bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Marwari
/
Marwari Bible
/
Romans 16
Romans 16
Marwari Bible
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
1
म्हैं थौरे ऊं किंख्रिया री कलीसिया री सेविका है, जिकौ म्हौरी बेन फीबे है, उणरै लियै सिफारिस करूं हूं,
2
की थां जैड़ा परमेसर रा लोगां नै चाहीजै, उणौनै परभु में स्वीकार करौ, अर जिण किणी बात में उणनै थौरी जरुत हो, उणरी मदद करौ, क्यूंकै वो भी घणौ री बल्कि म्हारी भी मददगार रही है।
3
प्रिस्का अर अक्किला नै म्हारौ नमस्कार। वे मसीह यीसु में म्हारै साथै कांम करणवाळा है।
4
उणौनै म्हारै प्रांण बचानै रै लियै अपणै जीवन नै भी दाव ऊपर लगा दियौ हो। नीं सिरफ म्हैं उणौरौ धन्यवाद करूं हूं, बल्कि दूजी जातियो री सगळी कलीसिया भी उणौरौ धन्यवाद करै है।
5
उण कलीसिया नै भी म्हारौ नमस्कार जिकौ उणरै घर में भेळी होवै है। म्हारौ खास मित्र इपैनितुस नै म्हारौ नमस्कार जिकौ आसिया में मसीह नै अपनानै वाळौ में पैलौ है।
6
मरियम नै, जिणै थौरे लियै घणौ कांम कियो है नमस्कार।
7
अन्द्रुनीकुस अर यूनियास नै जिकौ म्हारा कुटम्बी है, अर म्हारै साथै जेळ में हा अर प्रेरितों में नामी है, अर म्हारै ऊं पैला मसीह में हा, म्हारौ नमस्कार।
8
परभु में म्हारौ खास मित्र, अम्पलियातुस नै नमस्कार।
9
मसीह में म्हौरै साथै कांम करणवाळा उरबानुस अर म्हारै खास मित्र इस्तखुस नै नमस्कार।
10
मसीह में खरै अर साचै अपिल्लेस नै नमस्कार। अरिस्तुबुलुस रै परिवार नै नमस्कार।
11
म्हारै कुटम्बी हेरोदियोन नै नमस्कार। नरकिस्सुस रै घराणै नै जिकौ लोग परभु में है, उणौनै नमस्कार।
12
परभु री सेवा में मेनत करणवाळी त्रूफैना अर त्रूफोसा नै नमस्कार। अपणी प्रिय पिरसिस नै नमस्कार, जिणै परभु री सेवा में घणी मेनत की है।
13
रूफूस नै जिकौ परभु में चुणयोड़ौ है, अर उणरी मां जिकौ म्हारी भी मां जैड़ी है, दोनो नै नमस्कार।
14
असुंक्रितुस अर फिलगोन अर हिरमेस अर पत्रुबास अर हिरमास अर उणरै साथै रै विसवासियो नै नमस्कार।
15
फिलुलुगुस अर यूलिया अर नेर्युस अर उणरी बेन, अर उलुम्पास अर उणरै साथै रै सगळै परमेसर रै लोगां नै नमस्कार।
16
आपस में हाथ मिळान नमस्कार करौ। थांनै मसीह री सगळी कलीसियाओ री तरफ ऊं नमस्कार।
17
हे भाइयो, म्हैं थौरे ऊं विनती करूं हूं, की थां जिकौ सिकसा पाई है, उणरै विपरीत थौरे में जिकौ फूट डाले है अर दूजौ रै विसवास नै बिगाड़े है, उण ऊं सावचेत रैवौ, अर उणौ ऊं आगा रैवौ।
18
क्यूंकै ऐड़ा लोग म्हौरै परभु मसीह री कोनीं, पण आपरै पेट री सेवा करै है। अर झूठी बातां करनै भोळे भाळे लोगां नै बहका दैवै है।
19
थौरे आग्या मांनणै री चरचा सगळौ लोगां में पूग चुकी है। इण वास्तै थौरे ऊं म्हैं घणौ खुस हूं, पण म्हैं चावूं हूं की थै भलाई रै लियै बुद्धिमान पण बुराई रै लियै भोळा बण्यौड़ा रौ।
20
सानति रौ परमेसर सैतान नै थौरे पगां ऊं जल्दी कुचला दैला। म्हौरै परभु यीसु मसीह रौ अनुग्रह थौरे माथै होतो रैवै।
21
म्हारै साथै कांम करणवाळा तीमुथियुस अर म्हारै यहूदी साथी लूकियुस, यासोन अर सोसिपत्रुस रौ थांनै नमस्कार।
22
इण चिठ्ठी रौ लेखक म्हैं तिरतियुस रौ परभु में थांनै नमस्कार।
23
म्हारौ अर सगळी कलीसिया रौ आदर सत्कार करणैवाळौ, गायुस रौ थांनै नमस्कार। इरास्तुस जिकौ नगरी रौ भंडारी है, अर भाई क्वारतुस रौ थांनै नमस्कार।
24
म्हौरै परभु यीसु मसीह रौ अनुग्रह थां सगळौ रै साथै रैवै। आमीन।
25
उणरी महिमा हो जिकौ थौरे विसवास रै अनुसार यानि यीसु मसीह रै संदेस रै जिण सुभ संदेस रौ म्हैं उपदेस देवूं हूं, उणरै अनुसार थांनै मजबुत बणाणै में ताकतवर है। परमेसर रौ ओ भेद सनातन ऊं छुपयोड़ो हो।
26
पण अबै परगट होयनै सनातन परमेसर री आग्या ऊं भविसयदाताओ री किताबो रै जरियै सगळी जातियो नै बतायौ है, की वे विसवास ऊं आग्या मांनणवाळा हो जावै।
27
उण एकाएक बुद्धिमान परमेसर री यीसु मसीह रै जरियै जुग-जुग महिमा होती रैवै। आमीन।
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
All chapters:
1
2
3
4
5
6
7
8
9
10
11
12
13
14
15
16