bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Mossi
/
Mossi MPBU (WẼNNAAM SEBRE 2014)
/
Matthew 19
Matthew 19
Mossi MPBU (WẼNNAAM SEBRE 2014)
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 20 →
1
La a Zeezi sẽn gom gom-kãens n sɛ, b yii Galɩle n kẽng Zʋʋde soolem sẽn be Zʋrdẽ rʋʋndã.
2
Neb kʋʋng wʋsg tũu bãmba, la a Zeezi maag-b-la beenẽ.
3
Fariizẽ-dãmbã kolga a Zeezi n na n bẽd bãmba. B sokame: «Dẽ yĩnga, noor beeme tɩ rao rig a pag a beegr buud fãa yĩnga?»
4
La a Zeezi leokame n yeele: «Yãmb ka karem tɩ hal sɩngr wẽndẽ, Naandã naan-b-la rao ne pag laa?»
5
La b yeele: «Yaa woto yĩng tɩ rao na n bas a ba ne a ma n zĩnd ne a paga, la bãmb b yiibã na n yɩɩ yĩng a yembre.»
6
Woto, b ka leb n yaa neb a yiib ye, b yaa yĩng a yembre. Dẽ yĩnga, bɩ ninsaal da welg bũmb nins Wẽnnaam sẽn lagem ne taabã ye.
7
Bãmb soka a Zeezi: «La bõe yĩng t'a Moyiis kõ noor tɩ sã n na n dig pag bɩ b kõ‑a baosg sebr la b rig-a?»
8
A Zeezi leoka bãmba: «Yaa yãmb sũyã sẽn yaa kegemsã yĩng n kɩt t'a Moyiis kõ yãmb noor tɩ y rig y pagbã. La hal sɩngr wẽndẽ, rag n ka a woto ye.
9
La mam yeta yãmb tɩ ned sã n dig a paga, tɩ sã n ka yoob yĩnga, n dɩk a to, a maanda yoobo.»
10
Bãmb karen-biisã yeela bãmb yaa: «Rao ne pag yellã sã n yaa a woto, dẽnd f sã n ka kẽ kãadem n são.»
11
A Zeezi leok-b lame yaa: «Nebã fãa ka wʋmd gom-kãngã võor ye, sã n ka b sẽn kõ b rãmb pãn-tõog tɩ wʋma bala.
12
Bala, zu-soben-dãmb n be n yaa a woto hal b rogem wakate, la kẽer yaa neb n maan-b tɩ b lebg a woto, la kẽer maana b mens zu-soben-dãmb arzãn soolmã yĩnga. Ned ning sẽn tõe n wʋm-a koe-kãngã võor bɩ a wʋme.»
13
Dẽ, neb talla kom-bãooneg n wa a Zeezi nengẽ tɩ b na tik-b ne b nus n pʋʋs b yĩnga. La karen-biisã lenga bãmba.
14
La a Zeezi yeelame: «Bas-y kom-bãoonegã, tɩ b wa mam nengẽ la y ra gɩdg-b ye. Bala, arzãn soolem yaa neb nins sẽn wẽnd bãmbã yĩnga.»
15
A Zeezi tika kambã ne b nusi, n yaool n yi zĩ-kãngã.
16
Dẽ, dao a yembr kolg n soka a Zeezi yaa: «Karen-saamba, bõe n yaa sõama mam sẽn tog n maane, n tõog n paam vɩɩm sẽn kõn sa?»
17
A Zeezi leoka yẽnda n yeele: «Yaa bõe tɩ fo sokd maam n dat n bãng sẽn yaa sõama? Ned a yembr bal n yaa sõama. Fo sã n dat n kẽ vɩɩm sẽn kõn sa wã pʋgẽ, bɩ f sak tõodã.»
18
Yẽnda soka a Zeezi: «Tõ-bʋse?» La a Zeezi leoka yẽnda: «Da kʋ ye, da yo ye, da zu ye, da kɩs kaset-zĩrẽ ye,
19
waoog f ba la f ma, la f nong f to wa f menga.»
20
Bi-bɩɩgã yeela a Zeezi yaa: «Mam saka tõ-kãens fãa! Bõe n ket yɛsa?»
21
A Zeezi yeel-a lame yaa: «Fo sã n dat n zems zãnga, kẽng n tɩ koos fo sẽn tarã, n dɩk ligdã n kõ naong rãmba, la fo na paam paoong arzãn pʋga. La f wa n tũ maam.»
22
Bi-bɩɩgã sẽn wʋm gom-kãensã, a looga ne sũ‑sãoongo. Bala, a ra tara arzegs wʋsgo.
23
Dẽ, a Zeezi yeela b karen-biisã yaa: «Sɩd-sɩda, mam yeta yãmb t'a na n yɩɩ toog ne arzɛk soab t'a kẽ arzãn soolem pʋga.
24
Mam leb n yeta yãmb tɩ yʋgemd sẽn na n tũ fu-pĩim yõorẽ n loog yaa naana n yɩɩd arzɛk soab sẽn na n kẽ Wẽnnaam soolem pʋga.»
25
Karen-biisã sẽn wʋm gom-kãense, a linga bãmb wʋsgo, la bãmb soka taab yaa: «Ãnda soab masã n tõe n paam fãagre?»
26
A Zeezi ges-b lame n yeel-ba: «Ne ninsaala bõn-kãng ka tõe ye, la Wẽnnaam tõe bũmb fãa.»
27
Dẽ, a Pɩyɛɛr goma ne a Zeezi n yeele: «Tõnd basa bũmb fãa n tũud yãmba, tõnd yell na n yɩɩ a wãn-wãna?»
28
A Zeezi leoka bãmb yaa: Sɩd-sɩda, mam yeta yãmb fãa sẽn tũ maamã, tɩ bũmba fãa tekrã wakate, ninsaal bi‑riblã sã n wa zaoond b naamã geer zugu, yãmb me na n zaoonda gɛy piig la a yiib zut n kao Israyɛll buud piig la a yiibã bʋʋdo.
29
La ned ning fãa sẽn na n bas a yiri, a ba-bi-raopa, a ba-bi-pogse, a ba, a ma, a paga, a kamba wall a pʋʋg mam yʋʋrã yĩnga, a na n paama bũmb nins a sẽn basã buud naoor koabga, la a paam vɩɩm sẽn kõn sɛ wã.
30
Dẽenem dãmb wʋsg n na n lebg yaoolem dãmba, tɩ yaoolem dãmb wʋsg lebg dẽenem rãmba.
← Chapter 18
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 20 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28