Ezra 10

Lao Bible 2012 (ພຣະຄຳພີສັກສິ)

← Chapter 9 Jump to:

1ໃນຂະນະທີ່ເອຊະຣາກຳລັງກົ້ມພາວັນນາອະທິຖານຕໍ່ໜ້າວິຫານຂອງພຣະເຈົ້າ ທັງຮ້ອງໄຫ້ແລະສາລະພາບບາບເຫຼົ່ານີ້ຢູ່, ກໍມີຊາວອິດສະຣາເອນເປັນໝູ່ໃຫຍ່ ທັງຊາຍຍິງ ແລະເດັກນ້ອຍໄດ້ມາອ້ອມຮອບເພິ່ນທັງຮ້ອງໄຫ້ຢ່າງຂົມຂື່ນ.

2ແລ້ວເຊການີຢາລູກຊາຍຂອງເຢຮີເອນຈາກຕະກຸນເອລາມ ກໍເວົ້າກັບເອຊະຣາວ່າ, “ພວກຂ້ານ້ອຍຂາດຄວາມເຊື່ອໃນພຣະເຈົ້າຂອງພວກຂ້ານ້ອຍ ໂດຍໄປແຕ່ງງານກັບຜູ້ຍິງຕ່າງຊາດ; ແຕ່ເຖິງຢ່າງໃດກໍດີ ຊາດອິດສະຣາເອນຍັງມີຄວາມຫວັງຢູ່.

3ບັດນີ້ ພວກຂ້ານ້ອຍຕ້ອງເຮັດພັນທະສັນຍາອັນຈິງຈັງຕໍ່ພຣະເຈົ້າຂອງພວກຂ້ານ້ອຍວ່າ ພວກຂ້ານ້ອຍຈະສົ່ງຜູ້ຍິງເຫຼົ່ານີ້ກັບພວກລູກໜີໄປ. ພວກຂ້ານ້ອຍຈະຂໍເຮັດຕາມທ່ານແລະຄົນອື່ນໆ ທີ່ເຄົາຣົບນັບຖືຄຳສັ່ງຂອງພຣະເຈົ້າ. ພວກຂ້ານ້ອຍຈະເຮັດຕາມທີ່ກົດບັນຍັດກ່າວໄວ້.

4ແມ່ນຄວາມຮັບຜິດຊອບຂອງທ່ານທີ່ຕ້ອງລົງມືດຳເນີນການ. ສ່ວນພວກຂ້ານ້ອຍແລ້ວຈະໜູນຫລັງທ່ານ; ສະນັ້ນ ທ່ານຈົ່ງລົງມືດຳເນີນການໂລດ.”

5ສະນັ້ນ ເອຊະຣາຈຶ່ງເລີ່ມລົງມືດຳເນີນການ ໂດຍໃຫ້ຫົວໜ້າພວກປະໂຣຫິດຊາວເລວີ ແລະປະຊາຊົນທັງໝົດສາບານວ່າ ພວກຕົນຈະປະຕິບັດຕາມທີ່ເຊການີຢາສະເໜີມາ.

6ແລ້ວເອຊະຣາກໍໄດ້ອອກຈາກດ້ານໜ້າຂອງວິຫານຂອງພຣະເຈົ້າ ໄປຫາບ່ອນທີ່ເຢໂຮຮານານລູກຊາຍຂອງເອລີອາຊິບອາໄສຢູ່ ແລະຄ້າງຄືນ ຢູ່ທີ່ນັ້ນທັງໂສກເສົ້າ ແລະຮ້ອງໄຫ້ເພາະຄວາມບໍ່ສັດຊື່ຂອງພວກທີ່ກັບຄືນມາຈາກການເປັນຊະເລີຍໃນຕ່າງຖິ່ນ ເພິ່ນບໍ່ກິນຫລືດື່ມຫຍັງໝົດ.

7ມີຄົນຖືຄຳສັ່ງໄປທົ່ວນະຄອນເຢຣູຊາເລັມແລະແຂວງຢູດາຍວ່າ ທຸກຄົນທີ່ກັບຄືນມາຈາກການເປັນຊະເລີຍໃນຕ່າງຖິ່ນ ໃຫ້ມາໂຮມກັນຢູ່ທີ່ນະຄອນເຢຣູຊາເລັມ

8ໂດຍຄຳສັ່ງຂອງພວກຫົວໜ້າປະຊາຊົນ. ຖ້າຜູ້ໃດບໍ່ຍອມມາພາຍໃນສາມວັນ ກໍໃຫ້ຢຶດເອົາຊັບສິນຂອງຜູ້ນັ້ນ ແລະຜູ້ນັ້ນຈະເສຍສິດໃນການເປັນສະມາຊິກຂອງຊຸມນຸມປະຊາຊົນ.

9ພາຍໃນສາມວັນ ຄືວັນທີຊາວຂອງເດືອນເກົ້າ ໃຫ້ຜູ້ຊາຍທຸກຄົນທີ່ຢູ່ໃນເຂດແດນຂອງເຜົ່າຢູດາແລະເບັນຢາມິນມາທ້ອນໂຮມກັນທີ່ເດີ່ນວິຫານຂອງພຣະເຈົ້າຢູ່ໃນນະຄອນເຢຣູຊາເລັມ. ມື້ນັ້ນຝົນຕົກໜັກ ຍ້ອນປາກົດການຂອງດິນຟ້າອາກາດ ແລະຄວາມສຳຄັນຂອງການປະຊຸມ ທຸກຄົນຈຶ່ງຕົກສະທ້ານຢ້ານກົວຈົນຕົວສັ່ນ.

10ປະໂຣຫິດເອຊະຣາໄດ້ຢືນຂຶ້ນເວົ້າຕໍ່ພວກເຂົາວ່າ, “ພວກທ່ານຂາດຄວາມເຊື່ອ ແລະໄດ້ນຳເອົາຄວາມຜິດມາສູ່ຊາດອິດສະຣາເອນ ຍ້ອນການແຕ່ງງານກັບຜູ້ຍິງຕ່າງຊາດ.

11ບັດນີ້ ໃຫ້ພວກທ່ານສາລະພາບບາບຕໍ່ພຣະເຈົ້າຢາເວ ພຣະເຈົ້າຂອງປູ່ຍ່າຕາຍາຍຂອງພວກທ່ານ ແລະປະພຶດໃຫ້ພຣະອົງພໍພຣະໄທ. ຈົ່ງແຍກຕົວອອກຈາກຄົນຕ່າງຊາດທີ່ອາໄສຢູ່ໃນດິນແດນຂອງພວກເຮົາ ແລະກຳຈັດພວກເມຍຕ່າງຊາດຂອງພວກເຈົ້າໃຫ້ອອກໜີໄປເສຍ.”

12ປະຊາຊົນໄດ້ຮ້ອງຕອບຂຶ້ນວ່າ, “ພວກຂ້ານ້ອຍຈະປະຕິບັດຕາມທຸກສິ່ງທີ່ທ່ານເວົ້າມາ.”

13ແຕ່ພວກເຂົາເວົ້າຕື່ມອີກວ່າ, “ປະຊາຊົນມີມາກມາຍ, ຝົນກໍຕົກແຮງ, ພວກຂ້ານ້ອຍບໍ່ອາດຢືນຢູ່ນອກນີ້ໄດ້ດອກ. ມັນບໍ່ແມ່ນເປັນເລື່ອງທີ່ຈະເຮັດໃຫ້ແລ້ວໃນມື້ໜຶ່ງ ຫລືສອງມື້ ເພາະມີຫລາຍຄົນໃນພວກຂ້ານ້ອຍໄດ້ພົວພັນໃນບາບນີ້.

14ໃຫ້ບັນດາຂ້າຣາຊການຂອງພວກເຮົາທີ່ຢູ່ໃນນະຄອນເຢຣູຊາເລັມນີ້ ຮັບຜິດຊອບເລື່ອງນີ້ສາ. ແລ້ວໃຫ້ຜູ້ທີ່ມີເມຍຄົນຕ່າງຊາດ ພ້ອມທັງພວກຫົວໜ້າ ແລະພວກຜູ້ຕັດສິນທີ່ຢູ່ໃນເມືອງ ນັດກັນມາໃໝ່ຕາມເວລາທີ່ກຳນົດໄວ້. ດ້ວຍວິທີນີ້ກໍຈະເຮັດໃຫ້ພຣະເຈົ້າຂອງພວກເຮົາເຊົາໂກດຮ້າຍໃນເລື່ອງນີ້.”

15ບໍ່ມີຜູ້ໃດຄັດຄ້ານແຜນການນີ້ ນອກຈາກໂຢນາທານລູກຊາຍຂອງອາສາເຮນ ແລະຢາເຊອີຢາລູກຊາຍຂອງຕິກວາ. ທັງສອງໄດ້ຮັບການສະໜັບສະໜູນ ຈາກເມຊຸນລຳແລະຊັບເບທາຍຄົນເລວີ.

16ພວກທີ່ກັບຄືນມາຈາກການເປັນຊະເລີຍໃນຕ່າງຖິ່ນ ກໍຍອມຮັບເອົາແຜນການນີ້; ດັ່ງນັ້ນ ປະໂຣຫິດເອຊະຣາຈຶ່ງແຕ່ງຕັ້ງ ຄົນໃນທ່າມກາງບັນດາຫົວໜ້າຕະກຸນໃຫ້ຈົດຊື່ຂອງພວກເຂົາ. ພວກເຂົາໄດ້ເລີ່ມສືບສວນໃນວັນທີໜຶ່ງຂອງເດືອນສິບ

17ແລະພາຍໃນສາມເດືອນຕໍ່ມາ ການສືບສວນກ່ຽວກັບທຸກໆຄະດີຂອງຜູ້ຊາຍທີ່ມີເມຍຕ່າງຊາດກໍໄດ້ສິ້ນສຸດລົງ.

18ຕໍ່ໄປນີ້ແມ່ນລາຍຊື່ຂອງພວກຜູ້ຊາຍທີ່ມີເມຍຕ່າງຊາດ ມີດັ່ງນີ້: ພວກປະໂຣຫິດ ລາຍຊື່ຕາມຕະກຸນ: ຕະກຸນເຢຊູອາແລະພວກອ້າຍນ້ອງຂອງລາວທີ່ເປັນລູກຊາຍຂອງໂຢຊາດັກ: ມາອາເສອີຢາ, ເອລີເອເຊ, ຢາຣິບແລະເກດາລີຢາ.

19ພວກເຂົາໄດ້ສັນຍາວ່າຈະຢ່າຮ້າງເມຍ ແລະໄດ້ຖວາຍແກະເຖິກໂຕໜຶ່ງເປັນເຄື່ອງບູຊາ ເພື່ອລົບລ້າງບາບຂອງພວກຕົນ.

20ຕະກຸນອິມເມ: ຮານານີ ແລະເຊບາດີຢາ.

21ຕະກຸນຮາຣິມ: ມາອາເສອີຢາ, ເອລີຢາ, ເຊມາອີຢາ, ເຢຮີເອນ ແລະອຸດຊີຢາ.

22ຕະກຸນປັດຊູ: ເອລີໂອນາຍ, ມາອາເສອີຢາ, ອິດຊະມາເອນ, ເນທາເນນ, ໂຢຊາບັດ ແລະເອລາສາ.

23ຊາວເລວີ: ໂຢຊາບັດ, ຊີເມອີ, ເກລາອີຢາ (ມີຊື່ອີກວ່າເກລີຕາ), ເປທາຮີຢາ, ຢູດາ ແລະເອລີເອເຊ.

24ນັກດົນຕຼີ: ເອລີອາຊິບ ພວກເຝົ້າຍາມພຣະວິຫານ: ຊານລູມ, ເຕເລັມ ແລະອູຣິ.

25ຄົນອື່ນໆ: ຕະກຸນປາຣົດ: ຣາມີຢາ, ອິດຊີຢາ, ມັນກີຢາ, ມີຢາມິນ, ເອເລອາຊາ, ມັນກີຢາ ແລະເບນາອີຢາ.

26ຕະກຸນເອລາມ: ມັດຕານີຢາ, ເຊກາຣີຢາ, ເຢຮີເອນ, ອັບດີ, ເຢເຣໂມດ ແລະເອລີຢາ.

27ຕະກຸນຊັດຕຸ: ເອລີໂອນາຍ, ເອລີອາຊິບ, ມັດຕານີຢາ, ເຢເຣໂມດ, ຊາບັດ ແລະອາຊີຊາ.

28ຕະກຸນເບບາຍ: ເຢໂຮຮານານ, ຮານານີຢາ, ຊັບບາຍ ແລະອັດໄລ.

29ຕະກຸນບານີ: ເມຊຸນລຳ, ມັນລຸກ, ອາດາອີຢາ, ຢາຊຸບ, ເຊອານ ແລະເຢເຣໂມດ.

30ຕະກຸນປາຮາດໂມອາບ: ອັດນາ, ເກລານ, ເບນາອີຢາ, ມາອາເສອີຢາ, ມາຕານີຢາ, ເບຊາເລນ, ບິນນູອີ ແລະມານາເຊ.

31ຕະກຸນຮາຣິມ: ເອລີເອເຊ, ອິດຊີຢາ, ມັນກີຢາ, ເຊມາອີຢາ, ຊີເມໂອນ,

32ເບັນຢາມິນ, ມັນລຸກ ແລະເຊມາຣີຢາ.

33ຕະກຸນຮາຊຸມ: ມັດເຕໄນ, ມັດຕາຕາ, ຊາບັດ, ເອລີເຟເລັດ, ເຢເຣມາຍ, ມານາເຊ ແລະຊີເມອີ

34ຕະກຸນບານີ: ມາອາດາຍ, ອຳຣາມ, ອູເອນ,

35ເບນາອີຢາ, ເບເດອີຢາ, ເກລູຮີ,

36ວານີຢາ, ເມເຣໂມດ, ເອລີອາຊິບ,

37ມັດຕານິຢາ, ມັດເຕໄນ ແລະຢາອາສູ.

38ຕະກຸນບິນນູອີ: ຊີເມອີ,

39ເຊເລມີຢາ, ນາທານ, ອາດາອີຢາ,

40ມັກນາເດບາຍ, ຊາຊາຍ, ຊາຣາຍ,

41ອາຊາເຣນ, ເຊເລມີຢາ, ເຊມາຣີຢາ,

42ຊານລູມ, ອາມາຣີຢາ ແລະໂຢເຊັບ.

43ຕະກຸນເນໂບ: ເຢອີເອນ, ມັດຕີທີຢາ, ຊາບັດ, ເຊບີນາ, ຢັດດາຍ, ໂຢເອນ ແລະເບນາອີຢາ.

44ຜູ້ຊາຍເຫຼົ່ານີ້ທັງໝົດໄດ້ມີເມຍຄົນຕ່າງຊາດ. ພວກເຂົາໄດ້ຢ່າຮ້າງກັບເມຍ ແລະສົ່ງເມຍ ແລະລູກຂອງພວກເຂົາໜີໄປ.

← Chapter 9 Jump to: