bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Joshua 2
Joshua 2
Mossi MPBU (WẼNNAAM SEBRE 2014)
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 3 →
1
A Nun biig a Zozoe zĩnda Sitim n tʋm tẽn-gũusdb a yiib n yeel-b yaa: «Kẽng-y n tɩ soos-y n ges-y Zeeriko tẽngã, n bãng a yell neere.» Bãmb kẽngame, la b tɩ siga pʋg-yoodr a yembr yʋʋr sẽn boond t'a Rahaab zakẽ, n yõg gãag sobendo.
2
La neb n tɩ togs Zeeriko rĩmã tɩ Israyɛll neb n wa badaar yʋng n na n gũus tẽngã.
3
Dẽ, Zeeriko rĩmã tʋmame tɩ b tɩ yeel a Rahaab yaa: «Kɩt tɩ raop nins sẽn wa n sig fo zakẽ wã yi, bala, b waame n na n gũus tẽngã fãa n bãng a yell neere.»
4
La a Rahaab peega raop a yiibã n tɩ solge. A leoka nebã n yeel yaa: «Yaa sɩda, raop a yiibã sɩd waa mam nengẽ, la mam ka mi b sẽn yitẽ ye.
5
Zĩ-sobdã wakate, b sẽn wa n dat n pag tẽngã kʋɩlemsã, raopã soos n loogame tɩ mam ka bãng b sẽn teesẽ ye. La yãmb sã n pʋgl-b tao-tao, y na n paam-b lame.»
6
La mikame tɩ pagã rag n peega raopã n dʋʋs a roogã yĩngri, n wʋk lẽ wil raado yẽnda sẽn dag n bĩng n lud-ba.
7
Dẽ, rĩmã sẽn tʋm-b rãmbã pʋgla raopã n tees Zʋrdẽ kʋɩlgã sẽnẽ n tɩ ta zĩ-rʋʋgdgẽ wã, la b bãmb loogrã zugẽ, b paga tẽngã noyã.
8
Sẽn deng raop a yiibã sẽn nan ka gũsi, a Rahaab rʋ n bʋʋg-b-la roogã zugu,
9
n yeel-b yaa: «Mam miime tɩ Sẽn-Ka-Saab rɩka tẽngã n ning yãmb nugẽ, la yãmb rabeem tara tõndo, la tẽngã nebã fãa rigdame.
10
Bala, tõnd wʋmame tɩ wakat ning yãmb sẽn wa n yi Ezɩpt tẽngã, Sẽn-Ka-Saab kɩtame tɩ tãnwĩis ko-kãsengã lebg koɛɛng tɩ yãmb tõog n pɩʋʋg-a. Tõnd leb n wʋma bũmb ning yãmb sẽn maan Amoor-dãmbã rĩm-dãmb a yiibã, a Sihon ne a Oog sẽn dag n be Zʋrdẽ kʋɩlgã rʋʋndã. Yãmb sãam-b-la zãnga.
11
Tõnd sẽn wʋm woto wã, tõnd gĩinã fãa maagame, tɩ tõnd ned ba a yembr ka tõe n yals yãmb taoor ye. Bala, Sẽn-Ka-Saab sẽn yaa yãmb Wẽnnaamã yaa yĩngr la tẽng Wẽnnaam.
12
Moasã, mam kota yãmb tɩ y wẽen ne Sẽn-Ka-Saab yʋʋre, tɩ yãmb me na wa n maana mam ba wã zak rãmb neere, wa mam sẽn maan yãmb neerã. Kõ-y maam bãnd sẽn wilgd tɩ na n yɩ wa yãmb sẽn yeelã.
13
Wẽen-y tɩ y na n basa m ba wã ne m ma wã, la m tãopã ne m ba-bi-pogsã ne bũmb nins fãa bãmb sẽn so wã tɩ b vɩɩmde, la y na n kɩtame tɩ tõnd põs kũum.»
14
Raop a yiibã yeela yẽnda yaa: «Fo sã n ka wilg ned tõnd zĩiga, tõnd na n gẽnega d yõy yãmb yĩnga. Sẽn-Ka-Saab sã n wa n ning tẽngã tõnd nugẽ, d na n wilga foom d pʋ-peelem n maan-f neere.»
15
A Rahaab rɩka wĩir n tũnug a roogã võorẽ n sik raopã, bala, yẽnda roogã rag n tonga ne tẽngã lalga.
16
Pagã yeela raopã yaa: «Zoe-y n tɩ soond-y tãmsã sẽnẽ, n pa be rasem a tãabo, hal tɩ neb nins sẽn baood-b yãmbã lebg n wa. Rẽ poore, y na yaool n dɩk sor n looge.»
17
Raopã yeela a Rahaab yaa: «Ad tõnd sẽn na n maan bũmb ning n pids wẽeneg ning fo sẽn kɩt tɩ tõnd wẽenã:
18
Tõnd sã n wa n kẽ tẽngã, bɩ f rɩk wĩ-kãngã sẽn yaa miuugã n loe võor ninga fo sẽn tũnug n sik tõndã, la f peeg f ba wã ne f ma wã, fo tãopã ne fo buudã fãa n wa tigim fo roogã pʋga.
19
Ned ning sẽn na n yi-a fo roogã pʋg badaare, yaa yẽnda soab n bao a kũum, la taal ka be tõnd zug ye. La ned sã n kẽ fo roogã pʋg n sɩɩs neda, yel-kãng taal bee tõnd zugu.
20
La fo sã n togs ned tõnd sẽn yẽs ne taabã, fo sẽn kɩt tɩ tõnd wẽen wẽeneg ningã ka leb n be tõnd zug ye.»
21
Pagã yeelame: «A na yɩɩ wa yãmb sẽn yeelã bala.» Yẽnda kõ-b-la sor tɩ b looge, la b loogame. La yẽnda loee wĩ-miuugã roogã võorẽ.
22
Raop a yiibã loogame, la b sẽn ta tãmsẽ wã, b paa be rasem a tãabo, hal tɩ neb nins sẽn dag n baood bãmbã lebg n kuili. Neb nins sẽn dag n pʋgl bãmbã baoo bãmb sorã zugu, la b ka yãnd-b ye.
23
Dẽ, raop a yiibã yii tãmsã zut n sig n pɩʋʋg Zʋrdẽ kʋɩlgã, n lebg n wa a Nun biig a Zozoe nengẽ. B togsa a Zozoe bũmb nins fãa sẽn maanã.
24
Bãmb yeela a Zozoe yaa: «Sɩd hakɩɩkã, Sẽn-Ka-Saab rɩka tẽngã zãng n ning tõnd nugẽ, hal tɩ tẽngã nebã fãa rigd ne rabeem, b sẽn wʋm tõnd kibarã yĩnga.»
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 3 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24