bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Joshua 10
Joshua 10
Mossi MPBU (WẼNNAAM SEBRE 2014)
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 11 →
1
Zeruzalɛm dĩm a Adoni-Sedɛk wʋmame t'a Zozoe tõoga Ayi n sãam-a zãnga, n menes-a ne a rĩmã wa a sẽn dag n maan Zeeriko ne a rĩmã to-to wã. A leb n wʋmame tɩ Gabawõ nebã yõga zood ne Israyɛll nebã n vɩ b sʋka.
2
Dẽ, rabeem-kãseng yõka yẽnda, bala, Gabawõ rag n yaa tẽn-kãseng wa rĩm-dãmb tẽmse. A rag n yaa tẽn-kãseng n yɩɩd Ayi tẽngã menga, la a nebã fãa yaa nin-wobdo.
3
Zeruzalɛm dĩm a Adoni Sedɛk yeela Ebrõ rĩm a Hokam ne Yarmut rĩm a Piram, ne Lakiis rĩm a Yafiya, ne Eglõ rĩm a Debɩɩr yaa:
4
«Wa-y n sõng-y maam tɩ d kẽng n tɩ zab ne Gabawõ nebã, bala, b kẽng n tɩ yõga zood ne a Zozoe ne Israyɛll nebã.»
5
Dẽ, Amoor-dãmbã rĩm-dãmb a nu wã lagma taaba: Yaa Zeruzalɛm dĩmã, Ebrõ rĩmã, Yarmut rĩmã, Lakiis rĩmã, ne Eglõ rĩmã. Bãmb yii ne b tãb-biisã fãa n tɩ tilg b tãb-sikã Gabawõ tẽngã noor n na n zab ne-ba.
6
La Gabawõ nebã tʋmame tɩ b kẽng sikã zĩigẽ Gilgall n tɩ yeel a Zozoe yaa: «Da bas-y y tʋmtʋmdbã ye. Wa-y tao-tao n wa fãag-do, sõng-y-do. Bala, Amoor-dãmbã rĩm-dãmbã fãa sẽn be tãmsã sʋkã tigma taab n dat n zab ne tõndo.»
7
A Zozoe yii Gilgall ne a tãb-biisã fãa, ne yẽnda gãndaadã n tũ taab n kẽnge.
8
Sẽn-Ka-Saab yeela a Zozoe yaa: «Ra zoe-b lɛlɛ ye. Bala, mam na n kɩtame tɩ f tõog-ba, la b ned ba a ye kõn tol n tõog n teeg a yãoog fo taoor ye.»
9
A Zozoe yii Gilgall n kẽn yʋngã tõre. La a tɩ ling-b lame.
10
Sẽn-Ka-Saab kɩtame tɩ Israyɛll nebã rig-b tɩ b zoe. Bãmb tõog-b-la ne pãng Gabawõ sɛɛga, la b rig-b lame n dɩk sor ning sẽn teesd Bɛt-Horon tãngã rʋʋdgã, n kʋ-b hal n tɩ ta Azɛka ne Makeda.
11
Israyɛll nebã sẽn wa n digd Amoor-dãmbã tɩ b zoetẽ wã, b sẽn wa n ta Bɛt-Horon tãngã sigdgã, Sẽn-Ka-Saab kɩtame tɩ sapɩlem bɛd-bɛd yi yĩngr n lʋɩ n pãb bãmb n tɩ tãag Azɛka, la b kiime. Neb nins sapɩlmã sẽn kʋ wã sõor yɩɩda Israyɛll nebã sẽn kʋ-b rãmb ne zabr sʋʋgã.
12
Dẽ, daar ning Sẽn-Ka-Saab sẽn kɩt tɩ Israyɛll nebã tõog Amoor-dãmbã, a Zozoe goma ne Sẽn-Ka-Saab Israyɛll nebã nifẽ n yeel yaa: «Wĩntoogã, yals Gabawõ zugẽ! Kiuugã, fo me yals Ayalõ longẽ wã.»
13
La wĩntoogã ka serg a zĩigẽ ye, la kiuugã me yalsame, hal tɩ nebã rok b sũur ne b bɛɛbã. B gʋlsa a woto nin-tɩrg sebrẽ wã: Wĩntoogã yalsa sa-gãongã sʋk n kaoos sẽn kolg daar tõre, n ka kẽ ye.
14
Daar sẽn wẽnd woto dag n nan zɩ n zĩnd ye. A buud ka zĩnd sẽn deng rẽndã, wall rẽ loogr poore, tɩ Sẽn-Ka-Saab sak ninsaal noor a woto ye. Bala, yaa Sẽn-Ka-Saab n dag n zabd n sõngd Israyɛll nebã.
15
A Zozoe ne Israyɛll nebã fãa lebg n leba b sikã zĩigẽ Gilgalle.
16
La mikame tɩ rĩm-dãmb a nu wã zoeeme n tɩ soond tãng bokẽ Makeda.
17
B tɩ togsa a Zozoe tɩ rĩm-dãmb a nu wã tɩ soonda tãng bokẽ Makeda.
18
A Zozoe yeelame: «Bilm-y kug-bɛd n pag bokã noore, la y yãk neb n ning be tɩ b gũ-a.
19
La bɩ yãmb da yals ye. Pʋgl-y y bɛɛbã, n gɩdg-ba, tɩ b ra tõog n kẽ b tẽmsẽ wã ye. Bala, Sẽn-Ka-Saab sẽn yaa yãmb Wẽnnaamã ning-b-la yãmb nusẽ.»
20
A Zozoe ne Israyɛll nebã zaba ne pãng hal n tõog n kʋ-b zãnga. La ned ka kell ye. Yaa neb kẽer sẽn zoe n paam n tɩ kẽ tẽms sẽn gũbg ne lalsã pʋgã bal n põse.
21
Israyɛll nebã fãa lebg n wa a Zozoe nengẽ Makeda sik zĩigẽ wã ne laafɩ, tɩ ned baa a yembr ka saag n gom Israyɛll nebã wẽng ye.
22
A Zozoe yeelame yaa: «Pak-y tãngã bok noor n yiis rĩm-dãmb a nu wã n wa kõ-ma.»
23
Woto, b yiisa rĩm-dãmb a nu wã tãngã bokẽ n tɩ kɩs a Zozoe. Yaa Zeruzalɛm dĩmã, Ebrõ rĩmã, Yamut rĩmã, Layiis rĩmã ne Eglõ rĩmã.
24
La b sẽn yiis rĩm-dãmb a nu wã n tall-b n kẽngã, yẽnda boola Israyɛll nebã fãa, n yeel tãb-biis nanambs nins sẽn dag n tũ yẽnda wã yaa: «Kolg-y-yã! Tabg-y nanambs a nu wã yubli ne y naoore.» B kolgame n tabg b yubli wã.
25
La a Zozoe yeela bãmb yaa: «Da zoe-y rabeem la y ra yɛɛs ye! Keng-y y mense, la y paam raoodo. Bala, Sẽn-Ka-Saab na n maana yãmb bɛɛb nins fãa y sẽn zab ne wã a woto.»
26
Dẽ poore, a Zozoe kʋʋ rĩm-dãmbã. Yẽnda kɩtame tɩ b luul-b tɩɩs a nu zutu, la b bas-b-la tɩɩsã zut hal tɩ ta zaabre.
27
Wĩndgã sẽn wa n kolg kõom, a Zozoe kɩtame tɩ b sik-b tɩɩsã zutu, n tall b kũumã n tɩ lob bok ning bãmb sẽn dag n zoe n tɩ soondã pʋga, n bilim kug-bɛd n pag bokã noore. La kugã ket n bee be hal tɩ ta rũndã.
28
Badaar bala, a Zozoe tõoga Makeda tẽngã, n kʋ a nebã ne b rĩmã ne zabr sʋʋga. Yẽnda kʋʋ nebã fãa ne neb nins fãa sẽn dag n be tẽngã pʋgẽ be wã, n ka bas tɩ ned ba a yembr põs ye. Yẽnda maana Makeda rĩmã wa yẽnda sẽn dag n maan Zeeriko rĩmã to-to wã.
29
A Zozoe ne Israyɛll nebã tũu taab n kẽng Libna n tɩ zab ne Libna nebã.
30
Sẽn-Ka-Saab kɩtame tɩ Israyɛll nebã tõog Libna nebã ne b rĩmã n kʋ-b ne zabr sʋʋga, la b kʋ neb nins fãa sẽn dag n be tẽn-kãngã fãa. Bãmb ka bas ned ba a yembr tɩ põs ye. Yẽnda maana Libna rĩmã wa yẽnda sẽn dag n maan Zeeriko rĩmã to-to wã.
31
A Zozoe ne Israyɛll nebã tũu taab n yi Libna n kẽng Lakiisi. Bãmb tɩ tilga b sik zĩigã Lakiis neng-taoorã n na n zab ne-a.
32
Sẽn-Ka-Saab ninga Lakiis Israyɛll nebã nugẽ n kɩt tɩ b tõog-a rasem a yiibã daare, n kʋ b nebã fãa, ne neb nins fãa sẽn dag n be tẽnga pʋgã ne zabr sʋʋga, wa bãmb sẽn dag n maan Libna to-to wã.
33
La Gezɛɛr rĩm a Horam yikame n na n sõng Lakiis rĩmã. La a Zozoe kʋʋ yẽnda ne a nebã zãnga, n ka bas tɩ ned baa a yembr põs ye.
34
A Zozoe ne Israyɛll nebã tũu taab n yi Lakiis n kẽng Eglõ. Bãmb tɩ tilga b sik zĩigã Eglõ neng-taoorã n na n zab ne-a.
35
La b tõoga Eglõ badaar bala, n kʋ a nebã ne neb nins fãa sẽn dag n be tẽngã pʋgã ne zabr sʋʋga. A Zozoe sãama tẽngã zãng badaar wa a sẽn dag n maan Lakiis to-to wã.
36
A Zozoe ne Israyɛll nebã fãa tũu taab n yi Ɛglõ n kẽng Ebrõ n tɩ zab ne-a.
37
Bãmb tõog-a lame n kʋ a nebã ne zabr sʋʋga. Yẽnda kʋʋ tẽngã nebã, ne a rĩmã, la b sãam a tẽn-bãoonegã sẽn gũbg-a wã fãa. La b kʋ neb nins fãa sẽn dag n be tẽn-kãng pʋgã, wa b sẽn maan Eglõ to-to wã. A Zozoe ka bas ned baa a yembr tɩ põs ye. A sãama b fãa, ne neb nins sẽn dag n be beenẽ wã.
38
A Zozoe ne Israyɛll nebã wẽnemdame n kẽng n tɩ zab ne Debɩɩre.
39
Bãmb tõoga Debɩɩr tẽngã ne a rĩmã, ne tẽn-bãooneg nins fãa yẽnda sẽn so wã. Israyɛll nebã kʋʋ Debɩɩr nebã ne zabr sʋʋga, baa ne neb nins fãa sẽn dag n be tẽngã pʋgẽ wã, n ka bas ned ba a yembr tɩ põs ye. A Zozoe maana Debɩɩr tẽngã ne a rĩmã wa yẽnda sẽn dag n maan Ebrõ la Libna neb rĩm-dãmbã to-to wã.
40
A Zozoe tõogã kɩren-kãng tẽmsã. Yaa tẽms nins sẽn be tãms sʋkã, ne sẽn be-b Negɛɛvã, la sẽn be-b kunkubã sʋkã, ne b rĩm-dãmbã. Bãmb ka bas ned ba a yembr tɩ põs ye, la b sãama bũmb ning fãa sẽn vʋʋsd ne yõore, wa Sẽn-Ka-Saab sẽn yaa Israyɛll Wẽnnaamã sẽn dag n yeelã.
41
A Zozoe tõog n deega tẽmsã fãa, sẽn sɩng ne Kadɛɛs Barneya n tɩ ta Gaaza ne Gosɛn hal n tɩ tãag Gabawõ.
42
A Zozoe tõoga rĩm-dãmb-kãens ne b tẽmsã wakat a ye pʋgẽ. Bala, Sẽn-Ka-Saab sẽn yaa Israyɛll Wẽnnaamã rag n zabd n sõngda Israyɛlle.
43
A Zozoe ne Israyɛll nebã tũu taab n lebg n leb b sikã zĩigẽ Gilgalle.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 11 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24