bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Mark 13
Mark 13
Marwari Bible
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 14 →
1
जद यीसु मिंदर ऊं निकळ रिया हा, तो उणरै चेलौ मे ऊं एक उण ऊं कयौ, “हे गुरु, देख, कैड़ा मोटा भाटा अर कैड़ा चौखा भवन है!”
2
यीसु उण ऊं कयौ, “जिकौ थै ऐ मोटा मोटा मेहल देखौ हो? अठै एक भाठै ऊपर भाठौ नीं रैला ढ़ाह दिया जावैला।”
3
जद यीसु मिंदर रै सांमै वाळै जैतून भाखर माथै बैठा हा, तो पतरस, याकूब, यूहन्ना अर अन्द्रियास नै अलग जायनै उण ऊं पूछयौ,
4
“म्हौ नै बता की ऐ बातां कदै होवैला? अर जद ऐ सगळी बातां पूरी होवैला उण वगत री कांई निसाणी होवैला?”
5
यीसु उणौ नै कैवण लाग्या, “सावचेत रैवौ की कोई थांनै धोखे ऊं भरमा नीं दैवै।
6
घणा म्हारै नाम ऊं आने कैवैला, ‘म्हैं मसीह हूं।’ अर घणा मिनखां नै भरमावैला।
7
जद थै लड़ाईयां देखौ अर लड़ाईयां री बातां सुणौ, तो घबराइजो मती। क्यूंकै इणरौ होणौ जरुरी है। पण अजी अंत कोनीं है।
8
क्यूंकै वंस माथै वंस, अर राज्य माथै राज्य चढ़ाई करैला। घणी जगा भूकम्प होवैला, अर काळ पड़ैला। आ तो जापायती रा टाबर होणै ऊं पैला होवण वाळा दरद ही सरूआत ज्यूं है।
9
“पण थै सावचेत रईजो, वे थांनै पंचायत नै सौपेला, अर थांनै यहूदी पराथना घर में ठोकेला, अर म्हारै वजै ऊं हाकिमों अर राजाओ रै सांमै ऊभा किया जावोला। ओ थौरे वास्तै उणौनै सुभ संदेस सुणाणै रौ एक बड़िया मौकौ मिळैला।
10
पण जरुरी है की पैला सुभ संदेस सगळी जातियो मे परचार किया जावै।
11
जद वे थांनै पकड़नै पूछताछ वास्तै सौपेला, तो पैली ऊं चिंता नीं करणी की अपां कांई केवोला। जिकौ कीं भी थांनै उण वगत पवितर आतमा बतावै वो इज कहीजौ। क्यूंकै थै बोलण वाळा नीं हो, पण पवितर आतमा है।
12
“भाई भाई नै विसवासघात करनै मरवा दैला अर पिता बेटे नै। टाबर मां-बाप रै विरोध मे हो जावैला अर उणौनै मरवा देवेला।
13
अर म्हारै नाम रै वास्तै सगळा थौरे ऊं घिरणा करैला, पण जिकौ आखरी तांई विसवास राखैला, उणीज रौ उद्धार होवैला।
14
“जद थै विनास करण वाळी घिरणा री चीजों नै जठै नीं होणी चाहीजै, उण जगा देखौ तो, यहूदिया मे हो वे भाखरो माथै भाग जाईजौ। सुणन वाळा इण बात माथै ध्यांन दीजौ।
15
जिकौ छत माथै है, वे फटाफट नीचा उतर नै, कीं लेणे घर में रुकजो मती।
16
अर जो खेत मांय है वो कपड़ा लेणे पाछौ नीं आवै।
17
उण दिनां मांय जिकौ जापायती अर टाबर नै दूध पावण वाळी है तो, उणनै घणौ दुख देखणौ पड़ैला।
18
अर पराथना करता रहीजौ के ऐड़ौ सियाळा रै दिनां मांय नीं होवै।
19
क्यूंकै वे दिन ऐड़ा कलेस रा होवैला की सिस्टी री सरूआत ऊं, जिकौ परमेसर नै बणाई है, अबै तांई नीं तो होयौ, अर नीं पछै कदैई होवैला।
20
जे परभु उण दिनां नै नीं घटावतो, तो कोई जीवतौ नीं बचतो, पण परमेसर आपरा टाळियोड़ा मिनखौ वास्तै जिकौ वो टाळिया है, उण दिनां नै घटाया।
21
उण वगत जे कोई थौरे मे ऊं कैवै, ‘देखौ, मसीह अठै है,’ या ‘देखौ, उठै है,’ तो उणरौ विसवास मत करजौ।
22
क्यूंकै झूठा मसीह अर झूठा भविसयदाता परगट होवैला, अर निसाणी अर अचूम्बे रा कांम दिखावैला अर टाळियोड़ो नै भरमाणे री कोसीस करैला।
23
देखौ, तौभी थै सावचेत रहीजौ, म्हैं थांनै सगळी बातां पैला ऊं बता दी ही।
24
“उण दिनां मांय, उण कलेस रै पछै, ‘सूरज अंधारौ हो जावैला, अर चांद चांदणौ नीं देवेला।
25
अर आभै री सगतियो हिलाई जावैला। अर तारा आभै ऊं नीचा पड़ैला।’
26
जद लोग, म्हनै, मिनख रै बेटा नै महान सामरथ अर महिमा रै साथै, बादळो माई आवतौ देखेला।
27
म्हैं, मिनख रौ बेटौ सरगदूतो नै भेजनै, धरती रै इण कांकड़ ऊं आभै रै उण कांकड़ तांई, च्यांरूमेर ऊं म्हारै चुणयोड़ौ लोगां नै भेळा करूंला।
28
“अंजीर रै रुंखड़ै ऊं सिकसा लौ। जद उणरी डाळी कोमल हो जावै, अर पता निकळनै लागै, तो थै जांण लेवो की उनाळौ आवणवाळौ है।
29
इणी तरैह, जद थै इण बातां नै होवता देखौ, तो जांण लौ की वगत वो नैड़ौ है बल्कि द्धार माथै है।
30
म्हैं थौरे ऊं साची कैवूं हूं, की इण पीढ़ी रै लोगां रै जीते जी ऐ सगळी बातां पूरी होवैला।
31
आभौ अर धरती टळ जावैला, पण म्हारौ वचन कदैई नीं टळैला।
32
“उण दिन अर उण घड़ी रै बारै मे कोई कोनीं जांणै, नीं सरग मे दूतो नै अर नीं मिनख रै बेटे नै, कैवल परम पिता परमेसर जांणै है।
33
जागता अर पराथना करता रहीजौ, थै नीं जांणौ के वो वगत कद आ जावैला।
34
ओ ऐड़ौ है ज्यूं, एक मिनख परदेस जावता वगत आपरौ घर छोड़नै जावै, अर आपरा दासो नै सूंप नै जावै, अर हरैक नै उणरौ कांम बता दे, अर द्वारपाल नै जागता सावचेत रैवण रौ हुकम दैवै।
35
“इण वास्तै जागता रौ, क्यूंकै थै नीं जांणौ की घर रौ मालिक कदै आवैला। सिझ्या या आधी रात रा, या कुंकड़े रै बांग देवण रै वगत या सवार नै।
36
ऐड़ौ नीं होवै की वो एकदम ऊं आने थांनै सूता पावै।
37
अर जिकौ म्हैं थौरे ऊं कैवूं हूं, वोहीज सबां ऊं कैवूं हूं, ‘जागता रैवौ।’ ”
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 14 →
All chapters:
1
2
3
4
5
6
7
8
9
10
11
12
13
14
15
16