bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Joshua 7
Joshua 7
Mossi MPBU (WẼNNAAM SEBRE 2014)
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 8 →
1
La wakat-kãnga, Israyɛll nebã beega Wẽnnaam, n sɩɩs bũmb ning sẽn kisã: A Zeera biig a Zabdi biig a Karmi biig a Akã sẽn yaa Zʋʋda buudã nedã yãka teed nins sẽn yaa kisgã, la Sẽn-Ka-Saab sũur puuga ne Israyɛll nebã.
2
A Zozoe zĩnda Zeeriko n tʋm neb tɩ b kẽng Ayi sẽn pẽ ne Bɛt Avɛn sẽn be Betɛll tẽngã yaangã. A yeel-b lame yaa: «Kẽng-y n tɩ soos-y n ges-y tẽngã.» La bãmb kẽng n tɩ gesa Ayi,
3
n lebg n wa a Zozoe nengẽ n yeel-a yaa: «Ka tɩlɛ tɩ tãb-biisã fãa kẽng Ayi ye. Neb tus a yi, wall tus a tãab bal tõe n tõoga Ayi. Da nams-y nebã fãa zab-kãngã yĩng ye. Ayi tẽngã nebã sõor ka waoog ye.»
4
Dẽ, yɩɩ neb tus a tãab n yi Israyɛll nebã sʋk n na n tɩ zab ne Ayi nebã, la Ayi rãmbã riga Israyɛll nebã tɩ b zoe.
5
Ayi rãmbã kʋʋ Israyɛll neb sẽn kolg pis-tã la a yoobe. Bãmb diga Israyɛll nebã sẽn sɩng ne tẽngã noor n tɩ ta Sebarim. La yaa tãngã sigdgẽ la b kʋ Israyɛll nebã. Rabeem yõka Israyɛll nebã tɩ b gĩinã maage.
6
A Zozoe sũurã sãamame t'a kẽes a futu, n wõgemd n fõgen a neng tẽng Sẽn-Ka-Saab kaoolã koglgã taoor n pa be tɩ ta zaabre, yẽnda ne Israyɛll kãsem-dãmbã. La b yuga b zut tom.
7
A Zozoe yeelame yaa: «Kayto, m Zu-soab a Wẽnnaam, yaa bõe tɩ yãmb tall y nebã n dʋʋg Zʋrdẽ kʋɩlgã, n yaool n na n bas tɩ Amoor-dãmbã sãam-do? Tõnd sã n dag n yãkẽ yam n paẽ kʋɩlgã rʋʋnd n são.
8
Mam Zu-soaba, Israyɛll bɛɛbã sẽn dig-b tɩ b zoe wã, mam na n yeelame tɩ bõe moasã?
9
Kana nebã ne tẽngã neb a taabã sã n wʋm yõwã, b na n yik n gũbga tõndo, n kɩt tɩ tõnd yʋʋrã menem dũniyã zugu. Wakat-kãngã, yãmb na n maana bõe tɩ b bãng tɩ y yʋʋrã yaa kãsenga?»
10
Wẽnnaam yeela a Zozoe yaa: «Yiki! Yaa bõe tɩ f fõgend f neng tẽnga?
11
Israyɛll nebã beegame. Bãmb sãama kaool ning mam sẽn dag n maan ne bãmbã. Bãmb yãka bũmb ning sẽn yaa kisgã. B zuk-a lame n solge, b bĩng-a-la b teedã pʋga.
12
Rẽ wã yĩnga, Israyɛll nebã kõn tol n tõog n yals n zab ne b bɛɛbã ye. Bãmb bɛɛbã na n dig-b lame tɩ b zoe, bala kãab-wẽngã bee b zutu. Yãmb sã n ka menes bũmb ning sẽn yaa kisgã yãmb sʋka, mam ka na n leb n zĩnd yãmb sʋk ye.
13
Yik n yɩlg nebã la f yeel-b tɩ b maneg b mense, n yɩ yɩlma beoog yibeoogo, bala, Sẽn-Ka-Saab sẽn yaa Israyɛll Wẽnnaamã yetame: Israyɛll nebã, bũmb ning sẽn kisã bee yãmb sʋka. Yãmb sã n ka yiis bũmb ning sẽn kisã yãmb sʋka, yãmb kõn tol n tõog n yals y bɛɛb taoor ye.
14
Rẽ wã, beoog yibeoogo, yãmb na n waa mam nengẽ buud-buudu, la Sẽn-Ka-Saab sã n wilg sẽn yaa buud ninga, bɩ bu-kãng rãmb kolg roog-roogo, la roog ning Sẽn-Ka-Saab sẽn yãkã na n kolga zak-zaka, tɩ zak ning Sẽn-Ka-Saab sẽn yãkã neb wa yembr-yembre.
15
La b sẽn na n yãk ned ning n wilg tɩ yaa yẽnda n wa ne kãab-wẽngã, b na n yõog-a-la bugum, yẽnda ne bũmb nins fãa a sẽn so wã. Bala, a kɩɩsa kaool ning Sẽn-Ka-Saab sẽn kãabã, n maan sẽn kisi, n wa ne yell Israyɛll zugu.»
16
A Zozoe sãda yibeoog pĩnda, n kɩt tɩ Israyɛll nebã kolg buud-buudu. La b yãka a Zʋʋda buudã.
17
Dẽ, a kɩtame tɩ Zʋʋda buudã kolg roog-roogo. La b yãka a Zeera roogã. Rẽ poore, a kɩtame t'a Zeera roogã zak fãa kolge. Dẽ, b yãka a Zabdi zakã.
18
B kɩtame t'a Zabdi zakã rãmb kolg yembr-yembre, la poeerã yõka a Akã sẽn yaa Zʋʋda buudã nedã. A Akã yaa a Zeera biig a Zabdi biig a Karmi biigã.
19
A Zozoe yeela a Akã yaa: «M biiga, zoe Sẽn-Ka-Saab sẽn yaa Israyɛll Wẽnnaamã la f togs sɩda. Togs maam fo sẽn maan bũmb ninga, la f ra solg maam ye.»
20
A Akã leoka a Zozoe n yeele: «Yaa sɩda, yaa maam n beeg Sẽn-Ka-Saab sẽn yaa Israyɛll Wẽnnaamã. Ad bũmb ning mam sẽn maanã:
21
Mam gesa te-zɛɛdmã pʋga, n yãnd Mezopotami kobr sẽn yaa neer wʋsgo, n paas ne wanzuri ligd kobs-yi, ne sãnem-giulg sẽn kolg kɩlo a yembre. B bõnã yõka maam wʋsgo, la m dɩk-b lame. B bee bok pʋga, mam fu-roogẽ wã, tɩ wanzuri wã be tẽngre.»
22
A Zozoe tʋma neb tɩ b zoe n kẽng fu-roogẽ wã. La b tɩ mika teedã sẽn solg beenẽ, tɩ wanzuri wã be tẽngre.
23
Bãmb dɩka te-kãens fãa n yi fu-roogẽ wã n tall n wa a Zozoe ne Israyɛll nebã fãa nengẽ, la b rʋʋga teedã Sẽn-Ka-Saab taoore.
24
A Zozoe kɩtame tɩ b yõk a Zeera biig a Akã, la b wʋk wanzuri wã, la kobrã ne sãnem giulgã, la b yõg yẽnda kom-dibli wã ne a kom-pugli wã, la a niigã, ne a bõensã, n paas a rũm-bãoonegã ne a fu-roogã, la a sẽn so wã fãa. La Israyɛll nebã naaga a Zozoe tɩ b tall-b n kẽng Akoor tãngã longẽ.
25
A Zozoe yeela a Akã yaa: «Gese, fo kɩtame tɩ tõnd paam toogo! Sẽn-Ka-Saab na n kɩtame tɩ fo me paam toog rũndã.» Dẽ, Israyɛll nebã fãa loba bãmb kug tɩ b ki. La b yõoga bãmb bugum, la b lob bãmb kuga.
26
La b wʋka kug n zam a Akã zugu, la kug-rʋrã ket n beeme hal tɩ ta rũndã. Dẽ, Sẽn-Ka-Saab sũur sigame. Yaa rẽnda yĩng n kɩt tɩ b ket n boond zĩ-kãng tɩ Akoore, sẽn dat n togs tɩ ‹toog tãn-long› hal tɩ ta rũndã.
← Chapter 6
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 8 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24