bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
1 Kings 22
1 Kings 22
Mossi MPBU (WẼNNAAM SEBRE 2014)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
1
Maana yʋʋm a tãab tɩ zabr ka leb n zĩnd Israyɛll nebã ne Siiri-rãmbã sʋk ye.
2
Yʋʋm a tãabẽ soabã pʋgẽ, Zʋʋda rĩm a Zozafat kẽnga Israyɛll rĩm a Akaab nengẽ.
3
Dẽ, Israyɛll rĩmã soka a kug-zĩidbã yaa: «Yãmb miime tɩ Ramot sẽn be Galaadã yaa tõnd soolem! La yaa bõe tɩ tõnd zĩ n ka maand baa fʋɩ n na n tɩ reeg tẽngã Siiri rĩmã nugẽ?»
4
Rĩm a Akaab yeela Zʋʋda rĩm a Zozafat yaa: «Fo na n tũu maam n kẽng Ramot sẽn be Galaadã n tɩ zab bɩ?» A Zozafat leoka Israyɛll rĩmã n yeele: «N-yẽe! Maam ne yãmb yaa bũmb a yembre. Mam neb yaa yãmb nebã, mam wiid yaa yãmb wiidi.»
5
Dẽ, a Zozafat leb n yeela rĩm a Akaab yaa: «Moasã, mam kot-y lame tɩ y reng n sok Sẽn-Ka-Saab n ges bãmb sẽn na n yeel tɩ bũmb ninga.»
6
Woto, Israyɛll rĩmã tigma a no-rɛɛsdb sõor sẽn kolg kobs-naase, n sok-b yaa: «Mam tog n kẽng n tɩ zaba ne Ramot sẽn be Galaadã bɩ, bɩ m ka tog n kẽnge?» La no-rɛɛsdbã leokame: «Kẽng-y n tɩ zab-y ne-ba. Zu-soabã na n kɩtame tɩ y tõog-ba.»
7
La a Zozafat sokame: «Dẽ yĩnga, Sẽn-Ka-Saab no-rɛɛs a to ka leb n be ka tɩ tõnd tõe n kɩt t'a sok Sẽn-Ka-Saab n gese?»
8
Woto, Israyɛll rĩmã leoka a Zozafat yaa: «Nin-yend bal n ket tõnd sẽn tõe n kɩt t'a sok Sẽn-Ka-Saab n gese, la mam yaool n kisa no-rɛɛs-kãnga, bala a zɩ n togs maam koe-noog ye, yaa koe-beed bala. Yaa a Yimla biig a Miise.» A Zozafat yeelame: «Rĩma, da gom-y woto ye!»
9
Dẽ, Israyɛll rĩmã boola a sõgen a yembr n yeel-a t'a tɩ bool a Yimla biig a Miise t'a wa tao-tao.
10
La wakat-kãng tɩ Israyɛll rĩmã ne Zʋʋda rĩm a Zozafat yeelga b naam futu, tɩ b ned kam fãa zao a naam geere, n zĩ zĩ-vɩʋʋg ning sẽn pẽ Samaari tẽngã noorã, tɩ no-rɛɛsdbã fãa togsd pĩnd-n-bãngr goam bãmb taoore.
11
No-rɛɛsdbã sʋka, no-rɛɛs a Sedesiyaas sẽn yaa a Kenana biigã rag n kɩtame tɩ b maan kut yɩɩl n kõ-a, la a yeelame: «Sẽn-Ka-Saab yetame: Fo na n talla yɩɩn-bãmbã n tã Siiri nebã n kʋ zãnga.»
12
La no-rɛɛsdb a taabã fãa me rag n togsda pĩnd-n-bãngr goam a boto, n yetẽ: «Kẽng-y n tɩ zab-y ne Ramot sẽn be Galaadã tɩ y na n paama tõogre. Sẽn-Ka-Saab na n kɩtame tɩ rĩmã tõog-ba.»
13
Ned ning sẽn kẽng n na n tɩ bool a Miise wã yeela a Miise yaa: «Ade, no-rɛɛsdb a taabã fãa naaga taab n togsd rĩmã gom-noodo. M kotame tɩ y mao tɩ yãmb me sẽn na n gomã zems ne bãmb dẽndã. Togs-y rĩmã gom-nood bala!»
14
A Miise leok-a lame: «Mam wẽenda ne Sẽn-Ka-Saab sẽn vɩ wã, tɩ yaa Sẽn-Ka-Saab sẽn na n togs maam bũmb ningã bal la m na n togse.»
15
A Miise sẽn ta rĩmã nengẽ, rĩmã sok-a lame: «Miise, tõnd tog n kẽng n tɩ zaba ne Ramot sẽn be Galaadã bɩ? Bɩ d ka tog n kẽnge?» La a Miise leokame yaa: «Kẽng-y tɩ y na n tõogame, Sẽn-Ka-Saab na n kɩtame tɩ rĩmã tõoge.»
16
Woto, rĩmã yeela a Miise yaa: «Miise, fo ratame tɩ mam yeel foom naoor a wãna, tɩ f wẽen tɩ f ka na n leb n togs maam bũmb ne Sẽn-Ka-Saab yʋʋre, tɩ yaool n ka sɩda?»
17
A Miise leokame: «Mam yãnda Israyɛll nebã sẽn sãeegd tãmsã zutu, wa piis sẽn ka tar pe-kɩɩma! La Sẽn-Ka-Saab yeelame: Nin-kãensã ka tar soaal ye, bɩ ned kam fãa lebg n kuil a yir ne laafɩ.»
18
Dẽ, Israyɛll rĩmã yeela a Zozafat yaa: «Mam dag n ka pĩnd n yeel foom sɩda? A Miise zɩ n togs maam pĩnd-n-bãngr goam sẽn yaa sõama ye. A togsda maam koe-beed bala.»
19
Dẽ, a Miise yeelame yaa: «Beneere, kelg-y Sẽn-Ka-Saab koɛɛga! Mam yãnda Sẽn-Ka-Saab sẽn zao b naam geerã zugu, tɩ saasẽ dãmbã karg n gũbg-b goabg la rɩtgo.
20
Sẽn-Ka-Saab yeelame: ‹Ãnda n na n tɩ belg a Akaab t'a kẽng n tɩ zab ne Ramot sẽn be Galaadã tɩ b kʋ-a?› La yõwã soab yeelame tɩ woto, tɩ yõwã soab yet tɩ woto.
21
Dẽ, sɩɩg n yi n yals Sẽn-Ka-Saab taoor n yeele: ‹Maam n na n kẽng n tɩ belg-a.› Tɩ Sẽn-Ka-Saab sok-a yaa: ‹Fo na n belg-a-la wãn-wãna?› »
22
Sɩɩgã leokame: «Mam na n kẽngame n tɩ kɩt tɩ no-rɛɛsdb nins sẽn be ne yẽnda wã togs-a zĩrẽ.» Dẽ, Sẽn-Ka-Saab yeelame: «Fo sã n sɩd maan a woto, fo na n belg-a lame n tõoge. Dẽ wã, bɩ f kẽng n tɩ maan a woto!»
23
La a Miise leb n yeelame: «Ade, Sẽn-Ka-Saab kɩtame tɩ zĩrẽ sɩɩg kẽ yãmb no-rɛɛsdbã fãa, la Sẽn-Ka-Saab yaool n kãaba yãmb kãab-beedo.»
24
La wakat-kãng bala, a Kenana biig a Sedesiyaas kolg n wẽ a Miise pɛk n yeele: «Dabʋr la Sẽn-Ka-Saab Sɩɩgã yi mam nengẽ n wa gomd ne foom?»
25
A Miise leokame: «Wakat ning fo sẽn wat n saad n zoet n baood roog yaang ro-pʋg n na n soondã la f na n bãnge.»
26
Israyɛll rĩmã yeela a tʋmtʋmd a yembr yaa: «Yõk a Miise n tall n tɩ kɩs tẽngã naab a Amo ne rĩmã biig a Zoaase.
27
La f yeel-b tɩ rĩmã yeelame tɩ b kẽes rao-kãngã bi-bees roogo, la b ra kõ-a rɩɩb tɩ sã n ka bur-koeems ne koom bala, hal tɩ m kẽng la m lebg n wa ne tõogre.»
28
A Miise leoka rĩm a Akaab yaa: «Yãmb sã n kẽng n lebg n wa ne tõogre, dẽnd ka Sẽn-Ka-Saab n kɩt tɩ mam gom ye.» A Miise leb n yeelame yaa: «Bɩ Israyɛll nebã fãa kelge!»
29
Israyɛll rĩm a Akaab ne Zʋʋda rĩm a Zozafat kẽng n na n tɩ zaba ne Ramot sẽn be Galaadã.
30
Israyɛll rĩm a Akaab yeela Zʋʋda rĩm a Zozafat yaa: «Mam na n teema fut n kẽng zabrã tɩ b ra bãng-m ye, la yãmb tõe n yeelga y naam futã.» Dẽ, Israyɛll rĩmã maana wa a sẽn yeelã n kẽng zabrã.
31
La mikame tɩ Siiri rĩmã rag n yeela a saar-dãmbã nanambs pis-tã la a yiibã yaa: «Da bao-y ned baa a yembr ye. Zab-y ne Israyɛll rĩmã bala.»
32
Saar-dãmbã nanambs sẽn yãnd a Zozafate, bãmb tẽeme tɩ yaa Israyɛll rĩmã, la b kẽngame n na n tɩ zab ne-a. La a Zozafat kelmame n yeele: «Wa-y n fãag-y-ma!»
33
Saar-dãmbã nanambs sẽn mik tɩ ka Israyɛll rĩmã, b loog n bas-a lame.
34
La bãmb ned a yembr yãaga a tãp n tão yaar bala, la peemdã tɩ tũnuga Israyɛll rĩmã kut fuugã sogb zĩigẽ n kõs-a. La rĩmã yeela ned ning sẽn dag n be ne yẽnda saarã pʋg n get saarã yellã yaa: «Wẽnemd n bas zabrã n leb kɩrenga, bala, mam paama sãmpogre.»
35
Zabrã wɩnga wʋsg badaare, la b kell n gãda Israyɛll rĩmã t'a yas saarã pʋg n tees Siiri nebã. La Israyɛll rĩmã kii badaar zaabre. Rĩmã sãmpogrã zɩɩm daaga saarã pʋga.
36
Wĩntoogã kõom sasa, b moona tãb-sikã zãng pʋgẽ, n yeel tɩ ned kam fãa lebg n kuil a tẽngẽ.
37
Woto, Israyɛll rĩmã kiime, la b talla a kũumã n kẽng Samaari n tɩ mume.
38
B tɩ peka saarã Samaari bãkã pʋga, la baas n tɩ leg zɩɩmã, tɩ pʋg-yoaadb tɩ so a koomã, wa Sẽn-Ka-Saab sẽn dag n togsã.
39
A Akaab tʋʋm a taabã, ne bũmb nins fãa a sẽn maanã, la na-zak ning yẽnda sẽn me n nags ne wobd yẽna, ne tẽms ninsã fãa a sẽn me wã gʋlsa Israyɛll rĩm-dãmbã kibay sebr pʋga.
40
A Akaab saka a saam-dãmba, la a biig a Akaziyaas n led a zĩigẽ n dɩ naamã.
41
Yaa a Akaab sẽn wa n lebg Israyɛll rĩm tɩ yʋʋm naaslẽ, la a Aaza biig a Zozafat lebg Zʋʋda rĩmã.
42
A Zozafat sẽn wa n na n deeg naamã t'a tara yʋʋm pis-tã la a nu, la a rɩɩ naam Zeruzalɛm yʋʋm pisi la a nu. Yẽnda ma wã yʋʋr dag n yaa a Azuuba, n yaa a Sili bi-pugla.
43
A Zozafat rɩka a ba a Aaza naoor n ka bʋdg ye. Yẽnda maana sẽn yaa tɩrg Sẽn-Ka-Saab nifẽ.
44
La baoosg zãnga, b ka menes maoong kʋʋb zĩisã ye. Nebã rag n ket n kẽnd n maanda maand la b yõogd wisd maoong kʋʋb zĩisẽ wã.
45
A Zozafat kɩtame tɩ laafɩ zĩnd yẽnda ne Israyɛll rĩmã sʋka.
46
A Zozafat tʋʋm a taabã ne a gãndaalmã tʋʋmã, la zabã a sẽn zabã fãa gʋlsa Zʋʋda rĩm-dãmbã kibay sebr pʋga.
47
Maoong kʋʋb zĩisẽ yoaadbã sẽn zĩnd hal a Zozafat ba a Aaza zamaanẽ wã, sẽn dag n ket n be tẽngã pʋgã, a Zozafat menes-b-la zãnga.
48
Edom tẽngã rag n ka tar dĩm ye. Yaa Zʋʋda rĩmã n yãk komber t'a tɩ soog bãmba.
49
Rĩm a Zozafat kɩtame tɩ b maan Tarsɩɩs koom kogl-bɛdã buudu, tɩ b na n kẽng Ofɩɩr tẽng n tɩ bao sãnem, la bãmb ka tõog n ta ye, bala koom kogendã tek n sãama Esɩyõ-Gebɛɛre.
50
A Akaab biig a Akaziyaas yeela rĩm a Zozafat yaa: «Mam datame tɩ mam tʋmtʋmdbã tũ yãmb tʋmtʋmdbã n kẽng ne koom kogendã.» La rĩm a Zozafat ka sak ye.
51
A Zozafat saka a saam-dãmba, la b mum-a lame n naag a ba-rãmbã, a yaab a Davɩɩd tẽngã pʋga. La yẽnda biig a Zoram n led a zĩigẽ n dɩ naamã.
52
A Akaab bi-ribl a Akaziyaas reega Israyɛll rĩungã n dɩ naam Samaari. Wakat-kãnga, rẽ tɩ yaa Zʋʋda rĩm a Zozafat sẽn deeg naam tɩ yʋʋm piig la a yopoɛɛlẽ. A Akaziyaas rɩɩ Israyɛll naamã yʋʋm a yiibu.
53
A Akaziyaas maana sẽn yaa wẽng Sẽn-Ka-Saab nifẽ. Yẽnda maana wa a ba ne a ma sẽn dag n maanã, n kẽn wa a Nebat biig a Zeroboaam sẽn dag n maan n kẽes Israyɛll nebã kongr pʋgã.
54
Yẽnda wõgemda Baall taoor n waoog-a, wa yẽnda ba wã sẽn dag n maanã, n kɩt tɩ Sẽn-Ka-Saab sẽn yaa Israyɛll Wẽnnaamã sũur yiki.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22