bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Matthew 27
Matthew 27
Mossi MPBU (WẼNNAAM SEBRE 2014)
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 28 →
1
Beoogã sẽn vẽege, maan-kʋʋdbã kãsem-dãmbã ne tẽngã nin-kẽemb yẽsa ne taab a Zeezi yellã poorẽ n dat n kʋ-ba.
2
La b sẽba bãmb n tall n tɩ kɩs Gʋvɛrneer a Pilate.
3
A Zʋdaase, soab ning sẽn yõk a Zeezi n kõ wã sẽn yã tɩ b kaoo a Zeezi bʋʋd tɩ na n yɩ kũumã, a sũurã sãamame, la a talla wanzuri ligd pis-tã wã n wa n na n lebs maan-kʋʋdbã kãsem-dãmbã ne tẽngã nin-kẽembã la a yeel-ba:
4
«Mam beegame, mam sẽn zãmb rao-kãng sẽn ka tar yellã tɩ b yõk-a wã yĩnga.» La b leoka yẽnda n yeele: «Tõnd toogo? Paka foom.»
5
Woto, a Zʋdaas loba ligdã wẽnd doogẽ wã la a yi n kẽng n tɩ sãrg a menga.
6
Dẽ, Maan-kʋʋdbã kãsem-dãmbã wʋka ligdã, la b yeel tɩ bãmb ka tar noor tɩ lebs-a wẽnd doogã ligdẽ ye. Bala, a yaa zɩɩm ligdi.
7
La b sẽn yẽs ne taaba, b rɩka ligdã n da yagbã pʋʋg n maan sãamb yaad zĩiga.
8
Yaa rẽnda n kɩt tɩ b boond pʋ-kãng tɩ zɩɩm pʋʋg hal tɩ ta rũndã.
9
Woto, gomd ning Wẽnnaam no-rɛɛs a Zeremi sẽn gomã pidsame. A yeelame: «B rɩka wanzuri ligd pis-tã, ligd ning Israyɛll nebã sẽn tall n da bãmbã,
10
n kɩs n deeg yagbã pʋʋgo, wa Zu-soabã sẽn dag n yeel maam tɩ m maanã.»
11
A Zeezi yalsa Gʋvɛrneerã taoore. Gʋvɛrneerã soka bãmb yaa: «Yaa yãmb la Zʋɩf‑rãmbã dĩmã bɩ?» T'a Zeezi leok-a: «yaa wa yãmb sẽn yeelã.»
12
La maan-kʋʋdbã kãsem-dãmb ne nin-kẽembã sẽn dõt bãmbã, bãmb ka leok gomd baa a yembre.
13
Dẽ, a Pilat soka bãmba: «Yãmb ka wʋmd bũmb nins fãa b sẽn gomd n dõt yãmbã la?»
14
La a Zeezi ka leok yẽnd a gomd baa a yembr ye, la rẽ yɛɛsa Gʋvɛrneerã wʋsgo.
15
Tigr fãa, Gʋvɛrneerã minim n yiisda bi-bɛɛg a yembre, neb kʋʋngã sẽn kot a soabã n base.
16
Bãmb dag n tara bi-bɛɛg a yembr nebã sẽn mi a yell sõama, n boond t'a Barabaase.
17
Dẽ, nebã sẽn tigmã, a Pilat sok-b lame yaa: «Nin‑bʋg la yãmb dat tɩ mam yiis n base? A Barabaas bɩ, bɩ a Zeezi b sẽn boond tɩ Kirisã?»
18
Bala, a rag n miime tɩ yaa sũ-kiir yĩng la b sẽn yõk a Zeezi n wa kõ yẽnda wã.
19
La yẽnda sẽn wa n zĩ bʋʋdã zĩigẽ wã, a pagã tʋma ned t'a wa yeel-a yaa: «Da kẽes f toog nin-tɩr-kãngã yellẽ wã ye. Bala, rũndã, mam namsa wʋsg zãmsd pʋgẽ dao‑kãnga poorẽ.»
20
Maan-kʋʋdbã kãsem-dãmbã sagla nebã n tõog tɩ b kos a Barabaas la b kɩt tɩ b kʋ a Zeezi.
21
Gʋvɛrneerã sok‑b lame yaa: «Bãmb b yiibã sʋka, bʋg la yãmb dat tɩ mam yiis n base?» Bãmb leokame: «A Barabaase.»
22
A Pilat leb n sok-b lame: «La woto wã, mam na n maana a Zeezi b sẽn boond tɩ Kirisã wã bõe?» La b fãa leokame: «Ka-y‑b da-pɩk zugu.»
23
Dẽ, Gʋvɛrneerã leb n sokame: «Yaa bõe yel-wẽnd la b maan‑yã?» La nebã leb n kelma ne pãng n yɩɩd pĩnd n yeele: «Ka-y‑b da-pɩk zugu.»
24
A Pilat sẽn mik tɩ yẽ maooda zaalem balã, la tɩ bʋrgã paasdame wã, a reega koom n nudg a nus neb kʋʋngã taoor n yeel yaa: «Nin-tɩr-kãngã zɩɩm ka be mam zug ye. Rẽndã bee ne yãmba.»
25
La nebã fãa leokame n yeel yaa: «Bɩ b zɩɩmã zĩnd tõnd ne d kambã zutu.»
26
Woto, a Pilat yiisa a Barabaas n bas n kõ-ba. La yẽnda sẽn kɩt tɩ b pãb a Zeezi ne kalwaase, yẽnda rɩka bãmb n kõ nebã tɩ b tɩ ka-b da-pɩk zugu.
27
Gʋvɛrneerã sodaas talla a Zeezi n kẽng sodaas naabã zakẽ, n tigs sodaasã fãa tɩ b gũbg bãmba.
28
B yeesa a Zeezi futã, n lebs fu-miuug n yeelg bãmba.
29
Bãmb wʋga gõos maanf n fõgen a Zeezi zugã, la b bao tãnwĩig n ning b nug-rɩtgã, n yaool n wõgemded bãmb taoor n paoogd bãmb n yetẽ yaa: «Hobragi! Zʋɩf-rãmb dĩmã, tõnd pʋʋsda yãmba!»
30
B tʋbsa a Zeezi kolkoodo, la b reegd tãnwĩigã bãmb nugẽ wã n wẽed b zugã.
31
Bãmb sẽn yaal a Zeezi woto n sɛ, b yeega fuugã n lebs b futã n yeelg-ba, la b tall-b n na n tɩ ka ra-pɩk zugu.
32
Bãmb sẽn yita, b yãnda Sirɛn dao a yembr sẽn boond t'a Sɩmo, la b modga yẽnda t'a tʋk a Zeezi da-pɩkã.
33
Bãmb sẽn ta zĩig ning b sẽn boond tɩ Golgota, sẽn dat n togs tɩ zu-wang zĩigã,
34
b kõo a Zeezi reezẽ rãam sẽn kalem ne tɩɩm sẽn yaa toog wa yam tɩ b yũ. La a Zeezi sẽn lembe, b ka sak n na n yũ ye.
35
Sodaasã sẽn ka a Zeezi da-pɩkã zug n sɛ, b pʋɩɩ bãmb futã ne taaba, n maan poeer n na n bãng ned fãa sẽn na n paame, [tɩ Wẽnnaam no-rɛɛsã gomd pidsi. A yeelame yaa: «B pʋɩɩ mam futã ne taaba, la b maana bãnd n na n bãng ned ning sẽn na n soog-a mam fuug sẽn ka tar sẽnesmã.»]
36
Dẽ zugẽ, sodaasã zĩndame n gũ a Zeezi.
37
B ninga gʋlsem bãmb zugẽ n wilgd bãmb kʋʋbã võore: «Rao-kãngã yaa a Zeezi, Zʋɩf-rãmbã rĩma.»
38
B kaa fãadb a yiib ne bãmba: a yembr bãmb dɩtgo, a to wã bãmb goabga.
39
So-loaagdbã dag n paoogda bãmba, n gõmsd b zut
40
n yetẽ: «Fo soab sẽn tõe n sãam wẽnd doogã n lebs-a n me rasem a tãab pʋgẽ wã, bɩ f fãag f meng wɛ! Fo sã n yaa Wẽnnaam Bi-ribla, bɩ f sig da-pɩkã zugu.»
41
Maan-kʋʋdbã kãsem-dãmbã ne tõog karen-saam-dãmbã, la nin-kẽembã me yaala bãmb n yetẽ:
42
«Yẽnda fãaga neb a taaba, la a yaool n ka tõe n fãag a meng ye. Yẽnda ka Zʋɩf-rãmb dĩm la! A wa sig da-pɩkã zug la tõnd na tẽ-a.»
43
Yẽnda teega Wẽnnaam: bɩ Wẽnnaam fãag-a moasã, sã n yaa tɩ b nong-a lame. Bala, a yetame: «Mam yaa Wẽnnaam Bi-ribla.»
44
Fãadbã me b sẽn ka ne bãmbã me rag n tʋʋda bãmb a woto bala.
45
Sẽn sɩng ne wĩnto-sʋk hal tɩ ta wẽn-kaoore, zĩigã fãa lebga lika.
46
La wẽn-kaoorã wakate, a Zeezi zẽka b koɛɛg n gom ne pãng n yeele: «Eli! Eli! Lama sabaktani?» Sẽn dat n yeel tɩ: ‹Mam Wẽnnaam! Mam Wẽnnaam! Yaa bõe tɩ yãmb bas maam?›
47
Neb nins sẽn dag n be-b be wã, kẽer wʋma bãmb goamã n yeel tɩ b boonda a Eli.
48
Tao-tao bala, bãmb ned a yembr wudgame n dɩk neoodg n los reezẽ rã‑miisgẽ, n sel tãnwĩig n tees bãmb n yeel tɩ b fõose.
49
La neb a taabã yeelame tɩ b bas n gese, a Eli sã n na wa n fãag-a.
50
A Zeezi leb n zẽka b koɛɛg n kelem ne pãnga, la b bas b sɩɩga.
51
La gese, wẽnd doogã fu-lilldgã sɩnga yĩngr n pãrg n tãag tẽnga, n pasg a yiibu. Tẽngã rigimdame, pĩisã pusame,
52
yaad pagsame, la nin-sõamyã wʋsg sẽn dag n ki wã vʋʋgame.
53
Bãmb yii yaadẽ wã n kẽ tẽn-sõngã pʋgẽ, a Zeezi vʋʋgrã zugẽ. La b puka b mens ne neb wʋsgo.
54
Sodaas koabg naabã ne neb nins sẽn dag be ne yẽnda n gũud a Zeezi wã sẽn yã tẽn-digimdgã ne bũmb ning sẽn maanã, rabeem kãseng yõka bãmb tɩ b yeele: «Hakɩɩka, dao-kãngã yaa Wẽnnaam Bi-ribla.»
55
Pagb wʋsg n dag n yas yɩɩg n getẽ. Yaa pagb nins sẽn yi hal Galɩle n yãag a Zeezi n na n ges b yellã:
56
Yaa a Maari sẽn yit Magdala, la a Zak ne a Zozɛf ma a Maari, la a Zebde kom-dibli wã ma rag n bee pʋg-kãens sʋka.
57
Zaabr sẽn ta, Arimate dao a yembr sẽn yaa arzɛk soab t'a yʋʋr boondẽ t'a Zozɛf waame. Yẽnda me dag n yaa a Zeezi karen-biiga.
58
Yẽnda kẽnga a Pilat nengẽ n tɩ kos a Zeezi kũumã. Dẽ, a Pilat yeelame tɩ b kõ-a.
59
A Zozɛf dɩka kũumã, n vil-a ne lamd gĩs-bãaneg peend sẽn yaa sõama,
60
n gãneg-a yao-paalg pʋgẽ. Yẽnda dag n kɩtame tɩ b tuk yao-kãng pĩig pʋgẽ a meng yĩnga. La a bilma kug-bedr n yẽd yaoogã noor la a looge.
61
A Maari sẽn yit Magdala ne Maari a to wã dag n zĩi be tɩ b nensã tees yaoogã.
62
Vẽkembeoogo, seglg daarã yɩ tɩ zaamẽ, maan-kʋʋdbã kãsem-dãmbã ne Fariizẽ-dãmbã tũu taab n tɩ yã a Pilat
63
n yeel-a yaa: «N na! Tõnd tẽrame tɩ bɛlgd-kãngã dag n yeela a sẽn wa n ket n vɩ wã wakat t'a na n vʋʋga rasem a tãabẽ daare.
64
Dẽ wã, bɩ y kɩt tɩ b gũ yaoogã hal tɩ ta dasem a tãab daarã, t'a karen-biisã da wa n zuk a kũumã la b yeel nebã tɩ b vʋʋg n basa kũum ye. Yaoolem belg-kãng na n yɩɩ wẽng n yɩɩg pipi soabã.»
65
A Pilat yeel-b lame yaa: «Yãmb tara gũudba. Bɩ y kẽng n tɩ gũ-a wa yãmb sẽn datã.»
66
La b kẽngame n tɩ sog yaoogã noor kugrã, la b ning gũudb tɩ b gũ yaoogã.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 28 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28