Jeremiah 7

Lao Bible (ฉบับอักษรลาว)

← Chapter 6 Jump to: Chapter 8 →

1ນ້າຍ ເຊ ເຢເລມີ ຕຸ໊ ຕສິ໊ບ ຕສ໊ຽວ ເຍີຍ ຫວ່າ ກ໊ອງ,

2“ເມີ່ຍ ອ໋ອຍ ຕສຸ ໂຊ້ວ ຈ໊ຽນ ຕສັ່ງ ຕສ໊ຽວ ເຍີຍ ເປຢົ໊າ ເຍີຍ ແກ້ງ ດ່າງ ຕສຸ້ນ ກ໊ອງ ນ້າຍ ເຕີ໋ຍ ຫວ່າ, ‘ຕະຟ່ານ ເມີ່ຍ ບົວ ເປັຍ ນ້າຍ ເຕີ໋ຍ ແກ້ງ ຕສັ່ງ ຕສ໊ຽວ ເຍີຍ ຢູດາ ມ່ຽນ ອ້າ! ອ໋ອຍ ຕສຸ ໝວັງ ຕສ໊ຽວ ເຍີຍ ຫວ່າ.’

3ເນິ່ນ ເຈ໋ຍ ເຍີຍ ຕສ໊ຽວ, ເຊ ອິສະລາເອນ ເຍີຍ ທິນ-ຮູ່ງ, ຮນັ້ງ ນ້າຍ ກ໊ອງ, ‘ອ໋ອຍ ຕສຸ ຕສໍ່ ເມີ່ຍ ບົວ ເຍີຍ ເຈົ໊າ-ໂຫລ່ວ ເຖສົາ ໂຕສ໋ວ ເຍີຍ ສີ່, ເຢຍ ຕສ່ຽວ ປຸນ ເມີ່ຍ ບົວ ຢຽມ ຈ໊ຽນ ນ້າຍ ນອມ ຕ໋ອງ.

4ໄມ້ ຕູ໋ງ ເຂົາ ນ້າຍ ເຕີ໋ຍ ດົ໊ວ ເຍີຍ ຫວ່າ, “ນ້າຍ ເຊ ຕສັ່ງ ຕສ໊ຽວ ເຍີຍ ເປຢົ໊າ, ຕສັ່ງ ຕສ໊ຽວ ເຍີຍ ເປຢົ໊າ, ຕສັ່ງ ຕສ໊ຽວ ເຍີຍ ເປຢົ໊າ.”

5ເຊ ກ໊ອງ ເມີ່ຍ ບົວ ຕສະເກ້ງ ຕສໍ່ ເມີ່ຍ ບົວ ເຍີຍ ເຈົ໊າ-ໂຫລ່ວ ເຖສົາ ໂຕສ໋ວ ເຍີຍ ສີ່, ເຊ ກ໊ອງ ເມີ່ຍ ບົວ ລ່ານ ເຖສົາ ລ່ານ ຕສະເກ້ງ ໂຕສ໋ວ ແປ້ງ ຟິມ ເຍີຍ,

6ເຊ ກ໊ອງ ເມີ່ຍ ບົວ ໄມ້ ເຕສີ໋ຍ ກັ້ນ ຝີງ ມ່ຽນ ໄຟ ກູ້ ຮັ່ນ ຝຸຈ໊ວຍ ໄຟ ເອົ໊າ-ກວ໊າ, ຢຽມ ນ້າຍ ນອມ ຕ໋ອງ ໄມ້ ໄຕ໋ ໄມ້ ໂຕສ໋ວ ຕ່ອງ ເຍີຍ ມ່ຽນ ຢ່າ ໄມ້ ກັນ ເຫຍ່ຍ ເຍີຍ ຕສ້ຽນ ຫ່ອຍ ຕສຸ ກັ້ນ,

7ເຢຍ ຕສ່ຽວ ປຸນ ເມີ່ຍ ບົວ ຕຸ໊ ຢຽມ ນ້າຍ ນອມ ຕ໋ອງ, ເຊ ຢຽມ ໂລ໌-ຮນອຍ ເຢຍ ເຖສີຍ ປຸນ ເມີ່ຍ ບົວ ເຍີຍ ອົງ-ຖາຍ ຢຽດ ລິ໌ວ ຢຽມ ເຍີຍ ຕ໋ອງ.

8ໝັ່ງ ມ່າະ! ເມີ່ຍ ບົວ ເຂົາ ດົ໊ວ ມ່ຽນ ເຍີຍ ຫວ່າ ຢ່າ ໄມ້ ລ່ຳ ຫລົ່ງ.

9“‘ເມີ່ຍ ບົວ ໂຕສ໋ວ ຕສະ, ໄຕ໋ ມ່ຽນ, ຫຮຢຽນ ເອົ໊າ ຫຮຢຽນ ໂອກ໋, ແລ໌ງ ຫວ່າ ຈ໊າ ເຍີຍ, ປົ໊ວ ຮູງ ປຸນ ບາອັນ ຕສ້ຽນ ຢ່າ ກັນ ຈ໊ຽນ ເມີ່ຍ ບົວ ໄມ້ ຮິ້ວ ເຍີຍ ຕສ້ຽນ,

10ອກະຮ້າ ຕ້າຍ ຕົ້ງ ກັນ ເຢຍ ເຍີຍ ບົ໋ວ ເຫ່ວ ນ້າຍ ນອມ ເປຢົ໊າ, ໂຊ້ວ ຈ໊ຽນ ເຢຍ ເຍີຍ ດສະຮມຽນ ກ໊ອງ, “ເຢຍ ບົວ ຕຸ໊ ໂອຈ໋ວ ທສວດ ໝີ່ ອ໊ະ.” ມປ່າ ເມີ່ຍ ບົວ ຖສໍ່ ໂຕສ໋ວ ຈ໊ຽນ ນ້າຍ ເຕີ໋ຍ ຢຽດ ຕສູ໊ງ ກ້ຳ ເດສ໊ຍ ເຍີຍ ສີ່.

11ຕົ້ງ ກັນ ເຢຍ ເຍີຍ ບົ໋ວ ເຫ່ວ ນ້າຍ ນອມ ເປຢົ໊າ, ຕສິ໋ວ ເມີ່ຍ ບົວ ເຍີຍ ມຕສີງ ໝັ່ງ, ໄມ້ ເຕສີ໌ຍ ເປ໋ນ ຈັ໋ນ-ຕສະ ປີ໋ງ ເຍີຍ ຄວດ ໄຟ? ຕສ໊ຽວ ກ໊ອງ, “ເຢຍ ກັ້ນ ຕສູ໊ງ ປວັດ ໝີ່ ອ໊ະ.”

12“‘ເມີ່ຍ ບົວ ມີ່ງ ເຢຍ ເຍີຍ ຕ໋ອງ, ເຊ ຊີໂລ ວົ້ວ, ຕົ້ງ ຕ້າວ ຕັ້ງ ເຢຍ ເຫວີ່ຍ ເຢຍ ເຍີຍ ເມ່ງ ຫລຽບ ເຍີຍ ຕ໋ອງ. ໝັ່ງ ກ໋າ ຫລາຍ ເຢຍ ເຍີຍ ແປະ ຝີງ, ອິສະລາເອນ ມ່ຽນ, ໂຕສ໋ວ ເຍີຍ ເອ໊າະ ສີ່ ເຢຍ ຮນັ້ງ ຫາຍ ນໍ ໂຕສ໋ວ ປຸນ ວົ້ວ ນອມ ຕ໋ອງ.’

13ຕສ໊ຽວ ກ໊ອງ, ‘ອີ້ ຕສັ່ນ ຫລາຍ ເມີ່ຍ ບົວ ໂຕສ໋ວ ນ້າຍ ເຕີ໋ຍ ຢຽດ ຕສູ໊ງ ສີ່, ເຢຍ ຕສັ່ນໆ ເຖສົາ ເມີ່ຍ ບົວ ກ໊ອງ, ເມີ່ຍ ບົວ ຢ່າ ໄມ້ ໝວັງ. ເຢຍ ເຫ່ວ ເມີ່ຍ ບົວ, ເມີ່ຍ ບົວ ຢ່າ ໄມ້ ເຕົາ.

14ເຫວີ່ຍ ນ້າຍ ເຢຍ ອ໋ອຍ ໂຕສ໋ວ ປຸນ ຕົ້ງ ກັນ ເຢຍ ເຍີຍ ບົ໋ວ ເຫ່ວ ວົ້ວ ນອມ ເປຢົ໊າ, ເຊ ເມີ່ຍ ບົວ ເຂົາ ເຍີຍ ຕ໋ອງ, ຕົ້ງ ເຢຍ ປຸນ ເມີ່ຍ ບົວ ເຖສົາ ເມີ່ຍ ບົວ ເຍີຍ ອົງ-ຖາຍ ຮນັ້ງ ຢຽມ ຊີໂລ ໂຕສ໋ວ ນໍ.

15ເຢຍ ອ໋ອຍ ເຕສ໊າະ ເມີ່ຍ ບົວ ຢຽມ ເຢຍ ເຍີຍ ດສະຮມຽນ ຕສຸ່ນ ທສວດ, ຮນັ້ງ ເຢຍ ຕສຸ່ນ ທສວດ ເມີ່ຍ ບົວ ເຍີຍ ຕສວັ໋ງ ກໍ໋-ໂຢ໌ວ, ເຊ ເອຟາອິມ ເຍີຍ ຢຽດ ຕສູ໊ງ ເຕສີ໊ຍ-ຟຸນ.’

16“ເມີ່ຍ ແອ໊ະ, ໄມ້ ຕູ໋ງ ເຫວີ່ຍ ນ້າຍ ເຕີ໋ຍ ແປະ ຝີງ ເຕົ໋າ ເກົ໋າ. ໄມ້ ຕູ໋ງ ເຫວີ່ຍ ນິ່ນ ບົວ ເຫ່ວ ຈ໊ຽນ ເຕົ໋າ ເກົ໋າ ຢ່າ ໄມ້ ຕູ໋ງ ເຫວີ່ຍ ນິ່ນ ບົວ ໂທ້ ເຢຍ, ເຫວີ່ຍ ຕສຸ ເຢຍ ໄມ້ ໝວັງ ເມີ່ຍ.

17ເມີ່ຍ ໄມ້ ປວັດ ນິ່ນ ບົວ ຢຽມ ຢູດາ ເຍີຍ ຕສີ້ງ ເຖສົາ ເຢລູຊາເລມ ເຍີຍ ຈາຍ-ຫ່ອງ ໂຕສ໋ວ ເຍີຍ ສີ່ ໄຟ?

18ຝຸຈ໊ວຍ ເດສົ໌າ ຕສ້າງ, ເຕຍ ປົ໊ວ ໂຕ໌ວ, ມເຊັຍ ຕອນ ໄຖສ ບ໊ວນ ໂຕສ໋ວ ອຈົ໊ວ ຝົ່ງ ຫໍ່ ປຸນ ລູ່ງ ເຍີຍ ຮູ່ງ ໝ່າ. ນິ່ນ ບົວ ຢ່າ ໂຕ໋ ທສວດ ເທສ້ຍ ເຕສ່ຍ ເຍີຍ ກະນ້າຍ ຝົ່ງ ຫໍ່ ປຸນ ເຫຍ່ຍ ເຍີຍ ຕສ້ຽນ ເຫວີ່ຍ ທສົວະ ເຢຍ ເຖຈຍ ເຈ໌ຍ.

19ຕສ໊ຽວ ກ໊ອງ, ‘ນິ່ນ ບົວ ທສົວະ ເຖຈຍ ເຈ໌ຍ ເຊ ເຢຍ ໄຟ? ເຊ ທສົວະ ນິ່ນ ບົວ ກັ້ນ ປຸນ ນິ່ນ ບົວ ກັ້ນ ຫລຸ່ນ ໄມ້ ເຕສີ໌ຍ?’

20“ເຫວີ່ຍ ນ້າຍ ຕສ໊ຽວ ທິນ-ຮູ່ງ ຮນັ້ງ ນ້າຍ ກ໊ອງ, ‘ໝັ່ງ ມ່າະ! ເຢຍ ຕສ່ຽວ ໂນ໌ວ ໄຫ່, ກະເຖຈຍ ແປ໊ດ ທສວດ ເອຈ່ຍ ນ້າຍ ນອມ ຕ໋ອງ ເຍີຍ ມ່ຽນ, ລ່ຽມ ມ່ຽນ ລ່ຽມ ແຊງ-ຄູ້ ເຖສົາ ຫລົ່ມ-ຮວາງ ເຍີຍ ດຢັ໋ງ ເຖສົາ ເດົາ ທສວດ ເຍີຍ ແກງ-ຕສວັ໋ງ. ໂຕ໌ວ ອ໋ອຍ ປົ໊ວ ທຈຸຍ ຢ່າ ເບ໊າະ ໄມ້ ໄຕ່.’

21“ເນິ່ນ ເຈ໋ຍ ເຍີຍ ຕສ໊ຽວ, ອິສະລາເອນ ເຍີຍ ທິນ-ຮູ່ງ ຮນັ້ງ ນ້າຍ ກ໊ອງ, ‘ເຕສ໊າະ ເມີ່ຍ ບົວ ຝົ່ງ ຫໍ່ ປົ໊ວ ເຕສ່ຍ ເຍີຍ ກະນ້າຍ ຈາ ຈ໊ຽນ ເມີ່ຍ ບົວ ເຫວີ່ຍ ກັ້ນ ຫຍູ່ງ ເຈົ໊າ ຝົ່ງ ຫໍ່ ເຕສ່ຍ ເຍີຍ ກະນ້າຍ ຢ່າ ຫຍັ່ນ ວົ້ວ ເຕີ໋ຍ ອໍ໊.

22ເຫວີ່ຍ ຕສຸ ເຢຍ ຕໍ້ ເມີ່ຍ ບົວ ເຍີຍ ອົງ-ຖາຍ ທສວດ ອີຢິ໊ບ ເຕີ່ຍ-ປູງ ວົ້ວ ຮນອຍ, ເຢຍ ໄມ້ ຕຸ໊ ເຖສົາ ນິ່ນ ບົວ ກ໊ອງ ໄຟ ຫັດ ນິ່ນ ບົວ ເຖົາ ປົ໊ວ ເຕສ່ຍ ໄຟ ເຫວີ່ຍ ກັ້ນ ຫຍູ່ງ ເຕສ່ຍ ເຍີຍ ກະນ້າຍ.

23ມປ່າ ເຢຍ ຮນັ້ງ ນ້າຍ ຫັດ ນິ່ນ ບົວ, ‘ອ໋ອຍ ຕສຸ ໝວັງ ເຢຍ ເຍີຍ ຫວ່າ, ເຢຍ ຕສ່ຽວ ໂຕສ໋ວ ເມີ່ຍ ບົວ ເຍີຍ ທິນ-ຮູ່ງ, ເມີ່ຍ ບົວ ຕຸ໊ ໂຕສ໋ວ ເຢຍ ເຍີຍ ແປະ ຝີງ ຢ່າ ກັນ ເຢຍ ຫັດ ເມີ່ຍ ບົວ ເຍີຍ ຢຽດ ຕສູ໊ງ ເຈົ໊າ ເຫວີ່ຍ ປຸນ ເມີ່ຍ ບົວ ຕຸ໊ ຫລົງ.’

24ມປ່າ ນິ່ນ ບົວ ໄມ້ ເອີຍ ຈ໊ຽນ ໂຕສ໋ວ ຢ່າ ໄມ້ ແປງ ມນ່ອມ ໝວັງ. ນິ່ນ ບົວ ເອີຍ ຈ໊ຽນ ນິ່ນ ບົວ ກັ້ນ ເຍີຍ ຕສະເອີ໋ຍ ເຖສົາ ນິ່ນ ບົວ ໂຮຍ້ວ ແຫງ່ງ ໂຮຍ້ວ ເອ໊າະ ເຍີຍ ໂຕສ໋ວ ຢ່າ ຮລວດ ອກາງ, ໄມ້ ມີ່ງ ວົ້ວ ດ່າງ.

25ຢຽມ ເມີ່ຍ ບົວ ເຍີຍ ອົງ-ຖາຍ ທສວດ ອີຢິ໊ບ ວົ້ວ ຮນອຍ ເຖົາ ອີ້ ຮນອຍ, ເຢຍ ໄມ້ ຕີ້ງ ລ່ຽວ ເຍີຍ ພ້າຍ ເຢຍ ເຍີຍ ໂປວ, ຕສວັ໋ງ ໂຕ່ວ ຫວ່າ ມ່ຽນ, ມີ່ງ ນິ່ນ ບົວ ວົ້ວ ຢຽດ ຮນອຍ ເຈ໋ຍ ຢຽດ ຮນອຍ.

26ມປ່າ ນິ່ນ ບົວ ໄມ້ ໝວັງ ເຢຍ, ໄມ້ ແປງ ມນ່ອມ ໝວັງ. ນິ່ນ ບົວ ແຫງ່ງ ຈ໊ຽນ ໂຮຍ້ວ. ນິ່ນ ບົວ ຕສູ໊ງ ໂຕສ໋ວ ເກົ້າ ຫວ່າຍ ນິ່ນ ບົວ ເຍີຍ ອົງ-ຖາຍ.’

27“ເມີ່ຍ ອ໋ອຍ ຕສຸ ກ໊ອງ ນ້າຍ ເຕີ໋ຍ ຢຽດ ຕສູ໊ງ ຫວ່າ ບົ໋ວ ນິ່ນ ບົວ, ມປ່າ ນິ່ນ ບົວ ໄມ້ ໝວັງ. ເມີ່ຍ ທຈະ ເຫ່ວ ນິ່ນ ບົວ ມປ່າ ນິ່ນ ບົວ ໄມ້ ເຕົາ ເມີ່ຍ.

28ເມີ່ຍ ຕສ່ຽວ ອ໋ອຍ ຕສຸ ກ໊ອງ ບົ໋ວ ນິ່ນ ບົວ, ‘ນ້າຍ ກົ໊ວະ ມ່ຽນ ໄມ້ ໝວັງ ຕສ໊ຽວ, ນິ່ນ ບົວ ເຍີຍ ທິນ-ຮູ່ງ ເຍີຍ ຫວ່າ, ຢ່າ ໄມ້ ເອີຍ ຈ໊ຽນ ອຈ໋າວ ເຍີຍ ເຈົ໊າ. ຕສຽນ ເລີ໌ຍ ຕສຸ ໝຽດ ໝີ່ ອ໊ະ. ຢຽມ ເມີ່ຍ ບົວ ເຍີຍ ດສຸ້ຍ ຕສຽນ ເລີ໌ຍ ຕສຸດ ໝີ່ ອ໊ະ.

29ອ໋ອຍ ຕສຸ ຈັ໊ບ ເມີ່ຍ ບົວ ເຍີຍ ບະເປຢີຍ ຕສອຍ ກວັ່ງ ມີ່ງ. ຢຽມ ຮລັງ, ອຈັງ ເຍີຍ ຕ໋ອງ ອ໋ອຍ ຕສຸ ເດສົ້າ ຍ້ຽມ, ເຫວີ່ຍ ຕສຸ ຕສ໊ຽວ ເອກ້ມ ຢ່າ ກວັ່ງ ນິ່ນ ໂນ໌ວ ເຍີຍ ນ້າຍ ຕ່ອຍ ມ່ຽນ.’

30“ ຕສ໊ຽວ ກ໊ອງ, ‘ຕສິ໋ວ ເຢຍ ເຍີຍ ມຕສີງ ໝັ່ງ, ຢູດາ ມ່ຽນ ໂຕສ໋ວ ເອ໊າະ ສີ່. ນິ່ນ ບົວ ເຕສ໊າະ ນິ່ນ ບົວ ໂຕສ໋ວ ກ້ຳ ເດສ໊ຍ ເຍີຍ ກະນ້າຍ ອັນ ຕົ້ງ ກັນ ເຢຍ ເຍີຍ ບົ໋ວ ເຫ່ວ ວົ້ວ ນອມ ເປຢົ໊າ, ປຸນ ເປຢົ໊າ ມ່າຍ ຫວຸຍ.

31ນິ່ນ ບົວ ເຖສີຍ ໂທເຟດ ຮລັງ ເຍີຍ ຕ໋ອງ ຢຽມ ເບນຮິນນົມ ຮ໌ອງ, ເຫວີ່ຍ ຫລົ່ງ ໂຕ໌ວ ປົ໊ວ ນິ່ນ ບົວ ເຍີຍ ນ່າມ ໂຍ໌ວ. ເຢຍ ຢ່າ ໄມ້ ຫັດ ນິ່ນ ບົວ ໂຕສ໋ວ. ເຢຍ ເຍີຍ ໂຮຍ້ວ ຕສູ໊ງ ໄມ້ ຮນ້ຳ ເຖົາ ຮນັ້ງ ໜ່າຍ ໂຕສ໋ວ.’

32ຕສ໊ຽວ ກ໊ອງ, ‘ເຫວີ່ຍ ນ້າຍ ໝັ່ງ ມ່າະ! ຮນອຍ-ເຫຍັຍ ອ໋ອຍ ເຖົາ, ນ້າຍ ນອມ ຕ໋ອງ ໄມ້ ເຫ່ວ ໂທເຟດ ໄຟ ເບນຮິນນົມ ຮ໌ອງ, ມປ່າ ເປ໋ນ ໄຕ໋ ໄຕ່ ເຍີຍ ຮ໌ອງ, ເຫວີ່ຍ ຕສຸ ນິ່ນ ບົວ ອ໋ອຍ ຢຽມ ໂທເຟດ ປຢົ໊ບ ເຊີຍ ຫລາຍ ກັ້ນ ນອມ ຕ໋ອງ ໄມ້ ມ່າຍ ຕ໋ອງ ຂູງ.

33ນ້າຍ ເຕີ໋ຍ ແປະ ຝີງ ເຍີຍ ເຊີຍ ຕສ່ຽວ ເປ໋ນ ດ໊າມ-ລູ່ງ ເຍີຍ ເໜາະ ເຖສົາ ຫລົ່ມ-ຮວາງ ເຍີຍ ເຮ່ຍ ຕສ້ອຍ ເຍີຍ ຫຍັ່ນ ຮົບ. ຢ່າ ໄມ້ ມ່າຍ ມ່ຽນ ແຮະ ເປຢົ໋າ.

34ເຖົາ ວົ້ວ ຕສັ່ນ ເຢຍ ອ໋ອຍ ປຸນ ຢູດາ ເຍີຍ ຕສີ້ງ ເຖສົາ ເຢລູຊາເລມ ເຍີຍ ຈາຍ-ຫ່ອງ ອຈຽນ-ໂຢ້ວ ເໜົ່າ ຫຍິດ ເຍີຍ ເຖຈຍ ເຖສົາ ຊຢັງ-ລ່າງ ຊຢັງ-ບວັ໌ງ ເຍີຍ ເຖຈຍ ເຊກ, ເຫວີ່ຍ ຕສຸ ເຕີ່ຍ-ປູງ ອ໋ອຍ ຕສຸ ເປ໋ນ ປ່າຍ ຮວາງ ເຍີຍ ຕ໋ອງ.

← Chapter 6 Jump to: Chapter 8 →