bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Matthew 16
Matthew 16
Mossi MPBU (WẼNNAAM SEBRE 2014)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 17 →
1
Fariizẽ-dãmbã ne Saduusẽ-dãmbã kolga a Zeezi. La bãmb sẽn dat n mak bãmb yĩnga, b kosa a Zeezi tɩ b maan bãnd sẽn yit yĩngr tɩ b yã.
2
A Zeezi leok-b lame n yeele: «Zaabre, yãmb yetame tɩ zĩigã na n yɩɩ vẽenega, bala yĩngr yaa miuugu.
3
La yibeoogo, yãmb yetame tɩ saag na n nii rũndã, bala yĩngr yaa miu-sablga. Yãmb mii yĩngr yɛl bilsgu, n yaool n ka tõe n bãng bãn sẽn wilgd wakatã yɛlã ye.
4
Zamaan neb sẽn yaa wẽns la yoaadbã baooda bãnde. La b ka na n kõ bãmb bãnd a to tɩ ka a Zonaas bãndã ye.» La a Zeezi basa bãmb n looge.
5
A Zeezi karen-biisã sẽn wa n dabd ko-kãsengã rʋʋnd a to wã, b yĩmame n ka zɩ bur ye.
6
A Zeezi yeela bãmb yaa: «Gũus‑y mens neer ne Fariizẽ-dãmbã la Saduusẽ-dãmbã rã-bɩlle.»
7
La b tagsame tɩ yaa bãmb sẽn ka zɩ burã yĩng la a Zeezi gom woto.
8
La a Zeezi bãnga b tagsgã n yeel-ba: «Tẽeb bilf rãmba! Yaa bõe tɩ yãmb tagsd y sũyẽ tɩ yaa yãmb sẽn ka zɩ burã yĩnga?
9
Yãmb ket n nan ka wʋm la? Yãmb ka tẽr bur a nu wã sẽn sek raop tus a nu wã, la a kɛlã yãmb sẽn wʋkã pet sõore?
10
Yãmb ka tẽr bur a yopoe wã sẽn sek raop tus a naase, la a kɛlã yãmb sẽn wʋkã pet sõore?
11
Bõe tɩ yãmb ka bãng tɩ ka bur yell la mam gomd ne yãmba? Gũus-y y mens ne Fariizẽ-dãmbã la Saduusẽ-dãmbã rã-bɩlle.»
12
La karen-biisã bãngame tɩ b sẽn yeel bãmb tɩ b gũus ne bũmb ningã, ka rã-bɩll sẽn ningd burã ye, la yaa Fariizẽ-dãmbã ne Saduusẽ-dãmbã zãmsgã.
13
A Zeezi sẽn ta Sezaare sẽn yaa a Filip soolmã tẽngã, b soka b karen-biisã yaa: «Nebã yetame tɩ maam a Ninsaal Bi-riblã yaa ãnda?»
14
B leokame: Neb kẽer yetame tɩ yãmb yaa a Zãmbatiisi, tɩ kẽer t'a Eli, tɩ kẽer t'a Zeremi wall Wẽnnaam no-rɛɛsdbã ned a yembre.»
15
T'a Zeezi leb n sok-ba: «La yãmba, yãmb yetame tɩ mam yaa ãnda?»
16
A Sɩmo Pɩyɛɛr leokame n yeele: «Yãmb yaa Kirisã, Wẽnnaam sẽn vɩ wã Bi-ribla.»
17
La Zeezi goma ne-a n yeel-a: «Sɩmo! A Zonaas biiga, bark bee fo zugu. Bala, ka nemd walla zɩɩm n vẽneg foom bõn-kãngã ye. Yaa m ba sẽn be arzãnã.
18
La maam, mam yeta foom tɩ fo yaa Pɩyɛɛre, la kug-kãngã zugu, mam na n mee m Wẽnd doogã, la kɩɩm-kulg ka na n tõog-a ye.
19
Mam na n kõo foom arzãn soolem kʋɩlen-biisi: ‹Bũmb ning fãa fo sẽn na n loe tẽng zug ka na n loee arzãna, la bũmb ning fãa fo sẽn na n lok tẽng zug ka na n loka arzãna.›
20
Dẽ, bãmb sagla b karen-biisã neere, n yeel-b tɩ b ra togs ned baa a yembr tɩ bãmb yaa Kiris ye.»
21
Sẽn sɩng wakat-kãnga, a Zeezi sɩngame n wilg b karen-biisã tɩ yaa tɩlɛ tɩ bãmb kẽng Zeruzalɛm tɩ kãsem-dãmbã ne maan-kʋʋdbã ne tõog karen-saam-dãmbã nams bãmb wʋsgo, la b kʋ bãmba. La rasem a tãab daarã, bãmb na n vʋʋgame.
22
A Pɩyɛɛr boola bãmb n yi kɛɛng n leng-b n yeele: «Zu-soaba, Wẽnd na zãage! Yel-kãngã kõn paam yãmb abada.»
23
La a Zeezi wẽnemdame n yeel a Pɩyɛɛr yaa: «Leb mam poorẽ, Sʋtãana! Fo yaa gɩdgr mam sor zugu. Bala, fo tagsdã ka Wẽnnaam dẽnd ye, yaa ninsaal dẽnda.»
24
Dẽ, a Zeezi yeela b karen-biisã yaa: «Ned sã n dat n tũ maam, bɩ a kɩɩs a meng raabo, n tʋk a da-pɩk n pʋg maam.
25
Bala ned ning sẽn baood tɩ kogl a vɩɩm, a vɩɩm na sãame, la ned ning sẽn na n bas a vɩɩm mam yĩnga, a na leb n paam-a.
26
La ned sã n paam dũni gill fãa n bas n ki, a yõod bee yɛ? Walla bõe la ninsaal na n dɩk n tek ne a vɩɩmã?
27
Bala, Ninsaal Bi-riblã na n waa ne b ba wã ziiri, ne b malegse. La rẽ wẽnde, bãmb na n dola ned kam fãa wa sẽn zems a tʋʋmde.
28
Sɩd-sɩda, mam yeta yãmb tɩ sẽn be-b ka wã, neb kẽer n ka na n ki hal tɩ b yãnd Ninsaal Bi-riblã sẽn wat ne b naamã ye.»
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28