bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
1 Kings 5
1 Kings 5
Mossi MPBU (WẼNNAAM SEBRE 2014)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 6 →
1
Rĩm a Salmo sooga Israyɛll tẽmsã fãa, sẽn sɩng ne Efrat kʋɩlgã, hal tɩ ta Filistẽ-dãmbã tẽngã ne Ezɩpt todsã. Tẽn-bãmb fãa rag n wata ne kũun n kõt a Salmo, la rĩm a Salmo sooga bãmb a vɩɩmã tɛka.
2
Daar fãa, rĩm a Salmo moenegda a zakã ne zom-bãaneg yond a yoobe, la zom-yãas yond piig la a yiibu,
3
n paas nag-nobds piiga, ne nag-zaals pisi, la rũm-bãooneg koabga, ne walse, la yãgse, wilpeendo ne noose, kolokolo-rãmba, kĩini, lad-rãmb sẽn nob sõama.
4
Rĩm a Salmo rag n soo tẽms nins fãa sẽn dag n be Efrat kʋɩlgã rʋʋndã ne b nanambsã, sẽn sɩng ne Tifsa n tɩ tãag Gaaza. La yẽnda rag n vɩɩ bãan ne a yagsã fãa.
5
La Zʋʋda ne Israyɛll tẽmsã pʋga, sẽn sɩng ne Dan buudã soolem n tɩ tãag Bɛɛr-Seba, nebã fãa rag n vɩɩ ne bãan la laafɩ. La rĩm a Salmo vɩɩmã tɛka, nebã fãa rag n vɩɩ ne bãane, n kood b reezẽ tɩɩs pʋto la b send b kankamse.
6
A Salmo rag n tara wiid tus pis-naase, a saar-dãmbã yĩnga. La a tar wed-rʋʋdb tus-piig la a yiibu.
7
Soolmã kombɛɛmb piig la a yiibã ned kam fãa n dag n dɩlgd rĩm a Salmo ne neb nins sẽn dɩt na-yirã kiuug fãa, la b ka basd tɩ bũmb paoog ye.
8
Kombɛɛmbã dag n baooda koodo, la yamdo, wiidã, la wed-kɩɩmbã yĩnga, n tall n kẽng n tɩ bĩng zĩig ning rĩmã sẽn be wã, la ned kam fãa maanda wa sẽn zems a tʋʋmde.
9
Wẽnnaam kõ a Salmo yam ne bãng-kãsenga. La yẽnda minimã rag n yaa wʋsg wa bĩisrã sẽn be ko-kãsengã noorã.
10
A Salmo yamã rag n yɩɩda yam dãmb nins fãa sẽn dag n be yaangã ne Ezɩpt tẽngã.
11
A Salmo yamã rag n yɩɩda nebã fãa. Yẽnda yamã rag n yɩɩda Ezrak rao a Etãn, ne a Maholl kambã: yaa a Eman, a Kalkolle, ne a Darda. La rẽ kɩtame t'a Salmo yʋʋrã yi n saag soolem nins fãa sẽn dag n gũbg bãmbã.
12
Rĩm a Salmo wẽe yel-bũn tus a tã, la a yɩɩlã sõor tata yɩɩl tusr la yɩɩl a nu.
13
Rĩm a Salmo goma tɩɩs yelle, sẽn sɩng ne Libã Sɛɛdr dãmbã, n tãag izop rãmbã sẽn yit lalsã seesã me yelle. A leb n goma rũms ne bõn-yɩgdɩ yelle, ne bõn-vuudsã la zĩmã yelle.
14
Buud toor-toorã rĩm-dãmbã sẽn be dũniyã zugã sẽn wʋm tɩ b gomd rĩm a Salmo yamã yellã, b tʋma neb tɩ b wa kelg rĩm a Salmo yam goamã.
15
Tɩɩr dĩm a Hiram dag n yaa a Davɩɩd zoa hal daar zãra, dẽ, a Hiram sẽn wʋm tɩ b pʋdga a Salmo zug kaam t'a lebg rĩm n deeg a ba zĩiga, yẽnda tʋma neb a Salmo nengẽ.
16
Rĩm a Salmo tʋmame tɩ b tɩ yeel rĩm a Hiram yaa:
17
«Yãmb bãngame tɩ m ba a Davɩɩd dag n dat n mee roog Sẽn-Ka-Saab sẽn yaa bãmb Wẽnnaamã yĩnga, la b ka tõog ye. Bala, bɛɛbã rag n yita zĩig fãa n wat n zabd ne bãmba, hal tɩ Sẽn-Ka-Saab wa kɩt tɩ b tõog b bɛɛbã.
18
Moasã, Sẽn-Ka-Saab sẽn yaa mam Wẽnnaamã kɩtame tɩ mam soolmã fãa zĩ bãane, la b kɩt tɩ mam ka leb n tar bɛyã, la toog me ka leb n beẽ ye.
19
Dẽ yĩngã, mam tagsdame n dat n me roog Sẽn-Ka-Saab sẽn yaa mam Wẽnnaamã yʋʋr yĩnga. Bala, Sẽn-Ka-Saab rag n yeela m ba a Davɩɩd woto: Fo bi-ribl ning mam sẽn na n kɩt t'a led fo zĩigẽ n dɩ naamã, n na n me roog mam yʋʋrã yĩnga.
20
Dẽ wã, bɩ y kɩt tɩ y ra-kɛɛdbã kẽng Libã tãmsã zut n tɩ kɛ sɛɛdr tɩɩsã raad n wa kõ-ma. Mam tʋmtʋmdbã na n wa sõnga yãmb tʋmtʋmdbã n tʋme, la mam na n yaoo yãmb tʋmtʋmdbã yaoodo, wa sẽn zems yãmb sẽn na n yeel tɩ m yao-b to-to wã. Bala, tõnd ka tar neb sẽn mi raad kɛɛb n ta Sɩdõ nebã ye.»
21
A Hiram sẽn wʋm rĩm a Salmo sẽn gom goam ninsã, a sũurã yɩɩ noog wʋsgo, la a yeelame yaa: «Bɩ Sẽn-Ka-Saab yʋʋrã paam pẽgr rũndã daarã, bãmb sẽn kõ a Davɩɩd bi-ribl sẽn tar yam a woto t'a na n soog bu-kãsen-kãngã wã yĩnga.»
22
A Hiram tʋmame tɩ b tɩ yeel a Salmo yaa: «Yãmb sẽn tʋm tɩ b wa togs maam koɛɛg ningã ta-m lame, la m na n maana bũmb ning fãa yãmb sẽn date. Yaa sẽn kẽed ne sɛɛdr tɩɩsã ne sɩprɛs tɩɩsã raad wɛɛngẽ wã.
23
Mam tʋmtʋmdbã na n talla raadã n yi Libã n kẽng n tɩ sik ko-kãsengã noore. La mam na n kɩtame tɩ b sẽb-b kil-kila, n tũnug-b ko-kãsengã n ta zĩig ning yãmb sẽn na n wilg maamã. La mam na n kɩtame tɩ b logs ra-kilã n bas beenẽ, tɩ yãmb tʋmtʋmdbã tɩ wʋke. La mam sẽn kot yãmb bũmb ning bala, yaa tɩ yãmb kɩt rɩɩbo, m na-yirã neb rɩlgr yĩnga.»
24
Dẽ, a Hiram kõ a Salmo raad tɩ sek wa a sẽn datã tɛka.
25
Woto, rĩm a Salmo rag n kõta rĩm a Hiram Oorz yond tus pisi, la oliiv kaam rʋgd kobsi t'a rɩlgd a zakã rãmb yʋʋmd fãa.
26
Sẽn-Ka-Saab kõ a Salmo yam wa b sẽn dag n yeelã. La rĩm a Hiram ne rĩm a Salmo rag wʋmda taaba, la b maana kaool ne taaba.
27
Rĩm a Salmo yãka neb tus pis-tã Israyɛll tẽngã gill fãa pʋgẽ tɩ b tʋmd tʋʋm-wɛgla.
28
La kiuug fãa, rĩmã rag n tʋmda bãmb tus piig-piig tɩ b kẽnd Libã n deesd taaba. Neb tus piig sã n tʋm kiuug a yembr Libã, b lebgd n kuil n tɩ vʋʋsa kiuug a yiibu. Yaa a Adoniram n dag yaa pãng tʋʋmã taoor soabã.
29
Rĩm a Salmo dag n tara kug-zɩtb tus pis-yopoe, la kug-pɛɛsdb tus pis-nii tɩ b tʋmd tãmsã zutu.
30
La sẽn paase, yẽnda dag n tara tʋʋm taoor dãmb tus a tã la kobs-tã, tɩ b so tʋmtʋmdbã tɩ b tʋmdẽ.
31
Rĩm a Salmo rag n kõo noor tɩ b tũus kug-bɛd n pees tɩ yaa neeba, tɩ b na n tall n yẽbg Wẽnnaam doogã.
32
Rĩm a Salmo ne rĩm a Hiram tʋmtʋmdbã ne Gibal nebã peesa kugã, la b segl raadã, roogã meeb yĩnga.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22