Hebrews 5

Lugbara (E’yo Siza Alatararu Munguniri BIBLIA)

← Chapter 4 Jump to: Chapter 6 →

1Yi ’ba atalau dria alu alu edeta edepi agapi ra, pele ’ba ma eseliari azi ngazu ’ba ma e’yosi e’yo Munguni ma alia, eri ma fe ani afa feza piyi ’edeta be e’yo onzisi.

2Eri eco ovuzaru asi e’yeresi ’ba e’yo nipi ku ’diyi pi vu ’ba avipi gerisi ra ’diyi be, a’disiku eri ma ngulupini ovule okpo kokoru indirisi.

3Te e’yo ’dirisi eri ma fe edeta e’yo onzi i ma ngulupini edezu indi, ekile erini ’ba azini ma e’yo onzi edelerile.

4’Ba aluni ’duni azi inzitaru ’diri i drisi ku, te Mungu ma omve erini ka, ekile erini Aronini omvelerile.

5’Dinile Kristo inzini i ngulupi i ’bazu atalau edeta edepi agapi rariru ku, te ’ba ’yopi eri tia kini, Mi ma Mvi’i, andru ma ti mi ra-ri ’ba erini;

6azini ekile erini ’yole pari aziniarile, Mi ovu atalau edeta edepi,iriru ’dani’dani ekile peza Melekizedekini pezurile.

7Te Kristo, ewu erini ovuzu rua beria, fe ndra zita pi, matu ’baza pie, wuta okporuri pie, mindre pie, ’ba ecopi eri papi dra ma aliari vu, ovu erizaru ani erini Mungu rulerisi.

8Eri ka tro ovu Mvi’i ti, eri oni ndra erita erizu e’yo eri ecandipi ’diyisi;

9eri ka e’yo ’diri de ofuzu kililiru ’bo, eri eca ovuzu ’ba pata ’dani ’daniri fepiriru ’ba dria eri eripi inzitasi ’diyi dri;

10eri ’ba Munguni e’dale ovuzu atalau edeta edepi agapi rariru ekile peza Melekizedekini pezurileri’i.

11Ama ovu e’yo be kakau ’yozu eri ma dria, te yi ewaru ecezu, emini ovule ondua kokoru e’yoni fizu emi bilia mbele kurisi.

12A’disiku le te emi ma ovu curu’do ’ba ’ba imbapi ’diyiru, ewuni agale ’dopirisi, te emi le ’ba azini ma imba emi imbata oko e’yo Mungunirisi dika. Emi eca ovuzu ’ba lesu lepi ’diyiru, emi ovuni ’ba nyaka okporurini sile ’diyi ku;

13’dini ’ba dria alu alu lesu ndrupiri vani nga e’yo oluza e’yo kililiruri ma driari ku, erini ovule odekuarurisi.

14Te nyaka okporuri ovu ’ba mbapi ’bo ’diyidri,ovupiegata be fudricie’yo onyiru pi ma esele cozu e’yo onzi be, yini asisile drole etuzurisi ’diyi.

← Chapter 4 Jump to: Chapter 6 →