Jeremiah 14

Lao Bible (ฉบับอักษรลาว)

← Chapter 13 Jump to: Chapter 15 →

1ນ້າຍ ເຊ ເຢເລມີ ແອ໋ງ ຕສິ໊ບ ຕສ໊ຽວ ເຍີຍ ຫວ່າ ກ໊ອງ ເຖົາ ລູ່ງ ຮ໌ານ ເຍີຍ ສີ່. ຕສ໊ຽວ ກ໊ອງ,

2“ຢູດາ ເດສົ້າ ຍ້ຽມ, ນິ່ນ ເຍີຍ ຕສີ້ງ ໂຄ້ວ ຈ໊ຽນ ເອຈ່ຍ. ນິ່ນ ເຍີຍ ແປະ ຝີງ ເຕສວີ໌ຍ ຈ໊ຽນ ເດົາ ເດສົ້າ ຍ້ຽມ, ມ່າຍ ເຫ່ວ ຈ໊ຽນ ເຍີຍ ເຖຈຍ ຢຽມ ເຢລູຊາເລມ ຝາວ.

3ຢຽມ ຕສີ້ງ ໂຕສ໋ວ ໂຮລ ເຍີຍ ມ່ຽນ ເຫ່ວ ນິ່ນ ບົວ ເຍີຍ ໂປວ ມີ່ງ ຕສ້າງ ວວມ. ນິ່ນ ບົວ ມີ່ງ ເຖົາ ຊຽວ ວວມ ເຍີຍ ຄວດ ປວັດ ໄມ້ ມ່າຍ ວວມ. ນິ່ນ ບົວ ຕໍ້ ຈ໊ຽນ ອົ໋ງ-ຂູງ ດສ໋ວນ, ນິ່ນ ບົວ ໄຍ້, ຕສຸ ປ່າຍ ຮມຽນ, ຕສ່ຽວ ປວັງ ຈ໊ຽນ ມອກ໊ອງ.

4ຫລາຍ ໄມ້ ມ່າຍ ບຢູ່ງ ເອຈ່ຍ ເດົາ-ເປີ້ຍ, ເດົາ ອກາຍ, ແດສ໊ະ, ໂຕສ໋ວ ເດີ່ຍ ເຍີຍ ມ່ຽນ ໄຍ້, ປວັງ ຈ໊ຽນ ມອກ໊ອງ.

5ລ່ຽມ ຢຽມ ຫລົ່ມ-ຮວາງ ເຍີຍ ໄອຈ້ ເຍີ໌ຍ ກວັ່ງ ນິ່ນ ໂທສະ ໂຫະ ເອຈ່ຍ ເຍີຍ ຕອນ ເຫວີ່ຍ ຕສຸ ໄມ້ ມ່າຍ ເມ້ຍ.

6ເຮ່ຍ ລໍ່ ໂຊ້ວ ຈ໊ຽນ ບົງ ກູ້ ຫງວ່າຍ, ຮລັງ ເຍີຍ ຕ໋ອງ ເທົ້າ ເຖຈຍ ແຮໆ ເຍີຍ ຮນັ້ງ ເຮ່ຍ ຈູ໊ ນໍ. ເຮ່ຍ ລໍ່ ເຍີຍ ມຕສີງ ໄມ້ ອຈັງ ເຫວີ່ຍ ຕສຸ ໄມ້ ມ່າຍ ເມ້ຍ.”

7ຕສ໊ຽວ ອ່າ, ໄມ້ ກຸ໊ນ ເຢຍ ບົວ ເຍີຍ ຕສຸ໌ຍ ໂຕສ໋ວ ຕສອງ-ເຕສ໋ງ ໂກ໋ ເຢຍ ບົວ, ໂທ້ ເມີ່ຍ ເຫວີ່ຍ ເມີ່ຍ ເຍີຍ ເມ່ງ ໂຕສ໋ວ ຢຽດ ຫຍູ່ງ. ເຢຍ ບົວ ຖຸຍ ອກາງ ເລີ່ຍ ເມີ່ຍ ທສ້ຳ-ດສຸ່ນ. ເຢຍ ບົວ ປ໌າມ ຕສຸ໌ຍ ຕ່ອງ ເມີ່ຍ.

8ເມີ່ຍ ເຊ ຕົ້ງ ອິສະລາເອນ ມ່ຽນ ມ່າຍ ລ່ຳ ຮນ້ຳ ວົ້ວ ເຕົ້າ. ເຢຍ ບົວ ຕສຸ ໂຄ້ວ ເຍີຍ ຕສຢັ້ງ ໂຫ່ ເມີ່ຍ ໂຕສ໋ວ ນິ່ນ ບົວ ເຍີຍ ໂອຈ໋ວ ຕສ໊ຽວ. ເມີ່ຍ ຢຽມ ນ້າຍ ນອມ ເຕີ່ຍ-ປູງ ເມີ່ຍ ເຫວີ່ຍ ຫາຍ ຕິ່ວ ຮນັ້ງ ແຄະ ມ່ຽນ ຢ່າ ຮນັ້ງ ເຈ໋ຍ ເຈົ໊າ ຮິດ ມ໌ວນ ປ໊າ ເຍີຍ ມ່ຽນ?

9ເມີ່ຍ ເຫວີ່ຍ ຫາຍ ຕິ່ວ ຮນັ້ງ ເຕົ້າ ລ່ຽມ ເຕສີ້ຍ ໂຮຍ້ວ ຫລຸ່ນ, ຢ່າ ຮນັ້ງ ເຕົ້າ ມ່ຽນ ເຮ້ນ ມ່ຽນ ໂອຈ໋ວ ໄມ້ ຕຸ໊ ຫາຍ ເຕົ້າ. ມປ່າ ຕສ໊ຽວ ອ່າ, ເມີ່ຍ ຢຽມ ເຢຍ ບົວ ບຸດົ໋ງ. ເຢຍ ບົວ ເປ໋ນ ກັນ ເມີ່ຍ ເຍີຍ ບົ໋ວ ເຫ່ວ ເຍີຍ ມ່ຽນ. ໂທ້ ໄມ້ ຕູ໋ງ ກວັ່ງ ເຢຍ ບົວ.

10ຕສ໊ຽວ ຮນັ້ງ ນ້າຍ ກ໊ອງ ເຖົາ ນ້າຍ ເຕີ໋ຍ ແປະ ຝີງ. “ນິ່ນ ບົວ ອະເຮນີ້ຍ ຮນັ້ງ ນ້າຍ ໂຢ້ວ ຈ໊ຽນ ມີ່ງ, ໄມ້ ໂຕສ໋ວ ຫາຍ ຫຍູ່ງ ປຸນ ນິ່ນ ບົວ ເຍີຍ ເຕສົ໋າ ຕີ້ງ. ເຫວີ່ຍ ນ້າຍ ຕສ໊ຽວ ໄມ້ ອະເຮນີ້ຍ ນິ່ນ ບົວ, ອີ້ ຕສັ່ນ ນິ່ນ ອ໋ອຍ ຈັ໋ງ ນິ່ນ ບົວ ເຍີຍ ຕສຸ໌ຍ-ໜິບ, ຢ່າ ຕີ່ງ ນິ່ນ ບົວ ເຍີຍ ຕສຸ໌ຍ.”

11ຕສ໊ຽວ ແອ໋ງ ກ໊ອງ ບົ໋ວ ເຢຍ, “ໄມ້ ຕູ໋ງ ເຫວີ່ຍ ນ້າຍ ເຕີ໋ຍ ແປະ ຝີງ ເຕົ໋າ ເກົ໋າ ໂທ້ ປຸນ ນິ່ນ ບົວ ຕຸ໊ ຄູ່ ຢຽມ.

12ໄມ້ ກຸ໊ນ ນິ່ນ ບົວ ເຕສີຍ ໄມ້ ຫຍັ່ນ ຫາຍ ຫຍູ່ງ, ເຢຍ ໄມ້ ໝວັງ ນິ່ນ ບົວ ເຫ່ວ ຈ໊ຽນ ໂທ້ ເຍີຍ ເຖຈຍ. ໄມ້ ກຸ໊ນ ນິ່ນ ບົວ ຝົ່ງ ຫໍ່ ປົ໊ວ ເຕສ່ຍ ເຍີຍ ກະນ້າຍ ເຖສົາ ເຕສ່ຍ ເຍີຍ ລ່າງ ຕສິ, ເຢຍ ໄມ້ ຕສິ໊ບ ນິ່ນ ບົວ. ເຢຍ ອ໋ອຍ ປຸນ ນິ່ນ ບົວ ຕສຸ ດສຸ ດ໊າວ, ຕສຸ ຫງໍ່ ຫຮນາງ, ຢ່າ ຕສຸ ວວນ-ແປ່ງ ໝຽດ ນິ່ນ ບົວ.”

13ເຢຍ ຕສ່ຽວ ກ໊ອງ, “ອາ, ຕສ໊ຽວ ທິນ-ຮູ່ງ ອ້າ! ວົ້ວ ເຕີ໋ຍ ໂຕ່ວ ຫວ່າ ມ່ຽນ ບົ໋ວ ນິ່ນ ບົວ, ‘ເມີ່ຍ ບົວ ຕສູ໊ງ ໄມ້ ປວັດ ດສຸ ດ໊າວ ຢ່າ ໄມ້ ປວັ້ງ ຕສຸ ຫງໍ່ ຫຮນາງ. ເຢຍ ຮນັ້ງ ຫາຍ ອ໋ອຍ ປຸນ ເມີ່ຍ ບົວ ຢຽມ ນ້າຍ ນອມ ຕ໋ອງ ຕຸ໊ ແປ້ງ ອອນ.’”

14ຕສ໊ຽວ ແອ໋ງ ກ໊ອງ ບົ໋ວ ເຢຍ, “ນ້າຍ ເຕີ໋ຍ ໂຕ່ວ ຫວ່າ ມ່ຽນ ເຕ໊ງ ເຢຍ ເຍີຍ ບົ໋ວ ໂຕ່ວ ຈ໊າ ເຍີຍ ຫວ່າ. ເຢຍ ໄມ້ ເຫ່ວ ນິ່ນ ບົວ ມີ່ງ, ໄມ້ ພ້າຍ ນິ່ນ ບົວ ຢ່າ ໄມ້ ເຖສົາ ນິ່ນ ບົວ ກ໊ອງ ຫວ່າ. ນິ່ນ ບົວ ຫລົ່ງ ຈ໊າ ຫິ່ນ ຢ້າງ ເຍີຍ ສີ່ ໂຕ່ວ ຫວ່າ ປຸນ ເມີ່ຍ ບົວ. ນິ່ນ ບົວ ໂບ໊ວ ກວ໋າ ຢ່າ ໄມ້ ລ່ຳ ຫລົ່ງ. ນິ່ນ ບົວ ຂູງ ຕສິ໋ວ ກັ້ນ ເຍີຍ ໂຮຍ້ວ ດົ໊ວ ກັ້ນ.

15ເຫວີ່ຍ ນ້າຍ ຕສ໊ຽວ ຮນັ້ງ ນ້າຍ ກ໊ອງ ເຕ໊ງ ເຢຍ ເຍີຍ ບົ໋ວ ໂຕ່ວ ຫວ່າ ໄມ້ ກຸ໊ນ ເຢຍ ໄມ້ ເຫ່ວ ນິ່ນ ບົວ ວົ້ວ ເຕີ໋ຍ ໂຕ່ວ ຫວ່າ ມ່ຽນ. ນິ່ນ ບົວ ກ໊ອງ, ‘ດສຸ ດ໊າວ ເຖສົາ ຫງໍ່ ຫຮນາງ ເຍີຍ ເຈົ໊າ ຕສູ໊ງ ໄມ້ ເຖົາ ນ້າຍ ນອມ ເຕີ່ຍ-ປູງ.’ ນ້າຍ ເຕີ໋ຍ ໂຕ່ວ ຫວ່າ ມ່ຽນ ຕສູ໊ງ ອ໋ອຍ ຕສຸ ດສຸ ດ໊າວ ເຖສົາ ຫງໍ່ ຫຮນາງ ເຍີຍ ເຈົ໊າ ໝຽດ ເດສ່ງ.

16ໝວັງ ນິ່ນ ບົວ ໂຕ່ວ ຫວ່າ ວົ້ວ ເຕີ໋ຍ ມ່ຽນ ອ໋ອຍ ຕສຸ ຫງໍ່ ຫຮນາງ ເຖສົາ ດສຸ ດ໊າວ, ຕສ່ຽວ ຕສຸ ຕສອຍ ກວັ່ງ ຢຽມ ເຢລູຊາເລມ ເຍີຍ ຈາຍ-ຫ່ອງ, ຢ່າ ໄມ້ ມ່າຍ ຫາຍ ເຕົ້າ ປຢົ໊ບ ນິ່ນ ບົວ, ລ່ຽມ ນິ່ນ ບົວ ກັ້ນ, ນິ່ນ ບົວ ເຍີຍ ເອົ໊າ ເຖສົາ ນິ່ນ ບົວ ເຍີຍ ນ່າມ ໂຍ໌ວ. ເຫວີ່ຍ ຕສຸ ເຢຍ ອ໋ອຍ ເຕສ໊າະ ນິ່ນ ບົວ ໂຕສ໋ວ ເອ໊າະ ເຍີຍ ເຈົ໊າ ໂຕ໋ ເອຈ່ຍ ວິ່ນ ປຸນ ນິ່ນ ບົວ.

17“ເມີ່ຍ ອ໋ອຍ ຕສຸ ກ໊ອງ ນ້າຍ ໂຈ໋ວ ຫວ່າ ບົ໋ວ ນິ່ນ ບົວ, ‘ໂທ້ ປຸນ ເຢຍ ເຍີຍ ມຕສີງ ຕສຢັ້ງ ຮນອຍ ຕສຢັ້ງ ມ໌ວນ ຫລ່ຽວ ວວມ-ເໝວີ່ຍ, ໄມ້ ຕູ໋ງ ປຸນ ຕີ້ງ. ເຫວີ່ຍ ຕສຸ ເຢຍ ເຍີຍ ແປະ ຝີງ ຕສຸ ເບ໊າະ ຕຸ໊ ເຮນ້ຍ, ຕສຸ ມຸນ ຕຸ໊ ຊຢັງ.

18ເຊ ກ໊ອງ ເຢຍ ທສວດ ມີ່ງ ຫລົ່ມ-ຮວາງ ເຢຍ ປວັດ ຕສຸ ດສຸ ດ໊າວ ໄຕ໋ ເຍີຍ ມ່ຽນ. ເຊ ກ໊ອງ ເຢຍ ເປັຍ ຕສີ້ງ, ເຢຍ ປວັດ ມ່ຽນ ຫລາຍ ຫງໍ່ ຫຮນາງ ຕສຸ ແປ່ງ. ເຫວີ່ຍ ຕສຸ ໂຕ່ວ ຫວ່າ ມ່ຽນ ເຖສົາ ໄຊ ມ່ຽນ ຢຽມ ກົ໊ວະ ກະຍົ໌ວ, ຕສິ໋ວ ຕສັ່ນໆ ໂຕສ໋ວ ເຍີຍ ກົງ ໂຕສ໋ວ, ມປ່າ ນິ່ນ ບົວ ໄມ້ ຮິ້ວ ຫາຍ ຫຍູ່ງ.’”

19ເມີ່ຍ ກວັ່ງ ເດສ່ງ ຢູດາ ໄຟ? ເມີ່ຍ ເຍີຍ ໂຮຍ້ວ ໂຢ໋ວ ໄຫ່ ສິໂອນ ໄຟ? ເມີ່ຍ ເຫວີ່ຍ ຫາຍ ຕິ່ວ ເບ໊າະ ເຢຍ ບົວ ເຖົາ ຕສໍ່ ໄມ້ ຫລົງ? ເຢຍ ບົວ ລໍ໌ ແປ້ງ ອອນ ມປ່າ ໄມ້ ຕຸ໊ ຫາຍ ຫຍູ່ງ ຫລົງ. ເຢຍ ບົວ ຕສົ໊ວ ຈ໊ຽນ ຕສຢັ້ງ ໂຫ່ ຕສໍ່ ຫລົງ, ຕ໋າວ ດສ໋ວນ ຕສຸ ກ້ຳ ເດສ໋ຍ.

20ຕສ໊ຽວ ອ່າ, ເຢຍ ບົວ ຫຍ່ຽມ ເຢຍ ບົວ ໂຕສ໋ວ ເອ໊າະ ເຍີຍ ສີ່, ເຖສົາ ເຢຍ ບົວ ເຍີຍ ອົງ-ຖາຍ ເຍີຍ ຕສຸ໌ຍ-ໜິບ, ເຫວີ່ຍ ຕສຸ ເຢຍ ບົວ ປ໌າມ ຕສຸ໌ຍ ຕ່ອງ ເມີ່ຍ.

21ໂທ້ ເມີ່ຍ ເຫວີ່ຍ ເມີ່ຍ ເຍີຍ ເມ່ງ ໄມ້ ຕູ໋ງ ເອກ້ມ ເຢຍ ບົວ. ໂທ້ ໄມ້ ຕູ໋ງ ປຸນ ມ່ຽນ ໄມ້ ທ່າຍ ເມີ່ຍ ອຈັງ-ຫລ່າງ ເຍີຍ ເຫວີ່ຍ. ຈັ໋ງ ຈ໊ຽນ, ໄມ້ ຕູ໋ງ ປູ໋ງ ດ໊ອດ ເມີ່ຍ ເຖສົາ ເຢຍ ບົວ ແລ໌ງ ເຈ໋ຍ ເຍີຍ ແຫງ່ງ ຫວ່າ.

22ຢຽມ ໝ່ານ ກົ໊ວະ ມ່ຽນ ບຸດົ໋ງ ມ່າຍ ຫາຍ ເຕົ້າ ຈ໊າ ເຍີຍ ຕສ້ຽນ ໄຮ່ ປຸນ ລູ່ງ ຕຸ້ຍ ບຢູ່ງ? ລູ່ງ ກັ້ນ ໄຮ່ ໂຕສ໋ວ ປຸນ ບຢູ່ງ ເອຈ່ຍ ໄຟ? ຕສ໊ຽວ, ເຢຍ ບົວ ເຍີຍ ທິນ-ຮູ່ງ ອ້າ! ເຊ ຕົ້ງ ເມີ່ຍ ໂຕສ໋ວ. ຮນັ້ງ ໜ່າຍ ເຢຍ ບົວ ມ່າຍ ລ່ຳ ຮນ້ຳ ເຍີຍ ເຊ ຢຽມ ເມີ່ຍ, ເຫວີ່ຍ ຕສຸ ນ້າຍ ເຕີ໋ຍ ຢຽດ ຕສູ໊ງ ເຊ ເມີ່ຍ ໂຕສ໋ວ ເຍີຍ.

← Chapter 13 Jump to: Chapter 15 →