bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Mark 3
Mark 3
Marwari Bible
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 4 →
1
यीसु पाछा पराथना घर मे गिया, उठै एक मिनख हो जिणरौ हाथ सुखोड़ो हो।
2
लोग इण मौका मे हा के यीसु आराम रा दिन सुखोड़े हाथ वाळा मिनख नै सावळ करै ताकी, वे यीसु माथै इलजाम लगा सकै।
3
यीसु सुखे हाथ वाळै मिनख ऊं कयौ, “सांमै ऊभौ हो जा।”
4
पछै वे लोगां नै कयौ, “कांई आराम रा दिन भलौ करणौ बड़िया है या खराब करणौ, जीव नै बचावणौ या मारणौ?” पण वे चुप रिया।
5
यीसु उण लोगां री मन री कड़ाई ऊं दुखी होयनै, रीसे बळता च्यांरूमेर देख्यौ अर सुखोड़े हाथ वाळा मिनख ऊं कयौ, “थारौ हाथ सांमै कर।” वो हाथ सांमै करयौ अर उणरौ हाथ पैला जैड़ौ सावळ हो गियो।
6
पछै फरीसी बारै जायनै हाथोहाथ हेरोदियो रा लोगां रै साथै यीसु रै विरोध मे एक रैवण लागा के, यीसु रौ कीण तरैह ऊं नास करौ।
7
यीसु आपरै चेलौ रै साथै गलील री झील खनै गिया तो गलील ऊं एक मोटी भीड़ उणरै लारै होयगी।
8
यहूदिया ऊं, यरुसलेम ऊं, इदूमिया ऊं, यरदन नदी रै पार ऊं, सूर ऊं अर सैदा रै आजू-बाजू ऊं एक घणी भीड़ ओ सुणनै की वे कैड़ा अचूम्बे रा कांम करै, उणरै खनै आया।
9
वो आपरै चेलौ नै कयौ, “भीड़ रै कारण ऊं एक छोटौ नाव म्हारै वास्तै तैयार रैवै ताकी वे सगळा म्हनै दबा नीं सकै।”
10
क्यूंकै यीसु घणौ नै सावळ करिया हा, इण वास्तै जिता लोग बीमार हा वे यीसु रै हाथ लगावण वास्तै उण माथै पड़ता हा।
11
जिण में भी दुस्ट आतमा ही, जद वे यीसु नै देखता, तो उणरै सांमै पड़ जावता अर हाका करनै कैवती के, “थूं परमेसर रौ बेटौ है।”
12
तो यीसु उणौनै चेताणी देता के, “म्हनै परगट मत कर की म्हैं कुण हूं।”
13
पछै यीसु भाखर माथै चढ़गा अर जिणनै वो चावता हा, उणौनै आपरै खनै बुलाया वे यीसु रै खनै आया।
14
यीसु उणौ मे ऊं बारैह चेलौ नै चुणया के वे यीसु रै साथै साथै रैवै। यीसु उणौ नै सुभ संदेस रौ परचार करनै भेजिया। वे यीसु रा प्रेरित चेला कहीजिया।
15
उणौनै दुस्ट आतमाओ नै निकाळनै रौ हक हो।
16
यीसु जिण नै भेजिया वे हा, समौन जिणरौ नाम वे पतरस राख्यौ।
17
जबदी रौ बेटौ याकूब, अर याकूब रौ भाई यूहन्ना, जिणरौ नाम उणै बूअनरगिस राख्यौ, जिणरौ अरथ है “गरजन रौ बेटौ,”
18
अर अन्द्रियास, फिलिप्पुस, बरतुल्मै, मती, थोमा, हलफाई रौ बेटौ याकूब अर तद्दै अर देस भगत समौन,
19
अर यहूदा इस्करियोती जिकौ बाद मे यीसु रै साथै विसवासघात करनै यीसु नै पकड़ायौ।
20
पछै यीसु घर आयौ तो ऐड़ी भीड़ भेळी होई के, यीसु अर उणरा चेला रोटी ई कोनीं जीम सकया।
21
जणै उण रा घर आळा ओ सुण्यौ के यीसु आयोड़ा है। तो वे उणनै आपरै साथै ले जांणै वास्तै निकळया, क्यूंकै लोग कैवता हा के, यीसु रौ मन ठिकाणे कोनीं है।
22
सास्तरी जिकौ यरुसलेम ऊं आया हा, ओ कैवता हा, “उणमे दुस्टआतमा है। वो दुस्टआतमाओ रै सरदार री सगति ऊं दुस्टआतमाओ नै बारै निकाळै है।”
23
इण वास्तै यीसु उणौनै खनै बुलानै बात कैवण लागा, “सैतान कीकर सैतान नै काढ़ सकै?
24
मांनलो किणी राज मे फूट पड़ जावै, तो वो राज कीकर रैह सकै ला?
25
अर मांनलो किणी घर परिवार मे फूट पड़ै, तो वो घर परिवार कीकर एक रैह सकै ला?
26
इण वास्तै सैतान खुद रौ ही विरोधी होने खुद मे ही फूट घाले, तो उणरौ राज पाठ कीकर रैह सकै ला? उणरौ तो नास ही हो जावैला।
27
पण कोई भी मिनख किणी ताकतवर रै घर मे घुसनै जैड़ी तांई उण नै बांध नीं दे, उणरौ माल कोनीं लूट सकै।
28
मे थौरे ऊं साची कहूं हूं के मिनख रा हैंग पाप अर निंदा जिकौ वे करता हा परमेसर माफ कर सकै।
29
पण जिकौ कोई पवितर आतमा रै विरोध मे बोले तो, वो कदै भी माफ नीं करयौ जावैला, वो हमेसां रै वास्तै पाप रौ अपराधी ठैरैला।”
30
क्यूंकै सास्तरी ओ कैवता हा के, “उण में सैतान है।”
31
उण वगत उणरी मां अर उणरा भाई आया अर बारै ऊभा रेन यीसु नै बुलावण वास्तै एक जणा नै भेज्यौ।
32
यीसु रै च्यांरूमेर भीड़ बैठी ही, तो वो उणनै कयौ, “देख, थारी मां अर थारा भाई, थारी बेन थनै बारै बुलावै है।”
33
यीसु उणनै जबाब दियौ, “म्हारी मां अर म्हारा भाई कुण है?”
34
वे जिकौ उणरै आड़ै पाड़ै बैठा हा, देखन कयौ, “देखौ आ म्हारी मां अर ऐ म्हारा भाई अर बेन ऐ है।
35
क्यूंकै जिकौ कोई परमेसर री इछा माथै चालै, वो हीज म्हारौ भाई बेन अर मां है।”
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 4 →
All chapters:
1
2
3
4
5
6
7
8
9
10
11
12
13
14
15
16