bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Romans 10
Romans 10
Marwari Bible
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 11 →
1
हे विसवासी भाइयो, म्हारै मन री इछा है अर म्हैं परमेसर ऊं उण सगळै इजरालियो रै लियै पराथना करूं हूं, की उणौरौ उद्धार हो।
2
क्यूंकै म्हैं उणौरी गवाई देवूं हूं की उणौनै परमेसर रै लियै धुन रैवै है, पण बुद्धि रै साथै कोनीं।
3
क्यूंकै वो लोग उण धारमिकता नै कोनीं जांणता हा जिकौ परमेसर ऊं मिळती ही अर वो अपणी इज धारमिकता री थापना रौ जतन करता रिया, इण वास्तै वे परमेसर री धारमिकता नै कोनीं स्वीकार की।
4
मसीह नै व्यवस्था रौ अंत कियो ताकी हर कोई जिकौ विसवास करै है, परमेसर रै लियै धारमिक हो।
5
धारमिकता रै बारै में जिकौ व्यवस्था ऊं हासल होवै है, मूसा नै लिख्यौ है, “जिकौ व्यवस्था रै नियमो माथै चालैला, वो उणरै कारण जीवतौ रैला।”
6
बल्कि विसवास ऊं मिळण वाळी धारमिकता रै बारै में सास्तर ओ कैवै है, “थूं अपणै मन ऊं ओ मत पूछ, ‘सरग में ऊपर कुण जावैला?’ ” मतलब मसीह नै धरती माथै लावण रै लियै।
7
“या पछै, ‘अधोलोक में कुण उतरैला?’ ” मतलब मसीह नै मरयोड़ौ में ऊं जिलायनै ऊपर लावण रै लियै।
8
पवितर सास्तर कैवै है, “वचन थारै खनै है, थारै होठो ऊपर है अर थारै मन में है।” ओ वोहीज विसवास रौ वचन है, जिकौ म्हौ परचार करौ हो।
9
जे थूं अपणै मूंडै ऊं कैह, “यीसु परभु है,” अर थूं अपणै मन में ओ विसवास करै की परमेसर उणनै मरयोड़ौ में ऊं जीवतौ कियो है तो थारौ उद्धार हो जावैला।
10
क्यूंकै अपणै मन रै विसवास ऊं मिनख धारमिक ठैरायौ जावै है, अर अपणै मूंडै ऊं उणरै विसवास नै स्वीकार करणै ऊं उणरौ उद्धार होवै है।
11
पवितर सास्तर कैवै है, “जिकौ कोई उण माथै विसवास करै है उणनै निरास नीं होणौ पड़ैला।”
12
ओ इण वास्तै है की यहूदियो अर यूनानियो में कोई भेद कोनीं। क्यूंकै सगळौ रौ परभु एक इज है। अर उणरी दया उण सगळौ रै लियै, जिकौ उणरौ नाम लेवे है, अपरम्पार है।
13
क्यूंकै पवितर सास्तर में लिख्योड़ौ है, “जिकौ कोई परभु रौ नाम ले ला, वो उद्धार पावैला।”
14
पछै जिण माथै उणौ विसवास नीं कियो, वे उणरौ नाम कीकर ले? अर जिणरै बारै में सुण्यौ कोनीं उण ऊपर विसवास कीकर करै? अर परचार कियै बिना कीकर सुणै?
15
अर परचारक वैड़ी तांई परचार कीकर दे पावैला, जैड़ी तांई उणनै भेज्यौ नीं गियौ हो? ज्यौ पवितर सास्तर में लिख्यौ है, “सुभ संदेस लावण वाळै रौ आवणौ कितौ चौखौ है।”
16
बल्कि सगळौ सुभ संदेस नै स्वीकार कोनीं कियो। यसायाह भविसयदाता कैवै है, “हे परभु, म्हौरै उपदेस नै कीणै स्वीकार कियो?”
17
इण वास्तै उपदेस नै सुणणै ऊं विसवास उपजै है अर उपदेस तद सुण्यौ जावै है जद कोई मसीह रै बारै में उपदेस दैवै है।
18
पण म्हैं कैवूं हूं, “कांई उणौ म्हौरै उपदेस नै कोनीं सुण्यौ?” सुण्यौ तो जरुर है, पवितर सास्तर कैवै है, “उणरा सबद सगळी धरती माथै, अर उणरा वचन जगत रै एक छोर ऊं दूजै छोर तांई पूगिया।”
19
बल्कि म्हैं पूछूं हूं, कांई इजरायली कोनीं समझता हा? पैला ऊं मूसा कैवै है, “म्हैं थां लोगां रै मन में ऐड़ै लोगां रै जरियै जिकौ वास्तव में कोई जाति कोनीं है, जळण पैदा करूंला। म्हैं अविसवासी जाति रै जरियै थांनै रीस दिलाऊंला।”
20
पछै यसायाह हीमत रै साथै कैवै है, “म्हनै उण लोगां पा लियौ, जिकौ म्हनै कोनीं ढ़ूंढ़ता हा। म्हैं उणौरै लियै परगट हो गियौ, जिकौ म्हारी खोज खबर में कोनीं हा।”
21
बल्कि परमेसर इजरालियो रै बारै में कैवै है, “म्हैं सगळै दिन आग्या नीं मानणवाळा अर अपणै विरोधियो नै स्वीकार करणै रै लियै हाथ फैलाए रियौ।”
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 11 →
All chapters:
1
2
3
4
5
6
7
8
9
10
11
12
13
14
15
16