bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Joshua 3
Joshua 3
Mossi MPBU (WẼNNAAM SEBRE 2014)
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 4 →
1
A Zozoe ne Israyɛll nebã fãa yika yibeoog pĩnda, n yi Sitim n kẽng n tɩ sig Zʋrdẽ kʋɩlgã noore. La bãmb gãanda beenẽ yʋn-kãng sẽn deng kʋɩlgã rʋʋgre.
2
Kãsem-dãmbã rɩka rasem a tãab tõre, n saag tãb-sikã gilli,
3
n yeel nebã yaa: «Yãmb sã n wa n yãnd tɩ Leevi buudã sẽn yaa maan-kʋʋdbã tʋk Sẽn-Ka-Saab sẽn yaa yãmb Wẽnnaamã kaoolã koglgã, bɩ y yik n yi zĩig ning yãmb sẽn beẽ wã n pʋgl a poore.
4
La baoosgo, bas-y vɩʋʋg sẽn tat nao-yakem tus a yi, yãmb ne kaoolã koglgã sʋka, la y ra kolg-a ye. Woto, yãmb na n bãnga sor ning y sẽn tog n dɩke, bala, yãmb nan zɩ n tũ so-kãng ye.»
5
Dẽ, a Zozoe yeela nebã yaa: «Yɩlg-y y mense, bala beoogo, Sẽn-Ka-Saab na n maana bõn-yɛɛsds yãmb sʋka.»
6
A Zozoe yeela maan-kʋʋdbã yaa: «Tʋk-y kaoolã koglgã n lʋɩ nebã taoore.» La bãmb tʋka kaoolã koglgã n lʋɩ nebã taoore.
7
Sẽn-Ka-Saab yeela a Zozoe yaa: «Sẽn sɩng ne rũndã, mam na n kɩtame tɩ fo lebg nin-kãseng Israyɛll nebã fãa nifẽ. La bãmb na n bãngame tɩ mam bee ne foom wa m sẽn dag n be ne a Moyiisã.
8
Yeel maan-kʋʋdb nins sẽn zãad-b kaoolã koglgã, tɩ b sã n ta Zʋrdẽ kʋɩlgã noore, bɩ b kẽ koomã pʋg n yalse.»
9
A Zozoe yeela Israyɛll nebã yaa: «Kolg-y ka n kelg Sẽn-Ka-Saab sẽn yaa yãmb Wẽnnaamã goamã.»
10
A Zozoe yeelame: «Ad bũmb ning sẽn na n kɩt tɩ yãmb bãng tɩ Wẽnnaam sẽn vɩ wã sɩd bee ne yãmba, la b na n diga Kana-rãmbã, Hɛt nebã, la Hevi-rãmbã, ne Ferɛɛz-rãmba, la Girgaaz nebã, ne Amoor-dãmbã ne Zebuus nebã tɩ b zoe yãmb taoore.
11
Ade, dũniyã gill fãa Sẽn-Ka-Saab kaoolã koglgã na n lʋɩɩ yãmb taoor n pɩʋʋg Zʋrdẽ kʋɩlgã.
12
Moasã, yãk-y raop piig la a yiib Israyɛll buudã sʋka, la buud fãa pʋgẽ yaa rao a yembre.
13
Maan-kʋʋdb nins sẽn tʋk-b kaoolã koglgã nao sã n tabg Zʋrdẽ koomã pʋga, koomã na n welgame. Koom ning sẽn yit-a zugẽ n watẽ wã na n yalsame n tãoos n kuil yĩngr wa lalga.»
14
Nebã sẽn viig b fu-rotã n na n pɩʋʋg Zʋrdẽ kʋɩlgã, maan-kʋʋdb nins sẽn tʋk-b kaoolã koglgã lʋɩɩ bãmb taoor n kẽnda.
15
Wakat-kãng rag n yaa bɩle tigsg wakate, tɩ Zʋrdẽ kʋɩlgã koom rag n pid n saale. Maan-kʋʋdb nins sẽn tʋk-b kaoolã koglgã taa Zʋrdẽ kʋɩlgã noore, la b naoã sẽn tabg koomã pʋgã bal yee,
16
koomã sẽn yit zugẽ n watẽ wã sẽn ta Ãdem sẽn pẽ Sartanã wã yalsame n tãoos n kuil yĩngr n lebg wa lalga. La koom ning sẽn zoet n sigd n dabd Araba ne yamsem ko-kãsengã sẽnẽ wã welg n looga zãnga. La nebã pɩʋʋga kʋɩlgã Zeeriko sẽnẽ n kẽng rʋʋndã.
17
Maan-kʋʋdb nins sẽn dag n tʋk Sẽn-Ka-Saab kaoolã koglgã yalsa Zʋrdẽ kʋɩl-koɛɛngã tẽn-sʋk n ka serg ye, hal tɩ Israyɛll nebã fãa pɩʋʋg kʋɩlgã koɛɛng n looge.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 4 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24