bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Matthew 5
Matthew 5
Mossi MPBU (WẼNNAAM SEBRE 2014)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 6 →
1
A Zeezi sẽn yã neb kʋʋngã, b rʋʋ tãng zug n zĩndi, la b karen-biisã kolga bãmba.
2
Dẽ a Zeezi sɩngame n zãms bãmb n yeele:
3
Bark bee sik-m-mens rãmbã zutu, bala arzãn soolem yaa bãmb dẽnda.
4
Bark bee sũ-sãang rãmbã zutu, bala b na n paama belsgo.
5
Bark bee sũ-maasem dãmbã zutu, bala b na n sooga dũniyã.
6
Bark bee tɩrlem kom la a ko-yũud sẽn tar-b rãmbã zutu, bala b na n tɩgame.
7
Bark bee nimbãan-zoɛtbã zutu, bala Wẽnnaam na n zoee bãmb me nimbãanega.
8
Bark bee pʋ-peelem dãmbã zutu, bala bãmb na n yãnda Wẽnnaam.
9
Bark bee zab-paasdbã zutu, bala b na n boola bãmb tɩ Wẽnnaam kamba.
10
Bark bee neb nins b sẽn namsd‑b tɩrlmã yĩngã zutu, bala arzãn soolem yaa bãmb dẽnda.
11
Bark bee yãmb zutu, nebã sã n gomd yãmb wẽnga, la b namsd yãmba la b sa n sãamd yãmb yʋʋr mam yĩnga.
12
Maan-y sũ-noog n kɩdme, yãmb keoor sẽn na n yɩ kãseng arzãn pʋgẽ wã yĩnga. Bala, b rag n namsa Wẽnnaam no-rɛɛsdbã sẽn deng yãmbã me a woto.
13
Yãmb yaa dũniyã yamsem. La yamsem noosem sã n yi, ned na n yɩ a wãn t'a leb n lebg yamsem? A ka leb n tar yõod ye, a tɛk yaa b lob-a yɩng tɩ nebã tab-a ne nao.
14
Yãmb yaa dũniyã vẽenem. Tẽng sẽn be tãng zug ka tõe n solg ye.
15
Ned ka yõgend fɩtl n na n fõgen-a ne peoog ye. A na n dogl-a-la fɩtl doagendgã zug t'a kõt nebã fãa sẽn be roogã pʋgẽ wã vẽenem.
16
Bɩ yãmb vẽenem yãg a woto me nebã sʋka, tɩ bãmb tõe n yãnd yãmb tʋʋm‑sõamyã la b waoog yãmb ba sẽn be arzãnã.
17
Da tags-y tɩ mam waame n na n sãam tõogã ne Wẽnnaam no-rɛɛsdbã noy ye. Mam ka wa n na n sãam-b ye, la yaa tɩ pids-ba.
18
Bala, mam yeta yãmb sɩda, tɩ hal tɩ yĩngr la tẽng looge, ɩ ba a yembr la kargr ba a yembr sẽn be tõogã pʋgẽ kõn loog hal tɩ fãa paam pidsg ye.
19
Dẽ yĩnga, tõ-kãensã sʋka, ned sã n kɩɩs tõog a yembr sẽn yaa-a bilf n yɩɩda, la a zãms nebã tɩ b maan a woto, b na n boola yẽnda tɩ yao-zʋʋg arzãn soolmẽ. La b na n boola ned ning sẽn sakd-bã, la sẽn zãmsd nebã tɩ b sak-bã tɩ nin-kãseng arzãn soolmẽ.
20
Bala, mam yeta yãmb tɩ yãmb tɩrlmã sã n ka yɩɩg tõog karen-saam-dãmbã ne Fariizẽ-dãmbã tɩrlem, yãmb kõn kẽ arzãn soolmẽ ye.
21
Yãmb wʋmame tɩ b rag n yeela kʋdem-dãmbã tɩ b ra kʋ ye, la tɩ ned sã n kʋ a to, a zemsame tɩ bʋ-kaoodbã kao a bʋʋdo.
22
La mam yeta yãmb tɩ ned sũur sã n yik ne a ba-biiga, a zemsame tɩ bʋ-kaoodbã kao yẽnda bʋʋdo. Ned sã n yeel a ba-biig t'a ka bark ye, a zemsame tɩ kaorengã yɛl bʋ-bʋʋdbã kao a bʋʋdo. La ned sã n yeel a ba-biig tɩ yalma, yẽnda soab zemsa bug-tẽnga.
23
Woto yĩnga, fo sã n wa ne f kũun tẽn-kugrã taoore, n zĩnd be n tẽeg tɩ f ba-biig n tar yell ne foom,
24
bɩ f bas f kũunã tẽn-kugrã taoore, n deng n kẽng n tɩ maneg f yellã ne f ba-biigã, n yaool n wa kõ f kũunã.
25
Maneg f yell ne f zabd-n-taagã tao-tao, yãmb sẽn ket n be sor zug n dabda, tɩ yẽnda ra ning foom bʋ-bʋʋdã nugẽ, tɩ bʋ-bʋʋdã ning foom gũud nugẽ t'a kẽes foom bi-bees roog ye.
26
Mam yeta foom sɩda, tɩ fo kõn yi be hal tɩ f yao-a a yaoolem lagf ye.
27
Yãmb wʋmame tɩ b rag n yeelame tɩ b ra yo ye.
28
La mam yeta yãmb tɩ ned ning fãa sẽn get pag ne ratem wẽng zoe n maana yoob ne-a a sũurẽ.
29
Fo rɩtg nifã sã n wat ne fo lʋɩɩs bɩ f feoog-a n lob yɩɩga, bala, fo yĩngã will a yembr sã n sãam n são b sẽn na n lob fo yĩngã tõr bug-tẽnga.
30
La fo nug‑rɩtg sã n wat ne fo lʋɩɩs bɩ f fiuug-a n lob yɩɩga, bala, fo yĩngã will a yembr sã n sãam n são b sẽn na n lob fo yĩngã tõr bug-tẽnga.
31
B rag n yeelame tɩ ned sã n bas a pag bɩ a kõ-a baosg sebre.
32
La mam yeta yãmb tɩ ned sẽn basd a pag tɩ ka yoob yĩnga, a kɩtdame t'a kẽ yoobo. La ned ning fãa sẽn dɩkd pag b sẽn bas maanda yoobo.
33
Yãmb leb n wʋmame tɩ b rag n yeela kʋdem dãmbã a woto: «Da wẽen tɩ yaool n ka sɩd ye, la fo sẽn pʋlem Zu-soabã ne bũmb ninsã, pids-ba.»
34
La mam yeta yãmb tɩ y ra wẽen lae-lae ye. Da wẽen-y ne arzãn ye, bala a yaa Wẽnnaam geere.
35
Da wẽen-y ne tẽngã ye, bala a yaa bãmb nao roagendga. Da wẽen-y ne Zeruzalɛm ye, bala a yaa rĩm-kãseng tẽnga.
36
Da wẽen ne f zug me ye, bala fo ka tõe tɩ f zoobg ba a yembr lebg pɛɛlg bɩ sablg ye.
37
Bɩ yãmb n-yẽe yɩ n-yẽe, tɩ y ayo yɩ ayo. Sã n yɩɩd a woto, sẽn paasã yita wẽng soabã nengẽ.
38
Yãmb wʋmame tɩ b rag n yeelame tɩ nif nif yĩnga, la yẽnd yẽnd yĩnga.
39
La mam yeta yãmb tɩ y ra rok y sũur ne ned sẽn maand yãmb wẽng ye. Ned sã n wẽ fo rɩtg yɛgdgã pɛk bɩ f wẽnemd a to wã me n kɩs-a.
40
Ned sã n dat n bool foom bʋʋd zĩigẽ n deeg f fu-bila, bɩ f kɩs-a fu-kãsengã me.
41
Ned sã n modg foom tɩ f yãag-a nao-yakem tusr bɩ f yãag-a nao-yakem tus a yiibu.
42
Ned sã n kos foom bũmb bɩ f kõ-a. La ned sã n dat n peng foom bũmb bɩ f ra mong-a ye.
43
Yãmb dag n wʋmame tɩ b yeelame tɩ f nong f to la f kisg f bɛyã.
44
La mam yeta yãmb tɩ y nong y bɛɛbã [la y ning neb nins sẽn kãabd yãmb wẽngã zut barka, la y maan neb nins sẽn kis yãmbã neere] la y pʋʋs neb nins sẽn maand yãmb wẽngã, la sẽn namsd yãmbã yĩnga,
45
tɩ yãmb tõe n yɩ yãmb ba sẽn be arzãnã kamba. Bala, bãmb kɩtdame tɩ bãmb wĩntoogã zẽkd nin-wẽnse, la nin-sõamyã yĩnga, la b kɩtdẽ tɩ saagã niid nin-tɩrse, la sẽn ka-b tɩrsã yĩnga.
46
Yãmb sã n nong neb nins sẽn nong yãmbã bala, bõe keoor la yãmb na n paame? Yaood dɛɛgdbã me ka maand a woto sɩda?
47
La yãmb sã n pʋʋsd y ba-biisã bala, bõe la yãmb maand n yɩɩd y taabã? Neb nins sẽn ka pʋʋsd Wẽnnaamã me ka maand a woto sɩda?
48
Dẽ yĩnga, bɩ yãmb yɩ neb sẽn zems zãnga, a wa yãmb ba sẽn be arzãnã sẽn zems zãngã.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28