Luke 17

Lao Bible (ฉบับอักษรลาว)

← Chapter 16 Jump to: Chapter 18 →

1ເຢຊູ ກ໊ອງ ບົ໋ວ ໄຊ-ກໍ໋ ບົວ, “ດົ໊ວ ມ່ຽນ ໂຕສ໋ວ ຕ່ອງ ເຍີຍ ສີ່ ດົ່ງ ຫາຍ ຕສູ໊ງ ອ໋ອຍ ມ່າຍ. ມປ່າ ດົ໊ວ ມ່ຽນ ໂຕສ໋ວ ຕ່ອງ ວົ້ວ ເຕົ້າ ອ໋ອຍ ຕສຸ ໂຄ້ວ ອ໊ະ.

2ເຕສ໊າະ ໝໍ່ ດິ໋ວ ຈ໊ຽນ ນິ່ນ ເຍີຍ ຈາງ ປູ໋ງ ເອຈ່ຍ ຄ້ອຍ ເກົ້າ ຫລົງ ປຸນ ນິ່ນ ດົ໊ວ ຢຽດ ເຕົ້າ ນ້າຍ ເຕີ໋ຍ ຝຸຈ໊ວຍ-ໄຝ ປ໌າມ ຕສຸ໌ຍ.

3ເມີ່ຍ ບົວ ອ໋ອຍ ຕສຸ ໄຝ ຟິມ. “ເຊ ກ໊ອງ ເມີ່ຍ ເຍີຍ ກໍ໋-ໂຢ໌ວ ໂຕສ໋ວ ຕ່ອງ ເມີ່ຍ, ເມີ່ຍ ອ໋ອຍ ຕສຸ ຂວິນ ນິ່ນ. ນິ່ນ ກ໊ອຍ ໂຮຍ້ວ ກວັ່ງ ຕສຸ໌ຍ ນໍ, ອ໋ອຍ ຕສຸ ກວັ່ງ ປຸນ ນິ່ນ.

4ກ໊ອງ ຮນັ້ງ ນິ່ນ ຢຽດ ຮນອຍ ຕ່ອງ ເມີ່ຍ ເສ່ຍ ດສຸ່ນ, ໂມ໌ວ ດສຸ່ນ ຕ້າຍ ຫຍ່ຽມ ກ໊ອງ, ‘ເຢຍ ແລ໌ງ ຕ່ອງ ອ໊ະ,’ ເມີ່ຍ ຕສູ໊ງ ອ໋ອຍ ຕສຸ ກວັ່ງ ປຸນ ນິ່ນ.”

5ກົງ-ໂຕສ້ ບົວ ບົ໋ວ ຕສ໊ຽວ, “ໂທ້ ປຸນ ເຢຍ ບົວ ສຽນ ເກົ້າ ເຮ້ນ ເຕີ໋ຍ ໂອ່.”

6ຕສ໊ຽວ ເຕົາ, “ເຊ ກ໊ອງ ເມີ່ຍ ບົວ ມ່າຍ ສຽນ ຟິມ ລົ່ມ ຢຽດ ນອມ ໄລ-ຈ໋າຍ ຍິມ ນໍ, ເມີ່ຍ ບົວ ໄຮ່ ບົ໋ວ ນ້າຍ ຕິ້ວ ແຊງ-ຟອງ ດຢັ໋ງ, ‘ລ່ຽມ ດສູ້ງ ແປງ ທສວດ ຊຸ້ຍ ມີ່ງ ຕສວັ໋ງ ວົ້ວ ຄ້ອຍ ກະຍົ໌ວ ມ່າະ!’ ດຢັ໋ງ ຕສູ໊ງ ອ໋ອຍ ຕສຸ ໝວັງ ເມີ່ຍ ເຍີຍ ຫວ່າ.

7“ເຊ ກ໊ອງ ເມີ່ຍ ບົວ ຫາຍ ເຕົ້າ ມ່າຍ ເຕົ້າ ໂປວ ທສວດ ມີ່ງ ໄລ່ ລີ່ງ ໄຟ ປູ໋ງ ປະກີ ຢູ້ງ. ຢຽມ ເດີ່ຍ ດສ໋ວນ ຕ້າຍ ເມີ່ຍ ຕສ່ຽວ ບົ໋ວ ນິ່ນ, ‘ເມີ່ຍ ກຸ໊ນ ເຕສວີ໌ຍ ຈ໊ຽນ ຫຍັ່ນ ຫຮນາງ ອ໊ະ’ ໄຟ?

8ໄມ້ ເຕສີ໌ຍ ເຫລາະ. ເມີ່ຍ ຕສູ໊ງ ອ໋ອຍ ບົ໋ວ ນິ່ນ, ‘ໂຕສ໊ວ ຕສົວະ ໄລ-ຫຮນາງ ເບ່ນ ຕ້າຍ ປຸນ ເຢຍ ຫຍັ່ນ, ຢ່າ ອ໋ອຍ ຕສຸ ເຖງ ເຢຍ ຕິ້ນ ໄລ-ຫຮນາງ. ຕສົ໊ວ ເຢຍ ຫຍັ່ນ ເປ໊ວ ຮົບ ເປ໊ວ ເມີ່ຍ ມຕ້າຍ ອກະຮ້າ ຫຍັ່ນ.’

9ໂປວ ເອີຍ ຈ໊ຽນ ຕສ໊ຽວ ພ້າຍ ເຍີຍ ຫວ່າ ໂຕສ໋ວ, ຕສ໊ຽວ ອ໋ອຍ ຕສຸ ແລ໌ງ ຕສີ້ງ ນິ່ນ ໄຟ?

10ເມີ່ຍ ບົວ ຢ່າ ຟີ່ ຮນັ້ງ ເຍີຍ. ເມີ່ຍ ບົວ ໂຕສ໋ວ ຕສຢັ໋ງ ພ້າຍ ຕ້າຍ ເຍີຍ ກົງ ອ໋ອຍ ຕສຸ ກ໊ອງ, ‘ເຢຍ ບົວ ໂຕສ໋ວ ໂປວ ຮນັ້ງ. ນ້າຍ ເຕີ໋ຍ ກົງ ມຕ້າຍ ຫອບ ຕສຸ ເຢຍ ບົວ ໂຕສ໋ວ.’”

11ເຢຊູ ມີ່ງ ເຢລູຊາເລມ ຕສີ້ງ ນິ່ນ ຢັ້ງ ສະມາເລຍ ເຕີ່ຍ ເຖສົາ ກາລິລີ ເຕີ່ຍ ເຍີຍ ກັ໊ບ-ຈ໋າຍ ມີ່ງ.

12ເປັຍ ນອມ ລ໌າງ ວົ້ວ ຕສັ່ນ, ມ່າຍ ຕສຽບ ເຕົ້າ ປຸ໊ດ ກົ້ມ ຮູ້ ແປ່ງ ເຍີຍ ມ່ຽນ ປວັ້ງ ຕສຸ ເຢຊູ. ນິ່ນ ບົວ ໂຊ້ວ ຈ໊ຽນ ໂກ ເຕີ໋ຍ ເຍີຍ

13ເຫ່ວ, “ເຢຊູ ອ້າ! ຕສ໊ຽວ ອ້າ! ຄໍ້-ລ່ຽນ ເຕີ໋ຍ ເຢຍ ບົວ ມ່າະ!”

14ເຢຊູ ປວັດ ຕສ່ຽວ ກ໊ອງ, “ມີ່ງ ປຸນ ໄຊ ມ່ຽນ ຕສ້າ ໝັ່ງ ເມີ່ຍ ບົວ ເຍີຍ ຊິນ ໂອ່.” ນິ່ນ ບົວ ກັນ ຈ໊ຽນ ເຈົ໊າ ມີ່ງ ວົ້ວ ຕສັ່ນ, ແປ່ງ ຕສ່ຽວ ຫລົງ ໝີ່ ອ໊ະ.

15ມ່າຍ ເຕົ້າ ປວັດ ນິ່ນ ກັ້ນ ຫລົງ ເດສ່ງ ຕສ່ຽວ ລ່ຽມ ເຕສີ້ຍ ຕ໋າວ ອກາງ ດສ໋ວນ, ຫລົ່ງ ເຖຈຍ ໂຮລ ເຍີຍ ເທສງ ຈ໊ຽນ ທິນ-ຮູ່ງ ຕ້າຍ.

16ເຖົາ ເຢຊູ ວົ້ວ, ນິ່ນ ຕສ່ຽວ ບ໊າບ ເອຈ່ຍ ເດົາ ແລ໌ງ ຕສີ້ງ ໄຫ່ ເຢຊູ. ນ້າຍ ເຕົ້າ ມ່ຽນ ເຊ ສະມາເລຍ ຈັ໋ນ.

17ເຢຊູ ກ໊ອງ, “ມ່າຍ ຕສຽບ ເຕົ້າ ຕສໍ່ ຫລົງ ເດສ່ງ ໄມ້ ເຕສີ໌ຍ? ວົ້ວ ເຕີ໋ຍ ດົ້ວ ເຕົ້າ ນີ?

18ທສວດ ລິ໌ວ ນ້າຍ ເຕົ້າ ກັ້ນ ຝີງ ມ່ຽນ, ໄມ້ ມ່າຍ ຫາຍ ເຕົ້າ ຕ໋າວ ອກາງ ຕ້າຍ ເທສງ ທິນ-ຮູ່ງ ໄຟ?”

19ເຢຊູ ແອ໋ງ ກ໊ອງ ບົ໋ວ ວົ້ວ ລ່ານ ມ່ຽນ, “ເຈ໌ຍ ຊິນ ຕ້າຍ ດສ໋ວນ ອ໊ະ ໂອ່. ເຫວີ່ຍ ເມີ່ຍ ສຽນ ເຂົາ ເຢຍ, ເມີ່ຍ ເຍີຍ ແປ່ງ ຫລົງ ເດສ່ງ ໝີ່ ອ໊ະ.”

20ມ່າຍ ເຕີ໋ຍ ຟາລິສີ ມ່ຽນ ໜ່າຍ ກ໋າ ເຢຊູ, “ທິນ-ຮູ່ງ ເຖົາ ຫາຍ ຕສັ່ນ ຖສີງ ຕ້າຍ ໂຕສ໋ວ ຕສ໊ຽວ ກຸ໊ນ ມ່ຽນ?” ເຢຊູ ເຕົາ, “ທິນ-ຮູ່ງ ຕ້າຍ ໂຕສ໋ວ ຕສ໊ຽວ ກຸ໊ນ ມ່ຽນ ໄມ້ ເຕສີ໌ຍ ມຕສີງ ໝັ່ງ ຕຸ໊ ປວັດ.

21ໄມ້ ມ່າຍ ຫາຍ ເຕົ້າ ໄຮ່ ກ໊ອງ, ‘ໝັ່ງ ມ່າະ! ຢຽມ ນ້າຍ!’ ໄຟ ‘ໝັ່ງ ມ່າະ! ຢຽມ ວົ້ວ!’ ເຫວີ່ຍ ຕສຸ ທິນ-ຮູ່ງ ອີ້ ຕສັ່ນ ຢຽມ ເມີ່ຍ ບົວ ບຸດົ໋ງ ໂຕສ໋ວ ຕສ໊ຽວ.”

22ເຢຊູ ແອ໋ງ ບົ໋ວ ນິ່ນ ເຍີຍ ໄຊ-ກໍ໋ ບົວ, “ຮນອຍ-ເຫຍັຍ ອ໋ອຍ ເຖົາ, ເມີ່ຍ ບົວ ອ໋ອຍ ຕຸ໊ ປວັດ ເຢຍ, ປ້າມ ມ່ຽນ ເຍີຍ ຕອນ, ເຍີຍ ຢຽດ ນອມ ຮນອຍ, ມປ່າ ເມີ່ຍ ບົວ ໄມ້ ຕຸ໊ ປວັດ.

23ມ່ຽນ ອ໋ອຍ ບົ໋ວ ເມີ່ຍ ບົວ, ‘ໝັ່ງ ມ່າະ! ຢຽມ ວົ້ວ!’ ໄຟ ‘ໝັ່ງ ມ່າະ! ຢຽມ ນ້າຍ!’ ມປ່າ ໄມ້ ຕູ໋ງ ທສວດ ມີ່ງ ກັນ ນິ່ນ ບົວ.

24ເຢຍ, ປ້າມ ມ່ຽນ ເຍີຍ ຕອນ, ຕ້າຍ ວົ້ວ ນອມ ຮນອຍ ອ໋ອຍ ຮນັ້ງ ປ໌ອງ ບະຫລີ່ງ ຢຽມ ນ້າຍ ປູງ ລູ່ງ ເຖົາ ວົ້ວ ປູງ ລູ່ງ.

25ມປ່າ ເຢຍ, ປ້າມ ມ່ຽນ ເຍີຍ ຕອນ, ອ໋ອຍ ຕສຸ ສ່ຽວ ເຕສ໋ຍ ຫຍູ່ງ ໂຄ້ວ ດ່າງ, ຢ່າ ຕສຸ ອີ້ ຈ໋າ ເຍີຍ ມ່ຽນ ເອກ້ມ.

26“ໂນຢາ ເຍີຍ ລູ່ງ ເດ໊ຍ ຮນັ້ງ ຫາຍ ນໍ, ເຢຍ, ປ້າມ ມ່ຽນ ເຍີຍ ຕອນ, ຕ້າຍ ວົ້ວ ເຕີ໋ຍ ຮນອຍ ຢ່າ ຮນັ້ງ ວົ້ວ ນໍ.

27ໂນຢາ ເຍີຍ ລູ່ງ ເດ໊ຍ, ມ່ຽນ ຫຍັ່ນ ຢ່າ ຮົບ, ປູ໋ງ ເຊັຍ ກ໊ອງ ເອົ໊າ, ໂຕສ໋ວ ທສີງ-ຈາ, ເຖົາ ໂນຢາ ເປັຍ ດສັ໊ງ ວົ້ວ ຮນອຍ. ຢຽມ ດສັ໊ງ ກະເຫຍ່ຍ ເຍີຍ ຢຽດ ຕສູ໊ງ ຕສຸ ບຢູ່ງ-ຊຸ້ຍ-ອິ໋ມ ຢ໋ຽມ ໄຕ່ ເດສ່ງ.

28“ໂລດ ເຍີຍ ລູ່ງ ເດ໊ຍ ຢ່າ ຟີ່ ຮນັ້ງ ເຍີຍ. ມ່ຽນ ຢ່າ ຫຍັ່ນ ຢ່າ ຮົບ, ມ໌າຍ ໝ່າຍ, ຕສວັ໋ງ ກະນ້າຍ, ກົ໊ມ ເປຢົ໊າ.

29ມປ່າ ໂລດ ທສວດ ໂສດົມ ຕສີ້ງ ວົ້ວ ຮນອຍ, ມ່າຍ ໂຕ໌ວ ເຖສົາ ຮູ່ງ ຢຽມ ວົ້ວ ລູ່ງ ດ໊ອດ ເອຈ່ຍ ຕ້າຍ ປົ໊ວ ໝຽດ ເດສ່ງ ນິ່ນ ບົວ ຢຽດ ຕສູ໊ງ.

30ເຢຍ, ປ້າມ ມ່ຽນ ເຍີຍ ຕອນ, ຫິ່ນ ທສວດ ວົ້ວ ຮນອຍ ຢ່າ ອ໋ອຍ ຮນັ້ງ ວົ້ວ ນໍ.

31“ວົ້ວ ຮນອຍ ຫາຍ ເຕົ້າ ຢຽມ ເປຢົ໊າ-ງໍ່ ເອຈ່ຍ, ລ່ຽມ ໄມ້ ຕູ໋ງ ເປັຍ ເປຢົ໊າ ເຕສ໊າະ ຢຽມ ເປຢົ໊າ ເຍີຍ ກະນ້າຍ. ຫາຍ ເຕົ້າ ຢຽມ ເດີ່ຍ ຢ່າ ໄມ້ ຕູ໋ງ ດສ໋ວນ ມີ່ງ ເຕສ໊າະ ຫາຍ ຫຍູ່ງ.

32ຈັ໋ງ ຈ໊ຽນ ໂລດ ເຍີຍ ເອົ໊າ!

33ຫາຍ ເຕົ້າ ຮນ້ຳ ໂອຈ໋ວ ກັ້ນ ເຍີຍ ແໝ່ງ, ວົ້ວ ເຕົ້າ ຕສ່ຽວ ຕສຸ ກວັ່ງ ແໝ່ງ. ຫາຍ ເຕົ້າ ຫຍຸ່ນ ກວັ່ງ ນິ່ນ ກັ້ນ ເຍີຍ ແໝ່ງ, ວົ້ວ ເຕົ້າ ຕສ່ຽວ ຕຸ໊ ນິ່ນ ເຍີຍ ແໝ່ງ ທສວດ.

34ເຢຍ ບົ໋ວ ເມີ່ຍ ບົວ, ມ່າຍ ອີ ເຕົ້າ ມ່ຽນ ຈວັ່ງ ໂຖສວ ເປວີ໋ຍ, ອ໋ອຍ ຕສິ໊ບ ເຕົ້າ ມີ່ງ, ກວັ່ງ ເຕົ້າ ຢຽມ ວົ້ວ.

35ມ່າຍ ອີ ເຕົ້າ ມເຊັຍ ຕອນ ໝໍ່ ແໝະ, ອ໋ອຍ ຕສິ໊ບ ເຕົ້າ ມີ່ງ, ກວັ່ງ ເຕົ້າ ຢຽມ ວົ້ວ.

36ມ່າຍ ອີ ເຕົ້າ ມ່ຽນ ຢຽມ ເດີ່ຍ, ອ໋ອຍ ຕສິ໊ບ ເຕົ້າ ມີ່ງ, ກວັ່ງ ເຕົ້າ ຢຽມ ວົ້ວ.”

37ໄຊ-ກໍ໋ ບົວ ໜ່າຍ ກ໋າ, “ໄຊ-ເຕ໋ຍ ອ້າ! ນ້າຍ ເຕີ໋ຍ ສີ່ ອ໋ອຍ ຕສຸ ຢຽມ ຫາຍ ທສວດ?” ເຢຊູ ເຕົາ, “ກະນ້າຍ-ໄຕ່ ຢຽມ ຫາຍ, ຕົ້ມ ຈ໊າງ-ງົ່ງ ຢ່າ ຢຽມ ວົ້ວ.”

← Chapter 16 Jump to: Chapter 18 →