bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Matthew 12
Matthew 12
Mossi MPBU (WẼNNAAM SEBRE 2014)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 13 →
1
Wakat-kãnga, a Zeezi wa n pɩʋʋgda bɩle pʋt pʋsẽ n loogdẽ, la rag n yaa vʋʋsg daare. B karen‑biisã sɩngame n yãgds koodã n wãbdẽ, komã sẽn tar‑bã yĩnga.
2
Fariizẽ-dãmbã sẽn yã woto, b yeela a Zeezi yaa: Ges-y-yã! Yãmb karen-biisã maanda bũmb sẽn ka zems tɩ maan vʋʋsg daar ye.
3
La a Zeezi leok-b lame n yeele: Yãmb ka karem bũmb ning a Davɩɩd sẽn maan wakat ning kom sẽn yõk yẽnda ne a tũud-n-taasã,
4
a sẽn kẽ Wẽnnaam doogẽ wã to‑to, tɩ yẽnda ne a tũud‑n‑taasã dɩ bur ning sẽn yaa Wẽnnaam dẽndã tɩ yẽnda wall a tũud-n-taasã yaool n dag n ka zems tɩ rɩ, sã n ka maan-kʋʋdbã balã la?
5
Bɩ yãmb ka karem tõogã pʋgẽ tɩ vʋʋsg daare, maan-kʋʋdbã sẽn be wẽnd doogẽ wã kɩɩsda vʋʋsg daarã tõog tɩ ka beegr b yĩng la?
6
Mam yaool n yeta yãmb tɩ sẽn yɩɩd wẽnd doogã n be ka.
7
Yãmb sã n dag n bãngẽ gomd ning sẽn yet-a tɩ: «mam data nimbãan-zoeer la ka maoongã võore, yãmb dag n ka na n ning neb sẽn ka tar yell taal ye.
8
Bala, Ninsaal Bi-riblã yaa vʋʋsg daarã Zu‑soaba.»
9
A Zeezi yii be n kẽng b karen-doogẽ wã.
10
La dao a yembr n dag n be be t'a nug ki. La b soka a Zeezi yaa: «Noor beeme tɩ maag bãad vʋʋsg daar bɩ?» La sok-kãng yaa sẽn na yɩl n paam bũmb n dõd a Zeezi.
11
A Zeezi leoka bãmb yaa: «Ãnda n be yãmb sʋkã sẽn na n tar a peosg a yembr tãa t'a lʋɩ bokẽ vʋʋsg daare, t'a ka tɩ tak-a n yiisi?
12
Ninsaal yõod sẽn yɩɩd peosg zĩig ka zãra? Dẽ, noor beeme tɩ maan neer vʋʋsg daare.»
13
Dẽ, a Zeezi yeela raoã yaa: «Tẽeg f nugã.» La raoã tẽegame, la nugã vʋʋgame n lebg sõama wa nug a to wã.
14
Fariizẽ-dãmbã yii yɩng n yẽs ne taab n bao b sẽn na n maan to-to n kʋ a Zeezi.
15
La a Zeezi wʋmame n yi zĩ-kãnga. Neb wʋsg tũu bãmba, la b maaga b fãa.
16
La a Zeezi tãsd‑b lame n yeel tɩ b ra sak n gom yẽnda yell ye.
17
Tɩ bũmb ning Wẽnnaam no-rɛɛs a Ezayi sẽn yeelã paam pidsgu:
18
«Ad mam tʋmtʋmd mam sẽn yãke, mam nin-nongr sẽn ta m yam. Mam na n ninga m Sɩɩgã yẽnda zugu, la yẽnda na n moona bu‑zẽmsã tɩrlem koɛɛga.
19
Yẽnda kõn wẽ nokoeemde wall a zẽk a koɛɛg ye, la ned kõn wʋm yẽnda koɛɛg soay zut ye.
20
Yẽnda kõn kaoog tãnwĩ-kaoong n baas ye, la yẽnda kõn kiis fɩtl laong sẽn ket n nusdẽ ye, hal t'a wa kɩt tɩ tɩrlem paam tõogre.
21
La buud toay-toayã na n teega yẽnda yʋʋrã.»
22
Dẽ, b talla ned sẽn yaa zoang la muka tɩ zĩn tar-a n wa a Zeezi nengẽ, la bãmb maag-a lame, tɩ yẽnda sẽn dag n yaa mukã, a gomdame la a yãtẽ.
23
Neb kʋʋngã fãa yɛɛsame n yeele: Dao-kãngã ka na n yɩ a Davɩɩd biigã sɩda?
24
La Fariizẽ-dãmbã sẽn wʋm woto, b yeelame: «Dao-kãngã ka rigd zĩn-dãmbã tɩ sã n ka ne zĩn-dãmbã naab a Belzebull pãng ye.»
25
La a Zeezi sẽn mi bãmb tagsgã yeel-b lame yaa: Soolem ning fãa neb sẽn welg n gõdg n zabd ne taaba, a na n wãame. La tẽng ning fãa bɩ yir ning fãa neb sẽn welg n gõdg n zabd ne taab kõn tõog n yals ye.
26
Sã n yaa t'a Sʋtãan digda a Sʋtãana, a welgame n gõdg n zabd ne a menga. Dẽ, yẽnda soolem na n yɩɩ a wãn n yalse?
27
La mam sã n digda zĩn-dãmbã ne a Belzebull pãnga, yãmb kambã rigd-b-la ne ãnda pãnga? Yaa woto yĩng n kɩt tɩ bãmb mensã na n kao yãmb bʋʋdo.
28
La sã n yaa ne Wẽnnaam Sɩɩgã pãng la mam digd zĩn-dãmbã, dẽ, Wẽnnaam soolem taa yãmb sʋka.
29
Bɩ ned na n yɩɩ a wãn n kẽ pãng soab roogẽ n wʋk a teedo, t'a ka reng n sẽb-a? A sã n sẽb-a, a na yaool n tõog n wʋk a roogã teedã.
30
Ned ning sẽn ka be mam poorẽ kisa maam, la ned ning sẽn ka naagd maam n tigsdẽ, a sãeegdame.
31
Yaa woto yĩng la mam yet yãmb tɩ ninsaalbã na n paama sugr b yel-wẽnã la b paoogrã buud fãa yĩnga. La ned ning sẽn paoog-a Sɩɩg-sõng kõn tol n paam sugr ye.
32
Ned ning sẽn gom-a Ninsaal Bi-riblã wẽng na n paama sugri. La ned ning sẽn na n gom Sɩɩg-sõng wẽng kõn paam sugr dũni-kãnga pʋga, la dũni ning sẽn watã pʋg me ye.
33
Kɩt-y tɩ tɩɩgã yɩ sõama la t'a biisã yɩ sõamã, wall y kɩt tɩ tɩɩgã yɩ yooko, t'a biisã me yɩ põaasa. Bala, yaa tɩɩg biisẽ la b bãngd a sã n yaa sõama, wall yooko.
34
Yãmb wag-toos buudu, yãmb sẽn yaa nin-wẽns a woto wã, yãmb na n yɩɩ a wãn n tõog n gom gom-sõama? Bala, yaa bũmb nins sẽn pid sũurẽ wã n yit noorẽ wã.
35
Nin-sõng yiisda bõn-sõamã a paoon-sõngã pʋgẽ. La nin-wẽng yiisda bõn-wẽns a paoon-wẽngã pʋgẽ.
36
Mam yeta yãmb tɩ bʋʋdã kaoob daare, b na n soka ninsaalbã b gom-vɩɩd nins fãa b sẽn dag n gomã yelle.
37
Bala, yaa ne fo noorã goam la f na n paam bʋʋm, la yaa ne fo noorã goam la f na n kong bʋʋm.
38
Dẽ, tõog karen-saam-dãmbã ne Fariizẽ-dãmbã kẽer yeela a Zeezi yaa: Karen-saamba, tõnd datame tɩ yãmb maan bãnd tɩ d yãnde.
39
A Zeezi leok-b lame n yeele: Zamaan‑kãngã neb sẽn yaa nin-wẽns la yoaadbã kota bãnde, la b kõn kõ bãmb bãnd a to tɩ sã n ka Wẽnnaam no-rɛɛs a Zonaas bãndã ye.
40
Bala, a wa a Zonaas sẽn zĩnd zĩm-bedrã pʋgẽ rasem a tãab la yʋnd a tãabã, woto me, Ninsaal Bi-riblã na n paa tãnd tẽngr dasem a tãab la yʋnd a tãabo.
41
Bʋʋdã wakate, Niniiv nebã na n yika ne zamaan‑kãngã nebã, la b na n mong‑b‑la bʋʋm. Bala, Niniiv nebã teka yam n kos sugr a Zonaas koe-moonegã yĩnga. La ade, sẽn yɩɩd a Zonaas n be ka.
42
Bʋʋdã wakate, rĩm-poakã sẽn yit wĩndg goabgã na n yika ne zamaan‑kãngã nebã, la a na n mong‑b‑la bʋʋm. Bala, yẽnda yii dũni satmẽ n wa n kelg a Salmo yam goamã. La ade, sẽn yɩɩd a Salmo n be ka.
43
Zĩn-dẽgd sã n yi n bas neda, a saada zĩ-pɛɛlẽ n baood vʋʋsgo, la a ka yãt ye.
44
Dẽ, a yetame: «Mam na n leba m doog ning m sẽn yi n basã pʋgẽ.» La a sã n ta, n mik tɩ roogã yaa vɩʋʋgo, n pɩɩs n maneg tɩ ya neere.
45
A kẽngdame n tɩ peeg zĩn-dãmb a yopoe sẽn yaa wẽns n yɩɩd yẽnda mengã tɩ b wa kẽ n zĩnd be. La rao-kãng yaoolem toogã na n yɩɩ wẽng n yɩɩg pipi wã. A na n yɩɩ a woto me zamaan‑kãngã nin-wẽnsã yĩnga.
46
La a Zeezi sẽn ket n gomd ne neb kʋʋngã wakate, b ma wã ne b ma-biisã dag n yasa yɩng n baood n na n gom ne bãmba.
47
[Ned a yembr n yeel a Zeezi yaa: «Yãmb ma wã ne y ma-biisã yasa yɩng n baood n na n gom ne yãmba.»]
48
A Zeezi leoka sẽn gom-a ne bãmbã a woto: «Ãnda la mam ma, la ãnda rãmb la mam ma-biisi?»
49
La a Zeezi teesa b karen-biisã ne b nug n yeele: «Ad mam ma ne mam ma-biisi.
50
Sɩda, ned ning fãa sẽn maand-a mam Ba sẽn be arzãnã raabo, yẽnda soab la mam ma-bi-raoogo, mam ma-bi-poaka la m ma.»
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28