Proverbs 6

Lugbara (E’yo Siza Alatararu Munguniri BIBLIA)

← Chapter 5 Jump to: Chapter 7 →

1Ma mvi la, mi ka afa toboru fe mi agyisi, emi ka emi dri zi e’yo azizu ani’bo ma e’yosi ra;

2mba mi e’yo efupi mi tiliarisi ’bo, bi vini mi e’yo efupi mi tiliarisi ra;

3mi ma ’ye di ’dinile, mva mani, mini mi arizu, a’disiku mi fe mi mi agyi ma dria’bo; mi mu, mi ’ba mi ele matu ’bazu mi agyi vu.

4Mi fe mi mile ma ko o’du ku, mi fe o’du koza mi mile ongoro’bi dri ku;

5te mi pa mi ekile ovani i pale ’ba za ndapiri ma driarile, ekile aria ’ba ese ’bapiri ma driarile.

6Ovuou la mi, mi mu yekea vu; mi ega geri yini, mi ma ovu di onduaru.

7Opi amboru yini yo, ’ba yi dri cepi azisiri yo, opi yini vini yo,

8te ti, yi adri yi dri nyaka ta mba ku ci ayisi, yi vini nyaka yini oku ewu nyakani kazurisi.

9Ovuou la mi, mi nga o’du ko kpere ngopi ya? Mi nga mi oru o’duarisi a’dungare ya?

10O’du kozu were, o’du kozu kaukau were, dri ekilazu tualu o’du kozu were,

11te alio minini nga emu mi dria oguoule, afaako miniri ekile ’ba sei berile.

12’Ba tokoani, ’ba onziri adri aci geria e’yo ’yoza lokiriru be;

13eri adri e’yo bi milesi, eri vini e’yo ’yo i pasi, eri e’yo ece i drianzisi;

14asi amborusi eri e’yo onzi otu etuzu, eri fe agatani i ere ’ba ma eselia;

15e’yo ’disi ocoko erini nga eca mbeleru coti; eri nga dri ja mbelekocici, aro eri atizuni yo.

16Afa azia indi Yehovani ngule onzi’diyi, adaru afa aziri ovu onzikanyaru eri ma milia:

17mile afuru, andre inzo lipiri pi, dri ’ba e’yo kokoruri ma ari adazu ’diyi pi,

18asi asisile onzikanyaru egapiri pi, pa nzupi e’yo onzi vu mbele ’diyi pi,

19’ba e’yo eti nzepi inzosi inzo lipiri pi, ’ba fepi agatani i erezu adripi eseleari pie. ’Ba imbazu ma ’ba ali ku

20Ma mvi la, mi mba e’yo mi atini azileri ma ta, mi ku mi andri ma imbata ja ku.

21Mi ombe yi ’dani mi asia; mi a’di yi mi ombelea.

22Mini aciria yi nga mi dri ce; mini o’du koria yi nga mi agei te; mini oruria yi nga e’yo ’yo mi be.

23A’disiku azitari talani, imbatari dizani, te ’ba ka ega mi dria imbata fezu mi dri, eri geri idriniri’i,

24mi ta mbazu oku saarurisi, e’yo oku mile acirurini ’yole mi inzuzu lokirisirisi indi.

25Mi ma ’ba li mi asia ndriza erinirisi ku, mi fe eri ma ewu mi mileti erinisi ku indi.

26Oku awuouru ’diyi ma e’yosi aguni ofu alioru ovuzu enya sa be a’dule; oku ali o’bapiri eri ’ba ma idri e’yo be amboruri mba fuzu ra.

27Agu eco aci ’ba i agatia bongo erinini vekokoru ya?

28Kani ’ba eco acizaru aciolu ma dria eri ma pa agele ’diyini vekokoru ya?

29’Ba fipi agyi ini ma oku vuri eri ’dinile; agu eri copiri ngani ece e’yo isukokoru ku.

30Oguou ka afa ogu abirini i fulerisi i ma tra beni, ’ba nguni eri onzi ku;

31te ka eri isu ra, eri nga mileni omvi paleko aziri; eri nga afa i vile akua ’diyi de dria afa ofezasi ra.

32Te ’ba ali ’bapi oku azinisiri, onduani yo; ’ba ’yepi ’dinileri i ma ngulupi ma dri ja ra.

33Eri nga ebi isu i ruaa ru ezaza be, o’data eri o’dazuri ngani liniku.

34A’disiku a’ya ’banini aoko engani, eri ngani ovu yikisi o’du ini aroti ofezurisi ku.

35Eri ngani afa ’ba onzezuri a’i ’de ku, asini ngani ambi ku, mi ka tro eri dri afa ofe kakau ti.

← Chapter 5 Jump to: Chapter 7 →