; ɛn in ɛn Amazay fes dɛnsɛf na batul fil na Bɛtshɛmɛsh, we blant Juda.
22
Ɛn Izrɛl bit Juda ɛn ɔl di man dɛm rɔnawe go n dɛn os.
23
Ɛn Joash we na kiŋ na Izrɛl, kapchɔ Amazaya we na kiŋ na Juda ɛn we na Joash i bɔy pikin ɛn Aezia in grampikin, na Bɛt Shɛmɛsh ɛn briŋ am kam Jerusɛlɛm, ɛn brok pan di wɔl na Jerusɛlɛm, bɔt sɔm tu ɔndrɛd mita, dat na frɔm Ifrem get to di kɔna get.
24
Ɛn i siz ɔl di gold ɛn silva ɛn ɔl di tin dɛm we dɛn de yuz na PAPA GƆD in os we i mit de, wit Obɛd Idɔm sɛf; dɛn i siz ɔl di dia dia tin dɛm na di kiŋ in os, ɛn tek sɔm pipul, ɛn tɔn bak go Sameria.
25
Amazaya we na Joash we na kiŋ na Juda in bɔypikin, de fɔ fiftin ia afta Joash we na Jɛoaaz we na bin di kiŋ na Izrɛl in bɔypikin, day.
26
Di balans tin dɛm we Amazaya du, frɔm fɔs to las, nɔto insay di buk bɔt di kiŋ dɛn we dɔn rul Juda ɛn Izrɛl dɛn rayt dɛm?
27
Frɔm di tɛm we i tɔn in bak gi PAPA GƆD, naim dɛn tayt bagin fɔ am na Jerusɛlɛm, ɛn i rɔnawe go Lakish. Bɔt dɛn sɛn pipul go fɛn am, ɛn dɛn kil am de.
28
Ɛn dɛn put am pan ɔs briŋ am kam; ɛn dɛn bɛr am wit in fɔstɛmpapa dɛm na Devid in siti.
← Chapter 24
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 26 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36