1 Corinthians 13

Lugbara (E’yo Siza Alatararu Munguniri BIBLIA)

← Chapter 12 Jump to: Chapter 14 →

1Te ma ece emi dri geri onyiru tu agapi rari ’di. Ma ka e’yo ’yo andre ’banisi, kani malaikanisi ra ti, te ka ovu leta avasiri be ku, ma eca ovuzu mola wupi wurile, kani emve cole corile.

2Te ma ka e’yo olu nabile, ka e’yo zizaru ’diyi va dria, nita dria be, ma ka ovu a’ita be dria ’dini mani ecozu ’ani oni amboru ’diyi onzezu yi pariasi ra ti, te ma ka ovu leta avasiri ’be ku ma ovu toko.

3Te ma ka afa ’mani fe dria nyaka awazu ’ba alioru ’diyi dri, ma ka ma rua fe evezu acisi,ti, te ma ka ovu leta avasiri be ku, orodrini ma dri yo.

4Leta avasiri eri asi teza be, eri ’asi ndriza be; leta avasiri ovuni ’ma’yalasi ku; leta avasiri ’yoni e’yo afusi ku, ipini i afusi ku indi,

5eri ’yeni e’yo dri fupi ’ba milia kuri ku, ndruni e’yo i vileri ku, omvini e’yo aokosi ku, egani e’yo ’onzi ku;

6ovuni ayikosi e’yo onzisi ku, te ovu ayikosi e’yo adaru’risi;

7eri candi a’i dria asi tezasi, leri e’yo dria a’i a’itasi, eri asi ’baza be e’yo dria tezu, eri ovu asi e’yere be e’yo dria ma alia andekokoro.

8Leta avasiri deni i ku; te e’yo oluza nabiru ’diyi nga yi de ra; e’yo ’yoza ti ndu ndusi ’diyi nga asi ra; nitani nga i de ra.

9Te ama kiri e’yo ma esele ni’i a’dule, azini ama kiri e’yo nabiruri ma esele olu’i;

10te e’yo ecapi i paria tre ’bori ka eca ra, e’yo eseleruri nga i de ra.

11Mani ndra ovuria mvaru ma adri ndra e’yo ’yo mvale, ma adri ndra e’yo ega mvale, ma adri ndra asisile dro mvale; te mani zoria agupiru ’boria ma ku e’yo mvaniri ja.

12Awa’dini, curu’do ama wura amani ndre mandara ma alia ndi ndi ku, te o’du ’dasi ama nga ama ndre milia milia. Curu’do ma ni kiri e’yo ma eseleni’i a’dule; te o’du ’dasi ma nga e’yo ni ekile yini ma nile ’borile.

13Te di e’yo na ’diyi indi, yi adri ’dani: a’tani, e’yo tezani, leta avasiri; te agapi yi ma eselia ambori eri leta avasiri’i.

← Chapter 12 Jump to: Chapter 14 →