bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Lugbara
/
Lugbara (E’yo Siza Alatararu Munguniri BIBLIA)
/
Hebrews 11
Hebrews 11
Lugbara (E’yo Siza Alatararu Munguniri BIBLIA)
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 12 →
1
A’ita ovu e’yo amani tele asi tezasi ’diyi ma adari’i, azini vini e’yo amani ndrele ku ’diyi mal e’yo ecezuri’i.
2
Te ama a’bipi ’wara ’diyini ovule a’ita berisi, nze ndra e’yo yini ma eti onyiru.
3
A’itasi ama ni ’bu pi nyaku be ovu ndra ’bazaru e’yo ’yoza Mungunisi, ’dini afa ’bani ndrele ’diyi ovuni ndra ’bazaru afa yi e’dapi ’ba ma milia ’diyisi ku.
4
A’itasi Habili fe Mungu dri edeta onyiru tu aga Kaininiri ra, e’yo nderisi nze e’yo erini ma eti kini eri ovu kililiru, Munguni e’yo eti nzeria afa feza erini ma e’yosi; e’yo ’dirisi erini draria ’bo ti, eri e’yo olu ’dani,
5
A’itasi ’du Enokani ’bua uru, eri ma ndre dra ku beni; yi: isuni eri ku, a’disiku Munguni eri ’dule ’borisi. Te de nga ’duni eri ku, nze e’yo erini ma eti kini eri fe ayiko Mungu dri ra.
6
Te a’ita kokoru econi ’bani ayiko fezaru eri dri ku, A’disiku ’ba emupi Mungu vuri ma a’i kini eri indi, azini eri adri orodri fe ’ba eri ndrupi ’diyi dri.
7
A’itasi Noa, Munguni e’yo ’bani ndrele nga ku ’diyi eceria eri dri, ’ba i asi e’yo nde ma dria, ede maburu ori’ba ini opazu; a’ita ’dirisi eri ’ba e’yo liza nyaku ma dria, azini eri ofu ovuzu ’ba e’yo kililiru ’bani isule a’itasiri nyapi awitaruriru.
8
A’itasi Iburahimu, Munguni eri omveria, eri ra, mu angu azini erini ngale a’ile awitaruria; eri fu ra, te nini i mu ngoleari ku.
9
A’itasi eri ovu ndra ani’boru angu azile eri driri ma alia, ekile angu ovupi eriniru kuri ma aliarile, eri adri ndra ovu hema ma alia tualu Isaka pi be Yakobo pie, yi ’ba aziza nde a’ipi awitaru tualu eri be ’diyi.
10
Te eri nda ndra aku ovupi eti be, Munguni sile azini ’baleniri’i.
11
A’itasi Sara ma nguLupi isu okpo ori tizu, eli erini ka aga ’bo ti, erini a’ile ’ba aziza azipiri ovu ’ba adarurisi.
12
E’yo ’dirisi engazu agupi alu ovupi ekile ’ba drapi ’borileri ma alia, a’bianzi ezu karakarau ekile ’bi’bio ’bua ’diyile, azini ekile cinya miri tiarile lakokoru.
13
’Ba ’diyi odra dria a’ita alia’i de nga yi isuni aziza nde ’diyi ma e’yo ku, te yi ndre yi engazu ziri, nga i yi zi ci ci ayikosi, e’da kini yi ovu ’lani’baru azini ’ba emuza nyakua ’diyi.
14
Te ’ba e’yo ’yopi ’dinile i’diyi ece kini yi ndru angu yi ma ngulupiniru.
15
Te yi ka ndra asisile ’ba angu yini kuleri ma e’yo egazu, te’do yi isu pari mvizu ’bo.
16
Te di curu’do yi angu onyiru agapi rari ndru avasi, ’di angu ’buari’i. E’yo ’disi Mungu ovuni drinzasi ’bani i omvezu Mungu yinirurisi ku, ’dini erini aku edele yi dri ’borisi.
17
A’itasi Iburahimu, erini ovuria, o’bizaru, eri fe Isakani edetaru, adaru ’ba aziza a’ipi avasi ’bori fe i mvi tile alu ilipiliruri edetaruri;
18
eri ’ba Munguni e’yoni ’yole eri ma e’yosi kini, Ori mini nga ovu omvezaru Isaka ma alia-ri’i.
19
Eri a’i kini Mungu eco eri engazaru, ka tro ’ba draza ma eselia ti; te adaru eri isu eri dika ecetaru ekile ’ba engapi ’ba draza ma eseliarile,
20
A’itasi Isaka fe asi ndriza Yakobo pi dri Esau be, e’yo ngapi ecapi ndo ’diyisi.
21
A’itasi Yakobo, erini ’yeria draria, fe asi ndriza anzi Yusufuni dri alu alu, lazini eri inzi Mungu, erini i atiria lote ini ma dria.
22
A’itasi Yusufu, ewu erini drazuri ka eca ogogo ’bo, eri olu e’yo Israeli anziyini, fuzuri, azini eri fe azita fala ini ma e’yosi.
23
A’itasi ’ba Musani tipi ’diyi, erini osiria, ozi eri mba na, yini ndrele eri ovu odekua ndrizarurisi; yi runi azita opini ku.
24
A’itasi Musa, eri ka zo ’bo, leni ’ba ma omve i Farau zi ma mviru ku;
25
eri pe lini inzata isuzo ’ba Munguni be tualu, aga ovuzu ayiko isule ewu were; e’yo onzisiri beri ra.
26
Eri la drinza isule Kristosiri ovuzu lonyi amboru aga afa onyiru Misiria ’diyi ra, te eri lu orodri Munguni ngale ofeleri vu.
27
A’itasi eri ku Misiri ra, runi adra opini ku; te eri ovu okporu ’dani erini Mungu ’bani ndrele kuri ndrele rarisi.
28
A’itasi eri ’ba omu agaza ’ba drilesiri pi ari joyaza be, ’ba amuruaanzi dri japiri ma elo yi rua, ku beni.
29
A’itasi yi zo Miri Ekaruri ra, ekile angu a’wiru ma driarile; te ’ba Misiria ’diyini o’biria zoria, miri jemvu yi ra, odra ra.
30
A’itasi abi likaliru Yerikoari asu iva, ’ba ka aci yi ma ageia o’du pale aziri ’bo.
31
A’itasi oku awuouru Rahabu jani dri ’ba e’yo eripi ku ’diyi be tualu ku, erini ’ba angu ma orile gapi ’diyi a’ile asi anzurusirisi.
32
Ma nga drinia e’yo ngonini ’yo ya? Etu ngani dri fu ma dri ku, ma ka e’yo Gideoni pini olu, Baraki pie, Samisoni pie, Yefeta pie, Daudi pie, Samueli pie, ’ba nabiru ’diyi pie dria -
33
a’itasi yi aga opi nyaza ’diyi ombasi ra, yi ’ye e’yo kililiru, yi isu e’yo aziza, yi bi kami ’diyi ma tile ci,
34
yi inyu okpo acini, yi opa yi sei, ma sia, yi o’ba yi okporu yini de ovuria okpo kokoruria, yi ovu okpo be omba ma alia, yi odro juru yi otipi ombaa ’diyi ra.
35
Oku yi isu ’ba yini odrapi ’bo ’diyini engaria dika. Oco ’ba azini ’diyi kai, te yi a’ini ’ba ma tru yi ku, yi ma a’i ani engata agapi rari beni,
36
’Ba azini ’diyi isu cota, kali pisi nini be, ovu vini ombezaru ’bazaru arujoa indi.
37
O’be yi onisi, asi yi sosi, o’bi yi ra, ofu yi seisi; yi aci saaru kabilo enyi be ruaa, azini ndri ma enyi be, yi ovu afa kokoru, inza yi ra, ’ye yi onzi ra-
38
nyaku ’dori ma onyi funi dri onyi yiniri be ku-yi aci saaru roko dria, azini oni dria, oni gule pi ma alia, ’bile nyakua ’diyi be.
39
Nze ’ba ’diyi dria ma e’yo eti onyiru a’ita yinisi, te yi isuni aziza ma e’yo ku,
40
Munguni afa onyiru agapi rari edele drio amasirisi, ’dini yi ma ovu ’bazaru ovuzu fudri ci ama kokoru ku.
← Chapter 10
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 12 →
All chapters:
1
2
3
4
5
6
7
8
9
10
11
12
13