bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Joshua 8
Joshua 8
Mossi MPBU (WẼNNAAM SEBRE 2014)
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 9 →
1
Sẽn-Ka-Saab yeela a Zozoe yaa: «Da zoe rabeem ye, la ra yɛɛs ye. Peeg f tãb-biisã fãa, n yik n kẽng n tɩ zab ne Ayi. Gese, mam dɩka Ayi rĩmã ne a nebã, la a tẽngã ne a soolmã n ning fo nugẽ.
2
Fo sẽn maan Zeeriko ne a rĩmã to-to wã, f na n maana Ayi ne a rĩmã me a woto. La y sã n tõog tẽngã, bɩ y wʋk te-zɛɛdmã ne rũmsã n sooge. Bɩ f yãk tãb-biis n tʋm tɩ b tɩ soond Ayi tẽngã poore.»
3
A Zozoe yika ne a tãb-biisã fãa n na n tɩ zab ne Ayi. A Zozoe yãka tãb-biis sẽn yaa gãndaad tus a tãabo, n tʋm bãmb ne yʋngo.
4
La a Zozoe yeel-b lame yaa: «Kelg-y-yã, yãmb na n kẽnga tẽngã poor n tɩ soonde. Da zãag-y ne tẽngã wʋsg ye. La y segl y mens n gũudẽ.
5
La maam ne neb nins fãa sẽn be ne maamã, na n kolga tẽngã. La wakat ning b sẽn wat n yi n na n seg tõnd wa b sẽn maan pĩndã, d na n lebgame n zoetẽ tɩ b rigd tõndo.
6
B na n yiime n digd tõndo, la tõnd na n maana a woto hal n tall-b n zãag ne tẽngã. Bala, b na n yeelame: Tõnd digd-b lame tɩ b zoet wa pĩndã. La tõnd sẽn ket n zoetã wakate,
7
bɩ y yi n kẽ tẽngã. Sẽn-Ka-Saab sẽn yaa yãmb Wẽnnaamã na n kɩtame tɩ y tõog-a.
8
Yãmb sã n ta tẽngã, bɩ y yõog-a bugum. Maan-y wa Sẽn-Ka-Saab sẽn yeelã. Gũus-y y mens n maan wa mam sẽn yeel yãmbã.»
9
A Zozoe yeela bãmb tɩ b kẽnge. La bãmb kẽng n tɩ soonda Betɛll ne Ayi sʋka, Ayi tẽngã nin-taoore. A Zozoe kell n paa nebã sʋk yʋn-kãnga.
10
A Zozoe yika yibeoog pĩnd n saag n ges nebã. La yẽnda ne Israyɛll kãsem-dãmbã lʋɩɩ nebã taoor n na n tɩ zab ne Ayi.
11
A Zozoe ne tãb-biisã fãa kẽngame n kolg Ayi tẽngã. La bãmb sẽn pẽneg tẽngã, bãmb tilga b tãb-sikã Ayi tẽngã rɩtgo. Long n dag n be bãmb ne Ayi tẽngã sʋka.
12
A Zozoe yãka raop sẽn kolg tus a nu n kɩt tɩ b kẽng n tɩ soond Betɛll ne Ayi sʋka, Ayi tẽngã nin-taoore.
13
Tãb-biisã sẽn tilg b tãb-sikã n sɛ, tɩ sẽn nan wa-bã be tẽngã rɩtgo, tɩ sẽn nan na n wa sõng-bã be tẽngã nin-taoorã, a Zozoe paa nebã sʋk yʋn-kãnga, longã pʋga.
14
Dẽ, Ayi rĩmã sẽn yã woto, yẽnda ne a nebã fãa yika tao-tao n yi n na n tɩ zab ne Israyɛll nebã tãngã sigdg sẽn be Araba tẽn-nabdrã neng taoorã. La Ayi rĩmã rag n ka mi tɩ neb n solg tẽngã nin-taoor ye.
15
A Zozoe ne Israyɛll nebã basame tɩ Ayi nebã rigd-b tɩ b zoet n teesd weoogã sẽnẽ.
16
B wẽe kũng tɩ Ayi nebã fãa yi n na n dig Israyɛll nebã. Bãmb diga a Zozoe rãmb n zãag ne tẽngã.
17
Ned ka kell Ayi ne Betɛll tẽngã sẽn ka yi n na n dig Israyɛll nebã ye. La b basa b tẽngã noy vɩɩdo, n ka page, n na n zoe n babs Israyɛll nebã.
18
Sẽn-Ka-Saab yeela a Zozoe yaa: «Rɩk f kãn-dibgã sẽn be fo nugẽ wã n tees Ayi. Bala, mam kɩtame tɩ f na n tõog tẽngã.» A Zozoe tẽega kãnda sẽn dag n be yẽnda nugẽ wã, n tees Ayi tẽngã.
19
Wakat-kãng bala, neb nins sẽn dag n soondã yii soondgã zĩigẽ tao-tao n zoe n kẽ tẽngã n yãmbe, n ning-a bugum.
20
La Ayi nebã sẽn wẽnemd n ges poorẽ, bõe la wã. B yãnda b tẽngã bug-zõos sẽn zẽkd n kuiis yĩngri. La b ned kam fãa gĩin maagame, la bãmb ka tar sẽn zoet n kẽ zĩig ning ye. La Israyɛll neb nins sẽn dag n zoet n teesd weoogã sẽnẽ wã wẽnemdame n zab ne sẽn digd-b bãmbã.
21
A Zozoe ne Israyɛll nebã fãa sẽn yã tɩ neb nins sẽn dag n soondã tõoga tẽngã t'a bug-zõosã zẽkd n kuiis yĩngrã, b wẽnemdame n zab ne Ayi nebã.
22
Israyɛll neb a taabã yii tẽngẽ wã n seg bãmba, la Israyɛll nebã gũbga Ayi nebã zĩigã fãa tɩ b be sʋka. Israyɛll nebã kʋʋ bãmb tɩ ned ba a yembr ka põs ye.
23
La b yõka Ayi rĩmã vɩɩg n tall-a n kẽng a Zozoe nengẽ.
24
Israyɛll nebã sẽn kʋ Ayi tẽngã neb nins sẽn dag n digd bãmb n teesd weoogẽ wã, n ka bas tɩ Ayi ned ba a yembr põsã, Israyɛll nebã fãa lebg n kẽe Ayi tẽngã n kʋ neb nins sẽn ketã ne zabr sʋʋse.
25
Neb nins sẽn ki badaarã sõor yaa neb tus piig la a yiibu, pagbã ne raopã sẽn naag taaba. Yaa Ayi nebã fãa.
26
A Zozoe kell n tẽega a nugã ne kãn-dibgã hal tɩ b kʋ Ayi nebã fãa zãng n sɛ.
27
Dẽ, Israyɛll nebã wʋka tẽngã te-zɛɛdmã ne rũmsã n soog wa Sẽn-Ka-Saab sẽn dag n yeel a Zozoe wã.
28
A Zozoe yõoga Ayi tẽngã bugum n kɩt t'a lebg raboog hal tɩ ta rũndã.
29
B luula Ayi rĩmã tɩɩg zugu, la b bas-a-la beenẽ hal tɩ ta zaabre. La wĩndgã sẽn kẽ, a Zozoe kɩtame tɩ b sik kũumã tɩɩgã zugu, n tɩ lob tẽngã noore. La b zama kug a zugu, la kugã keta beenẽ hal tɩ ta rũndã.
30
Dẽ, a Zozoe mee tẽn-kugr Eball tãngã zug n kõ Sẽn-Ka-Saab sẽn yaa Israyɛll Wẽnnaamã.
31
Yẽnda mee tẽn-kugrã wa sẽn zems Sẽn-Ka-Saab tʋmtʋmd a Moyiis sẽn dag n yeel Israyɛll nebã tɩ be a Moyiis tõodã sebr pʋgẽ wã: Yaa tẽn-kugr sẽn maan ne kug-mum kut sẽn nan ka tol n sɩɩs-b ye. La b maana maand sẽn yõogd bugum zãng tẽn-kugrã zug Sẽn-Ka-Saab yĩnga, la b maan zems-n-taar maand beenẽ.
32
La a Zozoe yalsa Israyɛll nebã fãa nifẽ n gʋls tõod nins a Moyiis sẽn dag n gʋlsã kugã zutu.
33
Israyɛll nebã ne b kãsem-dãmbã ne b gʋlsdbã, la b bʋ-kaoodbã, ne nebã fãa, la tẽng-n-dãmbã ne sãambã fãa yalsame n gũbg tɩ b nensã tees kaoolã koglgã. B fãa nensã dag n teesa a Leevi buudã sẽn yaa maan-kʋʋdbã sẽn tʋk Sẽn-Ka-Saab kaoolã koglgã. Pʋɩ-sʋk rag n yasa Garizim tãngã sẽnẽ tɩ pʋɩ-sʋk yas Eball tãngã kɩreng sẽnẽ. La bũmbã fãa maana wa sẽn zems Wẽnnaam tʋmtʋmd a Moyiis sẽn dag n yeel tɩ b maanã, la b ninga Israyɛll nebã barka.
34
Rẽ zugẽ, a Zozoe karma tõodã koees gilli, kãab-noodã la kãab-wẽnsã, wa sẽn gʋls tɩ be tõodã sebr pʋgẽ wã.
35
A Zozoe karma bũmb nins fãa a Moyiis sẽn dag n gʋlsã, Israyɛll nebã ne b pagbã la b kambã ne bu-zẽmsã sẽn dag n be bãmb sʋkã nifẽ, n ka kell bũmb ye.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24