Joshua 15

Lugbara (E’yo Siza Alatararu Munguniri BIBLIA)

← Chapter 14 Jump to: Chapter 16 →

1Angu anzi Yudani ma suruni isule awurusoru enyati yini vusiri ovu kpere angu Edomuni mkalaa, ada kpere roko Ziniaria uruleru, roko nde ma kalatini asizu uruleruria.

2Esele yini kala uruleruri e’do asiza Miri A’irunia, engazu yi oji ti fepi uruleruria;

3engazu ’dale lokiri nde aga kala uruleru de nga cani pari ’bani tuzu Akarabimuaria ku, aga kpere Zinia, tu vini dika Kadesi-barinea ma kala urulerua, aga geri Hezironiarisi tuzu Adaria, oja i ani kpere Karikaa,

4aga cazu Azimonia, eri nga vini fu yi ara Misirinia, esele nde ma lokiri ma asiza fu asizu mirialeru. Lokiri erruru uruleruri eri ’di.

5Lokiri etuni efuzurialeruri eri Miri A’iruri’i, kpere ecazu asiza Yoridaninia indio Lokiri kala andraleruriari e’do i miri ma yioji Yoridani ma asizaniriaria;

6engazu ’darisi esele nde ma lokiri tu kpere Betihogilaa, aga Beti-araba ma kala andralerurisi; lokiri nde aga tu kpere kata Bohani Rubeni mvinira;

7engazu a’bu Akorinia lokiri nde tu kpere Debiria, mu ’dani andraleru luzu Giligali vurialeru, otizaru angu tuza Adumimuni, yi raza ma tia ’aa’dasi kala uruleruari be; Lokirini nga aga kpere yi Eni-semesini vu, asizaniri fu asi ani Enirogelia;

8vilerisi angu esele nde ma lokiri nga di tu geri a’bu Hinomu mvi vilerisi ’ba Yebusini ma angu kalatiasi uruleru (angu nde bani Yerusalemu’i); lokiri nde nga vini tu oni ovupi a’bu Hinomuni ma drilia etuni ’derialeruri ma drisi, oni nderi a’bu Refaimuni ma kalatini asiria andraleruri’i;

9engazu oni ma driasi idri i kpere cazu yi a’di Nefitoaria, fu vini kpere aku oni Efironini ma dria ’diyia; idri i vini cazu Balaa (angu nde Kiriati-yearimu’i);

10engazu Balaarisi angu esele nde ma lokiri nga i oja kala etuni ’dezuria cazu oni Seirinia, aga vini oni Yearimuni ma tiasi kala andraleru (angu nde Kesaloni’i), ’dalerisi si Betisemesia, aga ani geri Timinaarisi;

11angu esele nde ma lokiri efu Ekironi ma tia kala andraleruria, vilerisi lokiri idri vini i cazu Sikeronia, aga kpere oni Baalania, mu di efu vini Yabineelia; esele nde ma asiza efu asi di miria.

12Lokiri etuni ’deriari ovu kpere miri amboruri pia angu ageiniari be. Anzi Yudani ma angu ma kalati yi ageia enyati yini vusiri eri ’di.

13Kalebu Yefune mvi dri eri fe awuruso anzi Yudani eselia, azita Yehovani azile Yosua tiarile; eri Kiriati-ariba’i, eri bani Hebironi’i ’(Ariba nde ndra Anaki ma ati’i).

14’Dalerisi Kalebu nga anzi Anakini na odro ra, Sesai pi Ahimani pie Talimai be, yi anzi Anakini.

15’Dalerisi nga tu ’ba ovupi angu Debiria ’diyi vu omba ’bazu; Debiri ma ru ndra okorisi Kiriati-seferi’i.

16Te Kalebu nga ’yo ra, ’Ba ngapi aku Kiriati-seferini ndepi ombasi eri bipi rari, ma nga zamva mani Akisa fe eri dri okuru.

17Otinieli Kenazi Kalebu ma adripi ma mvi bi eri ra; eri nga di i zi Akisani fe eri dri okuru ani.

18Nga eca ’dini zamva ’dirini caria agupi vile ’bo, eri omi eri amvu a’izu ati dri; dinile Akisani esiria va akanya driarisi, Kalebu nga zi tinia, Mi le a’dini ya?

19Eri nga ’yo tinia, Mi fe ma dri afa feza asi ndrizaniri; mini ma ’bale angu uruleru ma alia ’borisi, mi ma fe ma dri yi a’di indi fo! Nga ani eri dri yi a’di ururi pi fe andrari be iri tro,

20Awuruso suru anzi Yudanini, awale enyati yini vusi ovuzu esele ’yiniruri eri ’di.

21Angu Yudani asirialeru dri fepi esele Edomu beria kala Uruleruria, aku ’diyi ndra aleniani: Kabizeeli pi, Ederi pi, Yaguri pi,

22Kina pi, Dimona pi, Adada pi,

23Kedesi pi, Hazori pi, Itinani pi,

24Zifu pi, Telemu pi, Bealoti pi,

25Hazori-hadata pi, Kerioti-hezironi pi (akunde Hazori’i),

26Amamu pi, Sema pi, Molada pi,

27Hazari-gada pi, Hesimoni pi, Beti-peleti pi,

28Hazari-suali pi, Beeri-seba pi, Biziotia pi,

29Baala pi, Iyimu pi, Ezemu pi,

30Elitoladi pi, Kesili pi, Horima pi,

31Zikilagi pi, Madimana pi, Sanisana pi,

32Lebaoti pi, Silimu pi, Aini pi, Rimoni pie: aku ambo ambo dria tualu kali iri drini oromi, aku nyiri nyiri yini ’diyi be.

33Angu eleri ma alia yi Esitaoli pi, Zora pi, Asina pi,

34Zanoa pi, Eni-ganimu pi, Tapua pi, Enamu pie,

35Yarimuti pi, Adulamu pi, Soko pi, Azeka pi,

36Saaraimu pi, Aditaimu pi, Gedera pi, Gederotaimu pie: aku ambo ambo mudri drini su, aku nyiri nyiri yini ’diyi be.

37Zenani pi, Hadasa pi, Migidali-gadi pi,

38Dilani pi, Mizipe pi, Yokiteeli pi,

39Lakisi pi, Bozikati pi, Egiloni pi,

40Kaboni pi, Lahimamu pi, Kitilisi pi,

41Gederoti pi, Beti-dagoni pi, Naama pi, Makeda pie: aku ambo ambo mudri drini azia, aku nyiri nyiri yini ’diyi be.

42Libina pi, Eteri pi, Asani pi,

43Ifita pi, Asina pi, Nezibu pi,

44Keila pi, Akizibu pi, Maresa pie: aku ambo ambo oromi, aku nyiri nyiri yini ’diyi be.

45Ekironi pi, aku ambo ambo erini be, aku nyiri nyiri erini ’diyi pie indi;

46engazu Ekironiasi cazu miri tia, aku dria Asidodi ma kalaa ’diyi pi, aku nyiri nyiri yini ’diyi be.

47Asidodi pi aku ambo ambo erini pie, aku nyiri nyiri erini ’diyi be; Gaza pi aku ambo ambo erini pi, aku nyiri nyiri erini ’diyi be; cazu yi raza Misirini pi ma tia miri amboruri be, kalani be indio

48Azini angu oni eseliaria, Samiri pi, Yatiri pi, Soko pi,

49Dana pi, Kiriati-sana pi (pari nde Debiri’i),

50Anabu pi, Esitemo pi, Animu pi,

51Goseni pi, Holoni pi, Gilo pie: aku ambo ambo mudri drini alu, aku nyiri nyiri yini ’diyi be.

52Arabu pi, Duma pi, Esani pi,

53Yanimu pi, Beti-tapua pi, Afeka pi,

54Humuta pi, Kiriati-ariba (ovupi Hebironi’iri) pi, Ziori pie: aku ambo ambo oromi, aku nyiri nyiri yini ’diyi be.

55Maoni pi, Karimeli pi, Zifi pi, Yuta pi,

56Yezireeli pi, Yokideamu pi, Zanoa pi,

57Kaini pi, Gibea pi, Timina pie: aku ambo ambo mudri, aku nyiri nyiri yini ’diyi be.

58Haluli pi, Beti-zuri pi, Gedor pi,

59Maarati pi, Beti-anoti pi, Elitekoni pie: aku ambo ambo azia, aku nyiri nyiri yini ’diyi be.

60Kiriati-baali (ovupi Kiriatiyearimu’iri) pi Raba be: aku ambo ambo iri, aku nyiri nyiri yini ’diyi be.

61Roko dria yi Beti-araba pi, Midini pi, Sekaka pi,

62Nibisani pi, aku amboru Aini pi, Eni-gedi pie: aku ambo ambo azia, aku nyiri nyiri yini ’diyi be.

63Te ’ba Yebusini ovupi Yerusalemua ’diyi ma e’yosi, adani anzi Yudani econi ndra yi odrozaru ku; te ’ba Yebusini adri anzi Yudani pie tualu Yerusalemua kpere o’du ’doria.

← Chapter 14 Jump to: Chapter 16 →