bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
1 Kings 21
1 Kings 21
Mossi MPBU (WẼNNAAM SEBRE 2014)
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
1
Bõn-kãensã loogr zugẽ, ad bũmb ning sẽn zĩndi. Yiizreyɛll rao a ye yʋʋr sẽn boond t'a Nabot n dag n tar a reezẽ tɩɩs pʋʋgo, la pʋʋgã rag n pẽe Samaari rĩm a Akaab na-yirã.
2
Dẽ, a Akaab yeela a Nabot yaa: «Kõ maam f reezẽ tɩɩs pʋʋgã tɩ m maan m zẽed zĩiga, bala, a pẽe ne mam zakã. La mam na n kõo foom reezẽ tɩɩs pʋ-sõng a to n led a zĩigẽ. Fo sã n leb n dat me, mam na n yaoo foom ligdi, wa sẽn zems pʋʋgã ligd sẽn yaa to-to.»
3
La a Nabot leoka a Akaab yaa: «Abada! Bɩ Sẽn-Ka-Saab ra sak tɩ m dɩk m yaab-rãmbã zĩis n kõ yãmb ye.»
4
Yiizreyɛll rao a Nabot sẽn yeel tɩ yẽnda ka na n dɩk a yaab-rãmbã zĩis n kõ a Akaabã yĩnga, a Akaab lebg n kuil a yir ne sũ-sãanga, la sũ-puugri. Yẽnda tɩ kẽ a roogẽ n gãande, n wẽnemd a neng n tees lalgã n ka sak n dɩ rɩɩb ye.
5
A Akaab pag a Zezabɛll wa n sok-a lame yaa: «Yaa bõe sũ-sãang n tar-y tɩ y ka rat n dɩ rɩɩbo?»
6
La rĩmã leokame yaa: «Mam goma ne Yiizreyɛll dao a Nabot n yeel-a t'a kõ-m a pʋʋgã tɩ m da, wall a sã n data, m na n kõ-a-la reezẽ tɩɩs pʋ-sõng a to n led a zĩigẽ. La a leoka maam t'a ka na n kõ maam a pʋʋgã ye!»
7
Dẽ, rĩm a Akaab pag a Zezabɛll yeel-a lame yaa: «Ka yãmb la Israyɛll rĩm la! Yik-y n dɩ-y-yã, la y maan sũ-noogo. Mam na n deega Yiizreyɛll dao a Nabot pʋʋgã n kõ yãmba.»
8
Dẽ, a Zezabɛll gʋlsa sɛb rĩm a Akaab yʋʋr yĩnga, n ning a Akaab nug-tikr bãndã sɛbã zutu. La yẽnda tʋma sɛbã tɩ b tɩ kɩs kãsem-dãmbã ne kug-zĩidbã sẽn be tẽng ning a Nabot sẽn beẽ wã.
9
Ad goam nins a Zezabɛll sẽn gʋls a sɛbã pʋse: «Moon-y no-loeere, tigm-y nebã n kɩt t'a Nabot zĩnd b taoore.
10
La y yãk nin-yaals tɩ b zĩnd n tees-a n dõd-a n yeel t'a tʋʋsa Wẽnnaam, la a tʋʋs rĩmã me. Rẽ poore, yiis-y-yã-a tẽngã kɩreng n lob-a kug t'a ki.»
11
Dẽ, a Nabot sẽn be tẽng ningã nebã, ne kãsem-dãmbã la kug-zĩidbã maana wa a Zezabɛll sẽn yeel-b tɩ b maanã. B maana wa a sẽn gʋls sɛbã pʋs n tʋm bãmbã.
12
Woto, bãmb moona no-loeerã tigr n kɩt t'a Nabot zĩnd nebã taoore.
13
Dẽ, nin-yaals a yiibã wa n zĩnd n teesa a Nabote, n dõd-a nebã nifẽ n yeele: «A Nabot tʋʋsa Wẽnnaam, la a tʋʋs rĩmã.» La b yiisa a Nabot tẽngã kɩreng n lob-a kug t'a ki.
14
B tʋmame tɩ b tɩ togs a Zezabɛll tɩ b loba a Nabot kug t'a ki.
15
A Zezabɛll sẽn wʋm tɩ b loba a Nabot kug t'a ki, a yeela rĩm a Akaab yaa: «Yik-y n tɩ reeg-y Yiizreyɛll rao a Nabot pʋʋgã n sooge. Yẽnda sẽn dag n zãgsd t'a ka na n koos a pʋʋgã ne yãmbã, moasã wã, a Nabot ka leb n vɩ ye, a kiime.»
16
Rĩm a Akaab sẽn wʋm woto, a yikame n kẽng n na n tɩ reeg Yiizreyɛll dao a Nabot pʋʋgã n sooge.
17
Sẽn-Ka-Saab goma ne Tisbe rao a Eli sẽn yaa Wẽnnaam no-rɛɛsã n yeel-a yaa:
18
«Yik n tɩ seg Israyɛll rĩm a Akaab sẽn be Samaari wã. Yẽnda be a Nabot pʋʋgẽ wã, n dat n deeg pʋʋgã n sooge.
19
Kẽng n tɩ yeel-a tɩ maam a Sẽn-Ka-Saab yetame: Akaabe, fo kʋʋ neda, la f reeg a sẽn so. La maam a Sẽn-Ka-Saab yetame tɩ zĩig ning baasã sẽn leg a Nabot zɩɩmã, zĩ-kãng bala, baas n na n leg fo me zɩɩmã.»
20
Dẽ, a Eli sẽn kẽngã, rĩm a Akaab yeel-a lame yaa: «M bɛyã, foom n leb n wa n mik maam?» La a Eli leokame: «N-yẽe! Maam n leb n wa n mik yãmba. Bala, yãmb koosa y meng ne wẽngã n maan sẽn ka sõama Sẽn-Ka-Saab nifẽ.
21
Ade, mam na n kɩtame tɩ yel-beed paam-fo. Mam na n pɩɩsa f roogã zãnga, mam na n kɩtame t'a Akaab yagensã menem zãnga, sã n yaa yamba, wall burkĩn sẽn be Israyɛll pʋgẽ.
22
Mam na n kɩtame t'a Akaab roogã lebg wa a Nebat biig a Zeroboaam roogã, la wa a Akiya biig a Basan roogã. Bala, fo maaname tɩ Israyɛll nebã lʋɩ kongr pʋga, n kɩt tɩ m sũurã yiki.
23
Sẽn-Ka-Saab goma a Zezabɛll me yell n yeel t'a na n kiime tɩ baas wãb a nemdã Yiizreyɛll lalgã sɛɛga.
24
A Akaab roogã ned sã n ki tẽng pʋgẽ, baas n na n wãb-a, la a roogã ned sã n ki weoogẽ, yɩbrend n na n dɩ-a.»
25
Ned nan ka sak n koos a meng ne wẽng n maan sẽn ka sõama Sẽn-Ka-Saab nifẽ wa a Akaab sẽn maanã ye. La yaa yẽnda pag a Zezabɛll n kɩt t'a maan woto.
26
Yẽnda maana sẽn yaa wẽng hal wʋsg n yɩɩd fãa. A tũu wẽn-naandse, n waoog-b wa Amoor-dãmbã me sẽn dag n waoogd wẽn-naands tɩ Sẽn-Ka-Saab kɩt tɩ Israyɛll nebã rig-b n deeg tẽngã.
27
Rĩm a Akaab sẽn wʋm Wẽnnaam no-rɛɛs a Eli sẽn gomã, a pãrsa a futu, n yeelg sũ-sãang futu, n loe noore. La a rag n gãee ne fu-kãense. La a sã n kẽnda, a kẽnda soaa-soaa.
28
Dẽ, Sẽn-Ka-Saab goma ne Tisbe rao a Eli n yeel-a yaa:
29
«Fo yãnda a Akaab sẽn sik a meng to-to mam taoorã bɩ? Yẽnda sẽn sik a meng mam taoorã yĩnga, mam ka na n kɩt tɩ yel-beedã paam-a a sẽn ket n vɩ wã wakat ye. La yaa wakat ning yẽnda biig sẽn wat n dɩt naamã la mam na n kɩt tɩ yel-beedã paam a roogã.»
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22