bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
1 Kings 15
1 Kings 15
Mossi MPBU (WẼNNAAM SEBRE 2014)
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
1
A Nebat biig a Zeroboaam sẽn deeg naam tɩ yʋʋm piig la a niinẽ, la a Abiyam lebg Zʋʋda rĩmã.
2
A Abiyam rɩɩ naam Zeruzalɛm yʋʋm a tãabo. A ma wã yʋʋr la a Maaka, n yaa a Absalom bi-pugla.
3
A Abiyam maana beegr nins fãa a ba wã sẽn dag n maanã. Yẽnda rag n ka loe a meng zãng ne Sẽn-Ka-Saab sẽn yaa yẽnda Wẽnnaamã, wa a yaab a Davɩɩd sẽn dag n loe a meng ne Sẽn-Ka-Saab to-to wã ye.
4
La baoosgo, a Davɩɩd zug maasem yĩnga, Sẽn-Ka-Saab sẽn yaa yẽnda Wẽnnaamã kɩtame t'a bi-ribl a yembr led a zĩigẽ n dɩ naam Zeruzalɛm, sẽn na n yɩlẽ t'a Davɩɩd yʋʋrã ra meneme, la tɩ Zeruzalɛm tõe n kell n yɩ soolmã na-tẽnga.
5
Bala, rĩm a Davɩɩd dag n maana sẽn yaa tɩrg Sẽn-Ka-Saab nifẽ, la yẽnda vɩɩmã tɛka, a ka tol n kɩɩs Sẽn-Ka-Saab sẽn yeel yẽnda t'a maan bũmb ninsã ba a yembre, sã n ka Hɛt rao a Uuri yellã poorẽ wã bala.
6
A Roboaam vɩɩmã tɛka, yẽnda ne a Zeroboaam dag n zabda taaba.
7
Rĩm a Abiyam tʋʋm a taaba ne a sẽn maan bũmb ninsã fãa gʋlsa Zʋʋda rĩm-dãmbã kibay sebr pʋga. Zabr kell n zĩnda a Abiyam ne a Zeroboaam sʋka.
8
A Abiyam saka a saam-dãmba, la b mum-a-la a Davɩɩd tẽngã pʋga. La a biig a Aaza n led a zĩigẽ n dɩ naamã.
9
Yaa Israyɛll rĩm a Zeroboaam sẽn deeg naam tɩ yʋʋm pisiiblẽ, la a Aaza lebg Zʋʋda rĩmã.
10
Yẽnda rɩɩ naam Zeruzalɛm yʋʋm pis-naas la a yembre. A Aaza ma yʋʋr dag n yaa a Maaka sẽn yaa a Absalom bi-puglã.
11
A Aaza maana sẽn yaa tɩrg Sẽn-Ka-Saab nifẽ, wa a yaab a Davɩɩde.
12
Yẽnda kɩtame tɩ b rig maoong kʋʋb zĩisẽ yoaadbã fãa n yiis tẽngã pʋga, la a kɩt tɩ b yiis wẽn-naandsã fãa yẽnda yaab-rãmbã sẽn dag n maanã.
13
A Aaza tol n kɩtame t'a yaab-poak a Maaka sẽn yaa rĩmã ma wã ka leb n tar waoogr ning a sẽn tog n paamã ye. Bala, a Maaka maana wẽn-naan-yooko, wẽn-poak a Aseera yĩnga. Rĩm a Aaza kɩtame tɩ b pãb wẽn-naandgã n wã, n yõog-a bugum Sedrõ ko-soogã pʋga.
14
Baoosg zãnga, b ka tõog n menes maoong kʋʋb zĩisã zãng ye. La a Aaza vɩɩmã tɛka, a kell n loee a meng zãng ne Sẽn-Ka-Saabo.
15
A Aaza rɩka kũun nins a ba wã sẽn welg toor Sẽn-Ka-Saab yĩngã, ne kũun nins yẽnda mengã sẽn welg toor Sẽn-Ka-Saab yĩngã, n tall n kẽng Sẽn-Ka-Saab roogẽ wã. Yaa wanzuri, sãnem ne teed buud toor-toore.
16
Zʋʋda rĩm a Aaza ne Israyɛll rĩm a Basa vɩɩmã tɛka, b rag n zabda taaba.
17
Daar a yembre, Israyɛll rĩm a Basa yika zabr ne Zʋʋda, la a me lalg n gũbg Rama tẽngã, tɩ Zʋʋda rĩm a Aaza nebã ka leb n tõe n tũ beenẽ n yi wall b kẽng a Aaza nengẽ ye.
18
Woto, rĩm a Aaza wʋka wanzuri wã ne sãnemã gill sẽn be Sẽn-Ka-Saab roogã laog bĩngr zĩigẽ wã, la a wʋk na-yirã laogã, n kɩt t'a tʋmtʋmdbã tall n tɩ kɩs a Heziyõ biig a Tabrimo biig a Bɛn-Hadaad sẽn yaa Siiri rĩm n be Damaasã, la b yeel-a yaa:
19
«Wa-y tɩ d maan kaool ne taaba, wa yãmb ba wã ne mam ba wã sẽn dag n maan kaool ne taabã. Ad kũun mam sẽn kõt yãmba: yaa wanzuri ne sãnem. Mam kot-y lame tɩ y sãam kaool ning sẽn be yãmb ne Israyɛll rĩm a Basa sʋkã, t'a zãag a meng ne maam.»
20
A Bɛn-Hadaad saka rĩm a Aaza sẽn yeelã, n tʋm a tãb-biisã nanambsã tɩ b tɩ zab ne Israyɛll tẽmsã. Yẽnda reega Iyon, ne Dãn, la Abɛll-Bɛt-Maaka tẽmsã, n paas ne Kinerot la Neftali soolmã zãnga.
21
A Basa sẽn wʋm bõn-kãnga, a basa Rama meebo, la a kẽng n tɩ zĩnd Tirsa tẽnga.
22
Woto, rĩm a Aaza boola Zʋʋda nebã fãa n ka bak ned ba a yembre, n kɩt tɩ b tɩ wʋk kugã ne raad nins fãa rĩm a Basa sẽn dag n tigs n na n me Rama lalgã. La rĩm a Aaza talla ra-kãens ne kug-kãens n me Geba tẽngã sẽn be Benzame soolmẽ wã ne Mispa tẽngã.
23
Rĩm a Aaza tʋʋm a taabã, ne a gãndaalmã fãa, la bũmb nins fãa a sẽn maanã, ne tẽms nins a sẽn me wã gʋlsa Zʋʋda rĩm-dãmbã kibay sebr pʋga. La rĩm a Aaza sẽn wa n kʋʋlã, a bẽe nao bãaga.
24
A Aaza saka a saam-dãmba, la b mum-a-la a yaab-rãmb yaadẽ, a yaab a Davɩɩd tẽngã pʋga. La yẽnda biig a Zozafat n led a zĩigẽ n dɩ naamã.
25
Zʋʋda rĩm a Aaza sẽn deeg naam tɩ yʋʋm yiiblẽ, la a Zeroboaam biig a Nadaab lebg Israyɛll rĩmã, la a rɩɩ naamã yʋʋm a yiibu.
26
A Nadaab maana wẽng Sẽn-Ka-Saab nifẽ. Yẽnda me maana wẽng wa a ba wã sẽn dag n maan n kɩt tɩ Israyɛll nebã lʋɩ kongr pʋgã.
27
Dẽ, Isakaar buudã ned a Akiya biig a Basa ra baood n na n kʋʋ rĩm a Nadaabe. Wakat ning rĩm a Nadaab ne Israyɛll tãb-biisã sẽn wa n be Filistẽ nebã soolmẽ, n gũbg Gibetõ tẽngã n zabd ne-a wã, la a Basa kʋ rĩm a Nadaab beenẽ.
28
La yɩɩ Zʋʋda rĩm a Aaza sẽn deeg naam tɩ yʋʋm tãablẽ, la a Basa kʋ a Nadaab n deeg Israyɛll naamã.
29
La a Basa sẽn lebg rĩmã, a kʋʋ a Zeroboaam roogã gilli, n ka tol n bas a ned ba a yembr tɩ põs ye. Yẽnda kʋ-b-la zãng wa Sẽn-Ka-Saab sẽn dag n kɩt tɩ Sɩlo tẽng no-rɛɛs a Akiya togsã.
30
Yaa a Zeroboaam sẽn beeg n kɩt tɩ Israyɛll nebã lʋɩ kongr pʋgẽ, n kɩt tɩ Sẽn-Ka-Saab sũurã yikã yĩng n kɩt tɩ b maan a woto.
31
A Nadaab tʋʋm a taabã ne bũmb ninsã fãa a sẽn maanã gʋlsa Israyɛll rĩm-dãmbã kibay sebr pʋga.
32
Zʋʋda rĩm a Aaza ne Israyɛll rĩm a Basa vɩɩmã tɛka, b rag n zabda taaba.
33
Zʋʋda rĩm a Aaza sẽn deeg naam tɩ yʋʋm tãablẽ, la a Akiya biig a Basa reeg naam n soog Israyɛll nebã fãa n zĩnd Tɩrsa tẽnga. La yẽnda rɩɩ naamã yʋʋm pisi la a naase.
34
Rĩm a Basa maana wẽng Sẽn-Ka-Saab nifẽ, wa a Zeroboaam sẽn dag n maan n kɩt tɩ Israyɛll nebã lʋɩ kongr pʋgã.
← Chapter 14
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 16 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22