Hebrews 4

Lugbara (E’yo Siza Alatararu Munguniri BIBLIA)

← Chapter 3 Jump to: Chapter 5 →

1E’yo ’dirisi ama ma ovu urisi, aziza ’bani efizu ani ava liza erini ma aliarini nga aceria indi, ’ba alu emi eseliari kazu e’dazu ekile eri ece rarile ’dini ku.

2Te ’ba olu e’yo bari ama tia ’bo, ekile ndra olule yi ma tiarile tro tro; te e’yo nde yini erileri koni ndra yi ma aza ku, a’disiku e’yo nde ecini i tualu a’ita be ’ba eripi ’diyi ma asia ku.

3E’yo ’dirisi ama’i, ’ba e’yo a’ipi ’diyi, ama fi ava liza nde ma alia ra, ekile erini ’yole ’borile, kini, Ekile mani oyo sole adra manisirile, Yi ma fi ava liza mani ma alia aluni ku, ka tro azi nde ovu dezaru gbudrio, engazu ewu nyaku eti ’bazuria.

4Te eri ’yo pari azinia o’du aziriri ma e’yosi ’dinile, Te Mungu li ava o’du aziririsi azi erini dria ma vutia.

5Azini dika pari ’dori ma alia eri kini, Yi ma fi ava liza mani ma alia aluni ku.

6E’yo ’dirisi, ace ’ba azini ma fi alenia ra, te ’ba ndra yini e’yo bari oluzu yi tia oko ’diyi awini ndra fi ku, yini ovule bile kokorurisi,

7eri pe vini o’duniri indi, ’yozu Daudi ma alia, o’du kakau ma vutia, Andru, ekile ’yole ’borile, Andru emi ka o’duko erini eri, emi ma ’ba asi emini mbazaru ku.

8’Dini Yosua ka ndra ava liza fe yi dri ra, vutinia Mungu ngani ndra o’du aziniri ma e’yo ’yo ku.

9E’yo ’disi ava iza sabatoru ace indi ’ba Munguni ’diyi dri;

10a’disiku ’ba fipi ava liza Munguni ma alia ’bori, eri ma ngulupi li ava azi ini ma vutia, ekile Munguni ava lile azi ini ma vutiarile,

11E’yo ’dirisi ama ma nda asi driasi fizu ava liza nderi ma alia, ’ba aluni kazu e’dezu eritaako ndra ecele ’darilerisi ku.

12Te e’yo Munguni ovu idriru, azini okpo be, eri cizaru aga sei ciza si be irilerileri ra, eri ’ba so asi pi ma esele cozu orindi be, kicolo pi ma esele cozu odu fala ma aliari be, eri asisile droza pi ma e’yo ni mbele egata asiari be.

13Azini afa Munguni o’bale ’diyi ma azi aluni i e’dapi eri ma milia kuni yo, te afa dria ovu pililiru azini ecezaru,’ba e’yo amanini ovuzu eri vuri ma milia ra.

14Amani ovuria atalau edeta edepiri agapi ra fipi ’bua ’bori be, eri Yesu Mvi Munguniri’i, ama ma bi e’yo e’daza amani ci.

15Te ama ovuni atalau edeta edepi agapi ra ecopi okpoako amani ma candi nipi kuri be ku, te atalau amani ovu ndra obezaru e’yo driasi ekile amale, te ezani ku.

16E’yo ’dirisi ama ma esi oguna ’yeta anzutirini vu ogogo asi okporusi, ama ma a’i yiki ani, azini ama ma isu ’yeta anzutiri ama aza kozu etu e’yoni ama isuzurisi.

← Chapter 3 Jump to: Chapter 5 →