Jeremiah 25

Lao Bible (ฉบับอักษรลาว)

← Chapter 24 Jump to: Chapter 26 →

1ຢູດາ ເຍີຍ ຮູ່ງ, ໂຢສິຢາ ເຍີຍ ຕອນ, ເຢໂຮຢາຄິມ, ໂຕສ໋ວ ຮູ່ງ ຕະເຝີຍ ຫຮຍັງ, ເຊ ບາບີລົນ ເຍີຍ ຮູ່ງ, ເນບູຄັດເນດຊາ, ຕຸ໊ ໂຕສ໋ວ ຮູ່ງ ຕ້າວ ຫຮຍັງ, ເຢເລມີ ຕຸ໊ ຕສິ໊ບ ຕສ໊ຽວ ເຍີຍ ຫວ່າ ກ໊ອງ ເຖົາ ຢູດາ ເຍີຍ ຢຽດ ຕສູ໊ງ ມ່ຽນ.

2ໂຕ່ວ ຫວ່າ ມ່ຽນ, ເຢເລມີ, ເຕສ໊າະ ນ້າຍ ເຕີ໋ຍ ຫວ່າ ບົ໋ວ ຢູດາ ເຍີຍ ຕສວັ໋ງ ມ່ຽນ ເຖສົາ ຢຽມ ເຢລູຊາເລມ ເຍີຍ ຕສວັ໋ງ ແປະ ຝີງ.

3ນິ່ນ ກ໊ອງ, “ຢຽມ ຢູດາ ເຍີຍ ຮູ່ງ, ອາມົນ ເຍີຍ ຕອນ, ໂຢສິຢາ, ໂຕສ໋ວ ຮູ່ງ ຕສຽບ ຟາມ ຫຮຍັງ ວົ້ວ ຫຮຍັງ ເຖົາ ອີ້ ຮນອຍ ເປ໋ນ ຫຍີ່ ຕສຽບ ຟາມ ຫຮຍັງ, ເຢຍ ຕຸ໊ ຕສິ໊ບ ຕສ໊ຽວ ເຍີຍ ຫວ່າ ຢ່າ ຕສັ່ນໆ ບົ໋ວ ເມີ່ຍ ບົວ, ມປ່າ ເມີ່ຍ ບົວ ໄມ້ ໝວັງ.

4“ເມີ່ຍ ບົວ ໄມ້ ໝວັງ ຢ່າ ໄມ້ ແປງ ມນ່ອມ ໝວັງ, ໄມ້ ກຸ໊ນ ຕສ໊ຽວ ໄມ້ ຕີ້ງ ລ່ຽວ ເຍີຍ ພ້າຍ ນິ່ນ ເຍີຍ ໂປວ, ເຊ ຕສວັ໋ງ ໂຕ່ວ ຫວ່າ ມ່ຽນ, ຕ້າຍ ລໍ໌ ເມີ່ຍ ບົວ,

5ກ໊ອງ, ‘ເມີ່ຍ ບົວ ເກ໊າະ-ມ່ຽນ ອ໋ອຍ ຕສຸ ກວັ່ງ ອກອຍ ກັ້ນ ໂຕສ໋ວ ເອ໊າະ ເຍີຍ ເຈົ໊າ ເຖສົາ ໂຕສ໋ວ ເຍີຍ ຫວ່າຍ ສີ່. ເມີ່ຍ ບົວ ຕສ່ຽວ ຕຸ໊ ຢຽມ ຈ໊ຽນ ຕສ໊ຽວ ໂລ໌-ຮນອຍ ຈິວ ປຸນ ເມີ່ຍ ບົວ ເຖສົາ ເມີ່ຍ ບົວ ເຍີຍ ອົງ-ຖາຍ ເຍີຍ ເຕີ່ຍ-ປູງ ເຖົາ ຢຽດ ລິ໌ວ.

6ໄມ້ ຕູ໋ງ ມີ່ງ ກັນ ເຫຍ່ຍ ເຍີຍ ຕສ້ຽນ ເຫວີ່ຍ ຟູ-ສູ, ປ໋າຍ, ໄຟ ຫລົ່ງ ເມີ່ຍ ບົວ ເຍີຍ ປົ໌ວ ໂຕສ໋ວ ເຍີຍ ກົງ ທສົວະ ເຢຍ ເຖຈຍ ເຈ໌ຍ. ຮນັ້ງ ໜ່າຍ ເຢຍ ຕສ່ຽວ ໄມ້ ຫ່ອຍ ເມີ່ຍ ບົວ.’”

7ຕສ໊ຽວ ກ໊ອງ, “ມປ່າ ເມີ່ຍ ບົວ ໄມ້ ໝວັງ ເຢຍ. ເມີ່ຍ ບົວ ຫລົ່ງ ເມີ່ຍ ບົວ ເຍີຍ ປົ໌ວ ໂຕສ໋ວ ເຍີຍ ກົງ ທສົວະ ເຢຍ ເຖຈຍ ເຈ໌ຍ, ຢ່າ ຫ່ອຍ ເມີ່ຍ ບົວ ກັ້ນ.”

8ເຫວີ່ຍ ນ້າຍ ເນິ່ນ ເຈ໋ຍ ເຍີຍ ຕສ໊ຽວ ຮນັ້ງ ນ້າຍ ກ໊ອງ, “ຫລາຍ ເມີ່ຍ ບົວ ໄມ້ ໝວັງ ເຢຍ ເຍີຍ ຫວ່າ,

9ເຢຍ ຕສ່ຽວ ເຫ່ວ ປ໊ະ ປູງ ເຍີຍ ຕສວັ໋ງ ຝີງ ເຖສົາ ເຢຍ ເຍີຍ ໂປວ, ບາບີລົນ ຮູ່ງ, ເນບູຄັດເນດຊາ, ຕ້າຍ ເບ໊າະ ນ້າຍ ນອມ ເຕີ່ຍ-ປູງ ເຖສົາ ຢຽມ ເຕີ່ຍ-ປູງ ເຍີຍ ແປະ ຝີງ ເຖສົາ ເວີ່ຍ ກ໋ອມ ຢຽດ ຕສູ໊ງ ກົ໊ວະ ເຍີຍ ມ່ຽນ. ເຢຍ ອ໋ອຍ ໝຽດ ນິ່ນ ບົວ ຕສຸດ ເດສ່ງ, ປຸນ ເປ໋ນ ກ້ຳ ເດສ໋ຍ ເຍີຍ ກະນ້າຍ, ຕສຸ ມ່ຽນ ຮວວດ ຢ່າ ຢຽດ ລິ໌ວ ກວັ່ງ ຮວາງ.” ນ້າຍ ເຊ ຕສ໊ຽວ ກ໊ອງ ເຍີຍ ຫວ່າ.

10ໄມ້ ຕານ ບົວະ ນ້າຍ, ເຢຍ ອ໋ອຍ ເຕສ໊າະ ອກອຍ ຢຽມ ນິ່ນ ບົວ ບຸດົ໋ງ ອຈຽນ-ໂຢ້ວ, ອອນ-ເຫລາະ ເຍີຍ ເຖຈຍ, ຊຢັງ-ລ່າງ ຊຢັງ-ບວັ໌ງ ເຍີຍ ເຖຈຍ, ເຖສົາ ໝໍ່ ເຍີຍ ເຖຈຍ, ເຖສົາ ຕັງ ເຍີຍ ອຈັງ.

11ນ້າຍ ນອມ ເຕີ່ຍ-ປູງ ຢຽດ ຕສູ໊ງ ຕສ່ຽວ ເປ໋ນ ປ່າຍ ຫວ່າຍ ປ່າຍ ຮວາງ ເຍີຍ ຕ໋ອງ. ນ້າຍ ເຕີ໋ຍ ກົ໊ວະ ເຍີຍ ມ່ຽນ ອ໋ອຍ ຕສຸ ຟູ-ສູ ບາບີລົນ ຮູ່ງ ທສຽດ ຕສຽບ ຫຮຍັງ.

12“ເຈ໋ຍ ລິ໌ວ ທສຽດ ຕສຽບ ຫຮຍັງ, ເຢຍ ອ໋ອຍ ຕີ່ງ ບາບີລົນ ຮູ່ງ ເຖສົາ ວົ້ວ ນອມ ກົ໊ວະ ເຍີຍ ມ່ຽນ, ເຊ ເຄນເດຍ ມ່ຽນ ເຍີຍ ເຕີ່ຍ-ປູງ ເຍີຍ ຕສຸ໌ຍ, ຫລາຍ ນິ່ນ ບົວ ເຍີຍ ເອ໊າະ ສີ່ ປຸນ ເຕີ່ຍ-ປູງ ຢຽດ ລິ໌ວ ຕສຸ ກວັ່ງ ຮວາງ.” ນ້າຍ ເຊ ຕສ໊ຽວ ກ໊ອງ ເຍີຍ ຫວ່າ.

13“ເຢຍ ອ໋ອຍ ປຸນ ວົ້ວ ນອມ ເຕີ່ຍ-ປູງ ຕສຸ ຕສິ໋ວ ເຢຍ ກ໊ອງ ເຈ໋ຍ ອ໋ອຍ ປຸນ ຕສຸ ເຍີຍ ສີ່, ເຊ ເຟ້ຍ ຈ໊ຽນ ນ້າຍ ປ໊ວນ ໂຊວ ເຍີຍ ຢຽດ ຕສູ໊ງ ຫວ່າ, ຕົ້ງ ເຢເລມີ ໂຕ່ວ ຫວ່າ ກ໊ອງ ນ້າຍ ເຕີ໋ຍ ໝ່ານ ກົ໊ວະ.

14ເຫວີ່ຍ ຕສຸ ມ່າຍ ເຕສ໋ຍ ກົ໊ວະ ມ່ຽນ ເຖສົາ ຕົ້ມ ຮູ່ງ ເຕ໋ຍ ອ໋ອຍ ປຸນ ລ່ຽມ ນ້າຍ ຝີງ ມ່ຽນ ໂຕສ໋ວ ໂນ່ວ. ເຢຍ ຢ່າ ອ໋ອຍ ຕສິ໋ວ ນິ່ນ ບົວ ໂຕສ໋ວ ເຍີຍ ສີ່ ເຖສົາ ນິ່ນ ບົວ ເຍີຍ ປົ໌ວ ໂຕສ໋ວ ເຍີຍ ກົງ ວິ່ນ ປຸນ ນິ່ນ ບົວ.”

15ຕສ໊ຽວ, ອິສະລາເອນ ເຍີຍ ທິນ-ຮູ່ງ, ຮນັ້ງ ນ້າຍ ກ໊ອງ ບົ໋ວ ເຢຍ, “ເຕສ໊າະ ຢຽມ ເຢຍ ເຍີຍ ປົ໌ວ ເຍີຍ ຕສ໊ານ, ເຊ ຕັ໊ບ ປວັ໊ງ ໂນ໌ວ ມ່ຽນ ເຍີຍ ອະຫງຸ່ນ ຕິ໊ວ ເຍີຍ ຕສ໊ານ, ປຸນ ເຢຍ ພ້າຍ ເມີ່ຍ ມີ່ງ ເຖົາ ເຍີຍ ໝ່ານ ກົ໊ວະ ມ່ຽນ ຮົບ.

16ນິ່ນ ບົວ ຮົບ ລິ໌ວ ຕສ່ຽວ ລູ່ງໆ ໄລ່ໆ ເຍີຍ ຢ່າ ໄມ້ ດສັງ, ຫລາຍ ເຢຍ ປຸນ ຕສຸ ເບ໊າະ ຈ໋າ ເຍີຍ ເຈົ໊າ ຢຽມ ນິ່ນ ບົວ ບຸດົ໋ງ.”

17ເຢຍ ຕສ່ຽວ ຕສິ໊ບ ຢຽມ ນິ່ນ ເຍີຍ ປົ໌ວ ຕ້າຍ ເຍີຍ ຕສ໊ານ, ແອ໋ງ ອ໊າບ ຕົ້ງ ຕສ໊ຽວ ພ້າຍ ເຢຍ ມີ່ງ ເຍີຍ ໝ່ານ ກົ໊ວະ ມ່ຽນ ຮົບ.

18ມ່າຍ ເຢລູຊາເລມ ເຖສົາ ຢູດາ ເຍີຍ ຕສີ້ງ, ລ່ຽມ ວົ້ວ ເຕີ໋ຍ ຕສີ້ງ ເຍີຍ ຮູ່ງ ເຖສົາ ຈຽນ, ຕສ່ຽວ ໂຕສ໋ວ ປຸນ ນ້າຍ ເຕີ໋ຍ ຕສີ້ງ ເປ໋ນ ປ່າຍ ຮວາງ ກວັ່ງ ຮວາງ ເຍີຍ ຕ໋ອງ, ຕສຸ ຮວວດ ຢ່າ ຕສຸ ຕສ໋ຽວ ຮນັ້ງ ອີ້ ຈ໋າ ຮນອຍ.

19ແອ໋ງ ມ່າຍ ອີຢິ໊ບ ເຍີຍ ຟາໂລ ຮູ່ງ ເຖສົາ ນິ່ນ ເຍີຍ ໂປວ, ນິ່ນ ເຍີຍ ຈຽນ, ເຖສົາ ນິ່ນ ເຍີຍ ຕສວັ໋ງ ແປະ ຝີງ,

20ຢ່າ ມ່າຍ ຢຽມ ນິ່ນ ບົວ ບຸດົ໋ງ ເຍີຍ ກັ້ນ ຝີງ ມ່ຽນ, ເຖສົາ ອູດ ເຕີ່ຍ ເຍີຍ ຢຽດ ຕສູ໊ງ ຮູ່ງ ເຕ໋ຍ, ເຖສົາ ຟິລິສະເຕຍ ເຕີ່ຍ ເຍີຍ ຕສວັ໋ງ ຮູ່ງ ເຕ໋ຍ, ເຊ ຢຽມ ອັດເຄລົນ, ກາຊາ, ເອໂຄລົນ ເຖສົາ ອັດດົດ ເຕສ່ງ ເອຈ່ຍ ເຍີຍ ມ່ຽນ.

21ມ່າຍ ເອດົມ ມ່ຽນ, ໂມອັບ ມ່ຽນ ເຖສົາ ອຳມົນ ເຍີຍ ເຕສີ໊ຍ-ຟຸນ.

22ມ່າຍ ໄທລະ ເຍີຍ ຕສວັ໋ງ ຮູ່ງ ເຖສົາ ໄຊດອນ ເຍີຍ ຕສວັ໋ງ ຮູ່ງ ເຖສົາ ວົ້ວ ຫງ່ານ ຕສິ ຄ້ອຍ-ເຮລນ ເຍີຍ ຮູ່ງ.

23ມ່າຍ ເດດານ, ເທມາ, ບຸດ ເຖສົາ ຢຽດ ຕສູ໊ງ ຈັ໊ບ ບະເປຢີຍ ແປ້ງ ເຍີຍ ຮວີງ ກ໋ອມ ມອກ໊ອງ ເຍີຍ ມ່ຽນ.

24ມ່າຍ ອາລະເບຍ ເຍີຍ ຕສວັ໋ງ ຮູ່ງ ເຖສົາ ຕສອບ ຈ໊ຽນ ຢຽມ ເຕີ່ຍ-ປູງ-ຮວາງ ຝີງໆ ມ່ຽນ ເຍີຍ ຕສວັ໋ງ ຮູ່ງ.

25ມ່າຍ ສິມລີ ເຍີຍ ຕສວັ໋ງ ຮູ່ງ, ເອລາມ ເຍີຍ ຕສວັ໋ງ ຮູ່ງ ເຖສົາ ມີເດຍ ເຍີຍ ຕສວັ໋ງ ຮູ່ງ.

26ມ່າຍ ປ໊ະ ປູງ ເຍີຍ ຕສວັ໋ງ ຮູ່ງ ໄມ້ ກຸ໊ນ ໂກ ໄຟ ຟັດ, ຢຽດ ລ່ານ ເຈ໋ຍ ຢຽດ ລ່ານ, ເຖົາ ກ໋ອມ ເດສ່ງ ລູ່ງ ເດ໊ຍ ເດົາ-ເປີ້ຍ ເຍີຍ ໝ່ານ ກົ໊ວະ. ຮົບ ລິ໌ວ, ອກະຮ້າ ບາບີລົນ ຮູ່ງ ອ໋ອຍ ຕສຸ ຮົບ.

27“ເມີ່ຍ ອ໋ອຍ ຕສຸ ບົ໋ວ ນິ່ນ ບົວ, ເນິ່ນ ເຈ໋ຍ ເຍີຍ ຕສ໊ຽວ, ອິສະລາເອນ ເຍີຍ ທິນ-ຮູ່ງ, ຮນັ້ງ ນ້າຍ ກ໊ອງ, ‘ອ໋ອຍ ຕສຸ ຮົບ ອກວິນ ມີ່ງ ແອ໋ງ ໂລ້ ຢ່າ ຄີງ ເອຈ່ຍ ເດົາ, ໄມ້ ໄຮ່ ແອ໋ງ ເຈ໌ຍ ຊິນ, ຫລາຍ ເຢຍ ປຸນ ຢຽມ ເມີ່ຍ ບົວ ບຸດົ໋ງ ຕສຸ ເບ໊າະ ຈ໋າ.’

28ເຊ ກ໊ອງ ນິ່ນ ບົວ ໄມ້ ຄັ້ງ ຕສິ໊ບ ຢຽມ ເມີ່ຍ ເຍີຍ ປົ໌ວ ນ້າຍ ນອມ ຕສ໊ານ ຕ້າຍ ຮົບ, ເມີ່ຍ ອ໋ອຍ ຕສຸ ບົ໋ວ ນິ່ນ ບົວ, ‘ເນິ່ນ ເຈ໋ຍ ເຍີຍ ຕສ໊ຽວ ຮນັ້ງ ນ້າຍ ກ໊ອງ, ‘ເມີ່ຍ ບົວ ຕສູ໊ງ ອ໋ອຍ ຕສຸ ຮົບ,

29ເຫວີ່ຍ ຕສຸ ໝັ່ງ ມ່າະ! ເຢຍ ຢຽມ ຕົ້ງ ກັນ ເຢຍ ເຍີຍ ບົ໋ວ ເຫ່ວ ເຍີຍ ຕສີ້ງ ເຈ໌ຍ ກອນ ປຸນ ທສ້ຽວ ເຍີຍ ເຕສະ ໜ່ານ ທສວດ. ເມີ່ຍ ບົວ ໄຮ່ ເປຢົ໋າ ຕຸ໊ ດຸ໊ດ, ໄມ້ ຕສຸ ຕີ່ງ ຕສຸ໌ຍ ໄຟ? ເມີ່ຍ ບົວ ຕສູ໊ງ ເປຢົ໋າ ໄມ້ ດຸ໊ດ, ເຫວີ່ຍ ຕສຸ ເຢຍ ພ້າຍ ປຸນ ເບ໊າະ ຈ໋າ ເຍີຍ ສີ່ ທສວດ ຢຽມ ລູ່ງ ເດ໊ຍ ຢຽດ ຕສູ໊ງ ມ່ຽນ ມ່ານ ບຸດົ໋ງ.’ ເນິ່ນ ເຈ໋ຍ ເຍີຍ ຕສ໊ຽວ ຮນັ້ງ ນ້າຍ ກ໊ອງ.

30ເຢເລມີ ອ້າ! ເຫວີ່ຍ ນ້າຍ ເມີ່ຍ ອ໋ອຍ ຕສຸ ໂຕ່ວ ນ້າຍ ເຕີ໋ຍ ຢຽດ ຕສູ໊ງ ຫວ່າ ກ໊ອງ ນິ່ນ ບົວ. ອ໋ອຍ ຕສຸ ບົ໋ວ ນິ່ນ ບົວ, “ ຕສ໊ຽວ ອ໋ອຍ ຢຽມ ຮລັງ ເຍີຍ ຕ໋ອງ ເຫ່ວ, ຢ່າ ຢຽມ ນິ່ນ ເຍີຍ ທສີງ-ເດສ່ງ ຕ໋ອງ ທສວດ ເຖຈຍ, ເຫ່ວ ບຸຍ ເຍີຍ ກ໊ອງ ນິ່ນ ເຍີຍ ປະກີ ຢູ້ງ ກວັ້ນ, ຮນັ້ງ ມ່ຽນ ເຫ່ວ ຈ໊ຽນ ເຖຈຍ ໂຮລ ເຍີຍ ເຍວີ່ຍ ອະຫງຸ່ນ ປ໊ຽວ ນໍ, ກ໊ອງ ຢຽດ ຕສູ໊ງ ລູ່ງ ເດ໊ຍ ມ່ຽນ.

31ເຖຈຍ ບຸຍ ຕສ່ຽວ ແອ໊ງ ມີ່ງ ເຖົາ ຈົ່ມ ລູ່ງ ເດ໊ຍ, ເຫວີ່ຍ ຕສຸ ຕສ໊ຽວ ອ໋ອຍ ໂກ໋ ໝ່ານ ກົ໊ວະ. ຕະຟ່ານ ມ່າຍ ອໍ໊ ຊິນ ເຍີຍ, ນິ່ນ ອ໋ອຍ ຊ້ຽມ. ໂຕສ໋ວ ເອ໊າະ ເຍີຍ ມ່ຽນ, ນິ່ນ ອ໋ອຍ ປຸນ ຕສຸ ດສຸ ດ໊າວ ໄຕ໋.’ ນ້າຍ ເຊ ຕສ໊ຽວ ກ໊ອງ ເຍີຍ ຫວ່າ.”

32ເນິ່ນ ເຈ໋ຍ ເຍີຍ ຕສ໊ຽວ ຮນັ້ງ ນ້າຍ ກ໊ອງ, “ໝັ່ງ ມ່າະ! ມ່າຍ ທສ້ຽວ ເຍີຍ ເຕສະ ໜ່ານ ອ໋ອຍ ຢຽມ ນ້າຍ ນອມ ກົ໊ວະ ເຈ໋ຍ ວົ້ວ ນອມ ກົ໊ວະ. ຢຽມ ລູ່ງ ເດ໊ຍ ໂກ ເຈ໋ຍ ເຍີຍ ຕ໋ອງ ຢ່າ ມ່າຍ ຕົ້ມ ດສຢ໋າວ ເຈ໌ຍ ກອນ ປ່ວນ ຕ້າຍ.”

33ເຖົາ ວົ້ວ ຮນອຍ ຢຽມ ນ້າຍ ປູງ ລູ່ງ ກອນ ເຖົາ ວົ້ວ ປູງ ລູ່ງ ກອນ ມ່າຍ ຕສຸ ຕສ໊ຽວ ໄຕ໋ ເຍີຍ ມ່ຽນ. ໄມ້ ມ່າຍ ຫາຍ ເຕົ້າ ຍ້ຽມ ນິ່ນ ບົວ, ໄຟ ຊຽວ ໄຟ ປຢົ໊ບ ນິ່ນ ບົວ. ນິ່ນ ບົວ ຕສ່ຽວ ຢຽມ ວົ້ວ ເດົາ-ເປີ້ຍ ຮນັ້ງ ໄອກ໊ ນໍ.

34ໂກ໋ວ ປະກີ ຢູ້ງ ເຍີຍ ມ່ຽນ ອ້າ! ເມີ່ຍ ບົວ ອ໋ອຍ ຕສຸ ຍ້ຽມ ຢ່າ ເຫ່ວ ທສວດ. ປະກີ ຢູ້ງ ກວັ້ນ ເຍີຍ ຕສ໊ຽວ ອ໋ອຍ ຕສຸ ອຈັ໋ງ ຊ້າຍ ກະຍົ໌ວ, ເຫວີ່ຍ ຕສຸ ເມີ່ຍ ບົວ ຕສຸ ໄຕ໋, ຕສຸ ປຸນ ດສ໋ານ ເຍີຍ ຮນອຍ-ເຫຍັຍ ເຖົາ. ເມີ່ຍ ບົວ ຕສ່ຽວ ຮນັ້ງ ປະກີ ຢູ້ງ ໂກ໊ວ ເດສວີ່ຍ ເຍີຍ ຄີງ ເອຈ່ຍ.

35ໂກ໋ວ ປະກີ ຢູ້ງ ເຍີຍ ມ່ຽນ ໄມ້ ມ່າຍ ເຈົ໊າ ເປຢົ໋າ, ປະກີ ຢູ້ງ ກວັ້ນ ເຍີຍ ຕສ໊ຽວ ຢ່າ ໄມ້ ມ່າຍ ເຈົ໊າ ເປຢົ໋າ.

36ໝວັງ ມ່າະ! ມ່າຍ ໂກ໋ວ ປະກີ ຢູ້ງ ເຍີຍ ມ່ຽນ ເຫ່ວ, ຢ່າ ມ່າຍ ປະກີ ຢູ້ງ ກວັ້ນ ເຍີຍ ຕສ໊ຽວ ຍ້ຽມ ເຖຈຍ ບຸຍ ເຍີຍ, ເຫວີ່ຍ ຕສຸ ຕສ໊ຽວ ໂຕສ໋ວ ຫວ່າຍ ນິ່ນ ບົວ ເຍີຍ ເມ້ຍ-ທສຢັ້ງ.

37ແປ້ງ ອອນ ເຊກ ເດສັຍ ເຍີຍ ປະກີ ຢູ້ງ ລ່ານ ຕສຸ ປ່າຍ ຫວ່າຍ ຫລາຍ ຕສ໊ຽວ ເຖຈຍ ເຈ໌ຍ! ໂນ໌ວ ໄຫ່.

38ນິ່ນ ຮນັ້ງ ຊ່ຽນ ເລີ່ຍ ອກອຍ ນິ່ນ ເຍີຍ ຄວດ, ເຫວີ່ຍ ຕສຸ ນິ່ນ ບົວ ເຍີຍ ເຕີ່ຍ-ປູງ ຕສຸ ປ່າຍ ເດສ່ງ, ຫລາຍ ເຕສີ໋ຍ ມ່ຽນ ວົ້ວ ເຕົ້າ ເຍີຍ ດສຸ ດ໊າວ ຢ່າ ຫລາຍ ຕສ໊ຽວ ໂນ໌ວ, ເຖຈຍ ເຈ໌ຍ ໄຫ່.

← Chapter 24 Jump to: Chapter 26 →