bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
1 Kings 3
1 Kings 3
Mossi MPBU (WẼNNAAM SEBRE 2014)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
1
Rĩm a Salmo baoo zood ne Ezɩpt rĩm a Faarõ, n peeg a bi-pugl n maan a paga. La a peeg-a lame n kẽng a Davɩɩd tẽngã pʋgẽ, n tɩ zĩnd beenẽ n gũ wakat ning a sẽn na n me a na-zakã ne Sẽn-Ka-Saab roogã, la lals nins sẽn gũbg Zeruzalɛmã n sɛ.
2
Wakat-kãnga, nebã rag n maanda b maandã maoong kʋʋb zĩisẽ wã. Bala, b rag n nan ka me roog Sẽn-Ka-Saab yʋʋr yĩng ye.
3
A Salmo rag n nonga Sẽn-Ka-Saabo, n maand bũmb nins a ba Davɩɩd sẽn dag n wilg yẽnda wã. La yaa maoong kʋʋb zĩisẽ wã la yẽnda me rag n maand a maandã, la a yõogd tɩdarã.
4
Rĩm a Salmo kẽnga Gabawõ n na n tɩ maan maoongo, bala yaa beenẽ n yaa maoong kʋʋb zĩisã zĩ-kãseng n yɩɩda. La beenẽ, rĩm a Salmo maana maand tusr sẽn yõogd bugum tẽn-kugrã zugu.
5
La rĩm a Salmo sẽn wa n be Gabawõ wã, Sẽn-Ka-Saab vẽnega b meng ne-a yʋng zãmsd pʋgẽ. Wẽnnaam yeela rĩm a Salmo yaa: «Kos maam fo sẽn dat bũmb ninga, la m na n kõ-f lame.»
6
La rĩm a Salmo leokame yaa: «Yãmb maana m ba a Davɩɩd sẽn yaa y tʋmtʋmdã neer wʋsgo, bala bãmb dag n tũuda yãmb ne sɩda la tɩrlem, la ne pʋ-peelem. Yãmb maana bãmb neer wʋsg n kɩt tɩ b biig led bãmb zĩigẽ, n zaoond b geerã n dɩt naam dũndã.
7
Moasã, mam Wẽnnaam Sẽn-Ka-Saabo, yaa yãmb n yãk mam sẽn yaa y tʋmtʋmdã, n kɩt tɩ m led m ba a Davɩɩd zĩigẽ, n lebg rĩmã, la mam yaa yãaga, n ka mi m sẽn na n zã nebã to-to ye.
8
Rẽ wã, yãmb tʋmtʋmdã bee yãmb nebã y sẽn yãkã sʋka. La b yaa wʋsgo, tɩ ned ka tõe n bãng b sõore, wall a sõd-b n sɛ ye.
9
Bɩ y kõ y tʋmtʋmdã yam, t'a tõog n zã y nebã, la a bãng sõama ne wẽng n bake. Sã n ka rẽ, ãndã n tõe n zã yãmb nebã sẽn yaa wʋsg a woto wã?»
10
Sẽn-Ka-Saab sũur yɩɩ noog ne a Salmo kosgã.
11
Dẽ, Sẽn-Ka-Saab yeela a Salmo yaa: «Sã n yaa bõn-kãng la fo kota, n ka kos yõ-woko, la f ka kos arzɛk f mengã yĩnga, la f ka kos f bɛɛbã kũum, n kot yam n na n tõog n maan sẽn yaa tɩrgã,
12
mam na n maana wa fo sẽn kosã. Mam na n kõo foom yam ne bãngre. La neb nins sẽn zĩnd sẽn deng foomã, ne neb nins sẽn na n pʋgl foomã kõn tol n wẽneg foom ye.
13
La baa ne bũmb nins fãa fo sẽn ka kosã, mam na n kõ-f lame. Mam na n kõ-f-la arzɛka, la ziiri. La fo vɩɩmã tɛka, rĩm-dãmba sʋka, ned ba a ye kõn tõog n wẽneg foom ye.
14
La fo sã n maan mam daabo, n sak mam no-tũudsã ne m tõodã, wa f ba a Davɩɩd sẽn dag n maanã, mam na n kõo foom yõ-woko.»
15
A Salmo nekame n mik tɩ yaa Sẽn-Ka-Saab n dag n gomd ne yẽnda zãmsd pʋgẽ. La yẽnda lebg n kẽnga Zeruzalɛm n tɩ yals Sẽn-Ka-Saab kaoolã koglgã taoore, n maan maand sẽn yõogd bugum ne laafɩ maando, la a maan tigri, a tʋmtʋmdbã fãa yĩnga.
16
Daar a yembre, pʋg-yoaadb a yiib n tũ taab n kẽng rĩmã nengẽ.
17
La a yembrã yeelame yaa: «N-na, y kabre! Maam ne pʋg-kãngã rag n gãee ne taab roog a yembre, la mam zĩnda roogẽ be n dog m biiga.
18
La mam sẽn dog m biigã tɩ rab-tãtẽ, pʋg-kãngã me roga a biiga. Ned a to rag n ka be n paas tõnd ye. Yaa tõnd d yiibã bal n dag n be roogã pʋga.
19
La yʋngẽ, pʋg-kãngã gãand n põda a biigã n kʋ.
20
La a yika yʋn-sʋka, mam sẽn gõe wakate, n dɩk mam bi-vɩɩgã n gãneg a sɛɛgẽ, la a rɩk yẽnda bi-kɩɩngã n gãneg mam sɛɛgẽ.
21
La mam sẽn yik yibeoog tɩ m na n yẽsem m biiga, mam mikame tɩ yaa bi-kɩɩnga. Zĩigã sẽn yẽege, mam maaga m meng n ges biigã neere, la mam mikame tɩ ka biig ning mam sẽn dogã ye.»
22
La pag a yembrã yeelame yaa: «Ka sɩd ye! Bi-vɩɩgã yaa mam biiga, tɩ bi-kɩɩngã yaa fo biiga.» La pipi soabã kɩɩsame n yeel yaa: «Ayo! Ka woto ye! Yaa foom n so bi-kɩɩngã, tɩ bi-vɩɩgã yaa mam biiga.» Bãmb b yiibã wẽe nokoeemd ne taab woto rĩmã taoore.
23
Dẽ, rĩm a Salmo yeelame yaa: «Yãmb ned a yembr yeelame tɩ bi-vɩɩgã yaa yẽnda biiga, tɩ bi-kɩɩngã yaa a to wã biiga. La yembrã kɩɩsame tɩ ka sɩd ye, tɩ bi-kɩɩngã yaa a to wã biiga, tɩ bi-vɩɩgã yaa yẽnda biiga.»
24
Rĩm a Salmo yeelame tɩ b tɩ wa ne sʋʋga. La b tɩ talla sʋʋg n wa.
25
La rĩmã yeelame tɩ b kɛ bi-vɩɩgã n pasg a yiibu, n dɩk bogr a yembr n kõ pag a ye, la b rɩk bogr a ye wã n kõ pag a to wã.
26
La bi-vɩɩgã nimbãaneg yõka a ma wã t'a yeele: «N-na, m kot-y lame tɩ kõ-a bi-vɩɩgã, la y ra kʋ-a ye.» La pag a yembrã yeelame: «Pasg-y biigã zĩis a yiibu, tɩ tõnd fãa konge.»
27
Dẽ, rĩmã yeelame tɩ b rɩk bi-vɩɩgã n kõ pipi pagã, la b ra kʋ-a tɩ bala, yaa yẽnda la bi-vɩɩgã ma.
28
Israyɛll nebã fãa sẽn wʋm dĩm a Salmo sẽn kao bʋʋdã to-to wã, bãmb zoee rĩmã. Bala, b yãame tɩ rĩmã tara Wẽnnaam yam n maand a tʋʋmã ne tɩrlem.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22