bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
1 Corinthians 7
1 Corinthians 7
Lugbara (E’yo Siza Alatararu Munguniri BIBLIA)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 8 →
1
Te e’yo mira emini silerisi: ’Ba ka oku ma rua elo ku, diri onyiru.
2
Te agupi dria alu alu ma ovu oku ini be, azini oku dria alu alu ma ovu agupi ini be, ’dini yi kazu ovuzu awuru ku.
3
Agupi nde ma fe oku ini dri e’yo ’yekeri, azini vini oku ma fe agupi ini dri e’yo ’yekeri indi.
4
Oku ovuni okpo be rua inisi ku, te agupi’i; ’dinile indi agupi ovuni okpo be rua inisi ku, te oku’i,
5
Emi oga emini emi ecizu tualu ku, pe kiri emi ka e’yo ede emi eselia ’yezu ’dinile o’du weresi, ceo emini emi fezaru Mungu zizu ani; te emi eci emi tualu dika, Satani kazu emi obezu ku okpo emini emi rua dri sizurini ovule werensi.
6
Te ma ’yo e’yo ’diri yini ma a’ile ’yozu rarisi, te azitanisi ku.
7
Te ma le te ’ba dria ma ovu male. Te di ’ba dria alu alu ovu feza i vile engapi Mungu vuri be, aluri dri ’dini, aziri dri ’doni.
8
Te ma e’yo ’yo ’ba ojoloru ’diyi pi ma tia awuzi be, eri ovu onyiru yi dri yi ka ovu ekile male ’dani.
9
Te yi ka ovu okpo be yi rua dri sizu ku, ma je yi je je. A’disiku oku bizu eri onyiru aga lini suzu ’ba ruaari ra.
10
Te ’ba yi jepi ’bo ’diyi dri ma azita fe ra, te ma’i ku, Opi feni, kini, oku ma co i esele i agupi be ku
11
te ka esele co ra, eri ma adri agupi kokoru, ka’dini ku eri ma emvi e’yo edezu agupi ini be avasi-azini fini agupi ma ku oku ini ku.
12
Te ’ba azini acepi ’diyi ma tia ma e’yo ’yo ma, Opi ’yoni ku, kini adripi azini alu ka ovu oku a’ipi kuri be, azini oku nde le adrizu eri be, agupi nde ma ku eri ku.
13
Te oku azini ka ovu agupi a’ipi kuri be, azini agupi nde le adrizu eri be, eri ma ku agupi ini ku.
14
A’disiku agupi a’ipi kuri ovu ’bazaru alatararu oku ndesi, azini oku a’ipi kuri ovu ’bazaru alatararu agupi ndesi. Ka’dini yo anzi emini ovu alata kokoru, te curu’do yi ovu alatararu.
15
Te ’ba a’ipi kuri ka le esele co ra, ma co esele ra; azita ombeni adripi nde kani amvipi nde ati’boru e’yo ’dinile ’disi ku. Te Mungu omve ama ovuzu asi anzuru ma alia.
16
Oku la mi ni ngoni ngoni mi nga mi agupi pa ya? Agupi la! mi ni ngoni ngoni mi nga mi oku pa ya?
17
’Dini Opini e’yo awale ’ba alu alu dririle, ekile Munguni ’ba alu alu omvelerile, eri ma ad ’dinile. Ma adri ’ba imba ’dinile kanisa vusi dria.
18
Omve ’ba agele liza beri ya? Eri ma o’bi ovuzu agele liza kokorurile ku. Omve ’ba agele liza kokoru ya? ’Eri ma a’i agele liza ku.
19
Te agele lizu rari toko, te agele lizu kuri toko, re azita Munguni ta mbazu’i.
20
’Ba dria alu alu ma ovu ’dani omveta yini eri omvezuri ma alia.
21
Omve mi de mi ati’boni ya? Mi asi e’yo ’dirisi ku. Te ka eco mini mi truzaru ra, mi ’ye di ’dini.
22
A’disiku ’ba omvele Opi ma alia de eri ati’boniri, eri ’ba Opini truleri’i. Te ’ba omvele de eri truzaruri, eri ati’bo Kristoniri’i,
23
Emi ovu jezaru ajesi; emi ma ovu ati’ba ’baniru ku.
24
Adripi mani, ’ba dria alu alu ma ovu ’dani Mungu be, e’yo nde ndra yini eri omvezuri ma alia.
25
Te e’yo ezoanzi aliriaru ’diyinisi ma ovuni azita Opini be ku, te ma egata maniri fe, ekile ’ba yiki isupi Opi vu ovuzu adarurile.
26
Ma osu e’yo ’diri ovu onyiru candi ewaru curu’dorisi, kini onyiruni ’ba ma adri ini ovulerile,
27
Ombe mi oku be ya? Mi ndru ayuza ku. Ayu mi oku ruaarisi ’bo ya? Mi ndru oku ku.
28
Te mi ka oku je ra ti, mi ’yeni onzi ku; aliria ka mu agupia ti, eri ’yeni vini onzi ku. Te ’ba ’yepi ’dini ’diyi nga inzata isu ruasi ra, te ma le bani emi isu inzata ku.
29
Te ma ’yo ’dini, ma adripi, kini ewu ace were; engazu curu’do ’ba ovupi oku be ’diyi ma ovu ekile yi ovu oku kokorule,
30
te ’ba awu wupi ’diyi ekile yi wuni kurile, ’ba ayiko be ’diyi ekile yi ayiko kokorule, ’ba afa jepi ’diyi ekile yi afa kokorule,
31
’ba azi ngapi afa nyakunisi ’diyi ekile yi ngani azi afa nyakunisi tu tu kule. A’disiku wura nyaku ’doriniri ’ye aga aga.
32
Te ma le emi ma ovu asi otiza kokoru. ’Ba oku kokoruri i asi fe e’yo Opini egazu, geri ndazu ayiko fezu Opi dri;
33
te ’ba oku beri i asi fe e’yo nyakuni egazu, geri ndazu ayiko fezu oku ini dri,
34
asi ini awa i ani. Te oku agupi kokoruri kani aliria eri i asi fe e’yo Opini egazu, eri ma ovu ani alatararu ruasi azini orindisi indi; te okuni i asi fe e’yo nyakuni egazu, geri ndazu ayiko fezu agupi ini dri.
35
Te ma e’yo ’diri ’yo emi aza kozu, te ovuni emi ewuzu bakasi ku, te ma le e’yo ma ovu ’yeke etuzu, te emi ma fe emi asi opi dri egata azini emi sepi amveri kokoru.
36
Te ’ba azini ka ega i ’yeni i aliria vu onyiru ku, eri ka mba de ’bo, azini e’yoni le ma ovu ’dinile, eri ma ’ye ini lelerile onzini yo-ma je yi je je.
37
Te ’ba pa sopi asi okporusi e’yo ini ma alia, ’bani omile omi ku, ovupi okpo be e’yo ’yezu i ma ngulupini lelerileri, eri ka e’yo ’diri ede i asia ’bo kini eri nga i ma zamva ma ta mba aliriaru, eri nga ’ye ’yeke.
38
’Dini ’ba fepi aliria ini jepiri eri ’ye ’yeke; te ’ba eri fepi jepi kuri ’ye vini onyiru aga ra.
39
De agupini ovuria idriru, oku erini ovu ombezaru ’dani. Te agupi ka dra ra eri ovu truzaru muzu agupi azinia erini lelerile, te kiri Opi ma alia a’dule.
40
Te ma ega drileba erini nga aga ra eri ka adri ’dani erini ovulerile. Te ma ega ma ovu Orindi Munguni be indi.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 8 →
All chapters:
1
2
3
4
5
6
7
8
9
10
11
12
13
14
15
16