bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
1 Kings 18
1 Kings 18
Mossi MPBU (WẼNNAAM SEBRE 2014)
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
1
La wakat wʋsg loogr zugẽ, warã sẽn sɩng tɩ yʋʋm tãablẽ, Sẽn-Ka-Saab yeela a Eli yaa: «Kẽng rĩm a Akaab nengẽ, tɩ mam na n kɩtame tɩ saagã ni tẽn-koɛɛngã zugu.»
2
Dẽ, a Eli kẽngame n na n tɩ vẽneg a meng ne rĩm a Akaabe.
3
Komã rag n paama pãng Samaari tẽngã pʋgẽ. Dẽ, rĩm a Akaab kɩtame tɩ b bool a balem-naab a Abdyaas t'a wa. La a Abdyaas yaool n dag n yaa ned sẽn zoet Sẽn-Ka-Saab wʋsgo.
4
Wakat ning a Zezabɛll sẽn wa n kʋʋd Wẽnnaam no-rɛɛsdbã, a Abdyaas rag n peega no-rɛɛsdb koabg n tɩ solg-b pis-nunu tãng bogd a yiib pʋgẽ, n kẽnd n kõt-b rɩɩb ne koom.
5
Rĩm a Akaab yeela a Abdyaas yaa: «Wa tɩ d na n gilga tẽngã gilli. D na n kẽnga ko-bundum zĩisẽ, ne ko-soayẽ wã, tɩ daar ninga, d yãta mo-maas zĩig n paam yamd n wa kõ d wiidã ne d bõensã, tɩ b ra ki ye. Woto, ka lebd n yɩ tɩlɛ tɩ d kʋ rũms kẽer ye.»
6
Dẽ, bãmb pʋɩɩ tẽngã, n welg taab n na n gilgi. Rĩm a Akaab rɩka sor a yembre, t'a Abdyaas rɩk sor a yembre.
7
A Abdyaas sẽn wa n be sorã zug n kẽndã, a sega a Eli n bãng tɩ yaa yẽnda. Dẽ, yẽnda wõgemdame n fõgen a neng tẽnga, n yeele: «M soaal a Eli, yaa yãmb bɩ?»
8
La a Eli leok-a lame: «N-yẽe, yaa maam! Kẽng n tɩ yeel f soaal a Akaab tɩ maam a Eli bee ka!»
9
A Abdyaas yeela a Eli yaa: «Mam beega bõe tɩ y rat n yõk-m n kõ rĩm a Akaab t'a kʋ-ma?
10
M wẽenda ne Sẽn-Ka-Saab sẽn yaa yãmb Wẽnnaamã sẽn vɩ wã, tɩ zĩiga, bɩ soolem ka be mam soaal a Akaab sẽn ka tʋm tɩ b tɩ gẽes yãmb ye. La nebã sã n yeel tɩ yãmb ka be beenẽ, rĩmã kɩtdame tɩ tẽngã bɩ soolmã nin-kãensã wẽene, n yeel tɩ b sɩd ka yãnd yãmb ye.
11
Yãmb sẽn yeel maam tɩ m kẽng n tɩ yeel m soaalã tɩ yãmb bee ka wã,
12
mam sã n loog n bas yãmba, Sẽn-Ka-Saab Sɩɩgã tõe n wa rɩka yãmb n kẽng zĩig ning mam sẽn ka mi. Dẽ, mam sã n kẽng n tɩ togs a Akaab tɩ yãmb bee ka, tɩ bãmb wa bao yãmb n konge, b na n kʋʋ maam. Mam yaool n zoeta Sẽn-Ka-Saab rabeem hal mam yãadem wakate.
13
M soaala, b ka togs yãmb bũmb ning mam sẽn maan wakat ning a Zezabɛll sẽn wa n kʋʋd Wẽnnaam no-rɛɛsdbã la? Mam solga Sẽn-Ka-Saab no-rɛɛsdb koabg tãng bogd a yiib pʋgẽ, m solg-b-la pis-nunu, n kẽnd n kõt-b rɩɩb ne koom.
14
Moasã, tɩ yãmb yet maam tɩ m kẽng n tɩ yeel a Akaab tɩ yãmb a Eli bee ka! Mam sã n tɩ yeel a woto, rĩm a Akaab na n kʋʋ maam!»
15
La a Eli yeel-a lame: «Mam yaa Saasẽ-Pãng-Soabã sẽn vɩ wã tʋmtʋmda, la mam wẽenda ne bãmb yʋʋre, tɩ rũndã, mam na n kẽnga a Akaab nengẽ.»
16
A Abdyaas kẽng n tɩ sega a Akaab n togs-a yellã fãa. Woto, a Akaab kẽng n na n tɩ sega a Eli.
17
Rĩm a Akaab sẽn yã a Eli, a yeela a Eli yaa: «Ka yãmb n kɩt tɩ Israyɛll nebã namsdẽ wã wɛ?»
18
La a Eli leok-a lame: «Ka maam n kɩt tɩ Israyɛll nebã namsdẽ ye. Yaa yãmb ne y ba wã roog neb n kɩt tɩ b namsdẽ. Bala yãmb basa Sẽn-Ka-Saab tõodã sakre, n tũud a Baall wẽn-naandse.
19
Dẽ wã, bɩ y kɩt tɩ Israyɛll nebã fãa wa tigim taab mam nengẽ Karmell tãngã zugu. La y bool Baall no-rɛɛsdb kobs-naas la pis-nu wã, ne wẽn-poak a Aseera no-rɛɛsdb kobs-naasã sẽn naagd a Zezabɛll n dɩtẽ wã me tɩ b wa.»
20
Rĩm a Akaab tʋmame tɩ b tɩ bool Israyɛll nebã fãa, la a kɩt tɩ b tigim no-rɛɛsdbã Karmell tãngã zugu.
21
La a Eli kolga nebã fãa n yeele: «Yãmb na n saad n yeebda goabg la rɩtg hal tɩ ta rabʋre? Sẽn-Ka-Saab sã n yaa Wẽnnaam, bɩ y tũ-ba, la Baall sã n yaa Wẽnnaam, bɩ y tũ-a.» La nebã ka leok yẽnda tɩ bũmb ye.
22
A Eli yeela nebã yaa: «Maam m yembr bal n yaa Wẽnnaam no-rɛɛs sẽn kete, la Baall no-rɛɛsdbã yaa bãmb kobs-naas la pis-nu.
23
Bɩ y tall lols a yiib n wa kõ-do, tɩ Baall no-rɛɛsdbã yãk loalg ning bãmb sẽn date, n kʋ-a n beese, n dogl a nemdã raad zugu, la b ra ning bugum ye. La mam me na n yõka a yembrã n maan a woto me n palg raad zugu n ka ning bugum ye.
24
Dẽ poore, bɩ y pʋʋs ne yãmb wẽnnaamã yʋʋre, tɩ mam me pʋʋs ne Sẽn-Ka-Saab yʋʋre. La Wẽnnaam ning sẽn na n leok-a n kɩt tɩ bugum sigã, yaa wẽnnaam-kãng n yaa Wẽnnaam meng-menga.» La nebã fãa yeelame tɩ b sakame.
25
Dẽ, a Eli yeela Baall no-rɛɛsdbã yaa: «Yãmb sẽn yaa wʋsg n yɩɩdã yĩnga, bɩ y yɩ pipi n yãk loalg a yembr n kʋ n maan maoongo, la y pʋʋs ne y wẽnnaamã yʋʋre, la y ra ning bugum ye.»
26
Bãmb dɩka loalg b sẽn kõ bãmbã n maneg maoongã yĩnga. La bãmb pʋʋsa ne a Baall yʋʋr yibeoog hal tɩ ta wĩnto-sʋka. Bãmb dag n kelemdame n yetẽ: «Baalle! Leok-d wɛ!» La bãmb ka wʋm koɛɛga, la ned ka leok me ye. Bãmb dag n bee tẽn-kugrã bãmb sẽn maanã taoor n yɩgd n tiimsdẽ.
27
Sẽn ta wĩnto-sʋka, a Eli yaala bãmb n yeele: «A Baall sẽn yaa wẽndã yaa, bɩ y zẽk y koees n kelem n bool-a. Bool-y-yã-a, tɩ tõeeme t'a tagsdame, wall a tʋmdame, ka rẽ bɩ a toga sore. Tõeeme meng t'a gõeeme. Mao-y t'a neke.»
28
Bãmb zẽka b koeesã n kelem ne pãnga, la b maand wa b sẽn minim n maandẽ wã. Bãmb wã b mens ne sʋʋse, la b kõs b mens ne kãn hal tɩ zɩɩm yita.
29
Wĩnto-sʋkã loogr poore, b sɩngame n gom n ta zaabr sẽn yaa maoongã maaneg wakatã. La bãmb ka tol n wʋm koɛɛg tɩ b gomd leokre, la bãnd me ka zĩnd ye.
30
Dẽ, a Eli yeela nebã fãa yaa: «Wa-y n kolg-y maam!» La nebã fãa kolga a Eli. Woto, a Eli manega Sẽn-Ka-Saab tẽn-kugrã b sẽn dag n siigã n lebs n me.
31
A Eli rɩgsa kug piig la yiib wa sẽn zems a Zakoob kambã sõore, wa Sẽn-Ka-Saab sẽn dag n gom n yeelã: «B na n boola foom t'a Israyɛlle.».
32
Dẽ, a Eli talla kug-bãmb n me tẽn-kugr Sẽn-Ka-Saab yʋʋrã yĩnga. Yẽnda tuu bok n gilg tẽn-kugrã. La bokã zulum tõe n deega rʋg-bɛd a yiib koom.
33
A Eli manega raad n palg tẽn-kugrã zugu, la a kʋ loalgã n bees-a n dogl raadã zugu.
34
La a Eli yeelame yaa: «Pids-y ko-yʋy a naasã koom n wa kiig maoongã ne raadã zugu.» La a leb n yeel tɩ b tall n wa ne yɛsa, la b maana a woto. La a Eli yeelame tɩ b leb n maan a woto naoor a tãabẽ soaba, la b maaname.
35
Koomã zoeeme n gilg tẽn-kugrã, la b pidsa bokã me ne koom.
36
Maoongã maaneg wakat sẽn ta, Sẽn-Ka-Saab no-rɛɛs a Eli kolgame n yeele: «Sẽn-Ka-Saabo, yãmb yaa a Abrahaam ne a Izak la a Israyɛll Wẽnnaam, bɩ y kɩt tɩ b bãng rũndã tɩ yaa yãmb la Israyɛll nebã Wẽnnaam, la mam yaa yãmb tʋmtʋmda. La y kɩt tɩ b bãng tɩ bũmb nins fãa mam sẽn maandã, yaa yãmb n yeel maam tɩ m maane.
37
Sẽn-Ka-Saabo, leok-y-ma! Leok-y-m tɩ nin-bãmbã bãng tɩ yãmb yaa Sẽn-Ka-Saab bal n yaa Wẽnnaam, la yaa yãmb n tõe n kɩt tɩ b tek yam.»
38
Dẽ, Sẽn-Ka-Saab bugmã sigame n dɩ maoongã ne raadã la kugã, ne tomã, la a fõog koomã sẽn dag n pid bokã.
39
Nebã fãa sẽn yã bõn-kãnga, b wõgemdame n fõgen b nens tẽng n yeele: «Yaa Sẽn-Ka-Saab bal n yaa Wẽnnaam, Sẽn-Ka-Saab bal n sɩd yaa Wẽnnaam.»
40
A Eli yeelame tɩ b yõg Baall no-rɛɛsdbã, la b ra bas tɩ b ned ba a yembr põs ye. Dẽ, b yõg-b lame, la a Eli tall-b lame n sig tãngã n kẽng n tɩ kood Kizõ ko-soogã noore.
41
A Eli yeela rĩm a Akaab yaa: «Lebg-y n tɩ rɩ-y la y yũ, bala mam wʋmda saag kɛleng rãamde.»
42
La a Akaab kẽng n na n tɩ rɩɩme la a yũ. A Eli rʋʋ Karmell tãngã zugu, n yĩgimdi, n gõd a mengã t'a nengã ta a rũmã sʋka.
43
La a Eli yeela a rakõorã yaa: «M kos tɩ f rʋ n ges ko-kãsengã sẽnẽ.» La a rakõorã rʋʋme n ges n yeele: «Mam ka ne bũmb ye.» A Eli tʋm-a lame t'a tɩ ges naoor a yopoe.
44
La naoor a yopoe soabã, rakõorã lebg n wa yeelame yaa: «Mam nee sawad-bil sẽn ka yɩɩd nug-giulg sẽn zẽkd ko-kãsengã zugu.» A Eli yeela a rakõorã yaa: «Kẽng n tɩ togs a Akaab t'a segl a wiidã n zomb n lebg n sig tãngã n sɩng zoeese, tɩ saagã ra wa gɩdg a kuilb ye.»
45
La zĩig pʋgẽ bala, zĩigã lebga libsgu, tɩ sebgã sɩng fugbu, la sa-kẽeng n sɩng niibu. Dẽ, a Akaab kẽ a saarã n zoe n tɩ rɩk Yiizreyɛll sore.
46
Sẽn-Ka-Saab kõ a Eli pãnga, la yẽnda rɩka a sẽbdg n sẽbg a sɛɛg n lʋɩ a Akaab taoor n zoe n ta Yiizreyɛll tẽngã noore.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22