Proverbs 28

Lugbara (E’yo Siza Alatararu Munguniri BIBLIA)

← Chapter 27 Jump to: Chapter 29 →

1’Ba onzi ’diyi apa ra de vini i ’ba yi ma vuti dropini yo, te ’ba onyi be ’diyi ovu uri kokoru ekile kamile.

2Ezata anguni ma e’yosi opi yi nga ovu kakau; te ’ba e’yo vaza be e’yo nipi ’diyi nga fe angu ma e’yo ma adri indi’dani.

3Aliou ka i agyi aliou azi ’diyi inza, eri ovu ekile ozoo etataru nyaka kupi aluni kurile.

4’Ba azita kupi ’diyi inzi ’ba onzi ma ru, te ’ba azita ma ta mbapi ’diyi ga agata yi be.

5’Ba onzi ’diyi vani ’yeta kililiruri ku, te ’ba Yehovani ndrupi ’diyi yi e’yo dria va ra,

6’Ba alioru acipi asi kililirusiri eri onyiru aga ’ba acipi saaru i ma geriari ra, ka tro ovu ’ba afa e’iru ti,

7’Ba azita ma ta mbapiri ovu mva onduaruni, te ’ba ovupi ’ba anyamgboloru ’diyi be agyiruri adri drinza fe i ati dri.

8’Ba fepi lonyi inini i erezu ini orodri a’ile afa ereniru berisiri eri afa nde oku ’ba yiki ’bapi ’ba aliorusiri dri.

9’Ba i ma bile japi kalaa i ma eri azita ku aniri, adani zita erini zileri ovu afa Munguni ngule onziri’i.

10’Ba fepi ’ba kililirurini abazu geri onziri aliari nga e’de va awi ini galeri ma alia; te ’ba e’yo kokoru ’diyi nga onyi a’i awurusoru.

11’Ba afa e’iru ovu onduaru i ma ngulupi ma milia, te ’ba alioru e’yo vaza beri ni eri ma e’yo ra.

12’Ba onyiru ’diyi ka aga ra, ’ba yi ovu ayikosi inzita amboru be; te ’ba azi onzi ’yepi ’diyi ka enga ra, ’ba nga yi ma ngulupi zi ra.

13Ba i ma ezata zipi ciri ngani drileba isu ku, te ’ba i ezata e’dapi kupi rari nga asi ndriza isu ra,

14’Ba Yehovani rupi o’du driari eri drilebaru; te ’ba asi mbapiri nga e’de e’yo onzi ma alia.

15Opi oci suru alioru ma dri cepiri si ekile kami wuta wupirile, kani nguru za ndapirile.

16’Ba dri cepi ovupi e’yo vaza kokoruri eri nga ’ inza tu; te ’ba lepi li ’bapi ’ba azini ma afasi kuri nga fe o’du ini ma ere yi izuru.

17Agu azini ka ovu avuari be i ma ruaa, agu nde aga apa ’bilia; ’ba azini ma oga eri ku.

18Yi nga ’ba acipi kililiruri ari ra, te ’ba e’yo ’yepi aka geri ini ma aliari nga e’de coti.

19’Ba angu ini ’yapiri nga ovu enya be fudri ci, te ’ba e’yo badaka ’dini ’diyi ma vuti bipi’iri nga ini alio isu fudri ci.

20’Ba adaruri nga ga asi ndrizasi tre, te ’ba ’yepi ngiri ngirisi o’bizu lonyi isuzuri ngani ece panga isuzu ku.

21’Ba opezu ovuni onyiru ku; kani ’bani e’yo ezazu enya were ma e’yosiri ovuni vini onyiru ku indi.

22’Ba endraruri adri lonyi eto mbele, te eri nini kini alioni nga eca i ma ruaa rari ku.

23’Ba egapi ’ba ma driari eri de ’di nga asi ndriza isu vilerisi aga ’ba ’ba inzipi lokirisi i ma andresiri ra.

24’Ba i atipi ma afaogupi i andri be, ’yopi kini, ’Di ezatani yori, agu nderi pi ’ba ’ba dri japiri be agyiru.

25’Ba orindi liru beri adri fe awatani engazu ’ba eselia, te ’ba i asi ’bapi Yehova ma driari nga a’buni.

26’Ba i ma asi ’bapi i ma ngulupi ma driari ovu ondua kokoru; te ’ba nga ’ba acipi, onduasiri ari ra.

27’Ba afa fepi ’ba alioru driri ngani ovu afa kokoru ku, te ’ba eri ma mile supi vari nga o’data a’i kakau.

28’Ba onzi ’diyini engaria ’ba adri yi ozi ra, te yini dri jaria, ’ba onyiru ’diyi adri eni karakarau.

← Chapter 27 Jump to: Chapter 29 →