Luke 13

Lao Bible (ฉบับอักษรลาว)

← Chapter 12 Jump to: Chapter 14 →

1ວົ້ວ ຕສັ່ນ ມ່າຍ ເຕີ໋ຍ ຢຽມ ວົ້ວ ເຍີຍ ມ່ຽນ ກ໊ອງ ບົ໋ວ ເຢຊູ ມ່າຍ ເຕີ໋ຍ ກາລິລີ ມ່ຽນ ໄຕ໋ ແຊງ-ຄູ້ ເຕສ່ຍ ປຸນ ທິນ-ຮູ່ງ ວົ້ວ ຕສັ່ນ, ຕສຸ ປີລາດ ໄຕ໋ ນິ່ນ ບົວ. ດສຢ໊າມ ທສວດ ຕ້າຍ ຕສອບ ຕສຸ ວົ້ວ ເຕີ໋ຍ ແຊງ-ຄູ້ ເຍີຍ ດສຢ໊າມ.

2ເຢຊູ ເຕົາ ນິ່ນ ບົວ, “ນ້າຍ ເຕີ໋ຍ ກາລິລີ ມ່ຽນ ຮນັ້ງ ນ້າຍ ນໍ ຕສຸ ໄຕ໋, ເມີ່ຍ ບົວ ຫລ່າຍ ນິ່ນ ບົວ ເຍີຍ ຕສຸ໌ຍ ເກົ້າ ໂຮລ ກາລິລີ ເຍີຍ ວົ້ວ ເຕີ໋ຍ ຕສວັ໋ງ ມ່ຽນ ເຍີຍ ຕສຸ໌ຍ ໄຟ?

3ໄມ້ ເຕສີ໌ຍ ເຫລາະ. ເຢຍ ບົ໋ວ ເມີ່ຍ ບົວ, ເຊ ກ໊ອງ ເມີ່ຍ ບົວ ໄມ້ ກ໊ອຍ ໂຮຍ້ວ ກວັ່ງ ຕສຸ໌ຍ, ເມີ່ຍ ບົວ ຢ່າ ຟີ່ ຮນັ້ງ ເຍີຍ ອ໋ອຍ ຕສຸ ໝຽດ.

4ເຖສົາ ສີໂລອຳ ຟັ່ນ ທາບ ບາງ, ດັ໊ບ ໄຕ່ ວົ້ວ ເຕີ໋ຍ ຕສຽບ ເປ໊ດ ລ່ານ ນີ? ເມີ່ຍ ບົວ ຫລ່າຍ ນິ່ນ ບົວ ຕ່ອງ ເກົ້າ ໂດ ເຢລູຊາເລມ ຕສີ້ງ ເຍີຍ ຕສວັ໋ງ ມ່ຽນ ໄຟ?

5ຕສູ໊ງ ໄມ້ ເຕສີ໌ຍ. ເຢຍ ບົ໋ວ ເມີ່ຍ ບົວ, ເຊ ກ໊ອງ ເມີ່ຍ ບົວ ໄມ້ ກ໊ອຍ ໂຮຍ້ວ ກວັ່ງ ຕສຸ໌ຍ, ເມີ່ຍ ບົວ ຢ່າ ຮນັ້ງ ນິ່ນ ບົວ ນໍ, ອ໋ອຍ ຕສຸ ໄຕ່.”

6ເຢຊູ ກ໊ອງ ນ້າຍ ຕິ້ວ ຫວ່າ-ເປີ໊ຍ ປຸນ ນິ່ນ ບົວ ໝວັງ. “ມ່າຍ ລ່ານ ມ່ຽນ ມ່າຍ ຕສູ້ງ ງົ່ງ ຫຍໍ ດຢັ໋ງ ຢຽມ ນິ່ນ ເຍີຍ ອະຫງຸ່ນ ຫຮວີງ. ນິ່ນ ມີ່ງ ເຖົາ ວົ້ວ ລໍ໌ ປ໊ຽວ ຢ່າ ລໍ໌ ໄມ້ ຕຸ໊ ຢຽດ ນອມ.

7ນິ່ນ ຕສ່ຽວ ບົ໋ວ ເຖງ ນິ່ນ ໂກ໋ວ ຫຮວີງ ເຍີຍ ມ່ຽນ, ‘ໝັ່ງ ກ໋າ! ຕຸ໊ ປົວ ຫຮຍັງ ເຢຍ ຕ້າຍ ລໍ໌ ນ້າຍ ຕສູ້ງ ງົ່ງ ຫຍໍ ດຢັ໋ງ ເຍີຍ ປ໊ຽວ ຢ່າ ໄມ້ ຕຸ໊ ຢຽດ ນອມ. ກຸ໊ນ ກ໋ອຍ ກວັ່ງ ອ໊ະ. ຂູງ ຢຽມ ນ້າຍ ທ້ອງ ເດົາ ຮນັ້ງ.’

8ໂກ໋ວ ຫຮວີງ ເຍີຍ ມ່ຽນ ກ໊ອງ, ‘ຕົ້ມ ກໍ໋ ອ້າ! ໂທ້ ເມີ່ຍ ແອ໋ງ ລ່ຽວ ຫຮຍັງ. ເຢຍ ອ໋ອຍ ເວດ ເນຍ ຢວັງ ຈ໊ຽນ ກອນ, ອັນ ຈ໊ຽນ ປ໋ວນ.

9ຕະເຫຍີ່ຍ ຫຮຍັງ ຕສຢັ້ງ ປ໊ຽວ ນໍ, ຫລົງ ອ໊ະ. ໄມ້ ຕສຢັ້ງ ນໍ, ກຸ໊ນ ກ໋ອຍ ກວັ່ງ ອ໊ະ.’”

10ມ່າຍ ນອມ ຕີ້ງ ກົງ ຮນອຍ, ເຢຊູ ຢຽມ ນອມ ຫວຸ່ຍ ຕ້ອງ ອຈ໋າວ ມ່ຽນ.

11ຢຽມ ວົ້ວ ມ່າຍ ເຕົ້າ ມເຊັຍ ຕອນ ມ່າຍ ມ້ຽນ ຢຽມ ນິ່ນ ເຍີຍ ຊິນ ປຸນ ນິ່ນ ປຸ໊ດ ຕສຽບ ເປ໊ດ ຫຮຍັງ ແປ່ງ, ມົວະ ນິ່ນ ເຍີຍ ຈ໊າຍ ຈຸ໊ດ ມີ່ງ, ໂຊ້ວ ໄມ້ ຕສະ.

12ເຢຊູ ປວັດ ຕສ່ຽວ ເຫ່ວ ນິ່ນ ຕ້າຍ ຟັດ ເຕີ໋ຍ ບົ໋ວ ນິ່ນ, “ຍາມ ອ່າ, ເມີ່ຍ ເຍີຍ ແປ່ງ ຫລົງ ຕັ໋ງ ກອນ ອ໊ະ.”

13ເຢຊູ ຕໍ້ ປົ໌ວ ມານ ຈ໊ຽນ ນິ່ນ, ນິ່ນ ຕສ່ຽວ ລ່ຽມ ເຕສີ້ຍ ໂຊ້ວ ຕສະ ຕ້າຍ ຢ່າ ເທສງ ທິນ-ຮູ່ງ.

14ໂກ໋ວ ຫວຸ່ຍ ຕ້ອງ ວົ້ວ ເຕົ້າ ມ່ຽນ ໂກ໋ ປວັດ ເຢຊູ ຫລົ່ງ ຕີ້ງ ກົງ ຮນອຍ ຕສໍ່ ແປ່ງ, ໄມ້ ຫອບ ນິ່ນ ເຍີຍ ໂຮຍ້ວ ຢຽດ ເຕີ໋ຍ. ນິ່ນ ຕສ່ຽວ ບົ໋ວ ຕສວັ໋ງ ມ່ຽນ, “ມ່າຍ ຈຸ໊ ຮນອຍ ໂຕສ໋ວ ກົງ ນີອາ. ເມີ່ຍ ບົວ ຫລົ່ງ ນ້າຍ ເຕີ໋ຍ ຈຸ໊ ຮນອຍ ຕສໍ່ ແປ່ງ ມ່າະ! ໄມ້ ຕູ໋ງ ຫລົ່ງ ຕີ້ງ ກົງ ຮນອຍ ຕ້າຍ ຕສໍ່ ຊາ.”

15ຕສ໊ຽວ ເຕົາ ນິ່ນ, “ເມີ່ຍ ບົວ ເປີ້ຍ ຕສະ ໂຮຍ້ວ ອຈ໊ວດ ເຍີຍ ມ່ຽນ ອ້າ! ຕີ້ງ ກົງ ຮນອຍ ເມີ່ຍ ບົວ ຫາຍ ເຕົ້າ ຢ່າ ປູ໋ງ ງົ່ງ ປູ໋ງ ລໍ່ ທສວດ ລ່ານ, ເຄນ ມີ່ງ ຮົບ ວວມ ໄມ້ ເຕສີ໌ຍ?

16ນ້າຍ ເຕົ້າ ອັບລາຮຳ ເຍີຍ ເຕສີ໊ຍ-ຟຸນ ຕສຸ ຊາຕານ ໂດ້ ຈ໊ຽນ ຕຸ໊ ຕສຽບ ເປ໊ດ ຫຮຍັງ. ຫລົ່ງ ຕີ້ງ ກົງ ຮນອຍ ໄຈ໊ ດຸ໊ດ, ປູ໋ງ ນິ່ນ ທສວດ ໄມ້ ຫອບ ໄຟ?”

17ເຢຊູ ຮນັ້ງ ນ້າຍ ນໍ ເຕົາ, ເຖສົາ ນິ່ນ ໂຕສ໋ວ ວິນ-ວັ້ງ ວົ້ວ ເຕີ໋ຍ ຕສ່ຽວ ໄຮ໌ ໄຍ້ ໄຫ່. ມປ່າ ຕສວັ໋ງ ມ່ຽນ ອະເຮນີ້ຍ ໄຫ່ ເຢຊູ ໂຕສ໋ວ ເຍີຍ ຢຽດ ຕສູ໊ງ ບົວະ ຮ່ອງ ໄຫ່ ເຍີຍ ສີ່.

18ເຢຊູ ໜ່າຍ ກ໋າ, “ທິນ-ຮູ່ງ ໂຕສ໋ວ ຕສ໊ຽວ ກຸ໊ນ ມ່ຽນ ຮນັ້ງ ຫາຍ ນໍ? ເຢຍ ອ໋ອຍ ຕສຸ ຕໍ້ ຫາຍ ຫຍູ່ງ ຕ້າຍ ເປີ໊ຍ?

19ອ໋ອຍ ຕສຸ ເປີ໊ຍ ນອມ ໄລ-ຈ໋າຍ ຍິມ. ມ່າຍ ລ່ານ ມ່ຽນ ຕໍ້ ມີ່ງ ຕສວັ໋ງ ນິ່ນ ເຍີຍ ຫຮວີງ. ຍິມ ທສວດ, ໂຮລ ຕ້າຍ ເປ໋ນ ຢຽດ ຕສູ້ງ ດຢັ໋ງ, ເໜາະ ຢ່າ ໂຕສ໋ວ ເລົ໌າ ຢຽມ ນິ່ນ ເຍີຍ ອກວ້າ.”

20ເຢຊູ ແອ໋ງ ໜ່າຍ ກ໋າ, “ອ໋ອຍ ຕສຸ ຫລົ່ງ ຫາຍ ຫຍູ່ງ ເປີ໊ຍ ທິນ-ຮູ່ງ ໂຕສ໋ວ ຕສ໊ຽວ ກຸ໊ນ ມ່ຽນ?

21ເຊ ຮນັ້ງ ປີ໊ງ ນໍ. ມ່າຍ ເຕົ້າ ມເຊັຍ ຕອນ ເຕສ໊າະ ເຕີ໋ຍ ປີ໊ງ ໂທຈ້ວ ປົວ ທົ້ງ ບ໊ວນ. ນ້າຍ ເຕີ໋ຍ ບ໊ວນ ຕສ່ຽວ ປຸ໊ດ ເດສ່ງ ໝີ່ ອ໊ະ.”

22ເຢຊູ ມີ່ງ ເຢລູຊາເລມ ຕສີ້ງ. ມີ່ງ ວົ້ວ ຕສັ່ນ ນິ່ນ ເຕສວີ້ຍ ມູ້ງ ເຕສວີ້ຍ ລ໌າງ ອຈ໋າວ ມ່ຽນ.

23ມ່າຍ ລ່ານ ມ່ຽນ ໜ່າຍ ກ໋າ, “ຟິນ-ແຊງ ອ້າ! ຕຸ໊ ໂອຈ໋ວ ເຍີຍ ມ່ຽນ ໂຕສະ ເຍີຍ ໄຟ?” ເຢຊູ ບົ໋ວ ນິ່ນ ບົວ,

24“ອ໋ອຍ ຕສຸ ເບ໋ງ ຈ໊ຽນ ເປັຍ ເຫບ ເຍີຍ ແກ້ງ. ເຢຍ ບົ໋ວ ເມີ່ຍ ບົວ, ມ່າຍ ມ່ຽນ ທສ້ຳ ເຍີຍ ອ໋ອຍ ເປັຍ ຢ່າ ເປັຍ ໄມ້ ຕຸ໊.

25ເປຢົ໊າ-ຕສ໊ຽວ ເຈ໌ຍ ຊິນ ມີ່ງ ກວນ ຈ໊ຽນ ແກ້ງ, ເມີ່ຍ ບົວ ອ໋ອຍ ຕສຸ ຢຽມ ກະເຫຍ່ຍ ເຫ່ວ, ‘ຕົ້ມ ກໍ໋ ອ້າ! ໂທ້ ຄອຍ ແກ້ງ ປຸນ ເຢຍ ບົວ ເປັຍ ມ່າະ!’ “ມປ່າ ນິ່ນ ອ໋ອຍ ເຕົາ, ‘ເຢຍ ໄມ້ ຮິ້ວ ຕຸ໊ ເມີ່ຍ ບົວ ຢຽມ ຫາຍ ຕ້າຍ.’

26“ເມີ່ຍ ບົວ ຕສ່ຽວ ເຕົາ, ‘ເຢຍ ບົວ ເຖສົາ ເມີ່ຍ ຈວັ່ງ ຫຍັ່ນ, ຈວັ່ງ ຮົບ ເຈ໋ຍ. ເມີ່ຍ ຢ່າ ຢຽມ ເຢຍ ບົວ ເຍີຍ ຈາຍ-ຫ່ອງ ອຈ໋າວ ເຈ໋ຍ ເຍີຍ.’

27“ມປ່າ ນິ່ນ ແອ໋ງ ກ໊ອງ, ‘ເຢຍ ບົ໋ວ ເມີ່ຍ ບົວ, ເຢຍ ໄມ້ ຮິ້ວ ຕຸ໊ ເມີ່ຍ ບົວ ຢ່າ ໄມ້ ຮິ້ວ ຕຸ໊ ເມີ່ຍ ບົວ ຢຽມ ຫາຍ ຕ້າຍ. ມ່ຽນ ຫວ່າຍ ມ່ຽນ ອ້າ! ເປຢົ໋າ ອກອຍ ມ່າະ!’

28“ວົ້ວ ຕສັ່ນ ເມີ່ຍ ບົວ ຕຸ໊ ປວັດ ອັບລາຮຳ, ອີສັກ, ຢາໂຄບ ເຖສົາ ຢຽດ ຕສູ໊ງ ໂຕ່ວ ຫວ່າ ມ່ຽນ ຢຽມ ທິນ-ຮູ່ງ ເຍີຍ ກົ໊ວະ, ມປ່າ ເມີ່ຍ ບົວ ກັ້ນ ຕສຸ ຕສຸ່ນ ກວັ່ງ ຢຽມ ກະເຫຍ່ຍ ປູ໋ງ-ຊີງ ປູ໋ງ-ເຖຈຍ ເຍີຍ ຍ້ຽມ, ຫງາດ ຈ໊ຽນ ຍ່າ ເຕ໊ຍ.

29ມ່ຽນ ອ໋ອຍ ຢຽມ ຕົງ ນ່າມ ໄຟ ປ໊ະ ປູງ ຕ້າຍ ຢຽມ ທິນ-ຮູ່ງ ເຍີຍ ກົ໊ວະ ຈວັ່ງ ເຕ້ຍ ຫຍັ່ນ ຫຮນາງ.

30ວົ້ວ ຕສັ່ນ ຢຽມ ອກະຮ້າ ມ່າຍ ເຕີ໋ຍ ຕຸ໊ ຢຽມ ວົ້ວ ດ່າງ, ຢຽມ ວົ້ວ ດ່າງ ມ່າຍ ເຕີ໋ຍ ຕສູ໊ງ ອ໋ອຍ ຕສຸ ຢຽມ ອກະຮ້າ.”

31ວົ້ວ ຕສັ່ນ ມ່າຍ ເຕີ໋ຍ ຟາລິສີ ມ່ຽນ ຕ້າຍ ບົ໋ວ ເຢຊູ, “ເມີ່ຍ ອ໋ອຍ ຕສຸ ຊິ້ມ ອກອຍ ມີ່ງ ກັ້ນ ນອມ ຕ໋ອງ ອ໊ະ. ເຮລົດ ຮູ່ງ ອ໋ອຍ ໄຕ໋ ເມີ່ຍ.”

32ເຢຊູ ເຕົາ, “ມີ່ງ ບົ໋ວ ວົ້ວ ເຕົ້າ ເຮ່ຍ ຈູ໊, ອີ້ ຮນອຍ ເຖສົາ ອຈັງ ຮນອຍ ເຢຍ ຕສຸ່ນ ມ້ຽນ ທສວດ ຢ່າ ຕສໍ່ ແປ່ງ. ຮນາງ ຮນອຍ ໂຕສ໋ວ ຕສຢັ໋ງ ເຢຍ ເຍີຍ ກົງ ອ໊ະ.

33ມປ່າ ຮນັ້ງ ຫາຍ ເຢຍ ອີ້ ຮນອຍ, ອຈັງ ຮນອຍ, ຮນາງ ຮນອຍ ອ໋ອຍ ຕສຸ ກັນ ຈ໊ຽນ ເຈົ໊າ ມີ່ງ ອ໊ະ, ເຫວີ່ຍ ຕສຸ ຫາຍ ເຕົ້າ ໂຕ່ວ ຫວ່າ ມ່ຽນ ໄມ້ ຫອບ ຕສຸ ຢຽມ ເຢລູຊາເລມ ຕສີ້ງ ກະເຫຍ່ຍ ແໝງ ເຍີຍ ຕ໋ອງ ຕສຸ ໄຕ໋.

34“ເຢລູຊາເລມ ຕສີ້ງ ອ້າ! ເຢລູຊາເລມ ຕສີ້ງ! ເມີ່ຍ ໄຕ໋ ໂຕ່ວ ຫວ່າ ມ່ຽນ ຢ່າ ເຕສ໊າະ ຫລະເປຢີ໊ຍ ຕສົງ ໄຕ່ ທິນ-ຮູ່ງ ພ້າຍ ມີ່ງ ເມີ່ຍ ໜ່າຍ ເຍີຍ ມ່ຽນ. ບຸເຕສ໋ຍ ດສຸ່ນ ເຢຍ ອ໋ອຍ ຮລໍ້ ຕສຸ໊ນ ເມີ່ຍ ເຍີຍ ມ່ຽນ ຮນັ້ງ ໄຈ-ເຍີ໌ຍ ປົ່ວ ຕອນ ຢຽມ ດ໊າດ-ເດ໊ຍ ນໍ. ມປ່າ ເມີ່ຍ ໄມ້ ຄັ້ງ ປຸນ ເຢຍ ໂຕສ໋ວ.

35ໝັ່ງ ມ່າະ! ເມີ່ຍ ເຍີຍ ເປຢົ໊າ ຕສູ໊ງ ຕສຸ ກວັ່ງ ເປ໋ນ ເປຢົ໊າ-ຮວາງ. ເຢຍ ບົ໋ວ ເມີ່ຍ ບົວ, ຢຽມ ນ້າຍ ມີ່ງ ເມີ່ຍ ບົວ ໄມ້ ຕຸ໊ ປວັດ ເຢຍ. ຕສົ໊ວ ເມີ່ຍ ບົວ ກ໊ອງ, ‘ໂທ້ ທິນ-ຮູ່ງ ເຖສີຍ ຟຸ ເຕ໊ງ ຕສ໊ຽວ ເຍີຍ ບົ໋ວ ຕ້າຍ ວົ້ວ ເຕົ້າ’ ຖສີງ ຕຸ໊ ປວັດ ເຢຍ.”

← Chapter 12 Jump to: Chapter 14 →